|
|
Volume 2
Volume 3
Volume 2, Fascicle 30
Page 401
01 tongki fuka sindaha hergen i dangse;
02 ice nadan de, han, juwe amba beile tucifi yamun de tehe,
03 beise ambasa gubci irgen be isabufi, amin beile i ehe facuhūn i weile
04 be feteme, geren de yoto taiji hūlaha gisun, ere amin beile daci
05 eherehei jihe turgun, 1/2 han ama, amin beile i ama, tere juwe
06 ahūn deo sain banjimbihe, ere amin beile, ini ama be huwekiyebufi,
07 ahūn han ci fakcafi, hecemu golo de tembi seme booi moo saciha bihe,
08 ama han donjifi, ama jui be sasa weile arafi, ama be ujime, jui be
09 wambihe, be, 2/3 ama han be tafulame, ama be ujici, jui be
10 waha seme ainara, ini ehe be ai gūnire, ama be ujici, jui be ujiki
11 seme tafulafi ujihe, ini ama bederehe manggi, ama han, ini beye de
12 banjiha ilan jui, amin beile be emu adali ilgahakū duin hošoi duin
13 amba beile seme ujihe, ere ujihe be, 3/4 musei gurun i niyalma encu
14 ama i jui seme ilgame ujihe be, geren suwe sahao, jai han ama
15 bederehe manggi, sirame sure han tefi, han ama i ujihe songkoi ilan
Page 402
01 amba beile seme kunduleme banjiha dabala, encu ama i jui seme
02 ilgame banjiha be, gurun i niyalma suwe geli sahao 4/5 seme hūlame
03 henduhe manggi, dzung bing guwan hergen i unege jabume, meni
04 geren inu ilan amba beile be emu adali banjire be saha dabala, ilgame
05 banjire be sahakū seme jabuha, erei ehe facuhūn ningge emu, jai
06 isafi tecehe bade amin beile i hendurengge, bi niyalma seme ainu
07 banjiha ni, akūci alin i moo banjiha 5/6 bicina, moo banjici moo
08 be sacifi deijimbi, akūci šehun ala i ninggude amba deli wehe
09 banjiha bicina, wehe i ninggude gasha gurgu fajambi, udu gasha
10 gurgu fajacibe jaci yebe, wehe banjiha bicina seme hendumbihe,
11 solho, muse juwe gurun baibi sain banjire de, solho, nikan de cooha
12 dafi, muse be waki seme jihe 6/7 bihe, jai liyoodung ni ba i ukanju
13 be ini bade halbufi ujire jakade, ede korsofi abka na de habšafi solho
14 be dailaha, tere dailara de amin beile, jirgalang taiji, ajige taiji, dudu
15 taiji, yoto taiji, šoto taiji, jakūn amban geren cooha be unggihe bihe,
Page 403
01 abka gosifi i jeo hoton be hūlhame gaiha, g'o šan, 7/8 an jeo hoton be
02
03 afafi baha, g'o šan i cooha irgen be waha, an jeo i cooha irgen be
04 wahakū sindafi unggihe, baha hoton de cooha werifi, casi han i hecen
05 i baru dosime genere de, solho han donjifi, tun de jailafi hecen be
06 waliyafi, fung ši hergen i hafan be takūrame, suweni cooha bedere, be
07 dahafi aniyadari 8/9 alban benere, gaji sere jaka be bure sehe
08 manggi, genehe beise ambasa hebdefi, tuttu oci, suweni han i beye,
09 doro jafaha ambasa gashū, han i deo be mende damtun gaji, be,
10 meni han de gamafi acabure, tuttu oci, be akdame gūnire seme
11 hendume, musei elcin be unggifi, solho han, 9/10 doro jafaha ambasa
12 be gemu gashūbufi, han i deo be gajiha manggi, yoto taiji hendume,
13 han i beye gashūre, han i deo be damtun benjici tetendere, muse
14 bedereki, muse han i sain cooha be gajifi goidame bici ojorakū, musei
15 bade monggo nikan bata hanci bikai sehe manggi, amin beile hendume,
16 solho han hecen be 10/11 waliyafi tun de jailaci tetendere, suwe
Page 404
01 generakūci bisu, bi dudu taiji be gamame, han i hecen de genefi tembi
02 seme hendure jakade, dudu taiji tucifi geren taijisai baru gasame
03 hendume, ere beile mimbe emhun gamambi serengge, ai sere hese,
04 beile si weilengge niyalma, bi inu weilengge niyalma kai, mimbe ainu
05 11/12 gaifi teki sembi seme gasaha, yoto taiji, amin beile i deo jirgalang
06 taiji i baru hendume, sini ahūn be tafulame henducina, yabure jurgan
07 fudasihūn kai, muse han i hecen de geneci ojorakū kai, solho han i
08 hecen i ebele emu giyang ni bira bi, tere giyang ni bira i cargi dalin
09 be moo i hashalafi poo miyoocan 12/13 cooha faidahabi, juhe tuhekebi
10 sere, si geneci genere gojime, bi mini juwe fulgiyan be gamame amasi
11 bedereme genembi, juwe fulgiyan geneci, juwe suwayan, juwe šanggiyan
12 ainci mimbe dahame genembi dere seme henduhe manggi, jirgalang
13 taiji ini ahūn be tafulara jakade, amin beile amasi bederehe, terei encu
14 gūnin fudasihūn mujilen be tubade emgeri 13/14 saha, ere juwe, amasi
15 jime dung ging de isinjiha manggi, han de deji tucibufi gajire sain
Page 405
01 hehe be, i gaimbi sere jakade, yoto taiji hendume, muse amba gurun
02 be dailafi ai sain jaka bahafi gamambi, solho gurun i damu hehe sain
03 seme donjiha bihe, ere emu sain hehe be, 14/15 han de gamafi tuwabuki
04 dere sehe manggi, amin beile, yoto taiji i baru hendume, sini ama
05 jarut de cooha genefi sargan gaici adarame ombi, bi gaici adarame
06 ojorakū seme henduhe manggi, jabume, mini ama sargan gaiha
07 serengge, bahafi gajiha sain hehe be han de tuwabuha, 15/16 han
08 gaihakū, cooha de yabuha beise seme mini ama de emken, sinde emken
09 buhe kai, uttu oci acarakū kai seme henduhe, jai tere hehe be
10 okdoko bade han gaiha manggi, amin beile geli minde gaji seme
11 namtai fujiyang be takūraha bihe, namtai tere takūraha inenggi
12 alahakū, jai inenggi 16/17 han de alahabi, han hendume, sikse inenggi
13 alaha bicina, te gaji seci, bi emgeri beye acafi adarame bure
14 sehebi, tere be buhekū seme dolori ushame, tehe bade oci sain
15 cira akū, enggici oci ushara be han donjifi, ere hehei jalin de, ahūn
Page 406
01 deo ainu ushacun ombi seme, lenggeri dzung bing guwan de buhe,
02 17/18 han tere be solho ehe seme buhengge waka, hafirabufi buhe, ere
03 ilan, tusiyetu han hendume, cahar mimbe dailaha, muse emu gurun
04 seci, mini karu cahar be dailaki seme, ini gisun de cahar de cooha
05 genehe, boljoho bade jihekū, i encu dosifi boljoho cooha be aliyahakū
06 jihebi, terei turgunde, 18/19 han, beise jili banjifi hendume, tusiyetu si
07 acafi dailambi seme hendufi boljoho bade jihekū, cahar de membe ehe
08 obufi, si cahar de sain oki seme membe geodebuhe kai, han, beise
09 gisurefi muse %de gashūfi, yaya elcin ume takūrara, terei elcin jihe
10 seme ume halbure, ede muse ehe gisun maktanaki seme henduhe bihe,
11 amin 19/20 beile amasi boode isinjire onggolo, jugūn ci uthai foloho
12 enggemu hadala uksin saca beneme elcin takūrahabi, elcin i niyalma
13 han, beise i ushacun i gisun be gemu alanahabi, tere gisun be
14 tusiyetu donjifi golofi, ere weile be, amin darhan baturu beile si sa
15 seme emu bithe, han de emu bithe unggihe bihe, tere jihe elcin be 20/21
Page 407
01 han halbuhakū bošohobi, tere bošoho elcin be, gisun jurceme amin beil
02 e
03 halbuhabi, inde gajiha bithe be han de tuwabuhakūbi, han i šajin be
04 jurcehengge, ere duin, jai han, beise toktobume gisurehe gisun, yaya
05 beise ambasa sargan gaici, jui buci, han de fonji sehe bihe, amin
06 beile 21/22 ini sargan jui be, han de fonjihakū, ulha bahara be gūnime,
07 monggo i seter beile de buci, seter, minde juwe sargan bi, gaijarakū
08 seme marara niyalma de murime ergeleme bume wajifi sarin gajiha
09 manggi, han be solinjiha bihe, han hendume, bure de hebdehekū bime,
10 sarin de ainu solinjiha 22/23 seme genehekū, jai geli seter i sargan
11 jui be i sargan gaihabi, amin beile, han i baru hendume, seter de
12 buhe sargan jui jobombi, seter i baru muse gisureki dere seme henduhe
13 manggi, han hendume, musei juse be ya gurun de buhekū, atanggi
14 jobobumbihe, bure fonde hebe akū, bufi jui 23/24 jobome deribuhe
15 manggi, ainaha hebe jihe, bure de sini cisui buci, gisurere de inu sini
16 cisui gisure seme ohokū, erei jalin inu kemuni ushame bihe, han i
Page 408
01 šajin be jurcehengge, ere sunja, jai ama han i bisire fonde, jase
02 tuwakiyaci, anafu teci ja seme ba dendefi toktobuha bihe, jasei dorgi
03 ba ehe ofi, jeku gaji seme sain ba be 24/25 tuwame jase neifi, juwe
04 suwayan be cilin i ergi de, juwe šanggiyan be an ping ni ergi de,
05 juwe fulgiyan be ši ceng ni ergi de guribuhe, juwe lamun i tehe
06 jang i jan, jing yuwan i ba be ehe seme, amba hoton i ba be buhe,
07 buhe ubu i ba i dabali enculeme hecemu golo de bilaha, jase be dabame
08 25/26 tariha seme, amin beile i gūsa be weile arafi, tariha jeku be gemu
09 siden de gaiha, jai geli jing yuwan i ba i sain usin be waliyafi,
10 hecemu i golo de urhume tenehebi, jasei ergi waliyaha sain usin be
11 han safi, amin beile i baru hendume, bata be alime tehe ubu i ba be
12 waliyaci acarakū, jing yuwan i ba i 26/27 usin tarici isirakū oci,
13 hecemu i golo de urhume unggire inu kai, hanci ba i hairakan usin be
14 ainu waliyaha seme henduhe manggi, amba beile, manggūltai beile
15 hendume, si šajin be jurceme bata be alime tehe ba be waliyafi
Page 409
01 gurihengge, sinde encu gūnin bikai seme henduhe, tere gisun de umai
02 seme jabuhakū, erei encu gūnin aika oci, ini 27/28 daci tembi sehe
03 hecemu golo de fekuki seme gūnihangge wakao, ere ninggun, amin
04 beile, ini tolgin seme wecere ecike de alame, ama han seme mimbe
05 tantambi, tantara de suwayan meihe seme jifi daliha, mimbe dalire
06 enduri tere kai seme henduhebi, ere nadan, han cooha geneme, amin
07 beile be hecen tuwakiya seme 28/29 werihe bihe, cooha genehe amala,
08 nio juwang, jang i jan i ergi de juwe jergi abalahabi, jai geli
09 abalambi seme niru arahabi, tere abalara morin i uthai ning yuwan,
10 ginjeo i ergi be tabcin dosici eheo, doroi jalin de gūnirakū, tuwakiya
11 sehe hecen be tuwakiyarakū, ini sebjen be dele arafi abalahangge, ere
12 jakūn, cooha ci 29/30 neneme yoto taiji, hooge taiji jihe de, amin beile,
13 han i morin i guwan i bade okdofi, kiduha jongko doro akū, hoton de
14 tehe ambasa be juwe ashan de faidame tebufi, i dulimbade han i doroi
15 tefi, jihe juwe taiji be aldangga emu jergi niyakūrabufi, hanci emu
Page 410
01 jergi niyakūrabufi tebeliyeme acahabi, 30/31 genehe han, beise saiyūn
02 ,
03 adarame yabuha, suwe geli adarame isinjiha seme emu gisun hono
04 fonjihakū, beise, ambasa yaya bade coohalaci, han inu morilafi okdofi,
05 jai soorin de tefi, niyakūn hengkin be alime gaimbi kai, ini beye be
06 han arafi, fejergi beise be gidašahangge, ere 31/32 uyun, yung ping de
07 jirgalang taiji, abatai taiji, sahaliyan taiji, jakūn amban, emu nirui
08 ilata bayara, ing ni cooha be yooni werifi, han simiyan de jihe, jihe
09 turgun, uksin saca, coohai agūra dagilaki, usin jeku be weilebuki, encu
10 ba i monggo gurun jihebi sere, tede acaki, eiten weile be gemu
11 jabdufi, bolori geli dosiki 32/33 seme jifi boode bihe amin beile, šoto
12 taiji, emu nirui orita uksin be yung ping de tehe ilan taiji coohai
13 niyalma be halame gene seme unggire de, amin beile hendume, mini
14 deo jirgalang be bi gaifi teki seme henduhe manggi, han hendume,
15 jirgalang biya goidame tefi joboho, boode jikini 33/34 seme henduhe,
16 cooha tucike manggi, wecere ecike, sahalca ecike fudeme genehe bade,
Page 411
01 amin beile hendume, ama han i bisire fonde, mini deo be mini emgi
02 yabubumbihe, ere han tehe ci, mini deo be mini emgi yabuburakū, bi
03 genefi mini emgi gaifi tembi, maraci, fondo fondo keifulambi sehe
04 manggi, juwe ecike 34/35 hendume, age tere gisun waka kai, ainu
05 tuttu hendumbi sere jakade, amin beile, mini deo be waha jalin de
06 mimbe ainambi seme gala sidahiyame henduhebi, ere juwan, amin beile
07 yung ping hecen de dosime genere de, yung ping de tehe beise, nikan
08 hafasa oktoko * manggi, amin beile emu sara tukiyere jakade, 35/36
09 beile jili banjime hendume, nikan i iogi ts'anjiyang de hono juwe sara
10 tukiyembi kai, bi amba beile bime, ainu emu sara tukiyembi seme
11 morin šusihalame sara be waliyafi hecen de dosikabi, han i yabure de,
12 emu sara tukiyere anggala, sara tukiyerakū jugūn i niyalma be
13 jailaburakū yabumbi kai, ere 36/37 juwan emu, yung ping de isinaha
14 ci, hecen i nikan be seyeme, han i ujihe be yebelerakū hendume, bi
15 solho de cooha genefi, encu hecen be gaifi, hecen i dorgi irgen be
Page 412
01 wahakū sindafi unggihengge, gurun donjikini, han i hoton be gaiki
02 seme algimbume sindafi unggihe kai, suwe han i hecen be gaimbi seme
03 genefi, hecen be 37/38 bahakū, amasi jifi afaha yung ping ni hecen i
04 nikan be ainu wahakū ujihe seme jing seyeme, ini yabuha jurgan be
05 dele arame, gūwa i yabuha jurgan be wakalame, coohai niyalmai baru
06 hendume, bi jifi geli suwembe eleburakū gamambio seme, ini beye be
07 sain arame, han, beise be ehecume henduhengge, ere juwan juwe, i
08 genefi 38/39 tabcilafi, jeng dz jeng sere hoton ini cihai dahahabi,
09 dahaha hoton i nikan be beyei teile tucibufi, terei ulha ulin be gemu
10 coohai niyalma be gaibuhabi, nikan be yung ping de gajifi, jakūn
11 boo dendeme gaifi aha arahabi, daci dahaha hoton i nikan be necire
12 anggala, afaha yung ping ni hoton i nikan be 39/40 umai necihekū
13 wahakū ujihe be, geren gemu suwe saha kai, jortai nikan be eherebume,
14 doro be efuleme, ehe gebu be abkai fejile algimbume yabuhangge, ere
15 juwan ilan, yung ping de tehe beise jidere de, hecen i hafasa gasame,
Page 413
01 suwe geneci, be dahame geneki, membe ainu werifi genembi, suwembe
02 genehe de, ere jihe 40/41 beile de, meni ergen guwerakū, urunakū
03 bucembi sehebi, jidere darhan efu de, doroi jurgan i gisun be
04 jasirakū, ushacun i gisun be jasime, han, mimbe weile arambi sere,
05 ajige taiji encu gūsai niyalma be sacici, ainu weile akū, manggūltai
06 beile jing weile araci, ainu weile akū, bi ehe oci, dorgideri henducina,
07 41/42 han i jalin de faššara niyalma de ainaha weile seme jasihabi,
08 geren be ehecume, doroi jalin de joborakū jasihangge, ere juwan duin,
09 amin beile yung ping de tefi, karacin de sargan gaji seme takūrahabi,
10 karacin, jui akū ai bure seme jabuhabi, geli takūrame, neneme jihe
11 han, beise de sargan benjici adarame ombi, minde benjici 42/43
12 adarame akū seme, burakū karacin be ergeleme elcin takūrame juwe
13 sargan gaihabi, neneme gaiha serengge, karacin ce dorolome benjici,
14 han emke, amba beile emke, manggūltai beile emke gaiha, burakū be
15 ergeleme elcin takūrame gaihangge akū, ere tofohon, sunja biyai juwan
Page 414
01 de, luwan jeo be nikan cooha kafi, ilan inenggi ilan dobori 43/44
02 afaci, ini beye dame generakū, sunja gūsai ing ni cooha emu nirui
03 orita, jakūn gūsai bayara cooha emu nirui ilata be gaifi tefi, jortai
04 sambime, hoton be gaibukini, cooha manakini seme ini beye generakū,
05 geren cooha be gemu unggirakū, emu tanggū i juwe tanggū i unggici,
06 komso oci, bata de wabukini, 44/45 hoton gaibuci, cooha gemu
07 wajikini seme gūnifi genehekūbi kai, ini kubuhe lamun i gūsa bici,
08 urunakū dame yali hecen arame afanambihe, sini hūsungge sehe
09 ilan gūsa wajici, mini gūsa be gajime jiki seme gūnifi, luwan jeo i
10 hoton be nikan de gaibufi, musei coohai niyalma jici, okdome ganahakū,
11 coohai uncehen be aliyahakū, luwan jeo i 45/46 hoton gaibuha juwan
12 ilan i inenggi uthai jimbi sere de, šoto taiji, geren ambasa tafulame
13 hendume, emu hoton be gaibuha jalin abkai buhe ilan hecen be waliyafi,
14 han i ujihe irgen be wafi ainu genembi seci ohakū, marame yung
15 ping, ciyan an i hafan irgen be gemu wafi, ulin, ulha, doholon hehe be
Page 415
01 dele 46/47 arafi gajime, musei cooha be fejile arafi bargiyafi gajihakū
02 ,
03 ini jui hongkoto, gucu ardai, hūsibu, sirin, emungge, derdehei baru
04 hebešeme, tesei gisun be inu seme gaifi, geren ambasa i gisun be waka
05 seme daburakū jici, han ama i bisire fonde, ai ai gisun oci, doro
06 de dosika beise ambasai baru hebdembihe kai, sini 47/48 goihoroko
07 hongkoto i baru hebdeci, hongkoto si han ama i bisire fonde aibide
08 bihe, si unenggi sure mergen oci, han ama simbe hode tukiyembihe
09 dere, si teni mutuhao, simbe hebei gisun de atanggi dosimbuha bihe,
10 sini jui i gisun, gucu sei gisun be inu arafi jici, yung ping ni hoton
11 de nikan i cooha afanjifi, hoton gaibufi jiheo, tala i 48/49 cooha de
12 afafi etehekū jiheo, tuttu oci jihe inu, nikan coohai baran tu ba *
13 sahakū, genehe ci emu da sirdan gabtahakū, han i werihe sain cooha
14 be tuciburakū, jortai silhidame doro efujekini seme, abkai buhe duin
15 hecen be waliyafi, ujihe hafan irgen be wafi jihe, mini cooha be jortai
16 same 49/50 manabuha seme, ere juwan ninggun amba weile de
Page 416
01 wambihe, wara be nakafi, loo de horiha, ini jušen booi aha,
02 ulin ulha, hongkoto i jušen booi aha, ulin ulha be gemu gaifi, ini deo
03 jirgalang taiji de buhe, i membe wame doro be efuleme jengki seme
04 gūnihabi, 50/51 abka mende serebufi jakan jafabufi, be imbe wame
05 jenderakū, etungge jengge bufi, loo de horifi ujimbi;
06 šoto taiji be ainu tafulame etehekū, amin beile marame jici,
07 holho * de amin beile be yoto taiji tafulaha adali, si geneci gene, bi
08 mini juwe fulgiyan i gūsa be gaifi 51/52 tembi seme maraci ainaha, i
09 marame jici, jidere uncehen lakcafi, si casi bata i baru karun sindafi
10 jai amala jici, sini tafulaha mujangga kai, songgome tafulaha seci,
11 si beile wakao, si heheo seme weile arafi, taiji be nakabuha, jušen gaifi
12 ini ahūn yoto taiji de buhe, beyebe ahūn be dahakini sehe;