|
|
Volume 2
Volume 3
Volume 2, Fascicle 7
Page 89
01 tongki fuka sindaha hergen i dangse;
02 nadan biyai ice duin de, han, dahame jidere monggo i beise
03 be okdome, durbi ala ci liyoha be doome ibefi, juwan ba i dubede
04 tataha;
05 ice sunja de, dahame jihe monggo i beise be acabure de, 1/2
06 han, geren beise be gaifi ing tucime okdofi, acaha bade han, dahame
07 jihe monggo i beise be gaifi abka de ilan jergi hengkilehe, hengkileme
08 wajiha manggi, han, bederefi soorin de tehe, amba beile ici ergi de
09 tehe, amin beile hashū ergi de tehe, geren beise ambasa, meni meni
10 gūsa gūsai faidaha, dahame jihe monggo i beise, 2/3 han i ing de
11 dosime jifi, jakūn morin de enggemu tohofi yarhūdame julesi ibefi
12 hendume, be cahar i han be ehe seme, sure han be baime jihe, han
13 de hūturi baime hengkilembi seme han de gisun wesimbuhe, han
14 hendume, cahar i han be ehe seme, mimbe baime 3/4 goro baci jobome
15 jihe beise be, bi ainu hengkilebumbi, gese tebeliyeme acaki sehe
Page 90
01 manggi, monggo i beise jabume, meni bade bici, tebeliyeme acambi
02 dere, han be baime jifi, han i irgen ofi han de hengkilerakūci,
03 giyan de acarakū, han de hengkilefi, ilan amba beile de hengkileki
04 seme 4/5 jabuha manggi, beise jabume, goro baci jobome jihe beise be,
05 be ainu hengkilebumbi, han de hengkilehe manggi, muse se i ahūn i
06 bodome acaki seme jabuha manggi, dahame jihe monggo i beise, han
07 de hengkileme jidere de, han, geren beise ambasa gemu iliha, monggo
08 i beise hengkilere de, han ishun tebeliyehe, tereci ilan amba beile,
09 geren beise, 5/6 dahame jihe monggo i beise, se i bodome ishunde
10 tebeliyeme acaha, acame wajiha manggi, ceni gajiha arki anju be
11 han de angga isibuha, han i ici ergi de hūng baturu be tebuhe, hashū
12 ergi de dureng, secen joriktu be tebuhe, buya taijisa be juwe ashan
13 de tebufi, amba sarin sarilaha, monggo i ilan beile de acinggiyame
14 foloho enggemu hadala 6/7 tohohoi emte morin šangnaha, sunja morin
15 de jai jergi enggemu hadala tohohoi sunja taiji de šangnaha, dahame
Page 91
01 jihe monggo i beise morin šangnaha doroi han de hengkilefi bederehe;
02 ice ninggun de gashūha gisun, sure han, dergi abka de
03 gashūmbi, cahar han ini doro be 7/8 efuleme, banjiha ahūn deo be
04 umai takarakū, weile akū sunja tatan i kalka be efulehe turgunde,
05 aohan, naiman i beise, cahar han de eherefi, sure han de nikeki seme
06 jihe be gūnirakū, jasei dolo dosimbufi ini irgen i adali gaifi banjici,
07 sure han, amba beile, amin beile, manggūltai beile, abatai, degelei,
08 ajige, dudu, yoto, šoto, sahaliyen, 8/9 hooge, esebe gemu abka wakalafi
09 se jalgan foholon okini, uttu gosime banjire de, dureng, hūng
10 baturu, secen joriktu, tusiyetu, daicing darhan, sanggarjai, ocir, dulba,
11
12 ere geren beise suwe cahar i šusihiyere gisun de dosifi, membe
13 waliyafi fudasihūn gūnici, suwembe abka wakalafi suweni se jalgan
14 foholon okini, yaya niyalma gisurehe gisun de isibume banjici, 9/10
15 abka gosifi musei se jalgan golmin ofi, juse omosi fuseme tumen
16 aniya minggan jalan de isitala jirgakini seme gashūha;
Page 92
01 ice nadan de, monggo i beise, orin ihan, juwe morin, duin
02 tanggū honin wafi han be sarilaha, juwan de simiyan i hecen de 10/11
03 amasi bedereme dobori jidere de, han i juleri tukiyehe hashū ergi
04 dalbai ajige tu i ninggude, giltahūn genggiyen elden eldeke bihe;
05 juwan de, solho de elcin genehe fujiyang lio hing dzo,
06 ts'anjiyang inggūldai emgi solho wang lii dzung, ini deo be bederebuhe
07 seme 11/12 baniha arame, fujiyang šen jeng hū, piyoo lan ing be
08 takūrafi, baci tucire doroi jaka benjime isinjiha, han yamun de tucifi
09 tehe manggi, solho i elcin fujiyang šen jeng hū, piyoo lan ing benjihe
10 ulin be yamun de faidafi, ini gurun i doroi hengkileme acaha, terei
11 gajiha bithe de henduhengge, abkai 12/13 fejile silhata emhun gurun
12 akū, duin jecen i tulergi de urunakū hanciki gurun bi, kamcifi
13 hajilaci, juwe gurun de gemu elhe taifin i hūturi, temšeci, bata ofi
14 irgen ishunde wabure bucere jobolon, dergi abkai gosin amban, terei
15 saišara ubiyarangge urunakū bikai, bi wesihun gurun i emgi meni
Page 93
01 meni bilaha babe 13/14 tuwakiyame, ishunde nungnere dailarakū ududu
02 aniya oho kai, duleke weile ishunde waka uru be yaya gisurerakū
03 nakafi, damu ereci deribume acaha doro be enteheme akdulafi, dergi
04 abkai irgen be gosire mujilen de acabume banjire be ambula buyere,
05 sitahūn i deo be jiramin gosifi, cohome elcin takūrafi bederebume
06 benjire jakade, 14/15 akdun jurgan micihiyan akū be wacihiyame
07 saha, jai jihe bithe be tuwaci, goro goidame sain banjiki seme
08 henduhebi, tere meni gurun i canggi de emhun hūturi semeo, šumin
09 urgunjembi, sirame henduhengge, ereci amasi, juwe gurun i irgen
10 jase dabame ukaci, yaya ishunde amasi bederebuki, ume singgebure
11 sehebi, tere gisun i songkoi ohode, 15/16 damu meni gurun i
12 niyalma dain de gamabufi wesihun gurun de bisirengge, ama eme, ba
13 na be gūnime, ergen be šelefi ukame jimbi, tere niyalmai enen i
14 gūnin i mohon, dergi abka seme gosire ba kai, bi irgen i ama eme
15 ofi, dade dain i fonde karmame bahakū bime, ini cisui jihengge
Page 94
01 be geli huthufi 16/17 beneci, uba abkai giyan de antaka, ainaha seme
02 deribume jenderakū, jabšan de seolere be buyere, jai ere emu udu
03 biya ci ebsi, dolo wesihun gurun be ferguweme gūnire be, emke
04 emken i tucibume alarakūci, tere jingji akdun i banjindurengge waka,
05 dade gashūre de, meni meni ba na be tuwambi seme gisurefi, 17/18
06 cooha bederehe amala, funcehe geren geli meni bade tefi, irgen be
07 bošome usin weilebure, duin ici tabcilame jeku be durime gaijara be
08 wesihun gurun sarkū semeo, ambula dade erehe ba waka, narhūšame
09 gūnifi sain i icihiyara be buyere, tacibure be baime unenggi mujilen i
10 alambi, kimcime seoleki; 18/19
11 juwan ninggun de, solho i elcin šen jeng hū, piyoo lan ing se
12 genere de, solho wang de unggihengge, jakūn silun, seke tanggū, deo
13 de juwan duin seke, dobihi duin, ninju yan menggun, elcin jihe juwe
14 fujiyang de silun dahū emte, gecuheri etuku emte, niruha enggemu
15 19/20 foloho hadala kūdarhan tohohoi emte morin šangnaha, dain de
Page 95
01 jafaha giyang gung liyei, piyoo lan ing juwe hafan i juwe jui de
02 emte puse noho etuku, emte enggemu hadala tohohoi morin šangnaha,
03 jai sindafi unggihe u hi nan, piyoo gui ing juwe hafan de emte morin,
04 emte etuku šangnaha, dahame jihe dehi 20/21 nadan niyalma de mocin
05 i etuku emte, juwete yan menggun šangnaha, sindafi unggihe hafan
06 giyang gung liyei de uyunju yan menggun unggihe;
07 nadan biyai juwan uyun de, sure han, solho i elcin šen jeng
08 hū, piyoo lan ing ni emgi asidarhan, bakiran be bithe jafabufi elcin
09 21/22 unggihe, tere bithede henduhengge, muse juwe gurun weile akū
10 sain banjire de, nikan i turgunde ehe oho, kemuni sain banjire
11 giyan ofi, abka dasame acabuha, ere acaha doro be yaya gemu
12 hairame ishunde sain banjici, juwe gurun de gemu hūturi, abkai
13 fejergi gubci gurun donjici, musei gebu inu sain, acaha doro be
14 buyeme efuleci, tere 22/23 efulehe niyalma be abka wakalarakūn, i jeo
15 de meni cooha tehengge, simbe akdarakū tehengge waka, muse dain
Page 96
01 ohongge nikan i turgunde dain oho, acaha doro be nikan geli
02 efulerahū seme, nikan be tuwakiyame tehebi dere, te nikan be sini
03 jasei dolo olhon de halburakū oci, nikan be halburakū seme, wang
04 deo sini bithe, i jeo de 23/24 tere irgen, tuwakiyara cooha jici, meni
05 cooha uthai waliyafi jikini, i jeo de tere irgen cooha, i jeo de
06 isinjire onggolo mini cooha bedereci, tere šolo de nikan jifi
07 terahū, jai ukanju i jalin de ama eme be baime jihengge amasi
08 huthufi buci, dolo jenderakū seme henduci, sohon honin aniya, suwe
09 cooha jifi mini donggo, warkasi 24/25 golo be waha, terei amala mao
10 wen lung be halbufi, liyoodung ni ukanju be alime gaiha, tere
11 turgunde suwembe dailaha, dain de hoton afaci, geli bucehekūbio,
12 suweni waha gaiha turgunde korsome, beye buceme afafi baha olji,
13 ukanju be, si buci dolo jenderakū seci, suweni dain jifi waha niyalmai
14 ama jui, ahūn deo fakcahakūbio, liyoodung ni ukanju i ejen, aha 25/26
15 ejen delhehekūbio, tere fakcaha delhehe niyalma geli korsofi, ini
Page 97
01 ukanju i karu gaime genefi jafara hūwaitara gajici, weile ulhiyan *
02 i badarafi, musei doro acahangge tusa akū ojoro ayoo, ukanju
03 be bahaki seme doosidame hendurengge waka, doro facuhūn ojorahū
04 seme hendumbi, doosidame gūnici, uju fusifi mende dahaha tutala
05 irgen be, gashūha amala ainu bederembi, wang deo seolefi ukanju be
06 26/27 urunakū bederebu, ama eme, ahūn deo de emgeri acanjiha
07 niyalma be adarame bure seci, ukanju beyebe tucibufi ba boljofi,
08 ukanju i ejen i gala de jafabume bu, juwe ejen cihanggai ishunde
09 jolime icihiyame gaisu, yaya gurun membe etembi bahambi seme,
10 hūsun i durime dailambi sembi, be hūsun i durime dailarakū, membe
11 gūwa fusihūlame gidašaci, meni uru be 27/28 abka de habšafi dailaha,
12 weile akū gurun de meni hūsun i durime dailahangge akū, dain geli
13 saiyūn, taifin geli eheo;
14 jakūn biyai juwan jakūn de, korcin i tusiyetu efu de buhe
15 junje gungju be fudeme, han, geren beise ambasa be gaifi, orin ba i
Page 98
01 dubede 28/29 emu dedume fudeme genefi, yamji cimari sarin sarilafi
02 jurambume fudeme genere de, han, junje gungju i yaluha morin be
03 kutulefi, yasai muke tuhebume fudeme juwan ba i dubede isinafi, han,
04 morin ci ebufi, gungju, han be tebeliyefi songgoho, geren beise be
05 gemu aname tebeliyefi songgoro de, 29/30 han, beise gemu den jilgan
06 i ama taidzu horonggo enduringge han be hūlame songgocoho, tere
07 songgocoro de, geren gemu yasai muke tuhebuhe, gungju be tafulaci,
08 ojorakū ofi, han hendume, gege joo, genere bade gene, genehe bade
09 eigen de acabume, uba i amjita eshete be urgunjebume saikan banji,
10 ere jugūn lakcambio, ganame jime amasi 30/31 julesi yabumbi kai seme
11 hendufi, tereci morilafi emu jergi songgocofi, gege i morin i yarfun
12 be, han i galai ajige taiji de jafabufi julesi unggire de, gege be
13 gajiha sanggarjai hiya i baru han hendume, cahar i han, suweni
14 gurun de cooha genehede, ama han majige tusa araha, tusiyetu efu
15 beye tusa araha be gūnime, 31/32 han ama de acanjime jidere jakade,
Page 99
01 ahūngga niyalma ci deo, deo niyalma ci ahūn obume jui araha, jui
02 arafi geli elerakū niyaman jafame jui buhe, ama han i buhe be
03 lashalarakū, komso bicibe fudembi, be ama han i ilibuha doro be
04 tuwakiyame muterakū doro efujeci ainara, abka gosifi ere kemuni
05 banjici, buhe jui be absi 32/33 ujire be tusiyetu efu sambi dere seme
06 henduhe manggi, sanggarjai hiya jabume, han i henduhe gisun be
07 ejefi alanara dabala, be aiseme jabure seme hengkilehe, gungju de
08 ulin, ulha, niyalma, seke, silun i dahū, jibca, aisin, tana, sain tetun
09
10 ambula fudehe, danggalai be juwe gurun i doro acabuha, beyebe
11 hairandarakū boo be 33/34 gūnirakū yabufi, doro acabume wajiha seme,
12 joriktu darhan seme gebu buhe, jakūn beile i duka be ilga akū
13 yabukini sehe;
14 tere inenggi, cahar i alakcot gurun i bar baturu, nomun dalai,
15 coir jamsu, ere ilan beile tofohon haha, juwan duin hehe, juwan juse,
16 dehi sunja morin gajime ukame jihe, 34/35 han de niyakūrame acaha,
Page 100
01 tereci ilan amba beile de, han de acaha songkoi acabufi sarin dagilafi
02 sarilaha, uyun tokso emu tanggū haha, emu tanggū ihan, ilan tanggū
03 honin, jušen dehi boo, seke i mahala duin, foloho umiyesun duin, seke
04 i hayaha jibca duin, seke i dahū emke, silun i dahū emke, dobihi
05 dahū juwe, tasha i dahū juwe, 35/36 gecuheri cekemu suje mocin samsu,
06 aisin menggun, enggemu hadala, tere boo, usin, agūra tetun, niyalmai
07 baitalara jaka be gemu yooni šangnaha;
08 orin juwe de, nio juwang de tehe ambasa, liyoha de juwan
09 cuwan jifi ilihabi, musei ilan cuwan ninggun weihu hanci geneci,
10 aššarakū 36/37 ofi, jai ilan gūsai niyalma afambi seme cuwan dasambi,
11 wasihūn tuwaci, cuwan i emke emken i unduri sabumbi seme alanjiha
12 manggi, yoto beile be emu gūsai emte amban, ilan tanggū cooha be
13 gamame genefi dacila seme unggihe, yoto beile isinafi gisun wesimbume,
14 geren cuwan liyoha de ilihabi, ilan ajige cuwan, emu amba cuwan,
15 37/38 ula * i muke be dosime jihe bihe, jecen de tehe ambasa dungsilu,
Page 101
01 fadu, daida, garda, tarbahi, ere sunja nofi gaifi juwe ergi be gala
02 arame kafi, jihe duin cuwan be gemu jafaha, emu šeobei, juwe
03 ciyandzung, juwe bedzung, uheri juwe tanggū isime niyalma be gemu
04 waha, amba poo tofohon, miyoocan orin sunja, cu 38/39 niru emu
05 tanggū nadan, loho juwan ilan baha seme wesimbuhe;
Page 102
01