|
|
Volume 2
Volume 3
Volume 2, Fascicle 34
Page 461
01 tongki fuka sindaha hergen i dangse;
02 sure han i sunjaci aniya aniya biyai ice inenggi, tusiyetu han
03 de ini etuhe etuku ehe seme, suwayan suje de hūha sekei hayaha jibca
04 de seke dokomiha jibca buhe;
05 ineku tere inenggi, jarut gurun i neici, šanggiyabu, 1/2 eide,
06 gendur, sangtu, sanggūl, habagai, olbok, sonin, ese emte morin gajime
07 han de hengkileme jihe, jihe doroi ceni gajiha arki be angga isibuha,
08 gajiha morin be emkeci gaihakū bederebuhe;
09 ineku tere inenggi, 2/3 han ini boode tusiyetu efu, gege be
10 dosimbufi orin dere dasafi sarilaha;
11 ice juwe de, han de g'arma hūwang taiji i elcin sunja niyalma,
12 morin emke gajime jihe; 3/4
13 ice ilan de, han, juwe amba beile, taiji sabe tusiyetu efu, gege
14 ini ebuhe boode dosimbufi sarilaha, ilan ihan orin honin waha bihe,
15 sarilaha doroi han de enggemu tohohoi emu morin, bai emu morin,
Page 462
01 seke i hayaha jibca emke, amba beile de bai emu morin, seke i hayaha
02 jibca emke, 4/5 manggūltai beile de bai emu morin, seke i hayaha jibca
03 emke jafaha bihe, han * enggemu tohoho morin be gaiha, emu morin
04 jibca be bederebuhe, amba beile, manggūltai beile morin emte gaiha,
05 jibca be bederebuhe;
06 sure han i sunjaci aniya aniya biyai ice duin de, 5/6 uge i
07 takūraha elcin ma yūn siyan, terei emgi musei elcin ci biyan lung
08 gebungge šusai, wei coo cing gebungge niyalma be adabufi unggihe,
09 ese de unggihe bithei gisun, aisin gurun i han i bithe, lio fu i ahūn
10 deo de unggihe, sini gorokici unggihe jaka be gemu alime gaiha, komso
11 bicibe 6/7 mujilen okini seme juwe morin unggihe, alime gaisu, jai
12 suweni niyalmai meni bade orhoda gurure be si ilibu, meni buthai
13 niyalma ucaraci, buya urse musei doro emu oho be ulhire unde,
14 ishunde durire cuwangnara niyalma wanure oci ehe kai, si iletu
15 hūdašaci ojorakū, solho deri hūdašaki sere gisun inu, sini aika baitangga
16
Page 463
01 jaka oci minde jendu 7/8 takūra, meni aika baitangga jaka oci sinde
02 jendu takūrara, wesihun i eme deo jusei jalin hendure inu, eme be
03 mini jakade guribuki, deote juse be seme esi gaifi yabuci, * ma yūn
04 siyan de dobihi dahū emke, juwan yan menggun šangname buhe;
05 ice ninggun de, jarut gurun i neici, bayartu, 8/9 daicing se,
06 barin i manjusiri genehe, genere doroi buhengge, neici, bayartu,
07 daicing, manjusiri, ese de tasha i sukū emte buhe, gūwa buya taijisa
08 de buhekū;
09 ineku tere inenggi, tusiyetu efu i jui badiri genehe, genere
10 doroi buhengge, ilan suje, mocin 9/10 samsu juwan, hilteri uksin galaktun
11 saca be folofi aisin ijume emke, foloho enggemu hadala foloho jebele
12 emke buhe;
13 ice nadan de, tumei beile genehe, genere doroi buhengge, seke
14 i hayaha jibca emke, ifiha ojin emke, foloho umiyesun emke, foloho
15 enggemu 10/11 hadala emke, hilteri uksin galaktun saca de aisin ijume
Page 464
01 emke, seke mahala de aisin i šerin hadahai emke, menggun i cara
02 emke buhe, sunja ba i dubede juwe ihan duin honin wafi orin gio yali
03 bujufi sarilaha;
04 ice jakūn de, karacin i šamba tabunang, sirantu, 11/12 han de
05 hengkileme jihe, han de gajihangge, šamba emu morin, sunja honin
06 yali, sirantu emu morin, emu giyahūn, tasha i sukū emke jafaha bihe,
07 honin yali, giyahūn be gaiha, jai gaihakū bederebuhe;
08 juwan emu de, karacin i genggel hiya beile, 12/13 sereng, senek,
09 ūljeitu, ere duin niyalma aniya doroi han de hengkileme jihe, han de
10 gajihangge, genggel hiya beile emu temen, emu morin, sereng emu
11 morin, emu giyahūn, senek emu morin, ūljeitu emu morin jafaha bihe,
12 gaihakū gemu bederebuhe; 13/14
13 juwan ilan de, aru i duin beile de unggihe bithei gisun, sure
14 han i hese, duin juse de unggihe, dasan šajin emu i acambi seme jifi,
15 hūlha holo ofi adun be dalime yabumbi sere, aohan, naiman, barin,
Page 465
01 jarut, korcin uhei emu ofi, suweni adun be dalime bošoci, suweni
02 adun 14/15 aika funcembio, daci bihe facuhūn ehe be waliyarakū yabure
03 ohode, suwe ehe ombikai; *
04 ineku tere inenggi, karacin i šamba tabunang, sirantu, wang
05 lama genehe, genere doroi buhengge, šamba tabunang de loho emke,
06 jeku juwan hule, sirantu de jebele emke, jeku juwan hule, 15/16 wang
07 lama de hilteri uksin saca buhe;
08 juwan ninggun de, korcin i darhan baturu genehe, genere doroi
09 han i buhengge, seke dahū emke, gecuheri emke, suje ilan, mocin samsu
10 juwan, fulgiyan jafu emke, hilteri uksin foloho saca galaktun de aisin
11 ijume emke, 16/17 foloho jebele de aisin ijume niru sisihai emke, foloho
12 enggemu hadala de aisin ijume emke, cai juwan boose, dambagu juwan
13 kiyan buhe;
14 ineku tere inenggi, han de aniya araha doroi hengkileme aru
15 i ombu taiji, ara nomci jihe bihe, jihe doroi 17/18 han de ilan ihan
Page 466
01 ninggun honin wafi sarilaha, tere sarilara de han ini dukai yamun de
02 tucifi, taijisa be tusiyetu efu be gajifi sarilaha, sarin de jafaha ulha
03 i ton, ombu taiji juwan ilan morin, emu temen, ara nomci juwe morin,
04 juwe temen jafaha bihe, ara nomci i juwe morin juwe temen be yooni
05 gaiha, ombu taiji i sunja morin gaiha, jakūn morin 18/19 temen be
06 gaihakū bederebuhe;
07 ineku tere inenggi, han de aniya araha doroi korcin i hatan
08 baturu jiki seci juwe ahūn genehebi, gurun de ejen akū seme jihekū,
09 ini jui baisgal be han de hengkileme unggihe, juwe morin gajiha bihe,
10 gemu gaiha; 19/20
11 juwan nadan de, han de aniya araha doroi jalait gurun i sebun
12 mergen taiji hengkileme jihe, han de duin morin, emu temen gajiha
13 bihe, juwe morin gaiha, juwe morin emu temen be gaihakū
14 bederebuhe; 20/21
15 orin ilan de, karacin i donoi gunji, boji baksi, asot i ajinai
Page 467
01 elcin uheri nadan niyalma jihe, tesei alarangge, nikan i elcin niyalma
02 tuwanjime jihe bihe, ajinai jafafi gajime jiki seci, donoi gunji
03 ojorakū, ilan tanggū niyalma be adabufi amasi hūda unggihe bihe,
04 nikan gemu wafi, ninggun niyalma tucifi amasi jihe, tuttu ofi 21/22
05 teci ojorakū seme han be baime jime narit bira de isinjiha;
06 orin duin de, karacin i ombu taiji aniya araha doroi han de
07 hengkileme jihe, han de emu morin gajiha bihe; 22/23
08 orin sunja de, tusiyetu efu, gege de jihe doroi aika bume, han,
09 manggūltai beile, taijisa ambasa bithei boode isafi tuwame buhe, buhe
10 jaka i ton, gecuheri cekemu juwan, amba suje juwan, buya suje
11 jakūnju, mocin samsu boso sunja tanggū fulgiyan jafu juwan, emu
12 tanggū yan i oton emken, emu tanggū 23/24 yan i solha emken, ninju
13 yan i cara emken, ninju yan i dongmo emken, aisin i hūntahan emu
14 juru, menggun i hūntahan juwe, menggun i tampin emken, menggun i
15 niyalma noho * hūntahan emken, gu i hūntahan juwe, aisin juwan yan,
Page 468
01 nicuhe juwan yan, tasha yarha i sukū juwan, lekerhi hailun i sukū
02 orin, juwe pijan de buyarame jaka tebufi, 24/25 juwe pijan sese subeliyen
03 tebufi, dambagu emu tanggū kiyan, cai emu tanggū boose, hūba erihe
04 emken, jantan i erihe emken, kaikamsi * erihe emken, hūba i hiyase
05 emken, bai hūba emken, šan hu emken, durbejengge šui jing ilan,
06 muheliyen šui jing emken, aisin i šan feteku emken, menggun faksi **
07 juwe juru buhe, gege de dahabuha ninggun sargan 25/26 juse de
08 buhengge, nadan suje, susai mocin, gege be tuwame bu seme buhe;
09 orin ninggun de, tusiyetu efu, gege de han i booi buhengge,
10 efu de buhengge cekemu de ifiha sekei doko seke i hayaha jibca emke,
11 aisin 26/27 šerin hadaha seke mahala emke, silun dahū emke, yarha
12 dahū emke, camci emke, tuwa aisin dosimbuha umiyesun emke, tuwa
13 aisin dosimbuha jebele de beri niru sisihai emke, gūlha wase emu juru,
14 foloho enggemu juwe, saca galaktun foloho hilteri uksin ilan, puse ifiha
15 uksin nadan, uheri uksin juwan, aisin ijuha 27/28 cara emke, aisin ijuha
Page 469
01 malu emke, aisin ijuha tampin emke, gecuheri cekemu amba suje
02 tofohon, buya suje tofohon, uheri suje gūsin, mocin emu tanggū, cai
03 susai boose, dambagu susai kiyan, fulgiyan jafu juwe, guise duin, gege
04 de buhengge, aisin i ilha nicuhe tugi hadaha ojin teleri emu
05 juru, ifiha ojin 28/29 teleri emu juru, sain aisin i kūthūri šerin amala
06 hadarangge yooni hadaha seke mahala emke, sahalca seke dahū emke,
07 camci emke, gūlha juwe juru, aisin i amba fadu emke, tana fiyahan
08 sindaha monggolikū emke, aisin i ancun juwe juru, hūba sindaha nomin
09 erihe emke, nicuhe hadaha siberhen * emu juru buhe, gege efu i 29/30
10 jihe fonde gajiha ulha be dulga bederebufi, han fujin i gaihangge, han
11 de morin nadan, jibca emke, mahala emke, seke dahū emke, juwe fujin
12 de gajihangge, honin susaita, ihan sunjata, seke ehe dahū emte;
13 orin uyun de, pi doo de takūraha šusai 30/31 ci biyan lung
14 isinjiha, uge i elcin siyoo ding ts'e gebungge nikan umai gajihakū
15 untuhun jihe, han i uge de unggihe juwe morin be gaihakū amasi
Page 470
01 gajiha, elcin genehe ci biyan lung de buhengge, cuse duin, šempi
02 ilan, toholon muke juwe gin, susai sefere dambagu, šatan juwan gin,
03 giyang emu gin, kutule genehe wei coo cing de buhengge, menggun 31/32
04 juwan yan, mocin juwan, ulme juwe boose, dambagu susai sefere, šatan
05 sunja gin;
06 gūsin de, tusiyetu efu, gege be fudere doroi han i boode
07 gajifi, emu ihan juwe honin wafi orin dere dasafi sarilaha, fudere
08 doroi han i buhengge, gege de sekei hayaha jibca emke, ifiha 32/33
09 ojin emke, hūba sindaha šuru erihe emke, amba hūba emke, hacin
10 hacin i juwangduwan giltasikū farsi farsi emu pijan, ilarsu foloho
11 enggemu tohohoi emu morin buhe, efu de buhengge, suwayan suje de
12 kubume ifiha jibca emke, aisin dosimbuha hadala kūdarhan sindafi bai
13 enggemu tohohoi emu morin buhe, bume wajiha manggi, 33/34 han goro
14 fudeki seci, mama i mejige ambula bifi goro fudehekū, fajisa be
15 gaifi hūwa i dukai ebsihe fudefi, fakcara de gege songgoro jakade, han
Page 471
01 kūrcan baksi be takūrame hendume, ume songgoro, dancalame jifi
02 songgoci acarakū, songgoci acara giyan oci, ama bi songgorakū biheo
03 seme tafulaha manggi, gege songgoro be nakafi juraka, juwan ba i
04 dubede fudere doroi 34/35 juwe ihan nadan honin wafi, urehe taijisa
05 ambasa genefi sarilaha, jai abatai beile, ajige age, darhan efu, hošotu
06 efu, sele age, kakduri jase tucime fudefi, juwe ihan sunja honin wafi
07 sarilaha, gurun i dubeci casi jefu seme emu ihan duin honin bufi
08 unggihe, ere dangse de jakūn gūsai beise i buhengge be efu * 35/36
09 gege be beneme hife baksi genehe;
Page 472
01