|
|
Volume 2
Volume 3
Volume 2, Fascicle 9
Page 115
01 tongki fuka sindaha hergen in dangse;
02 manju gurun i sure han i suwayan muduri jai aniya aniya
03 biyai ice juwe de, neneme dain de jafaha yen ju de bithe jafabufi
04 ning yuwan de takūrafi unggihe, yen ju, ning yuwan i dzung bing
05 guwan dzu da šeo i giyajan bihe, fulahūn gūlmahūn aniya sunja
06 biyade cooha 1/2 genefi, yen ju be bahafi jafafi gajiha bihe, yen ju de
07 unggihe bithe de henduhengge, ishunde amba gisun gisureci, ulhiyen
08 i badarame gisun wajirakū kai, dain oci, yaya gurun gemu jobombi,
09 taifin oci, yaya gurun gemu jirgambi, be taifin be buyeme juwe
10 gurun i jugūn neiki seme, fe han de hoošan deijime, 2/3 ice han tehe
11 doroi, be lama de hafan adabufi takūrambihe, jihe bithe be tuwaci,
12 sinagan de waliyahangge we, acaki seme gisurerengge we sere gisun
13 bisire jakade, takūrara be ilifi, jihe niyalma de neneme baha karun i
14 yen ju be adabufi fonjinggime unggihe, te bicibe dorolome jici sain
15 seci, unggiki; 3/4
Page 116
01 juwan ninggun de, yoto taiji i sargan jui be, han gajifi
02 ujifi gungju obufi, korcin i manjusiri taiji de buhe;
03 orin ninggun de, šun dekdere ergi geikeri gurun i duin amban,
04 dehi niyalma be gaifi han de hengkileme jihe, jihe doroi sarin sarilafi,
05 emu niyalma de 4/5 emte suje i ergume buhe;
06 orin jakūn de, coohiyan gurun i wang ni bithe isinjiha,
07 wesihun gurun jeku isirakū ofi, mende jeku udaki seci, hanciki gurun
08 i doro be herserakū tuwaci ojorakū, damu mini gurun cooha iliha
09 fonde, jakūn golo aššafi ts'ang ku 5/6 gemu untuhulehebi, tere dade,
10 duleke aniya niyengniyeri aga muke amba, juwari hiyariha ambula,
11 usin i erin ufarafi irgen jetere jalin dembei jobombi, jai šun tuhere
12 ergi golo de funcehe irgen ambula akū, wesihun gurun i jeo de cooha
13 bargiyaha amala, bucere de jailame ukaka liyoodung ni irgen ba bade
14 isafi, boo 6/7 hūwa be tuwa sindame talame, coko yendahūn be
15 sulabuhakū, cing cuwan ci wasihūn gemu orho suiha ubaliyakabi, tere
Page 117
01 be mini gisurere anggala, jihe juwe amban i yasai tuwaha, meni
02 gurun wesihun gurun de hūsun bisire teile faššaki serakūngge akū,
03 olhon moo de nimaha baici ai arga tucire, tuttu sehe seme, 7/8 mini
04 doro be bi wacihiyarakūci ojorakū seme, arkan ilan minggan hule bele
05 bahafi, wesihun gurun i gūnin de acabumbi, jai i jeo i giyang de
06 juwe gurun hūdašambi seme dorgi tulergi hūdai niyalma, wargi juwe
07 golo i funcehe irgen, ama eme juse sargan be joliki sere niyalma,
08 meni meni bele jeku ulin 8/9 tucifi gene sehe, wesihun gurun i jeku
09 udaki serengge, ede wajiha kai, jai emu gisurere babi, ishunde
10 hūdašarangge, meni meni buyere ciha, juwe yaya aisi be gūnimbi,
11 ergeleci ojorongge waka, wesihun gurun bele ulin ambula jikini
12 seci, hūda be necin salibuci niyalma ini cihai urgun i genere, emu
13 inenggi tesure be 9/10 bairakū, elheken i gamame ohode, meni
14 gurun i hūdai niyalma unun fiyana i bulun de heru hadaha gese
15 isinambi kai, irgen de dahūn dahūn i hendu, boljohon be ume jurcebure
Page 118
01 seme jecen i hafasa de afabuhabi, meni gurun oilo uttu gisurefi,
02 yargiyan i hūsun wacihiyame hūda neirakū oci, abka sakini, wesihun
03 gurun gidašame hūdašame ulin be durime 10/11 gaime irgen be urgun
04 i hūda jiburakū oso manggi, meni gurun be jurcehe seci, inu abka
05 sakini;
06 juwe biyai ice de, karacin i tabunang sei unggihe bithei gisun,
07 sure han de dureng guyeng, donoi gunji, nogūdara, wandan 11/12 weijeng,
08 ūlhei beise tabunang se bithe wesimbuhe, sure han i wasimbuha bithei
09 karu, cahar han doro akū, banjiha uksun be wame talame banjire be,
10 sure han, amba ajige beise gemu sambi kai, meni karacin i tumen be
11 fusihūlame, hehe juse ulha be gaihabi, meni han hūwang taiji,
12 bošoktu han, ordos jinong ni emgi yungsiyebu, asot, abaga, 12/13 kalka
13 ese jifi, tumet i gegen han i joo hecen de tehe cahar i duin tumen
14 cooha be saciha, meni han hūwang taiji juwan tumen cooha gaifi jihe,
15 tere jidere de cahar i ilan minggan niyalma, bayan sube de šang
Page 119
01 gaiki seme dosifi, nikan šang buhekū ofi, bedereme jidere be, karacin
02
03 i han hūwang taiji, 13/14 tere šang ni niyalma be ucarafi gemu waha,
04 hashū ergi aru i ilan abaga, kalka cooha juraki seme membe gaifi,
05 sure han i emgi cooha juraci antaka seme jihebi, sure han i genggiyen
06 de seole, ere juwe bithei gisun be tuwaci, cahar i han bethei fatan
07 weihuken aššahabi, ere aššaha ucuri morin tarhūbufi ere niyanciha de
08 14/15 non i abaga, karacin, tumet i emgi cooha jurambi, suwe cooha
09 juraki seci, suwe morin be tarhūbu, uksin saca coohai agūra be
10 dasa, suwe cooha jurandarakū oci, suweni ciha seme wesimbuhe;
11 ice juwe de, 15/16 taidzu i fon i fe gungge amban eidu baturu
12 i jui turgei uju jergi iogi be wesibufi ilaci jergi dzung bing guwan
13 obufi, gūsa de ejen sindaha, fiongdon jargūci i jui cakani be dzung
14 bing guwan obuha;
15 ice juwe de, solho i elcin isinjiha, jihe 16/17 bithei gisun,
16 takūraha niyalma, jidere elcin i emgi isinjifi gajiha bithe be tuwafi
Page 120
01 manggi * selaha, wesihun gurun neneme hūda neiki sehengge, tere
02 sain weile kai, wargi golo kokiraha efujehe be dahame, hūdašaci
03 mutere dursun akū seme hūdašaki sehe gisun de lak seme acabuhakū,
04 hūda neici ojorakū sehengge waka, te jihe bithe de henduhengge,
05 musei 17/18 tehe hecen de hūdašaci, damu bayan hūsungge urse de
06 tusa, buya irgen de tusa akū serengge, ere gūnin ambula inu, julgeci
07 ebsi hanciki gurun ishunde hūdašara kooli gemu jecen de, ainci enteke
08 jalin kai, wesihun gurun i niyalma geren, jeterengge isirakū jobocun
09 ofi, emu aniyai jeku udaki seci, gashan be 18/19 guwebure joboro
10 be gosirengge, hanciki gurun i doro, fusihūn gurun ai gelhun akū
11 kokiraha manaha seme siltambi, uthai jihe elcin i emgi hebešefi, irgen
12 be jecen de hūda gene seme unggimbi, bele jeku inu terei dolo bi,
13 damu wargi golo untuhulefi orho banjifi, niyalma šanggiyan lakcaha
14 be, jihe elcin i yasa saha, 19/20 goro ba i irgen, minggan baci jeku
15 juweci ja akū, gūniha de bahafi ambula acaburakū seme jobombi, jai
Page 121
01 gūnici, juwe gurun i hūdašarangge, amba weile, boljon bilan akū
02 balai oci ojorakū, inu meni meni erin boljohon be toktobufi, ishunde
03 dabarakū obuci acambi, hūdašara fonde, ciralame šajilafi ergelerakū
04 durirakū oci, niyalma 20/21 ambula urgunjeme genembi, ere gisun gemu
05 jihe elcin i šan de donjiha, wesihun gurun seolere be buyere, jai
06 hafasa de hendufi, arkan ilan minggan hule bele icihiyafi, emu minggan
07 be hūda de unggifi hūdašambi, juwe minggan be bai benembi, ere
08 mujilen okini sehengge, an i benerengge waka, wesihun gurun
09 alime gaijara be 21/22 buyere, juwe gurun i ishunde sain banjire ujen,
10 akdun jurgan de bi, ulin de akū, ulin bisire akū i jalin hajilara šumin
11 micihiyan ojorongge, tede ambasa saisai girucun, musei juwe gurun i
12 targaci acarangge kai, geli emu bithe de henduhengge, ukaka irgen be
13 jafafi amasi benju sere weile be, neneme gūniha be gemu 22/23
14 wacihiyame gisurehe bihe kai, tumen bucere ci funcehe irgen, encu
15 bade oljilabufi, baniha ba na be kidume ergen be šelefi ukame jime,
Page 122
01 jugūn de geceme yuyume, bahafi weihun amasi isinjihangge, gūnici
02 tanggū de emken juwe akū, embici bihe seme, irgen i ama eme ofi,
03 dade karmame mutehekū oso, geli jafa, huthufi beneci unenggi 23/24
04 dolo jenderakū, niyalmai gūnin de jenderakūngge, abkai mujilen de
05 seme acarakū, juwe gurun gisurendufi doro acaha, acaha amala sakda
06 asihan be sindafi, ama jui eigen sargan dahūme bahafi acaci, yala
07 sain oho tusa, wesihun gurun de bicibe, emu sain weile kai, jabšan
08 de geli gūnifi tacibuki, gin wei tung ni weile be 24/25 donjifi sesulaha,
09 tere embici ini cisui giyansi yabuci, saburengge waka, fusihūn gurun
10 de ere weile lasha akū, te ini bade hendufi baicabufi jafafi baitalaki,
11 duleke aniya i jeo de tehe cooha be tatafi, dahanduhai gosime meni
12 dain de gaibuha niyalma be amasi bederebuhengge, ere jurgan ambula
13 amban, onggoci ojorakū, baniha 25/26 genere be elhešefi, ulhisu akū
14 jalin šumilame girumbi;
15 manju gurun i sure han i karacin de takūraha elcin be, cahar
Page 123
01 i dolot gurun juwe jergi tosofi waha manggi, manju gurun i 26/27
02 sure han, komso cooha be gaifi, cahar i monggo alakcot gurun be
03 dailame, juwe biyai ice jakūn de bonio erinde juraka, dadai subargan
04 de deduhe, tere inenggi, han geren beise ambasa be isabufi hendume,
05 ere fonji jihengge gemu simnefi jihe sain haha, ai ambula cooha,
06 faksikan i yabuki, facuhūn ume yabure seme fafulaha; 27/28
07 tofohon de, han geren beise i baru hendume, suwe siliha cooha
08 gaifi juleri yabu, bata ucaraci, faksikan i kafi jafa, akū bisire
09 medege be tede enderakū, be geren ing be gaifi suweni siranduhai
10 genembi seme hendufi unggihe, juleri tucifi genehe beise, niyalma
11 jafafi fonjici, oo muren de sereng cing baturu, gurun baising 28/29
12 yooni bi seme alaha, tereci geren ing be aliyafi gemu uksilebufi, han
13 beise i beye gaifi feksifi, dolot gurun i dorji hatan baturu feye bahafi
14 burulame tucike, juse sargan be gemu baha, guru taiji be waha, olji
15 emu tumen emu minggan juwe tanggū baha, monggo nikan emu
Page 124
01 minggan duin tanggū haha be boigon araha, tereci 29/30 funcehe be olji
02 araha;
03 juwan nadan de, dain be etehe doroi abka de hengkilehe, baha
04 olji be hafan cooha de afafi feye baha niyalma de jergi bodome
05 šangnaha;
06 orin emu de, amasi songko de tabcilame sain morin be 30/31
07 sonjofi unggihe, emu tanggū gūsin morin, nadanju ihan baha, baha
08 olji be genehe hafan cooha de šangnaha;
09 orin duin de, cahar ci ukame genere ukanju i songko fehubufi,
10 han beise i beye gaifi feksifi juwe tanggū boo baha, jai inenggi jakūn
11 ihan wame, 31/32 abka de tu wecehe, tere inenggi, sure han i joo bithe
12 jafabufi, karacin i ūlhei beise tabunang sede elcin takūraha, suweni
13 unggihe bithe de cahar i han i ehe banjire ba, jai doroi turgun de
14 arahabi, te bicibe, doro be akdulame gisureki seci, juwe tabunang
15 ujulafi, ūlhei beise burtei elcin unggi, tere elcin jihe manggi, ai
Page 125
01 ai gisun be tede gisureki seme unggihe; 32/33
02 ilan biyai ice nadan de, simiyan i hecen de isinjire inenggi,
03 jugūn de amba sarin sarilara de, han hendume, abkai kesi de, buya
04 deote be gaifi komso cooha be gamame, encu gurun be dailame genefi
05 bahame same urgun i yabuha, buya juwe deo de gebu buki seme 33/34
06 juwe deo, dorgon de mergen daicing, dodo de erke cūhur seme gebu
07 buhe, tereci jurafi jidere de, han beise be isinjimbi seme donjifi,
08 hecen tuwakiyame tehe amin beile, dudu taiji, yoto taiji, geren beise
09 ambasa be gaifi juwan ba i dubede okdofi, 34/35 han de jergi bodome
10 ilhi ilhi niyakūrame hengkileme tebeliyeme acame wajiha manggi,
11 cooha genehe beise ambasa, okdoko beise ambasa, jergi bodome ishunde
12 niyakūrame hengkileme tebeliyeme acame wajiha manggi, jurafi
13 simiyan i hecen de bonio erinde isinjifi, tangse de hengkilefi boode
14 dosika; 35/36
15 ice jakūn de, solho i elcin isinjiha, bithe de henduhe gisun,
Page 126
01 hūi ning de hūdašara weile juwe gurun sain oci tetendere, hoksondure
02 ba akū, damu neneme warka sa ninggun golo de tehengge ambula ofi,
03 tuttu gurun i hūda tubade isinafi hūdašambihe, te warka lakcafi
04 hūdašarakū goidaha kai, wesihun gurun tubabe ainahai bahafi
05 wacihiyame sambini, 36/37 i jeo de hūdašara be, udu angga aljacibe,
06 dain cooha de irgen kokirafi, goroki hanciki hūdai niyalma be gene
07 seme henduci, hono boljohon de bahafi generakū ojorahū sembi, juwe
08 bade hūda neire anggala fusihūn gurun i weile hūsun akūmbume
09 muterakū yargiyan, tuttu akūci ubade hūdašambime tubade hūdašarakū
10 doro bio, weile 37/38 deriburei tuktan de, duberei jalin bodoho de,
11 amala yargiyan ombi, seoleki;