|
|
Volume 2
Volume 3
Volume 2, Fascicle 37
Page 497
01 tongki fuka sindaha hergen i dangse;
02 ice ninggun de, sun dureng, dalahai, derekei, namasiki, tusiyetu
03 efu i ahūn i jui labasihi, konggor mafa i jui mujai, dalai cūhur, dalai
04 cūhur i ahūn i jui dasi, haisa taiji, gumu, bumbu cūhur, guru, hatan
05 baturu, ere geren monggo i beise, musei 1/2 han, beise, abka de ilan
06 jergi niyakūrafi uyun jergi hengkilehe, tereci han, beise, suwayan
07 cacari de tehe, sun dureng, dalahai, namasiki, derekei, han de aldangga
08 emu jergi niyakūrafi hengkilehe, sun dureng hanci ibefi niyakūrara de,
09 han ilifi alime gaiha, ilaci jergi niyakūrara de, 2/3 han inu ishun
10 niyakūrafi hengkilefi tebeliyeme acaha, juwe amba beile de han i
11 songkoi acaha, dalahai, namasiki, derekei acara de, han, beise tehei
12 alime gaifi tebeliyehe, terei sirame dalai cūhur, dasi, haisa taiji, gumu,
13
14 bumbu cūhur, guru, han de acara de, aldangga emu jergi niyakūrafi
15 hengkilehe, dalai cūhur hanci ibefi emu jergi niyakūrara de, 3/4 sun
16 dureng ni songkoi acaha, jai terei sirame hatan baturu, labasihi,
Page 498
01 konggor mafa i jui mujai, ere ilan acara de, han, beise tehei alime
02 gaifi tebeliyeme acaha, acame wajiha manggi, sun dureng ni emu ihan,
03 sunja honin yali, dalahai ilan honin yali arki be han, beise de angga
04 isibume wajiha manggi, sun dureng be 4/5 han i hashū ergi de adame
05 tebuhe, dalai cūhur be amba beile i ici ergi de adame tebuhe, hatan
06 baturu be manggūltai beile i adame tebuhe, jakūn ihan gūsin honin
07 wafi sarilaha, han de sun dureng ni jafahangge, emu morin de enggemu
08 hadala tohohoi, uksin saca acihai, sula juwan nadan morin, dalahai
09 emu temen, jakūn morin, 5/6 namasiki juwe morin, derekei nadan
10 morin, dalai cūhur ilan temen, orin morin, dasi emu sekei dahū, emu
11 temen, nadan morin, haisa taiji juwe morin, bumbu cūhur emu morin,
12 gumu emu morin, guru emu morin, hatan baturu emu morin de
13 enggemu hadala tohohoi, sula duin morin, labasihi ilan morin, mujai 6/7
14 ilan morin jafaha bihe, han i gaihangge sun dureng ni ninggun morin,
15 dalai cūhur i nadan morin, haisa taiji i juwe morin, derekei i duin
Page 499
01 morin, dalahai i juwe morin be gaiha, jai gemu bederebuhe;
02 ineku tere inenggi, 7/8 han i buhengge, sun dureng de
03 acinggiyame foloho enggemu hadala tohohoi emu morin de uksin saca
04 acihai buhe, dalai cūhur, sengge beile de emte morin de acinggiyame
05 foloho enggemu hadala tohohoi buhe;
06 ice nadan de, saiyang mergen taiji, bambu ildeng, dung daicing,
07 kara cerik gurun i g'arma 8/9 hūwang taiji, nomudai daicing, nomci
08 daicing, ere monggo beise aldangga emu jergi niyakūrafi hengkilehe,
09 ibefi emu jergi niyakūrafi hengkilehe, ilaci jergi hanci ibefi niyakūrafi
10 hengkilefi han i buhi be tebeliyeme acaha, juwe amba beile de inu han
11 i songkoi acaha, acame wajiha manggi amasi bederefi, ini gajiha arki
12 be 9/10 han, beise de angga isibuha, angga isibume wajiha manggi, ici
13 ergi dalbai cacari de tebuhe, juwe ihan jakūn honin wafi sarin sarilara
14 de, tusiyetu efu, sun dureng, dalai cūhur, sengge beile, jai geren
15 monggo taijisa be isabufi, abka na de gashūha bithei gisun, monggo
Page 500
01 bithe de bi, gashūre onggolo emu amila ulhūma julergi ci deyeme 10/11
02 jifi, dere sindara julergi cacari jakade tuhefi šurdeme sujume yabure
03 be, han meifen lasha gabtame waha, han de acara doroi saiyang taiji
04 emu temen, duin morin, bambu cūhur emu temen, duin morin, dung
05 daicing emu temen, nadan morin, emu sekei dahū, g'arma hūwang taiji
06 emu temen, emu morin de 11/12 enggemu hadala tohohoi, sula ilan
07 morin, nomudai daicing emu temen, juwe morin, nomci daicing sunja
08 morin jafaha bihe, saiyang taiji, bambu ildeng, dung daicing ni emte
09 morin gaiha, g'arma hūwang taiji i duin morin be gaiha, gūwa morin
10 be gemu bederebuhe; 12/13
11 ineku tere inenggi, monggo i non i korcin abaga korcin i beise,
12 abka na de akdulame gashūha gisun, sure han dalafi, juwe amba taiji,
13 tusiyetu han, sun dureng, dalai cūhur, sengge hošooci, šahūn honin
14 aniya duin biyai ice nadan de, fafun gisurefi gashūme angga aljaha,
15 aru ci tulgiyen encu dahame 13/14 jihe taijisa be, tusiyetu han i fafun
Page 501
01 de emu adali yabuburakū oci, suweni niyalma ulha be hūsun de ertufi
02 gaici, abka na ubiyame wakašame mende ehe sui isikini, aru i taijisa
03 gisurehe gisun be efuleme, menci fakcame idu i nukte ci encu goro
04 tucici, abka na ubiyame wakašame aru i taijisa de ehe sui isikini, 14/15
05 ere gisurehe fafun be efuleme jurceci, be aru i taijisa be bata obumbi,
06 gisurehe gisun de acabume we songkolome yabuci, tere be abka na
07 gosime se jalgan golmin saniyabume, juse enen minggan jalan de isitala
08 taifin elhe okini, nukte i idu, wargi jecen gahai sar moncok altan,
09 donghor, ūgilcin ujiyer, dergi jecen jin bira i mohon; * 15/16
10 ice jakūn de, tusiyetu efu sunja ihan, gūsin honin, hatan baturu
11 ilan ihan, orin honin wafi, han, juwe amba beile, geren taijisa be ini
12 tataha bade gamafi sarilaha, tusiyetu efu emu morin de bai enggemu
13 hadala tohohoi, sula duin morin, hatan baturu emu morin de
14 acinggiyame foloho 16/17 enggemu, menggun i dushuhe aisin ijuha
15 hadala kūdarhan tohohoi, sula duin morin jafaha bihe, efu i emu sula
Page 502
01 morin, hatan baturu i juwe sula morin be gaiha, gūwa morin be
02 bederebuhe;
03 ice uyun de, korcin i beise, aru i duin juse, gūwa monggo i
04 geren taijisa be isabufi 17/18 culgan culgara de, jakūn honin juwe ihan
05 wafi sarilara de, kalka i galtu taiji, bancin taiji, han de acara de
06 aldangga niyakūrafi hengkilehe, jai hanci emu jergi niyakūrafi
07 hengkilefi, han i buhi be tebeliyeme acaha, juwe amba beile de inu
08 han i songkoi acaha, acame wajiha manggi, hashū ergi aldangga araha
09 cacari de tebuhe, 18/19 han de galtu taiji, bancin taiji juwete morin
10 jafaha bihe, gemu bederebuhe;
11 juwan de, han i booi juwe ihan juwan honin wafi, aru i monggo
12 i beise be gajifi sarilaha; 19/20
13 juwan emu de, monggo beise de bithe buhe;
14 juwan juwe de, sun dureng jakūn honin wafi, juwe kukuri arki
15 emu morin gajime, dalai cūhur emu morin gajime, han be fudeme jihe
Page 503
01 bihe, morin be gemu gaiha, sun 20/21 dureng de han i buhengge,
02 suwayan suje be ušeme ifiha sijigiyan, aisin monggolikū emke, aisin
03 ancun emu juru, juwe suje, genggiyen gecuheri kubuhe emu sijigiyan,
04 emu mocin, emu samsu, sunja šanggiyan boso, suje i sabsiha gūlha,
05 suwayan suje de ilha ifiha wase, aisin ijuha menggun galangga tampin,
06 aisin ijuha menggun i emu hūntahan, 21/22 menggun moro emke buhe,
07 sonom taiji juwe elcin de sunja šanggiyan boso buhe, dalai cūhur de
08 emu šušu sijigiyan, enggemu hadala kūdarhan tohoma yooni, aisin
09 monggolikū emke, aisin ancun emu juru, juwe suje, sunja mocin, sunja
10 šanggiyan boso, aisin ijuha menggun i emu galangga tampin, emu
11 menggun moro de juhe šatan tebuhei, emu 22/23 šanggiyan suje i
12 sijigiyan, hatan baturu de emu gecuheri goksi, juwe suje, mocin samsu
13 juwan, šanggiyan boso juwan, dambagu orin kiyan, emu menggun solha,
14 cuyeng jaisang de emu menggun moro, ubasi de emu menggun moro,
15 aisin ijuha menggun galangga emu tampin, dural hiya de acinggiyame
Page 504
01 foloho enggemu hadala tohoma yooni, dambagu juwan kiyan, ongnoi de
02 emu 23/24 suje i goksi, juwe suje, juwan mocin, juwan šanggiyan boso,
03 emu menggun cara buhe, tusiyetu efu de emu morin, emu gecuheri
04 sijigiyan, emu beri, juwan da niru, aisin dosimbuha hūwara, aisin
05 dosimbuha garma emke buhe, dung daicing de suwayan gecuheri goksi
06 emke, emu cekemu mahala, emu hūba erihe, acinggiyame foloho
07 enggemu hadala, acinggiyame foloho garin guye sindahai emu 24/25
08 loho, aisin ijuha saca galaktun de suwayan burgiyen de hadaha hilteri
09 uksin buhe, ajige sanggarjai de emu šanggiyan ergume buhe;
10 ineku tere inenggi, sure han dalafi, tusiyetu han, sun dureng,
11 dalai cūhur, sengge hošooci, amba ajige taijisa uhei gisureme toktobuha
12 fafun, cahar de 25/26 fideci, juwan ilan ci wesihun nadanju ilan ci
13 fusihūn gemu fidembi, jasak i taijisa fideme generakū oci, tanggū morin
14 juwan temen, beyei ubu ci tulgiyen taijisa fideme generakū oci, susai
15 morin sunja temen, nikan de fideci, amba gūsa ci dalaha taiji emte,
Page 505
01 taiji juwete, tanggū sain cooha tucibufi fidembi, fideme generakū oci
02 ,
03 amba gūsa ci tanggū morin juwan temen keruleme gaimbi, boljohon i
04 bade ilan inenggi otolo isinarakū oci, juwan morin gaimbi, boljohon i
05 onggolo 26/27 tabcilaci, tanggū morin juwan temen gaimbi, dosire tucire
06 de isinjirakū oci, cahar, nikan, yaya bade ocibe, ineku fideme generakū
07 fafun i songkoi gaimbi, juwan inenggi on i bade tofohon inenggi
08 otolo isinara, tofohon inenggi on i bade orin inenggi otolo isinara
09 jergi yaya weile be, jasak i taiji ci elcin gaifi isinacibe, jasak i taiji
10 juwe inenggi duleme elcin burakū oci, jasak i taiji ci ulha be ton i
11 songkoi jafa, yaya weile be tuwame 27/28 burakū oci, udu jasak i
12 taijisa genere bedereme jidere de, weilengge gūsa ci ula yalufi šuwe
13 jikini, inenggi de šusu lakcaci, taijisa dedun de honin jetere, eici
14 ihan ulebure oci, taijisa i gucuse de emu songkoi gaisu, geren i elcin
15 be ilinjabuci, hadala saca morin gaimbi, geren i elcin toron gidaha
16 morin be tašarame yaluci, gūwa morin bume gaisu, gaji sere de
Page 506
01 burakū oci, elcin i loho beri juwe hacin ci emke gaisu, 28/29 geren i
02 elcin be sabutala morin be jailabume gamaci, dahan gaimbi, geren i
03 elcin be taijisa tantaci, uyun uyun keruleme gaimbi, hartu niyalma
04 tantaci, ilan uyun gaimbi, ilinjabuha geren i elcin enggemu be gaifi
05 adaki de isinaci, tere adaki niyalma ula de isibume bene, aika isibume
06 benerakū oci, udu niyalma oci hadala saca morin gaimbi, taiji niyalma
07 aika ukanju be waci, juwan boo gaimbi, taiji waha bime kemuni gūsai
08 niyalma morin i 29/30 ton ci gaifi gercileme jici, gercilehe niyalma be
09 ineku juwan boode baktambumbi, wara taijisa meljeci, mukūn i urse de
10 fonji, aika maraci inu fafun i songkoi gaimbi, harangga albatu niyalma
11 waci, ilan tanggū anju gaimbi, jidere ukanju be yaya niyalma ucaraci,
12 joriha ejen de beneme bu, benehe manggi, tere ukanju ci juwe ci
13 wesihun juwan ci fusihūn emke gaisu, emke oci uthai gaisu, juwan
14 jaka ci emke, orin jaka ci 30/31 juwe, ton i songkoi tolome gaisu, manju,
15 aika korcin abaga de genefi weile necici, korcin abaga i fafun i songkoi
Page 507
01 icihiyakini, korcin abaga aika manju de genefi weile necici, manju i
02 fafun i songkoi icihiyakini, juwe gurun i siden dulimbade weile necici,
03 meni meni fafun i songkoi icihiyakini, agūn i korcin, abaga, aohan,
04 naiman, kalka, karacin, tumet taijisa hūlhame yabuci, tanggū morin
05 juwan temen keruleme gaimbi, hartu urse hūlhame yabuci, udu hūlha
06 be wafi 31/32 juse sargan be jooliburakū jafafi bumbi, hūlhaha udu ulha
07 oci, oron holbome elcin tucifi gaimbi, tereci funcehe ulha be taijisa
08 gaimbi, habšaha, habšabuha juwe ergi ejete i beye, ahūn deo i jergi
09 urse de duileme fonjimbi, duileme fonjiha ci aifuci, oron holbome
10 gaimbi, taijisa hūlhaha oci, amji eshen de duileme fonji, amji eshen
11 akū oci, jalahi ahūn deo de duileme fonji, iletu tucinjihe hūlha be
12 gaji sere de burakū turibuci, tere turibuhe 32/33 ejen ci ton i
13 songkoi tanggū morin juwan temen keruleme gaimbi, yaya weilengge
14 taijisa, jasak i taijisa i gisun be gaijarakū oci, sure han de wesimbumbi,
15 jasak i taijisa akdun be efuleci, orin morin juwe temen keruleme gaimbi,
Page 508
01 beye ci tulgiyen gūwa taijisa akdun be efuleci, juwan morin emu temen
02 keruleme gaimbi; sure han i sunjaci aniya duin biyai juwan juwe; * 33/34
03 juwan juwe de, tusiyetu efu i bajutai de dural darhan hiya
04 gebu buhe turgun, han, beise i juleri yobodome efire sain, gisun inu
05 bahanambi seme tuttu dural darhan hiya gebu buhe, yaya beise i
06 boode genefi duka uce yaksiha ucuri seme halburakū oci, ambasai jergi
07 weile gaimbi, ineku tere inenggi tusiyetu efu, han be fudere doroi
08 aldangga juwe jergi niyakūrafi hengkilefi, tereci 34/35 fakcafi genehe;
09 ineku tere inenggi, šahūn honin aniya duin biyai juwan emu
10 de, sure han i juleri, tusiyetu han, hatan baturu, ukšan, ilduci, dagūr
11
12 hatan baturu, mujai, galtu baturu, bandi ilduci, amba ajige taijisa fafun
13 be majige eberembuhe, dergi jase i 35/36 dagūr geljerku ci colman de
14 isibume tembi, ula i jurcit horkon ci wasihūn tembi, ula i jurcit jacin
15 ci wesihun tembi, amba gūsa emu amba hoton arambi, ere fafun be
16 we efuleci, tanggū morin juwan temen keruleme gaimbi, ede tuwame
Page 509
01 daharakū niyalma be, juwan jasak i juwan taijisa safi han ci elcin
02 gaifi guribumbi, šahūn honin aniya juwan 36/37 biya ci ebsi gurimbihe;
03 ineku tere inenggi, wargi jase i karun aohan i dureng ni
04 juktehen i ulan hada de, terei dergi ergi juwe kaljan de, cinon bira i
05 horhū de, corji i juktehen i abjinan de, miratu goolin gool, toorin gool
06 de emu biyai kunesun, gūsai 37/38 susai niyalma karun tucimbi, susai
07 niyalma ci edeleci, tere niyalma be emu morin keruleme gaimbi,
08 boljohon i bade jiderakū oci, sunja inenggi ci ebsi oci, ihan keruleme
09 gaimbi, sunja inenggi ci tulici, morin keruleme gaimbi;
10 juwan nadan de, liyoha i dalin de han i booi juwan honin emu
11 ihan wafi, manjusiri efu, ukšan 38/39 nakcu be sarilaha, juwan jakūn de
12 han dosika;
Page 510
01