|
|
Volume 2
Volume 3
Volume 2, Fascicle 54
Page 773
01 tongki fuka sindaha hergen i dangse;
02 dayaci tabunang, korcin i ukšan, manjusiri be gamame, nikan
03 jasei šurgei dukai teisu i baising de tabcin genefi, tere ba i monggo
04 burulafi, nikan i jasei šurgei hoton de dosikabi seme alanjiha manggi,
05 ice inenggi, han i ninju bayara be, tu i ejen yangšan, iogi gaifi, 1/2
06 cahar han i gulugu gebungge tungse de bithe jafabufi, ukšan, manjusiri,
07 dayaci tabunang ni jakade genefi dahabu seme unggihe, tede unggihe
08 bithei gisun, aisin gurun i han i bithe, ša ho pu i hafasa de unggihe,
09 bi amasi cahar be dailame cooha genefi, emu biya juwan emu ci inenggi
10 amcafi karun be bahafi fonjici, dobori inenggi akū burulaha seme alara
11 jakade, ini akdaha baising be gaiki 2/3 seme amasi jifi, huhu hoton be
12 gaifi, hūwang ho birai dalin de genehe cooha be aliyame tehebi, mini
13 gaiha eden niyalma ulha ulin be suwe halbufi bi sere, mini eden be
14 minde yooni bu, ere baising gurun, dade gegen han ningge bihe,
15 cahar gaici, caharangge oho, bi gaici, miningge oho, miningge be
Page 774
01 suwe gaici acarakū kai, meni jasei 3/4 tulergi weile de, suwe daci
02 acarakū, ere sini han i sara weile waka, suweni jasei jakai hafasai
03 aliha weile kai, suwe geli liyoodung ni hafasa waka, liyoodung ni
04 hafasa, meni jasei tulergi yehe i weile de dafi joboho kai, ere be
05 burakūci, liyoodung ni hafasa ci ai encu, tere anggala, mini ere jihede,
06 muse juwe gurun i doro acara jalin de, jecen i hafasa de teisu 4/5 teisu
07 gisureki sembi, tere bithe gamame genehe;
08 ice juwe de, olji niyalma be meni meni gūsai uksin bodome
09 dende, kutule be ume dabure seme gulu fulgiyan de lungsi, gulu lamun
10 nikan i gūsade aibari, kubuhe fulgiyan, kubuhe lamun, kubuhe šanggiyan
11 minggan beile, obondoi de, begei, kamtu,gulu šanggiyan, 5/6 kubuhe
12 suwayan de, lošo be takūraha, takūraha bithei gisun, han hendume,
13 niyalma be meni meni gūsai dende, emu gūsade baitangga faksi be
14 suwaliyame susaita boigon ara, emu boigon de emte ihan bu, emu
15 gūsade hehe juwan, sargan juse juwan, erei yalurengge orin eihen
Page 775
01 gaisu, aisin, menggun, ulin, etuku, morin, ihan, honin, 6/7 niman
02 , ulha
03 be, han i jakade gajime jio, geren i icihiyaki, jai olji araci ojorakū,
04 kiyangkiyan haha oci dayabu, gamaci ojorakū sakdasa, buya juse
05 oci, bošofi unggi, ume wara, sindafi unggire niyalma de algimbure
06 gisun, suwe neneme dahaha sain, be genembi sere jakade, ukandara
07 ubašara niyalma be waha, ekisaka bihe niyalma be boigon arafi gamambi,
08 be suweni jalin de 7/8 ubade enteheme tefi bimbio, jai hergengge
09 niyalma de beiguwan i bodome, emu beiguwan de emte niyalma bu,
10 cahar kesikten ci ukame jihe beise karacin noimoro jergi ice hūrha
11 ceni bahangge be ce gaikini, beise i booi nirui niyalma, dade uksin
12 bifi seme werihengge be dabu, daci uksin akūngge be ume dabure
13 seme henduhe; 8/9
14 ice duin de, yangšan i takūraha niyalma isinjiha, terei alarangge
15 monggoso, nikan i hoton de dosikangge gemu dahaha, esei ulha ulin
16 be gaji sere jakade, nikan i fujiyang jasei ninggude tefi, musei
Page 776
01 ambasai baru hendume, ulin ulha ai jaka be gemu bure, be ese be
02 ainu hairambi seme hendufi, casi gemu ganabuha seme alanjiha; 9/10
03 ice sunja de, ning wan o, fan wen ceng, ma guwe ju, ere ilan
04 nofi han de wesimbuhe bithei gisun, han, sikse membe ere weile be
05 seole sere jakade, be udu mentuhun bicibe, sarai teile wesimbure
06 gisun, ša ho pu i hafasa, ubaci burulame dosika irgen be 10/11 baicafi
07 buhengge, uju be hafirara jakade, nimere be taka majige ergeki
08 sehengge kai, neneme cahar cooha dailaci, hono majige eljehekūngge,
09 muse de tere eljere isikabio, han i takūraha gūnin be tese majige
10 jurcehekū dahara jakade, han i mujilen, tese be dailaci cihakū ohongge,
11 unenggi jurgan be bahanafi, amba weile be mutebure gūnin kai, 11/12
12 musei coohai niyalmai arbun be tuwaci, amba ajige gemu nikan i ulin
13 be nemšeme, urunakū dosicina sere nujilen bi, aikabade dosici, han i
14 gūnin be doigonde bodofi teng seme toktobu, heoledeci, erin isika
15 manggi, dasaci mangga, han, ere fonji amba cooha be gajime ubade
Page 777
01 isinjifi, akjan šan i jakade guwendere adali, jase bitume 12/13 bihengg
02 e
03 gemu bargiyaha, teisu teisu gemu olhošombi, musei cooha dosifi nikan
04 i cooha be uthai ucaraci wajiha, aikabade gemu meni meni hoton be
05 tuwakiyaki seme ohode, jasei hanci tehe gašan, ba hingke, irgen
06 yadahūn, dosika seme morin yadara dabala, musei cooha de tusa umai
07 akū, untuhun bedereci, monggo i adali gebu aisi gemu ufarambi,
08 urunakū 13/14 dosiki seci, han i hecen de nikenefi, acara acarakū
09 be umesi lashalafi, šanaha i muke i duka be efuleme boode bedereki,
10 musei coohai horon hūsun be abkai fejergi niyalma alici ojorakū
11 be wacihiyame sakini, dosici, yan men guwan duka be dosici ja, dara
12 ba akū, tere jugūn i irgen bayan, ai jaka elgiyen, musei coohai niyalma
13 de elebume 14/15 bahabuci ombi, han dosiki sere gūnin bifi, gebu
14 efujerahū, kanagan akū adarame dosire seci, ojorakū bade ojoro
15 juwe arga bi, juwe arga, iletu emu arga, fiktu baire emu arga, iletu
16 arga serengge, muse jugūn i unduri dariha hecen hoton i irgen de
Page 778
01 alame hendurengge, cahar han be goro bošoho, 15/16 tehe baising irgen
02 be gemu wacihiyame gaiha, dahaha irgen be yafahan gamaci, ba
03 goro isinarakū ofi, ederi darime nikan han i baru doro acara be
04 gisureme jihe, suweni morin losa eihen be mende juwen gaji, dahaha
05 irgen de yalubufi gamaki, suweni han i baru doro acaha de, suweni
06 morin, losa, eihen be yooni toodara, bi 16/17 jing doro acaki seci,
07 suweni han ojorakū ohode, bi dailafi, abka gosifi ere ba na miningge
08 ohode, suweni ere joboho jurgan i irgen be alban guwebufi udu aniya
09 gosime ujire, ere emu arga, yaya niyalma, ere gisun jaci abka be
10 gidašaha seme henduci, 17/18 abka urhu akū, damu erdemungge sain
11 niyalma be abka wehiyeme wesibumbi, tumen hafan be tob seme obure,
12 geren irgen be gosime ujire oci, inenggidari han teki seme gisurehe
13 seme abka wakalarakū, abka de acabure sain mujilen akū bime, han
14 teki sere gisun be gisurerakū seme, 18/19 abka tere be wehiyerengge
15 akū, fiktu baire arga serengge, bithe arafi jasei hanci hafasa be
Page 779
01 gisureme acabu seme hūdun inenggi boljofi unggi, dorgi hafasa
02 facuhūn, jasei hafasa inu akdulame acabume muterakū, urunakū muse
03 be sartabume holtombi, tere fonde, ainame kanagan arafi dosici musei
04 ciha, han dosici, šumilame dosici sain, dosirakūci, ubaci bedereci sain,
05
06 19/20 aldasilame dosifi uthai tucici tusa akū, han seole;
07 tere inenggi, hūwang ho bira de tabcin genehe baduri, cergei,
08 cahara isinjiha, esei bahafi gajiha olji ton, niyalma emu tanggū,
09 juwe temen, ihan, honin emu minggan bahafi gajiha; 20/21
10 tere inenggi, gegen han i hoton i miyoo de latubufi werihe
11 bithei gisun, han hendume, gegen han i huhu hoton i miyoo boo be
12 ume efulere, yaya niyalma miyoo be efulere, aika jaka be gaici,
13 emgeri isinjiha bade, jai isinjirakū doro bio, tere efulehe niyalma be
14 ainaha seme sindarakū; 21/22
15 ice ninggun de, jakūn gūsai baha ai ai ulin be, han i jakade
16 isabufi, geren i dendeci isirakū, jakūn boo dendeme gaifi, meni meni
Page 780
01 gūsai yadara joboro niyalma de buki seme jakūn booi teile dendeme
02 gaiha, dendehe ulin i ton, mocin samsu ilan tanggū juwan 22/23 nadan,
03 gecuheri jibca juwan ilan, seke ulhu i hayaha jibca orin juwe, gecuheri
04 suje i ergume ojin dehi duin, giltasikū jakūn da, gecuheri tofohon,
05 jakūnju emu suje, yarha uyun, ulhu i dahū ilan, niohe i dahū emke,
06 seke i mahala nadan, seke hailun * emke, hailun susai, dobihi nadanju
07 nadan, alha cengme ilan, yacin cengme juwe, fulgiyan 23/24 cengme
08 emke, menggun emu minggan ninggun tanggū yan, dobihi dahū ilan,
09 kirsa juwan ninggun, ulhu ilan tanggū jakūnju, niowanggiyan
10 juwangduwan emke, tugi alha juwe, silun duin, seke juwan nadan,
11 lekerhi emke, malahi orin emu, fulgiyan funiyesun emke, yarha i
12 tohoma emke, fulgiyan jafu emke, suje i sishe ninggun, malahi dahū
13 emke, aisin šerin 24/25 juwe, aisin ilha ilan, aisin suihun emu juru;
14 tere inenggi, juwan gūsai dendehe olji ton, niyalma emu tumen
15 jakūn minggan uyun tanggū tofohon, temen juwan jakūn, morin losa
Page 781
01 dehi juwe, ihan sunja minggan uyun tanggū dehi emu, eihen nadan
02 tanggū uyunju nadan, honin 25/26 niman emu tumen emu minggan
03 uyun tanggū ninju sunja, ulha i ton, emu tumen jakūn minggan nadan
04 tanggū susai sunja, niyalma, ulha uheri ton, ilan tumen nadan minggan
05 duin tanggū jakūnju juwe, ere olji be han, beise deji, emu gūsa juwanta
06 ihan, tanggūta honin gaiha, jakūn gūsai sidende sula emu minggan
07 honin gaiha, 26/27 yung ping, dalingho ci gaiha ice nikan hafasa de
08 šangname buhengge, giyan cang ni ma dzung bing guwan de ninggun
09 ihan, tanggū honin, ma dzung bing guwan de, duin ihan, juwe eihen,
10 jakūnju honin, fujiyang dzu k'o fa, dzu je hūng, dzu je žun, han * dai
11 hiyūn, jang ts'un žin, sun ding liyoo, wang dzung bing guwan, lio
12 fujiyang ni jui ts'oo gung 27/28 ceng, pei guwe jeng, ere juwan hafan
13 de, duite ihan, juwete eihen, jakūnjuta honin, lii yūn, deng cang cūn,
14
15 cen bang siowan, siowei dai hū, ere duin hafan de, ilata ihan, juwete
16 eihen, ninjute honin, ma iogi de, dehi honin, juwe eihen buhe, jang
Page 782
01 hūng mo de, duin ihan, jakūnju honin, meng fujiyang,ding fujiyang,
02
03 yang fujiyang, 28/29 ere ilan hafan de, ilata ihan, ninjute honin buhe,
04 ere duin hafan be, jihekū boode tehe seme eihen buhekū, ihan honin
05 teile buhe, jai jušen i hergengge ambasa de beiguwan i bodome emu
06 beiguwan de emte honin buhe, tereci funcehe ihan honin be, gūsa gūsa
07 i uksin bodome dendehe, ihan be, morin bucefi umesi yafahalaha uksin
08 i 29/30 niyalma de, gūsai beile be tuwame icihiyame bu seme afabuha,
09 honin niman be uksin i bodome dendefi, sile jefu seme buhe;
10 ice nadan de, ajige beile i jaka ci odoi de monggo beise beisei
11 dehi niyalma be adabufi, ceni baha olji ton be medege alanjime jihe,
12 ajige 30/31 beile, unege baksi i baha olji, niyalma ilan tanggū nadanju
13 emu, ihan juwe tanggū juwan, honin niman emu tanggū tofohon, temen
14 sunja, nikan lamai langju i boigon i olji, niyalma juwan nadan, ihan
15 ilan, juwe losa, ilan eihen, emu morin, ici ergi jarut i baha olji,
16 niyalma nadan tanggū orin jakūn, ihan ninggun 31/32 tanggū juwan
Page 783
01 duin, morin ninggun, temen emke, honin niman emu minggan nadanju,
02 dashūwan ergi jarut i baha olji, niyalma ilan tanggū gūsin ilan, ihan
03 ninggun tanggū jakūnju nadan, honin emu minggan ilan tanggū,
04 karacin i efu i baha olji, niyalma uyunju duin, ihan juwan uyun, birasi
05 efu i baha olji, niyalma juwan duin, 32/33 ulha bahakū, ombu cūhur i
06 baha olji, niyalma nadanju, ihan ninggun, gendushib i baha olji, niyalma
07 gūsin, ihan juwan, bandi dureng ni baha olji, niyalma orin, ihan sunja,
08 tusiyetu efu i korcin i baha olji, niyalma emu minggan gūsin, ihan
09 ilan minggan nadanju, honin emu minggan juwe tanggū gūsin, temen
10 orin, ere uheri niyalmai 33/34 ton, juwe minggan nadan tanggū orin
11 nadan, ihan emu minggan jakūn tanggū dehi sunja, honin ilan minggan
12 nadan tanggū tofohon, uheri olji ton, jakūn minggan juwe tanggū
13 jakūnju nadan, enggeder efu i gūsai baha olji, temen duin, morin juwe,
14 ihan emu tanggū, eihen duin, honin juwe tanggū, niyalma nadanju,
15 uheri 34/35 ilan tanggū jakūnju, menggun juwe tanggū susai sunja
Page 784
01 šoge, karacin i baha olji, niyalma emu minggan juwe tanggū susai, iha
02 n
03 emu minggan sunja tanggū, honin juwe minggan ninggun tanggū orin,
04 ubasi siyacin, kusertai daiha sere juwe amban be jafahabi, aha hošoni
05 hūrha sere amban be waha, seter efu i baha olji, 35/36 dehi juwe boigon,
06 ihan emu tanggū juwan, honin juwe tanggū gūsin, sereng efu i kerit
07 i baha olji, niyalma juwe tanggū gūsin, morin juwan ninggun, temen
08 juwe, ihan emu tanggū jakūnju, honin nadan tanggū, mujang ni baha
09 olji, niyalma gūsin sunja, ihan emu tanggū tofohon, honin ilan tanggū
10 dehi nadan, sengge hošooci i 36/37 baha olji, niyalma ilan tanggū susai,
11 ihan juwe tanggū jakūnju, honin ninggun tanggū susai, temen duin,
12 ajige beile i dosika jurgan i jušen, monggo i baha uheri olji ton,
13 niyalma sunja minggan sunja tanggū orin ilan, temen ninju nadan,
14 morin dehi nadan, eihen nadan, ihan ninggun minggan nadan tanggū
15 nadanju emu, honin 37/38 jakūn minggan duin tanggū ninju juwe,
16 niyalma ulha uheri olji ton, juwe tumen nadan minggan sunja tanggū
Page 785
01 uyunju ninggun;
02 ice jakūn de, gegen han i hoton ci jurafi, gūsin ba i dubede
03 julergi alin de deduhe, tere inenggi, ajige beile i jakade odoi be amasi
04 38/39 takūrafi unggihe;
05 juwan de, huhus bira de deduhe, tere inenggi nikan de dosika
06 monggo be dahabume genehe yangšan, dayaci tabunang, ui jaisang,
07 korcin i ukšan nakcu, manjusiri isinjiha, ujulafi dahaha ejen non temur,
08 g'andi hiya baksi, secen biceci ilan niyalma 39/40 gaifi dahaha hahai
09 ton, emu tanggū ninju, hehe jusei ton, emu tanggū susai jakūn, temen,
10 morin, losa, eihen, ihan sunja tanggū, cahar han i honin, dahaha boigon
11 i honin, uheri uyun tanggū dehi, ere boigon i emgi cahar han de bure
12 eden šang ni ulin be ša ho i hafan i tucibufi buhe ulin uheri ton, 40/41
13 suje ilan minggan jakūn tanggū juwan emu, mocin samsu juwe minggan
14 ninggun tanggū nadanju duin, ere be sunja ubu sindafi korcin i ukšan
15 nakcu, manjusiri de emu ubu buhe, jai duin ubu be jakūn gūsa dendefi
Page 786
01 sidende asaraha;
02 juwan emu de, buridu gebungge bade deduhe, 41/42 tere inengge
03 dayaci tabunang, ui jaisang, musede dahaha monggo non temur juwe
04 tungse de bithe jafabufi, gulu suwayan, gulu fulgiyan, gulu šanggiyan
05 i susaita bayara, kubuhe suwayan i gūsin bayara, ede tu i ejen sudala,
06 kaju, dulei, konggo be esei emgi nikan i ša ho pu i hafasa de takūrafi
07 unggihe, ese de unggihe 42/43 bithei gisun, doro acara be buyeme,
08 liyoodung ni ba i hafasa de jing gisureci, liyoodung ni hafasa mende
09 kimun ambula ofi, meni gisun be donjirakū, tuttu be, ere teisu
10 cahar be bošofi, suweni baru doro gisureki seme jihe, suwe mende
11 burulame dosika monggo be tucibufi buhengge, ambula sain, be, daitung,
12 yang ho, siowan fu, teisu doroi jalin de gisureme genembi, sain ba
13 be 43/44 duleme geneme, gisun hendurakūci ehe seme niyalma takūrame
14 bithe unggihe, bithe benehe ambasa be jefu seme ša ho i hafan i
15 buhengge, emu honin, emu polori arki, emu polori nure, juwe fan efen
Page 787
01 benjihe, han de, juwan nadan niyalma hengkileme, juwe ihan, jakūn
02 honin, duin suje, mentu efen emu minggan, šobin emu 44/45 minggan,
03 soro duin sin, mucu juwan gin, šatan dehi boose, cai tanggū boose,
04 arki emu polori, nure emu polori benjihe, ere benjihe juwan nadan
05 niyalma de, han i šangname buhengge, ujulaha ilan niyalma de emte
06 ihan, jai juwan duin niyalma de emte honin buhe;
Page 788
01