|
|
Volume 2
Volume 3
Volume 2, Fascicle 40
Page 539
01 tongki fuka sindaha hergen i dangse;
02 juwan ilan de, dalingho hecen i šun dekdere hošoi ergi bira i
03 dalin i tai be, ajige taiji, mergen daicing, uici be takūrafi dahabuha,
04 gūsin sunja haha, hehe juse gūsin ilan, ihan juwan jakūn, eihen juwan
05 nadan bihe, ding fujiyang de, uji seme buhe; 1/2
06 hecen i šun dekdere derei tai be musei nikan cooha poo sindafi,
07 tai gemu efujehe, tai i ninggude ninggun niyalma bucehe, jai funcehe
08 nikan tereci tai be waliyafi dobori burulame genere be bošofi gemu
09 waha, emu niyalma be weihun jafaha, tere tai de ju ts'anjiyang 2/3
10 poo de goifi akū oho;
11 tere inenggi, han ing ci tucifi dalingho hoton i šun tuhere ala
12 i ninggude tefi, hecen be tuwame bisire de, yoto beile, han be ini ing
13 de jihe seme arki nure dagilafi sarilara de, manggūltai beile, 3/4 han
14 i baru hendume, sikse inenggi afara de, meni gūsai ambasa gemu feye
15 bahabi, asan i emgi karun genehe meni gūsai bayara, darhan efu i
Page 540
01 gūsai fiyentehe de bisirengge be gaici ojoroo, han hendume, bi donjici
02
03 suweni fiyentehe be yaya takūrara unggire bade jing sitabumbi seme
04 alambi kai, beile hendume, meningge yaya bade unggici fulu yabumbi
05 kai, ainu 4/5 sitabumbini, han hendume, tuttu oci minde alaha niyalma
06 holtohobi kai, muse mektefi fonjiki, alaha niyalma holtoci holtoho
07 niyalma be waki, alaha niyalma inu oci, yabuhakū niyalma be waki
08 seme dere fularafi jili banjime hendufi morilaha, tere gisun de
09 manggūltai beile hendume, han serengge siden be hendumbi dere,
10 mimbe canggi ainu bakcin 5/6 arafi gisurembi, han seme eitereme
11 haldabašame banjici ojorakū oci, mimbe ainci waki sembidere seme
12 hendume, loho be julesi obufi fesin be jafame seferdere de, ini emu
13 eme de banjiha deo degelei taiji, sini arbušara mudan waka kai seme
14 šukilara jakade, eteretele * genehe, tede beile jili banjifi amai 6/7 coco
15 si mimbe ainu šukilambi seme loho be homhon ci emu to isime
16 tucibuhe, tere be amba beile safi gasame, ini deo degelei ahūn be
Page 541
01 anatame unggihe, uttu facuhūn banjire anggala, buceci inu umesi kai
02 seme gasara de, tereci han umai sehekū morin yalurengge nakafi, amasi
03 tefi baita icihiyame 7/8 wajifi ing de jihe, han ing de jifi manggūltai
04 beile be toome, han ama simbe ajigan i fonde mini jergi de ujiheo,
05 sinde umai jaka salibuhakū bihe kai, si mini funcehe be etume jeme,
06 mini gala be šame banjiha kai, amala si sini eniye be waha turgunde,
07 ama de gung gaifi degelei fiyanggū i boigon de 8/9 han ama simbe
08 dosimbufi ujihe kai, geren suwe sahakūn, si mimbe adarame sacici
09 ombi, ura seme šuburefi budere isipi *, han niyalma buku baturu seme
10 beyebe tukiyecere kooli akū seme, gurun be ujire doro dasara be gūnime,
11 lata morin yalufi beyebe nomhon arame yabure jakade, mimbe dule
12 inci budun sembi aise seme hendume, ini hiyasai baru loho tucibufi
13 tehe ise ci ilire derelame ** beceme 9/10 hendume, suwembe mini
14 gosime ujirengge ai baita, tere mimbe sacimbi seme loho tucibuci,
15 suwe geli loho tucibufi mini jakade ainu ilinjirakū, giyang tai gung
Page 542
01 ni henduhengge, huwesi jafaci faitambi, suhe jafaci sacimbi sehebi kai,
02
03 tere loho jafaci mimbe saciki seme tucibuhe kai seme gasafi, monggo
04 boo de dosika, dosifi tehekū uthai tucifi 10/11 mini gūniha be wacihiyame
05 hendure, han ama akū oho de yasa de sabure hutu gamaci, karu
06 gaijara bihe kai seme geren suwe gūnihakūn, yasa de sabure niyalma
07 mimbe waki serede, suwe ainu ekisaka tuwame iliha, mini suwembe
08 gosihangge tusa akū nikai seme jili wajirakū boode dosire tucire gasara
09 dulimbade, manggūltai beile yamji duin 11/12 gucu gajime ing ni tule
10 emu ba i dubede ilifi, niyalma takūrame bi omihon de duin hūntahan
11 nure omifi, han deo i baru balai gisurehebi, mini angga ci tucike
12 gisun be bi umai sarkū, han de mini waka be alime hengkileki seme
13 takūraha manggi, han, yangguri efu, darhan efu be takūrame mimbe
14 inenggi waki 12/13 seme loho tucibufi yamji geli ainu jimbi, emgi jihe
15 sele, anggara, suwe sini beile be gajime jihengge meni ahūn deo be
16 bucekini sembio, suwe marame jihe de, be gala bethe aššambi seme
Page 543
01 halbuhakū bederebuhe;
02 si uli efu gūsai emu niyalma tai 13/14 afara de poo de bethe
03 bijahabi, tere be han donjifi daifu be unggifi dasabuci, inenggi goidafi
04 dasaci ojorakū, feye niyafi yeye banjihabi seme alanjiha manggi,
05 han gasame, si uli efu geren hafasai baru hendume, ere be suweni
06 beye tuwame daifurabucina, suwe bahanarakūci, minde aifini ainu
07 alanjihakū, bi daifurabure dere, goidafi feye daifuraci ojorakū
08 kai, suwe julgei ai kooli be sarkū, 14/15 julge emu sain jiyanggiyūn
09 cooha genehe bade hunio de nure benere jakade, ere nure be omici
10 wede isimbi seme hunio i nure be bira de maktafi, eyen be coohai
11 niyalmai emgi acan omihabi, jai coohai emu buya niyalma de yoo
12 banjiha be u ki jiyanggiyūn safi simihabi, tere niyalmai eme songgoro
13 de, gūwa hendume, sini jui buya cooha kai, jiyanggiyūn i 15/16 beye
14 simici ainu songgombi, eme hendume, erei ama i yoo be u jiyanggiyūn
15 simifi baili isibume dain de bucehe, bi erebe geli aibide maka bucembi
Page 544
01 seme songgombi kai sehe sere, hafasa suwe gemu julgei kooli be sara
02 urse kai, coohai niyalma be feye bahaci daifurabu, nimeci tuwana,
03 tuttu oci coohai niyalmai mujilen bucere be gelerakū sini juleri
04 buceki sembikai; 16/17
05 tere inenggi, dalingho de takūraha gisun, aisin gurun i han i
06 bithe, amba jiyanggiyūn de jafaha, neneme lii lama, fanggina se amasi
07 julesi yabuha fonde, bi unenggi mujilen i doro acaki sehe, suwe
08 emdubei elcin yabure aldasi ginjeo be dasara jakade, suweni takūraha
09 du ming 17/18 jung de mini bithe unggime henduhengge, suwe ginjeo
10 be dasara be nakarakūci bi cooha genembi seme unggifi, amala cooha
11 jihe, tereci musei yaya elcin lakcaha, terei amala suweni karun i yen
12 ju be bahafi doro acaki seme geli amasi unggihe, karu jabuhakū,
13 terei amala beging de cooha genehe fonde jing acaki seme bithe
14 beneci, nikan i han amban jing 18/19 julgei sung han be buleku obufi
15 minde karu emu gisun jabuhakū, daiming han, sung han i hūncihin
Page 545
01 waka, be geli nendehe aisin han i hūncihin waka, tere emu erin, ere
02 emu erin kai, abkai erin niyalmai mujilen gemu encu kai, amba gurun
03 de ai mergese akū, erin be niyalma be tuwame forgošome gūnirakū,
04 jing yatuhan i berhe amdulaha gese gūnici 19/20 ombio, dain serengge
05 buyeme dailambio, hafirabufi dailambi kai, bi dain be eimeme taifin be
06 buyeme geli ere bithe unggihe, jiyanggiyūn seolefi doro acara be
07 gisureci oci, mini takūraha yen ju be unggi, mini gūniha gisun be
08 gisureki, aikabade jafarahū warahū seme ume gūnire, tere emu
09 niyalma be jafaha waha seme suweningge udu ekiyendere, minde
10 udu tusa ojoro, 20/21 bi daci holtorakū, suweni wang yan dzu šeobei
11 hecen tucike be bahafi ujihebi;
12 tofohon de, dalingho hecen i amargi ala i tai dahaha hūwang
13 badzung ni susai sunja haha, emu hehe, emu ihan bihe, g'ao fujiyang
14 de uji seme buhe; 21/22
15 tere inenggi, gulu fulgiyan i gūsai morin tuwakiyame orho
Page 546
01 ganaha bade, dalingho hecen i amargi orin ba i dubei tai nikan tucifi,
02 juwan niyalma be wahabi, gūsin sunja morin juwan temen gaihabi;
03 juwan ninggun de, sung šan ci jidere 22/23 juwe minggan
04 cooha be karun tehe asan dzung bing guwan, loosa ts'anjiyang, turusi
05 beiguwan ilan tanggū cooha be gaifi gidafi, niyalma tanggū funceme
06 waha, juwan ilan morin ilan tu bahafi benjihe;
07 tere inenggi, amba beile, jirgalang taiji, erke 23/24 cūhur duin
08 gūsai bayara yooni, ing ni emu nirui juwete uksin, gūsade emte amban,
09 hūng i poo emke, amban jiyanggiyūn ilhi jiyanggiyūn orin gamame,
10 morin temen gaiha tai be afame genefi, tai be kafi poo sindaha, tai
11 šurdeme bihe tanggū funcere poo be gemu tuwa sindaha, tai i da de
12 bihe 24/25 nadan temen orin nadan morin baha, beise cooha be werifi
13 ing de jihe, juwan nadan i dobori tai nikan ninju isime nukcime
14 genere be, beiguwan lioha gidafi uyun niyalma be waha, emu niyalma
15 be weihun jafaha, fonjici sindaha poo de gūsin isime niyalma goifi
Page 547
01 bucehe seme alaha, emu temen juwan nadan 25/26 morin, juwan ilan
02 ihan, tofohon eihen baha;
03 juwan jakūn de, mucengge, yenu emu gūsai emte niyalma be
04 simiyan de takūraha, ese de unggihe bithei gisun, han hendume,
05 dalingho hecen de dzu dzung bing guwan i beye ini amba jui, nadan
06 fujiyang, ts'anjiyang iogi ninggun 26/27 nadan šanaha ci ebsi moringga
07 cooha gemu jifi kabuhabi, fonjici moringga cooha nadan minggan,
08 yafahan cooha inu nadan minggan bi sembi, weilere niyalma ilan
09 minggan, hūdai niyalma juwe minggan bi sere, musei jing baiha be
10 abka gosifi ucarabuha be dahame, be hecen i šurdeme ulan fetefi fu
11 cirgefi kahabi, dube be ainambahafi sara, 27/28 abka de fulingga baime
12 tehebi, beise fujisa ci aname yaya niyalma geli cara aniya han i
13 hecen de genehe gese balai urkilame gisurerahū, saikan hendu, jai
14 ginjeo, sung šan, hing šan, ta šan, ning yuwan de moringga cooha
15 juwete ilata tanggū, yafahan cooha emte juwete minggan bi sere, jai
Page 548
01 suwe booi medege be bithe inu saikan getuken ara, takūrara niyalma
02 be 28/29 inu ulhire niyalma be takūra, julesi helen jafame ganahangge,
03 solho i medege, amargi aika medege, dergi hūrha i ergi medege, yaya
04 medege be gemu unggi, tere unggihe niyalma be geli amasi takūrambi,
05 poo i okto emu tumen gin unggi, acire losa ninju, ere be gajime
06 jiderengge tubade werihe ton de dosikakū, ini beye i baita de tutaha,
07 nimeme tutaha hafasa 29/30 bayara be unggi, julergi amargi de aika
08 medege bici, hafasa be ume unggire, nimeme tutaha bayara bici,
09 beise i booi niyalmai emgi unggi;
10 orin ilan de, ajige taiji, šoto age emu gūsai emte tu i ejen,
11 susaita bayara, monggo i aohan, naiman, korcin, aru, 30/31 barin, jarut,
12
13 esei cooha be dulin hontoholofi nikan i cooha dame jiderengge be
14 alime gaifi afa seme ginjeo i jugūn be kame unggifi, han i beye
15 genefi coohai ing ilire ba, karun sindara babe gemu jorifi jihe;
16 tabcilafi baha ihan eihen be wafi jefu 31/32 seme coohai niyalma
Page 549
01 de salame buhe;
02 orin ninggun de, gūlmahūn erinde ginjeo ci juwe fujiyang,
03 ts'anjiyang iogi juwan isime, ninggun minggan cooha gaifi ajige taiji
04 de afame jidere de, talman talmafi adame iliha niyalma be saburakū
05 bihe, bata hanci latunjime 32/33 abka ci niowanggiyan lamun siren
06 nikan i cooha de hadame talman heteme duka araha, tereci ajige taiji,
07 šoto age nikan i cooha be gidafi gamara de, talman gaitai andande
08 gehun hetehe, cooha be gidafi ginjeo hecen de isitala bošome waha,
09 emu iogi be weihun jafaha, uksin juwe tanggū juwan uyun, morin
10 juwe tanggū ninggun, 33/34 tofohon tu, juwe kiru baha;
11 orin jakūn de, han i ing de šun dekdere ergici ayan buhū
12 feksime jihei jase ulan be fekume ing ni dolo dosinjiha be sacirame
13 waha; 34/35
14 gūsin de, han ing ci tucifi ajige taiji i tehe bade genere de,
15 juwe taiji emu ba i dubede okdoko, ajige taiji, šoto age emte honin
Page 550
01 wafi sarilaha, han ini gamaha arki be aisin i hūntahan de tebufi
02 juwe taiji de han i galai omibuha, terei sirame monggo beise de
03 omibuha, 35/36 neneme karun genehe asan, loosa, turusi be hūlafi aisin
04 i hūntahan de arki tebufi han i galai buhe, han i genehe amala
05 dalingho hoton i cooha tucifi musei baha tai be šurdeme kafi, wan
06 sindafi afara de, juwe fulgiyan, juwe lamun, monggo i juwe gūsa,
07 bayara, ing ni cooha sasa dosifi gidafi 36/37 minggan funceme niyalma
08 waha;
09 tere inenggi, simiyan ci jakūn gūsai jakūn niyalma mucengge
10 solho i bithe be gajime isinjiha, solho i elcin jakūn biyai juwan emu
11 de isinjiha, solho i hafan i gebu benjihe ulin i ton gemu ini gajiha
12 bithede bi, hafan i beyebe dabume 37/38 emu tanggū uyun niyalma,
13 nadanju juwe morin jihebi, han i unggihe bithe de, membe balai ume
14 urkilara, be abka de fulingga baime tehebi seme henduhebi, be
15 bicibe abkai gamara dube be donjime tere dabala, balai aiseme
Page 551
01 urkilara, geren be urkilarahū seme bithe be han i booi fujisa ci
02 aname jakūn booi fujisa de gemu neigen hūlaha, geren be yamun de
03 isabufi hūlaha, 38/39 meni nantuhūn sai sara ai bi, damu heolederakū
04 abkai ucarabuha de acabume saikan kiceme yabukini seme gūnimbi,
05 jai meni buyere medege be meni hendure anggala, han i sarkū ai
06 bi, be aiseme hendure;
07 uyun biyai ice ilan de, simiyan de juwan 39/40 juwe niyalma
08 takūraha, unggihe bithei gisun, mucengge genehe amala jakūn biyai
09 orin de ajige taiji, šoto age gūsai susaita bayara, juwete tu i ejen,
10 orin karun, aru korcin yooni, aohan naiman i emu tanggū, barin jarut
11 i emu tanggū, ginjeo, sung šan i jugūn be kame tenehe; * 40/41
12 orin ninggun de, šanaha ci ebsi hecen hecen i cooha wacihiyame
13 jifi ninggun minggan cooha ginjeo ci tucifi juwe minggan ehe morin
14 be simnefi, ginjeo hecen i hanci ilihabi, duin minggan cooha be sonjofi
15 juwe fujiyang, ts'anjiyang iogi ninggun nadan gaifi cimari erde afanjiha
Page 552
01 bihe, tere be musei ajige taiji, šoto age gidafi 41/42 cooha be waha,
02 emu iogi be weihun jafaha, uksin juwe tanggū juwan uyun, morin juwe
03 tanggū ninggun, tu tofohon, kiru juwe baha, hoton hanci ofi morin
04 ambula bahakū, amala jafaha niyalma de fonjici, bucehe feye bahangge
05 sunja tanggū funcembi sembi; * 42/43
06 gūsin de, dalingho hecen i cooha tucifi dukai julergi tai be
07 afambi seme jihe be, julergi dere de tataha kubuhe šanggiyan, unege
08 baksi, gulu lamun, kubuhe lamun, obondoi, kubuhe fulgiyan, aohan
09 naiman, minggan beile, gulu fulgiyan, ere uyun gūsa gidafi duka
10 fihebufi waha, uksin etuku poo miyoocan gemu gaiha, morin akū 43/44
11 ofi gemu yafahan tucike bihe, abkai kesi de musei ambasa nirui ejete
12 umainahakū, buya niyalma ajige ajige feye baha, amala tataha gulu
13 šanggiyan, si uli efu, barin jarut, enggeder efu, kubuhe suwayan, gulu
14 suwayan, tumet karacin, ere nadan gūsa aššahakū, hoton i dorgi mejige
15 be fonjici, alban weilere niyalma jeku wajifi bucembi, coohai niyalma
Page 553
01 inu jeku 44/45 wajihabi sembi, nadan minggan morin omihon de ubu
02 bucehe, tubi bi, bisire morin yaluci ojorakū sembi, hafasai morin
03 yaluci ojorongge ninju funceme bi sere, abkai gamara dube be
04 ainambahafi sara, jai jihe solho hafan orin niyalma be tebu, gūwa
05 solho be unggi, fe an i bure jaka be bufi, musei hafan karun i
06 niyalma giyang ni dalin de bene, tubaci 45/46 aika baita takūraci, meni
07 ubade bisire de ši san šan be dobori dulibu, be okdoburakū, be
08 ubaci aššaci urunakū takūrambi;
Page 554
01