|
|
Volume 2
Volume 3
Volume 2, Fascicle 60
Page 865
01 tongki fuka sindaha hergen i dangse;
02 omšon biyai ice nadan de, han amasi jime simiyan hecen i dorgi
03 be dasara duka be honin erinde dosika;
04 omšon biyai ice jakūn de, ning yuwan de takūraha weijeng
05 nangsu lama isinjiha, lama i alaha 1/2 gisun, ning yuwan i hafasa
06 hendume, suweni bithe be fempilehebi, meni han i gisun akū neici
07 ojorakū, lama si amasi gamafi sini han de hendufi bithei fadu be
08 fempilerakū unggici, suwe hūdun jio, be tuwafi meni han de wesimbure
09 seme bederebuhe; 2/3
10 juwan de, weijeng nangsu be geli takūraha, ineku neneme
11 unggihe bithei fadu i angga be fempilehekū unggihe, jai emu bithe be
12 nonggime arafi unggihe bithei gisun, aisin gurun i han i bithe, ning
13 yuwan i ambasa de buhe, mini acaki seme kicerengge, geren ergengge
14 be hairame niyalma ambula wara be jenderakū acaki sembikai, utala
15 acaki seci, suwe ojorakū, 3/4 yala oci suwe amba gurun doro be
Page 866
01 buyere giyan kai, nememe suwe doro be baitalarakū, acaki seci
02 ojorakū oci, bi te mini gashūha be sume dasame abka de habšafi, mini
03 muterei teile niyalma wame dailambi, uttu ohode hode suwe ainaha
04 seme uru akū, bi ainaha seme waka akū ombi dere, waka uru be beidere
05 4/5 abka endembio, ere bithe be lama si somi, nenehe bithe be alime
06 gaijara sain gisun gisurere oci, ere bithe be ume tuwabure, nenehe
07 bithe be alime gaijarakū sain gisun akū oci, ere bithe be lama si
08 tucibufi bu seme unggihe;
09 juwan emu de, coohiyan gurun i wang lii dzung, 5/6 fujiyang
10 fan * šu gi be takūrafi doroi jaka benjime ini mama i sinagan de
11 unggihe karu baniha arama ** jihe;
12 juwan ilan de, han joo bithe wasimbume, ninggun jurgan i
13 beise i baru hendume, doro be toktobume ninggun jurgan banjibure de,
14 manju 6/7 nikan monggo i ambasa be meni meni jurgan de aliha amban,
15 ashan i amban seme juwe jergi banjibufi sindahabi kai, te tuwaci tere
Page 867
01 ilire bade jergi be tuwarakū, amba ajigan balai hūlašabume tembi, tut
02 tu
03 oci doro be adarame toktobumbi sehe;
04 orin juwe de, kubuhe lamun i uksun i fiyanggū 7/8 age i gūsai
05 giyasalan iogi, doolan beiguwan be dalingho hoton i duka i ulan i
06 jakade afafi tuheke mungtan i giran be safi gajihakū turgunde,
07 tanggū šusiha tantafi hafan efulehe;
08 tere inenggi, yung ping, dalingho i dzung bing guwan i jergi
09 hafasa de orin sunjata yan, fujiyang ni 8/9 jergi hafasa de orita yan,
10 iogi ts'anjiyang ni jergi hafasa de juwanta yan, beiguwan šeobei i jergi
11 hafasa de sunjata yan šangnaha, yung ping, dalingho i dzung bing
12 guwan fujiyang ts'anjiyang iogi sa menggun šangnaha doroi han de
13 hengkilehe, han geren hafasa be dosimbufi sarilaha, yung ping, dalingho
14 i nikan hafasa be beiguwan ci fusihūn šeobei 9/10 dusy ci wesihun,
15 dorolon i jurgan be sarila seme sarilabuha;
16 juwan nadan de, aru i dusg'ar jinung, kitat cūhur gebungge
Page 868
01 taiji sunja tanggū haha hehe juse adun ulha boigon yooni gajime
02 ubašame jifi, han de morin temen benjime hengkileme jihe; 10/11
03 juwan jakūn de, manju gurun i sure han, baduri, cahara,
04 dungnami be coohiyan gurun de takūrafi, aniyadari emu aniya emu
05 jergi aisin tanggū yan, menggun minggan yan, hacin hacin i miyanceo
06 minggan, hacin hacin i jodon minggan, hacin hacin i narhūn boso tumen,
07 yarha sukū tanggū, hailun duin tanggū, mukei ihan i weihe emu tanggū
08 juru, su mu juwe tanggū gin, 11/12 amba hoošan minggan kiyan, ilhi
09 hoošan minggan kiyan, muduri noho narhūn derhi emke, hacin hacin i
10 alha derhi tanggū, hū jiyoo juwan to, šempi juwe tanggū, sain loho
11 orin, seleme orin, sung lo cai juwe tanggū boose benju seme takūrafi
12 unggihe;
13 juwan uyun de, monggo i cahar gurun ci 12/13 jakūnju duin
14 niyalma emu tanggū juwan juwe morin gajime ukame jihe;
15 jorgon biyai ice juwe de, han joo bithe wasimbume hendume,
Page 869
01 mini beye ci fusihūn jakūn gūsai beise yaya gašan i giyai de tuweri
02 juwari gemu ergume etu, sijigiyan ume eture, bigan de 13/14 tucifi
03 yabure de sijigiyan etu, tuweri doroi bade oci sahaliyan dobihi amba
04 mahala etu, bai bade oci moncon hadaha sekei mahala, muheliyen
05 sekei kamtu mahala yaya etu, niyengniyeri bolori doroi bade moncon
06 hadaha sekei mahala etu, juwari oci sorson hadaha deresu boro etu,
07 suje gecuheri be bahara be tuwame etu, suwayan suje be ume eture,
08 sunja ošoho i muduri 14/15 ume ifire, han i buhengge oci etu, suje i
09 gūlha be balai bade ume eture, juwari goksi be doroi bade etu, jai
10 jakūn booi fujisa boode eture jalin de neneme bithe wasimbuha bihe,
11 te bigan de tucici tuweri juwari gemu ojin teleri etu, tuweri
12 oci moncon hadaha sekei mahala, juwari oci moncon hadaha deresu
13 boro etu, jai yaya fujisa sain 15/16 etuku be eturakū guise de asarafi
14 buceci gamaki serengge, ere banjire de etuhekū etuku be bucere de
15 etufi bucehe bade gaijarangge, ere ucaraha beise ci wesihun eigen be
Page 870
01 tuwafi sindahabio, hairaka jaka be weihun de etufi manabure hoilaburakū
02
03 ofi, baibi tuwa de fulenggi obufi ainambi, ere gisun be geren fujisa
04 suwe seolefi asihan be amcame miyamici ucuri be 16/17 amcame etuci
05 sain kai, asihan de miyamihakū ofi sakdaka manggi ume kororo, weihun
06 de etuhekū ofi bucere de ume nasara, ere šajilaha gisun be jorgon biyai
07 orin ci baica sehe;
08 han joo bithe wasimbume hendume, gurun i manju nikan monggo
09 i gūsa ejelehe amban ci fusihūn, daise janggin juwan 17/18 bayara
10 nirui sula bayasa ci wesihun, gašan i giyai de tuweri juwari gemu
11 ergume etu, sijigiyan ume eture, entehehme yadahūn baharakū niyalma
12 oci, hūhūba sijigiyan etukini, ergume bahara baharakū be meni meni
13 gūsai ejen tuwame ilga, bigan de ohode, yaya gemu sijigiyan etu,
14 jai han beise i sula hiyasa daise janggin juwan bayara ci wesihun,
15 bahara niyalma oci, suje etukini, 18/19 tereci fusihūn yaya niyalma
16 suje ume eture, mocin etu, suje ume eture mocin etu serengge, geren
Page 871
01 be nakabufi dele elgiyen okini serengge waka, hūda bodoci emu suje
02 i hūda de juwan mocin bahambi, emu suje de emu etuku, juwan mocin
03 de juwan etuku banjimbi, suje mangga bime haji, mocin i hūda ja bime
04 elgiyen, ubabe gūnifi geren yadara de tusa 19/20 okini seme šajilambi,
05 hehesi suje mocin eturengge, meni meni eigen be dahame etu, jai
06 mahala tuweri oci sorson hadaha muheliyen kamtu mahala, juwari
07 oci deresu boro bahaci deresu boro, deresu boro baharakū oci sekiyeku
08 boro etu, suje etukini sehe niyalma suje gecuheri be bahara be tuwame
09 etu, suwayan haksan boco ume eture, sunja ošoho i muduri ume ifire,
10 dergici 20/21 buhengge oci etu, sahaliyan dobihi amba mahala be ya
11 ambasa sini cisui enculeme arahangge oci ume eture, naka, dergici
12 buhengge oci etu, suje i gūlha be balai niyalma ume eture, suje etu
13 sehe niyalma etukini, etumbi seme doroi bade sarin de oci etu, balai
14 bade ume eture, jai suwayan dobihi amba mahala seme giyai de ume
15 eture, bigan de 21/22 beikuwen de etu, moncon hadaha mahala, gūwa
Page 872
01 hacin i furdehe i mahala, kubun i mahala be umesi naka, jai onco
02 umiyesun furdehe kubun i ulhi akū dehele be gašan i giyai de ume
03 eture, ume umiyelere, bigan de tucici etu, umiyele, ere šajilaha gisun
04 be jorgon biyai orin ci baica sehe; 22/23
05 han joo bithe wasimbume hendume, gurun i monggo beise i sargata
06 monggo hehesi, tuweri juwari gemu ojin teleri etu, tuweri oci
07 moncon hadaha sekei mahala, juwari oci moncon hadaha boro etu,
08 sorson hadaha furdehe i mahala, kubun i mahala, sorson hadaha
09 fangkala boro be ume eture, umesi naka, sorson hadaha mahala boro
10 be ume eture, naka serengge, monggo hehesi suwe sorson de 23/24
11 amuran, emu amba suje be emu mahala i sorson de wacihiyara de
12 akame šajilambi, ere šajilaha gisun be jorgon biyai orin ci baica
13 sehe:
14 tere inenggi, sure han i ilaci ahūn hošoi manggūltai beile juwe
15 inenggi ajige ajige nimehe, ilaci inenggi muduri erinde manggalafi 24/25
Page 873
01 gūwaliyakabi seme han beise gemu genefi tuwakiyame bifi, honin erinde
02 han, amba beile boode jihe, geren beise ambasa kemuni nimere beile be
03 tuwakiyame bihe, bonio erinde beile i beye bederehe, ulgiyan aniya,
04 dehi ninggun se bihe, han beise geren fujisa gemu genefi jai ging de
05 isitala songgocome bisire de, manggūltai beile i amba fujin 25/26 dahaki
06 seme han de fonjibume, bi utala banjifi beile eigen ci adarame tutambi,
07 dahambi sehe manggi, han hendume, sini juse buya, ama akū seci
08 eme geli akū oci, juse ai simen de hūwašambi seme tafulara jakade,
09 fujin jabume, bi bihe seme encu hacin i ujire ai bi, 26/27 han eshen,
10 beile amji geren i ujime sambi dere seme funiyehe faitarakū ancun
11 surakū ambula maraha, han hūsutuleme tafulame donggo gege be beise
12 be takūrame funiyehe faitabuha, ancun suhe, juse be gosime fujin i
13 dahara be nakabuha, jai ula i fujin dahaki sere jakade, han hendume,
14 age sinde sain banjihakū bihe, dahaci acarakū 27/28 seme henduhe manggi,
15 fujin jabume dade minde sain banjiha bihe, han amha de dorolohakū
Page 874
01 turgunde mimbe wasibuha, te bicibe beile eigen ci tutafi banjiha doro
02 bio seme hendufi, gūwa boode genefi ini cisui dahaha, jai sula hehe
03 emke ini cisui dahaha, sinagan i doroi 28/29 han beise fujisa emu hala
04 i uksun i niyalma gemu mahala i sorson suhe, ini gūsai ambasa ci
05 fusihūn gemu sorson subuhe, hehesi be gemu sinahi hūwaitabuha,
06 singgeri erinde ilaci ging de han amba beile, eshun beise fujisa gurun
07 de mama i mejige ambula ofi boode bedereme jihe, han boode dosikakū
08 dulimbai ashan i dukai fejile tefi gerembuhe, 29/30 tere dobori yoto
09 beile, mergen daicing beile, hooge beile, ere ilan beile i baru gasame
10 hendume, emdubei banjire emdubei bedererengge, gemu daci jihe kooli
11 kai, yaya niyalma bedereci etuku etubume aika jaka icihiyame wajiha
12 manggi, geren dosifi gasaci sain kai, umai jabdunggala gere dosici
13 facuhūn seme henduhe, jai inenggi meihe erinde beile fujin i giran be
14 meni 30/31 meni encu hobo de sindafi tucibuhe, benere de juwan ilan
15 morin de enggemu hadala tohofi, juwe morin de uksin saca acifi, ilan
Page 875
01 temen de monggo boo sektere dasire jetere ai ai jaka yooni acifi,
02 suwayan sara emke, juwe amba tu, juwan kiru, yarha uncehen hūwaitaha
03 duin gida, tungken laba 31/32 ficakū yooni faidafi, gašan dube tucime
04 benehe, ere benere de urehe beise jakūn gūsai manju nikan monggo i
05 ambasa gemu genehe bihe, mama i mejige bi seme han, eshun beise
06 genehekū, han jai inenggi dulimbai dukai dolo monggo boo arafi
07 sinagalame tehe, honin erinde giran benehe beise 32/33 jihe manggi, han
08 waliyara turgunde jompi beise i baru hendume, neneme toktobuha
09 songkoi nakabume emgeri, ambarame emgeri * waliyaki, yaya niyalma
10 waliyara de subargan leose i ninggude fucihi arafi waliyarangge acarakū,
11 fucihi enduri be geli waliyara de sindaci acambio, umesi nakakini seme
12 henduhe, geren beise han de cai omibuki seme jombure jakade, 33/34 han
13 hendume, amba beile de neneme cai omibu seme dzung bing guwan
14 yangguri efu, hošotu efu, lenggeri, yecen fujiyang, darhan efu, ilden
15 be cai gamame unggifi omibuha, amba beile omiha manggi, han geren
Page 876
01 beise i jombure de omiha, tere inenggi singgeri erin i ilaci ging de,
02 han teni boode dosika, geren beise meni meni boode genehe; 34/35
03 ese karacin i dorji taiji i juwe haha juwe hehe
04 juwe jui ukame genere be bahafi gajiha;
05 ice nadan de, gulu suwayan i žan se hūi jeku akū hafasai
06 jergi de menggun buhekū, booi hūwa de duka akū seme 35/36 han de
07 habšaha manggi, behei, kamtu, dondohoi, lošo, han de alafi siyang gung
08 sei jergi de menggun buhe, jeku buhe, hūwa de duka arabuha;
09 tere inenggi, dalingho i hoton ci ukame jihe lio keo jin etuku
10 akū seme habšaha manggi, behei, kamtu, dondohoi, lošo, 36/37 han de
11 alafi emu jergi etuku buhe;
12 tere inenggi, ginjeo ci emu nikan i eigen sargan eihen yalufi
13 ukame jidere be, nio juwang de tehe hūngniyaka bahafi benjihe, tere
14 ukanju be yoto beile de asara seme buhe; 37/38
15 ice uyun de, manggūltai beile de nakabure doroi waliyaha,
Page 877
01 waliyaha ton hūha jibca, aisin i umiyesun, mahala, gūlha, camci, fa
02 kūri,
03 buktulin de tebuhe fe etuku, juwe sijigiyan, emu camci, emu fakūri,
04 sekei kamtu mahala juwe, jebele de beri niru sisihai, foloho enggemu
05 hadala emke, bai enggemu hahala juwe, menggun i kukuri emke,
06 tampin emke, dongmo emke, 38/39 hūntahan juwe, fila emke, leose juwe,
07 ku i boo emke, doohan emke, subargan juwe, tase * juwe, suhe ilan
08 tumen, jiha sunja tumen, fodo susai, fangse susai, yarugan fangse emke,
09 nadan honin wafi orin sunja dere dasafi waliyaha, waliyara de enggemu
10 hadala tohoho morin juwan emu, sula morin juwan emu, temen ninggun
11 yaruha bihe, ere 39/40 waliyara de gurun de mama i mejige bifi han,
12 amba beile, eshun beise genehekū, urehe beise jakūn gūsai jušen
13 monggo i ambasa nikan hafasa gemu genehe bihe;
14 juwan de, han geren beise be gaifi aba abalame tucike, fu
15 šūn šo de isinaha manggi, aba i jakūn niyalma 40/41 irgen i niyalmai
16 muhaliyaha jisiha be gajiha seme orin nadata šusiha tantafi, han jakūn
Page 878
01 gūsai ambasa be isabufi hendume, ereci julesi yaya gašan de ume
02 darire, muhaliyaha orho sahaha moo be ume gaire, abalara ici alin de
03 moo ume ganara, facuhūn yabuci jafa sehe; 41/42
04 juwan juwe de, jaogiya de isinafi han hendume, jilgan ume
05 jamarara, beise i juleri ice fe derengge niyalma sehe seme, beise i
06 ishun gabtaha de tanggū šusiha tanta, beise sehe seme geren i feniyen
07 de dosime niyamniyafi ainambi, aba be saikan kadalafi beise i beye dolo
08 dosifi niyamniyara be we ume seme henduhebi; 42/43
09 tere inenggi, ujala golo de cooha genehe ubahai baturu takūraha
10 baishan, wangdari, santa, akūdu isinjiha, esei gajiha bithei gisun,
11 ujala golo be juwete gūsai kamcifi duin jurgan i dosika, wehe bira de
12 nimaha butame genehe be donjifi, juwe gūsa dosika, uhereme ilan
13 tanggū gūsin jakūn haha be bahafi waha, haha hehe juse 43/44 uheri
14 baha ton nadan tanggū niyalma, morin ilan tanggū nadanju ilan, ihan
15 emu tanggū juwe, uheri ton emu minggan emu tanggū nadanju sunja,
Page 879
01 seke nadanju jakūn, silun tofohon, hailun gūsin jakūn, dobihi orin j
02 uwe,
03 ulhu jakūn tanggū, solohi ulhu elbihe jibca uheri gūsin duin baha seme
04 wesimbuhe; 44/45
05 juwan nadan de, eye gebungge ba be abalara de, tasha horibufi
06 han i hiya galjo * baturu loho jafafi tasha be bošome gamara de, han
07 dosifi tasha be gabtame goibuha manggi, galju baturu darifi sacire de,
08 tasha galju i yaluha morin i bethe be saiha, galju tasha be sacime
09 tuhebuhe, 45/46 han, galju be si baturu oci, tusangga dain de
10 baturulacina, tusa akū tasha de ai baturu, mini jakade ume bisire
11 seme ambula beceme henduhe;
12 juwan nadan de, solho de genehe baduri iogi, cahara, dungnami
13 isinjifi gisun wesimbume, solho gurun i wang gaji sehe ton i jaka
14 be 46/47 juwan ubu de emu ubu benjire, aisin menggun weihe, ere ilan
15 hacin i jaka, meni gurun ci tucire jaka waka seme ojorakū seme
16 wesimbuhe manggi, sure han jurgan de hese wasimbufi, solho i jidere
Page 880
01 elcin piyoo lan ing be ume halbure, benjire doroi jaka be ume alime
02 47/48 gaijara, amasi bošofi unggi seme solho be halbuhakū bošofi
03 unggihe;
04 juwan jakūn de, aba facuhūn yabure jalin de dasame hūlaha,
05 emu gūsai emte amban be jebele asharakū kadalabume sindaha, jalan
06 niru de yaburakū niyalma amala tutafi yaburengge be gemu jafa seme
07 henduhe; 48/49
08 tere inenggi, ineku jaru bira de deduhe;
09 juwan uyun de, seheri de deduhe;
10 orin de, ineku eye i ba be abalaha de, erke cūhur beile alin i
11 mudun ninggu ci morin i juleri be 49/50 hūsime tucire gio gaitai
12 dashūwan i baru dosire jakade, julesi daraha niru i amasi ashūme
13 sindarangge, ahūn mergen daicing beile i alin i dalba ci gio arcame
14 feksirengge daldabufi sabuhakū, suksaha goiha, amba jan niru de jan i
15 oforo deri daha bihe;
Page 881
01 orin sunja de, menggun i bira de deduhe; 50/51
02 orin ninggun de, jurafi udelehe bade solho de genehe baduri,
03 cahara, dungnami beiguwan isinjiha;
04 tere inenggi, han, indahūn erinde hoton de dosika;
Page 882
01