|
|
Volume 2
Volume 3
Volume 2, Fascicle 31
Page 417
01 tongki fuka sindaha hergen i dangse;
02 juwan de, nikan de cooha genehekū korcin i beise de weile
03 bošome genehe asidarhan, sibatai, elbihe, aisunggū isinjiha, han de weile
04
05 i deji jakūn morin gajiha;
06 ineku tere inenggi, inggūldai unggihe bithe, jeng giyang ni 1/2
07 bira be orin ilan de doofi fonjici, mocin isinjihakūbi, eihen losa turga
08 ofi, juwe ubu cooha be jeng giyang ni dalin de werifi, jai emu ubu
09 cooha be gaifi an jeo de mocin bošome genefi, juwan juwe tumen mocin
10 gajime ice ninggun de i jeo de isinjiha, jai sunja tumen mocin i jalin
11 de ihan bošo, 2/3 mocin be dorgi ci benjimbi sehebi, isinjire unde,
12 erebe bošome bi, ere tookabuha be donjikini seme unggihe, inggūldai,
13 bakiran, solho i han de genehe mudan de, solho i han be wafi soorin
14 duriki sehe duwali emu niyalma, erei terei bifi meni an jeo de
15 isinaha jai dobori dosinjiha, tere niyalmai alara gisun, odz de 3/4
16 cooha baihangge inu mujangga sembi, tun i niyalma be muse de
Page 418
01 ubašambi sembi, cooha isabufi tun be gaimbi seme alaha, jai be tuwaci,
02
03 cooha isabuha inu mujangga, kirsa de isinjiha inenggi, tun i mejige be
04 dacilame fonjiki seme, sirna, engkei orin niyalma be gaifi, nikan i
05 karun be baime genefi, karun i ilan niyalma be jafafi 4/5 fonjici, tere
06 niyalmai alara gisun, solho i cooha uge be waki, uge i cooha be nikan
07 han de beneki seme mederi dalirame bi, uge ba ba i tun be dahabufi
08 lioi šūn keo be dahabume genehebi, terei jidere be aliyame, solho i
09 cooha mederi dalirame ba bade ilihabi seme alambi, tere niyalma be
10 dobori sindafi unggihe; 5/6
11 ineku tere inenggi, inggūldai de unggihe bithe, han hendume,
12 bahara unde mocin be ume aliyara, neneme bahai teile gajime jio,
13 suweni emgi genehe coohai niyalma boode ergehekū genehe bihe,
14 bahara unde mocin be jai mudan de ganaki, dobori mejige alanjiha
15 solho be uju fusifi jušereme etuku etubufi saikan gajime jio, 6/7 suijan
16 nirui ilan niyalma ukakabi, jidere de songko faitabu;
Page 419
01 juwan ilan de, han yamun de tucifi, luwan jeo, yung ping be
02 waliyafi jihe ambasa be beidehengge, tanggūdai be, si han i jui wakao,
03 simbe erdemungge sain seme hergen buheo, ere gese bade tusa
04 okini seme dzung bing guwan i 7/8 hergen buhe kai, si hecen ci
05 tucifi aliyambi sehe bade aliyahakū, juwe gūsa be waliyafi jihe, sini
06 aliyahakū turgunde fambufi, bata de ambula gaibuha seme weile arafi
07 wambihe, wara be nakafi dzung bing guwan i hergen efulehe,
08 jušen gaiha, boigon talaha, eigen sargan i beyei teile tucibuhe, gaiha
09 jaka be amba beile de buhe; 8/9
10 burgi si sini gūsai tanggūdai age be tafulame muterakū
11 amban mujanggao, si ainu tafulahakū seme fujiyang ni hergen efulehe,
12 jušen, šangnaha šang gemu gaiha;
13 namtai dzung bing guwan be, si 9/10 han i gūsai amban
14 wakao, sini gūsai bade bata afanjici, si jai juwe gūsa ambasa be
15 gaifi hoton i tulergi bata be ainu gidahakū, yung ping de jici, musei
Page 420
01 cooha be bargiyafi gajihakū, jifi amin beile be ainu eteme tafulahakū
02 seme wambihe, wara be nakafi weile arafi dzung bing guwan i
03 hergen be efulehe, boigon talaha, eigen sargan i 10/11 beyei teile
04 tucibuhe, gaiha jaka be han de buhe;
05 babutai age be, si han i jui bime, han i gūsa de bikai, bata
06 sini bade afanjici, daci ainu latubuha, šanggiyan i gūsai gese hanci
07 halbuhakū ainu 11/12 afahakū, daci latubufi nikan poo miyoocan
08 sindara gabtara de, mini coohai niyalma koro baha, nikan hoton i da
09 be afaci, si hoton i ninggude komso cooha ilibu, geren cooha be gaifi
10 hoton ci tucifi, hoton i da i cooha be ainu wahakū seme weile arafi
11 wambihe, wara be nakafi fujiyang ni hergen be efulehe, šang
12 gaiha; 12/13
13 turgei uju jergi dzung bing guwan be, hoton de bata be
14 hanci halbuhakū afaha, hoton ci tucifi nikan i cooha be inu wahabi,
15 jici amala uncehen de bihe, baturu fili sain kai, si tuttu bime mende
Page 421
01 efu meye ombi, si coohai ten kai, yung ping de tehe 13/14 amin
02 beile be eteme ainu tafulahakū seme weile arafi hergen efulehe, gūsai
03 ejen nakabuha, jušen gaiha;
04 yungšun be, si kubuhe fulgiyan i amban wakao, sini gūsai
05 beile šoto i emgi acafi, beile i baru jidere be marame tafulaha bici,
06 beile 14/15 ainu loo de horibure, geren ambasa ainu weile bahara, si
07 sini gūsai beile be daburakū, amin beile i baru hebešefi, sini gisun de
08 dosifi geren ambasa i tafulara be gaihakū, jidere be inu arafi jihe kai,
09 beile be loo de horihangge, geren ambasa be weile arahangge, gemu
10 sini turgunde kai seme wambihe, wara be nakafi 15/16 ts'anjiyang
11 ni hergen be efulehe, gūsai ejen be nakabuha, jušen gaiha;
12 tobohoi ecike nimeme cooha de genehekū, jui dalai be, sini
13 amai funde daiselame medege gaikini seme gūsai ejen sindaha kai, si
14 baibi ainu angga mimifi tehe, beile be 16/17 emu gisun tafulame
15 henduci ainaha, si ehelinggu budun seme hendufi weile akū bai sindaha;
Page 422
01 songgotu beiguwan be, afara de bulcame afahakū, hoton ci
02 tucifi dobori jidere de, nikan cooha be acafi burulaha seme wambihe,
03 wara be nakafi tanggū šusiha tantaha, hergen efulehe, boigon 17/18
04 talaha, eigen sargan i beyei teile be mergen daicing ni boode aha
05 buhe;
06 entei iogi be, poo i okto de fucihiyalabuha anakū de kadalarakū
07 bulcame dedufi, sini jalan i ba hoton efujehe seme wambihe, wara
08 be nakafi tanggū šusiha tantaha, hergen efulehe, boigon talaha, 18/19
09 eigen sargan i beyebe han i boode aha buhe;
10 aimbulu be, yaya ci neneme burulame yung ping de jihe
11 seme wambihe, wara be nakafi tanggū šusiha tantafi boigon talaha,
12 eigen sargan i beyebe amba beile i boode aha buhe; 19/20
13 busan ts'anjiyang be, yaya fonde ohode beyei weile be emhun
14 gisurerakū, geren be fulmiyeme ainu gisurembi, hoton ci tucifi sini
15 jalan be bargiyafi gajihakū, si burulame jihe seme hergen efulehe,
Page 423
01 šang gaiha; 20/21
02 hele beiguwan be, sini jalan i cooha be bargiyafi gajihakū, si
03 burulame jihe seme hergen efulehe, šang gaiha;
04 nimacan beiguwan be, gisurehe gisun be jurceme, fulgiyan be
05 lakcafi šanggiyan be aliyahakū jihe, jifi nikan i buksiha cooha de
06 tuhenjifi musei 21/22 cooha ambula wabuha seme hergen efulehe, šang
07 gaiha;
08 langsi beiguwan be, hoton de afara de feye baha seme bulcame
09 kadalahakūbi, nikan cooha hoton de latunjifi na be feteme hoton
10 efujehebi, tucifi jidere de, fulgiyan be lakcafi 22/23 bata i buksiha bade
11 tuhenjifi musei cooha ambula wabuhabi seme hergen efulehe, šang
12 gaiha, dehi sunja šusiha tantaha;
13 derdehei be, gisun de dosika amban waka, beile be huwekiyebufi
14 gajiha seme susai šusiha tantafi bai sindaha, jai nancu, sahaliyan,
15 karkama, 23/24 dajiha, gargio, wenje, bayangsu, hūlhatu, šanggiyan holo
16 ,
Page 424
01 nomhon, tundai, hahana, baicuka, gabula, cergei, samsika, hūsita,
02
03 dungsan, tumburu, hūsibu, ardai, emungge, tumen, ginggūlda, ere orin
04 duin amban be weile akū sindaha;
05 mungtan fujiyang be, beile be eteme tafulahakū 24/25 seme
06 tuhere an i weile šang gaiha;
07 furdan iogi be, hoton ci tucire de, jalan i niyalma be bargiyafi
08 gajihakū seme tuhere an i weile šang gaiha;
09 asari beiguwan be, hoton ci tucire de, 25/26 gūsai ejen ci
10 fakcafi jalan i niyalma ambula wabuha seme tuhere an i weile šang
11 gaiha;
12 juwan duin de, luwan jeo de musei ambasa waliyafi jihe
13 juwe jušen ukame jidere be, karacin i han i juwan emu niyalma
14 benjihe; 26/27
15 tofohon de, julesi genehe dahai, ušan, keri, tursi, suldei, ši
16 ting ju, hūnta, tahabu, emu nirui emte bayara be gaifi isinjiha;
Page 425
01 juwan ninggun de, aru i elcin jihe; 27/28
02 juwan jakūn de, hūrha gurun i juwan emu niyalma, seke i
03 alban benjime han de hengkileme jihe;
04 han i ujihe yung ping, ciyan an i hafan irgen be amin beile
05 gemu wafi, terei juse sargan be coohai niyalma gajiha be gemu
06 suweleme gaifi, 28/29 han hendume, mini ujihe hafan irgen be waci,
07 terei juse sargan be adarame olji obure seme, ama akū jui, eigen akū
08 hehe be gemu acabufi, tere boo jetere jeku eture etuku bufi boigon
09 arafi ujihe;
10 orin de, uge i takūraha hoo jin sio 29/30 ciyandzung isinjiha;
11 šanggiyan morin aniya nadan biyai ice sunja de, syge, uge i
12 takūrafi unggihe amji i jui ahūn lio hing pei, emu ciyandzung juwe
13 kutule isinjimbi seme medege alanjire jakade, inggūldai, kūrcan, dahai,
14 lungsi, sonin, mucengge be okdobufi gajiha, 30/31 gajifi tatabure
15 boode ebubufi, dagaju i jergi jakūn booi jakūn niyalma be, jetere ai
Page 426
01 jaka be gingguleme ulebu seme afabuha, yaluha morin losa be jakūn
02 beise i heren de saikan ulebu seme salaha, han de gajihangge hacin
03 hacin i suje emu tanggū, hacin hacin i etuku jakūn, aisin ijuha
04 menggun i tampin 31/32 juwe, aisin ijuha menggun i jakūn enduri
05 hūntahan juwe, bai menggun i hūntahan duin;
06 juwan emu de, han, beise, bithei boode jifi hiyan dabufi gashūha
07 bithei gisun, aisin gurun i han < > * doro jafaha beise daišan,
08 manggūltai, abatai, degelei, jirgalang, ajige 32/33 age, dorgon, dodo,
09 dudu, yoto, sahaliyen, hooge, abka na de akdulame gashūrengge, mederi
10 tun i lio hing bang, lio hing ji, lio hing jy, lio hing liyang, lio hing
11 pei, ini nikan han i hafasa be wafi, geren tun i niyalma be gaifi, mini
12 emgi emu hebe ombi seme amala banjire jalin de gashūmbi, tun i
13 niyalma tun de tecibe, olhon de tafafi 33/34 tecibe, mini gurun de
14 dosimburakū antaha gurun ofi banjibumbi, jai mini ubaci ukame genehe
15 jušen monggo be, dade miningge bihe seme gaji seme gaijarakū,
Page 427
01 uttu gisurehe be aifufi antaha gurun obufi banjiburakū oci, ukame
02 genehe jušen monggo be gaji seme gaici, lio i ahūn deo i fe weile
03 be jondoro, acanjime jihede jafara oci, 34/35 abka na membe wakalafi
04 se jalgan de isiburakū aldasi bucebu, lio i ahūn deo membe holtofi
05 amasi nikan han i baru ojoro, akūci juwe mujilen jafafi siden de
06 bisire oci, abka na lio i ahūn deo be wakalafi se jalgan de isiburakū
07 aldasi bucebu, meni juwe gemu gisurehe gisun de isibume tondoi
08 akūmbume banjici, 35/36 abka na gosime jalan goro aniya goidame
09 banjibu;
10 tofohon de, elcin jihe lio hing pei, juwe ciyandzung genehe,
11 uge de emu hūrha sekei dahū, juwan hūrha seke, dage, sange, syge,
12 hoošan de emte jušen sekei dahū unggihe, elcin jihe lio hing pei de
13 niruha 36/37 enggemu hadala tohohoi emu morin, jušen sekei dahū
14 emke, juwe ciyandzung de dobihi dahū emte, duin kutule de menggun
15 ilata yan šangnaha, kunduleme sarilarangge, jakūn boo idu i emu
Page 428
01 indeme sunja dere emu honin wafi, sain nure emu malu tataha boode
02 gamafi, sarin dari baksi sabe unggifi sarilabuha, genere de fudeme
03 birai 37/38 dalin de emu honin wafi, emu malu nure, hengke gamafi
04 baksi se genefi sarilafi unggihe, jase tucibume ušalan beiguwan, dainju
05 uheri duin niyalma tiyan šui jan i ebsihe benehe, jugūn de uleburengge,
06 yamji cimari emu honin, juwan coko, emu malu arki ulebu, casi emu
07 honin unggi seme henduhe;