|
|
Volume 2
Volume 3
Volume 2, Fascicle 27
Page 361
01 tongki fuka sindaha hergen i dangse;
02 juwan jakūn de, helen jafame genehe coohai niyalma isinjiha,
03 baha olji be han de tuwabuha, deji dehi ihan gajiha, genehe duin
04 amban de emte morin, emte ihan, emte eihen, juwete niyalma buhe,
05 funcehe morin ihan eihen niyalma be, genehe niyalma be dendeme
06 gaisu seme buhe, tere inenggi 1/2 han, fujisa be jio seme niyalma
07 takūraha;
08 ineku tere inenggi, simiyan i hecen de emu gūsai emte amban
09 be weri, tereci bisire ambasa coohai niyalma be orin duin de juranu
10 seme dehai baksi be takūrafi unggihe; 2/3
11 juwan uyun de, ši men i ma dzung bing guwan i wang
12 ts'anjiyang, emu niyalma be hūng šan keo i ts'ai tung ts'anjiyang de
13 giyansi unggihe be, ts'ai tung ts'anjiyang jafafi muse de buhe, ere
14 giyansi gajiha bithe, gin iogi, ši giyūn de unggihe bihe, esede bahafi
15 bithe buhekūbi, ere be fan ts'anjiyang 3/4 kimcime fonjire de
Page 362
01 tucibuhebi;
02 lomin de tehe dai darhan de, duin biyai juwan uyun de ma
03 dzung bing guwan i takūraha ilan niyalma be jafafi benjifi waha;
04 juwan uyun de, dzu dzung bing guwan i giyansi 4/5 jang jyfu
05 de takūraha bihe, jyfu tucibume jafafi benjihe manggi, beise hendume,
06 sini tucibuhengge ambula sain, si ume olhoro, dain i niyalma simbe
07 beleme giyansi unggihe de, be geli simbe waci, bata i niyalma de
08 aisilaha ton kai, ere giyansi be ume wara, jyfu si emu bithe karu
09 toome beleme ara, be emu bithe 5/6 arafi jafabufi unggi seme, juwe
10 bithe arafi jafabufi unggihe;
11 tere inenggi, luwan jeo hoton i ambasa, šanaha i dzu dzung
12 bing guwan i juleri yabure sain cooha be, orho ganaha bade ucarafi
13 gidafi, dehi morin tu kiru bahafi benjihe; 6/7
14 orin de, han, fujisa be jimbi seme morin tarhūn bayara be
15 gaifi abalaha, tere yamji ujui ging de fujisa isinjiha;
Page 363
01 orin emu de, yung ping de tehe beise medege alanjime, juwan
02 ninggun niyalma be ulai 7/8 gaifi isinjiha, esede beise i unggihe bithei
03 gisun, genere de juwe indehe be dabume tofohoci inenggi isinaha, jase
04 dosire de, han i songko be geneci, morin jadafi isinarakū ofi, giyan
05 cang ni teisu leng keo be dosika, jase dosire de, jasei duka halburakū
06 ofi, emu tai be afame efulefi dosika, yung ping de sunja indefi, 8/9
07 orin uyun de, wasihūn tabcin genehe, jeng dz jeng de isinafi dahabufi,
08 niyalma ulha be gajifi yabai de afabuha, hoton be efulehe, tereci
09 genefi fung žun, ioi tiyan i siden be julesi mederi i baru tabcilaha,
10 olji ajige ajige baha, jakūci inenggi duin biyai ice nadan de yung ping
11 de isinjiha, tabcin genere de, fung žun ci 9/10 unehe * baksi monggo i
12 cooha be morin turga, jai hoton de geli ai kemun seme bederebuhe
13 bihe, unehe * baksi isinarangge, nikan i cooha moringga duin minggan,
14 yafahan suwaliyame dai an keo de jifi, unege baksi, cahara gidafi
15 gemu waha, morin ilan tanggū baha, gūwa morin be gemu karacin
Page 364
01 gaihabi, meni isinara onggolo 10/11 unege baksi, cahara orho ganafi
02 yarkiyame buksifi, nikan i cooha be gidafi wahabi, morin juwe tanggū
03 gūsin baha, wasihūn umai medege akū, dzu be kemuni šanaha i ergi
04 de bi sembi, dzu i niyamangga niyalma be asaraha bihe, tede bithe
05 jafabufi takūraha bihe, amasi jihekū, neneme takūraha niyalma inu
06 jihekū, jai šurdeme hecen de mejige gaici, 11/12 cooha ajige ajige
07 nonggimbi sembi, jidere beise juwan juwe de jurambi, duin biyai ice
08 uyun de takūraha;
09 jidere beise i unggihe bithei gisun, han be juleri takūra sehe
10 bihe seme, juwan ninggun niyalma be ice uyun de juleri takūrambihe,
11 12/13 andala cooha bisire hoton be duleme genembi, jugūn de tosorahū
12 seme be tafulafi nakabuha, meni tucire teisu šuwe cargi be feksiki
13 sehe bihe sere, meni jalin de olhome feksiki sembihe de, meni
14 hūsun geren, be hūwanggiyarakū, hairakan morin macurahū, joo bai,
15 feksiki seci, han i ciha; 13/14
Page 365
01 duin biyai orin emu de, nikan han de takūraha bithei gisun,
02 aisin gurun i jacin beile i bithe, daiming gurun i hūwangdi de jafaha,
03 meni daci doro acaki seme gisurehengge, unenggi mujilen i gisurehe,
04 bi neneme cooha de jihekū bihe, te mini jihengge inu doroi jalin acara
05 14/15 babe ambula gūnime jihe, suwe membe jalidambi seme ume
06 gūnire, unenggi seme gisurefi holtoci, abka de gelerakūn, niyalma be
07 holtoci ombi dere, abka be holtoci ombio, be donjici, suweni
08 ambasa bithe wesimbume, doro acaci ojorakū, neneme aisin i fonde
09 doro acafi, amala geodebufi dailaha seme hendumbi sere, tere amban,
10 gurun irgen i jalin gūnire 15/16 amban waka kai, acara doro be
11 gisureci hūdun sain kai, hūdun gisurerakūci, meni han, juse hehesi be
12 gajime umesi jihe manggi, tere fonde suwe inu gisureci mangga, be
13 inu gisureci ojorakū kai, mini ere takūraha de, hūwangdi inu dahūn
14 dahūn i ambula gūni, membe doroi jalin bithe takūrafi, geli ainu
15 dailambi seme 16/17 ume gūnire, unenggi doro acaci, abka na de
Page 366
01 akdulame gashūfi, gashūha inenggi ci nakambi dere; ere bithe be
02 tabcin genehe baci fung žun de han i werihe monggo donoi gunji,
03 ubasi be takūraha bihe, fung žun i dzung bing guwan ini juwe šeobei,
04 ba i emu niyalma, uheri ilan niyalma be bithe 17/18 jafabufi takūraha
05 bihe, terei baru be geli karu bithe arafi unggihe, meni cooha yung
06 ping de bederefi tere, sini han i bithe isinjiha manggi, yung ping de
07 jio seme amasi takūraha, jidere unde, jai k'ai ping de emu bithe
08 takūraha bihe, k'ai ping ni dooli, emu niyalma de bithe jafabufi mende
09 takūraha 18/19 bihe, karu jabuha gisun, ini bithei ujan de arahabi;
10 sure han i duici aniya duin biyai ice uyun; *
11 orin juwe de, solho ci emu hafan, emu taungse uheri juwan
12 ninggun niyalma elcin jihe seme inggūldai alanjiha; 19/20
13 duin biyai orin juwe de, san tun ing ni jang dzung bing
14 guwan i gocika cooha be, jeku ganafi ucarafi gidaha, tofohon niyalma
15 waha, juwan ninggun morin baha, irgeni be beneme genefi, ilan morin
Page 367
01 ninggun losa baha, ere uheri juwan uyun morin ninggun losa bi, ši
02 men i 20/21 ma dzung bing guwan i jakade geren dzung bing guwan
03 be isabufi cooha jimbi seme hebdehebi, jidere inenggi be fonjici, sarkū,
04 jimbi seme giyansi alambi;
05 orin ilan de, yung ping de tehe baise * be jimbi, yalufi jikini
06 seme han, sunja morin jetere jufeliyen okdobuha; 21/22
07 orin ilan de, dzu dzung bing guwan i takūraha giyansi, jang
08 jyfu de juwe, meng fujiyang de emke jihe bihe, tese tucibume benjifi
09 fonjici, umai gisun akū, suweni cooha udu bi, morin tarhūn turga seme
10 tuwanjiha bihe, cooha komso oci, meni dzu i ninggun tumen cooha
11 kanjiki 22/23 seme takūraha seme alaha, dzu i takūraha juwe giyansi
12 be nikan i giyai de gamafi waha, giyansi be gajime jihe musei
13 dahaha irgen i emu niyalma be oforo šan faitafi bithe jafabufi unggihe,
14 tere niyalma de henduhe gisun, tubaci giyansi jici, ini cihai jikini,
15 yaya dahaha gašan i niyalma doolame ** benjici, benjihe niyalma
Page 368
01 be 23/24 wambi seme henduhe, dzu de unggihe bithei gisun, nikan bithede
02
03 bi;
04 orin duin de, dzun hūwa de takūraha bithei gisun, beile
05 hendume, munggatu, cahara suwende neneme unggihe bithe de, cooha
06 jici acara be tuwame yabu sehe bihe, te donjici, lo ting, 24/25 k'ai
07 ping ni cooha be gemu fung žun de gamaha sere, tere ainci unehe *
08 baksi cooha gidaha de korsofi, ba ba i hūsun dasafi suwende geneki
09 sembi, suwe ainaha seme hoton ci ume tucire, tucifi aika weile oci,
10 bi darakū, suwe sa, jai ere takūraha morin be, munggatu, cahara
11 suweni hūwa de horifi, orho de 25/26 muke fusufi, suwe tuwame saikan
12 ulebu, neneme aika benefi jidere morin be, inu saikan ulebufi unggi,
13 jugūn de šadarahū, mini neneme genehe elcin, ere taiji be aliyafi,
14 dzun hūwa i cooha irgeni be benjihe adali benju, ere taiji de suwe
15 ilan morin tucibufi yalubufi ilan gucu adabufi unggi, tere ilan niyalma
16 amasi 26/27 gajikini, orho ganaci saikan akdulafi gana, suwembe
Page 369
01 karahū, burgadu be gaji, munggoso * be tucibufi uncehen be
02 saikan yargiyalame tuwafi, baran sabume enggelce ** ume afara, jai
03 aika baita takūraci, ša ho be museingge seme akdafi ume darire,
04 jailame amargi be yabu, jakūn munggo * be yung ping de unggi, emu
05 taiji, juwe gucu, sunja 27/28 bayara, ere jakūn niyalma be takūraha;
06 orin duin de, sarin dagilafi amba beile, mergen daicing, erke
07 cūhur, yoto taiji, hooge taiji, jinong efu, hada gege be solifi sarilaha,
08
09 manggūltai beile abalafi jihekū, tere sarin de ilan ihan juwan honin
10 wafi juwan dere 28/29 dasafi sarilara de, han, amba beile de juwe jergi
11 niyakūrame arki jafaha, amba beile ishun niyakūrame alime gaiha,
12 yangguri efu hūntahan jangnaha, sarin wajifi baniha bufi genere de,
13 amba beile de juwan morin buhe, beile alime gaifi doro araha, han
14 morilafi fudehe, hada gege de emu morin buhe, 29/30 gege niyakūrame
15 alime gaiha, yoto beile, han be dahame jifi, munggo * boo de dosifi
16 fujisa de arki jafaha;
Page 370
01 orin sunja de, han be manjusiri efu emu ihan wafi sarilaha;
02 30/31
03 duin biyai orin ninggun de, ts'ai tung ts'anjiyang ni dahaha
04 nikan emken san tun ing de genefi, jang dzung bing guwan i bithe be
05 gajifi, ts'ai tung ts'anjiyang ni emu ciyandzung de dosikabi,
06 ciyandzung ni * alime gaifi bithe be pan giya keo i gin iogi de
07 buhebi, gin iogi gercileme alafi, jihe giyansi, alime gaiha ciyandzung
08 be 31/32 gemu waha, ere giyansi i gajiha nikan i bithe be uthai
09 unggihebi;
10 orin nadan de, monggo i barin jarut beise de takūraha, han,
11 orin uyun de cagan noor subargan de dedume genembi, naran si
12 monggo i cooha be gajime, 32/33 orin uyun de cagan noor subargan de
13 isinjime jio, jao jang ni subargan seme tašararahū sehe;
14 dodo taiji de unggihe bithe, dzun hūwa, yung ping ci jidere
15 coohai niyalma i gajire ulin aciha be simiyan i hecen de 33/34 ume
Page 371
01 dosimbure, gemu meni meni tokso de unggi, niyalmai beyei teile
02 dosimbu, gajiha ulin be sunja biya be manabufi ninggun biya de
03 dosimbukini;
04 juwe honin wafi, sunja dere dasafi, jinong efu gege be
05 sarilaha; 34/35
06 duin biyai orin jakūn de, aisin gurun i han i bithe, lio san
07 sy u * de unggihe, suweni takūraha ho jin jung juwe nofi alara gisun,
08 gajiha bithe be donjifi bi akdarakū, niyalma takūrafi tuwanggime
09 unggihe, nikan meni juwe gurun doro temšeme dailara de, suwe
10 unenggi hafasa be wara tun i niyalma be gaifi dahaci, cohome 35/36
11 abka simbe minde aisilaburengge kai, unenggi suweni gisun i sungkoi **
12 ohode, sini gajiha jušen munggo *** nikan be mini gurun de
13 dosimburakū gemu sinde salibufi, jasei tule sini cihangga bade tefi,
14 meni harangga gurun ofi banji, bi simbe jikini seme holtome encu
15 tebumbi seme gisurefi, jime wajiha manggi, aifufi gurun i dolo
Page 372
01 dosimbuci, bi simbe holtoci ombidere, 36/37 abka be holtoci ombio,
02 abka mimbe wakalarakūn, suweni uttu wafi jimbi sere anggala, tun
03 i yaya hafasa bai uthai tun i niyalma be gaifi dahaci, bi inu terei
04 gajiha irgen be gemu tede salibufi ujimbi kai, bi abka be dele
05 sindafi unenggi gisurembi, suwe holtoci suweni ciha dere, suwe
06 unenggi ofi minde akdarakū ohode, 37/38 sini mukūn i dorgi emu
07 niyalma jio, terei juleri mini beye gashūfi unggire;
08 gūsin de, ciyan an de unggihe bithei gisun, beile hendume,
09 niyalma gidaha weile de hūlhai weile, tantafi juwe šan toko, niyalmai
10 ejen menggun gaijara be naka, sain niyalma tantara 38/39 mooi jalin
11 joolime menggun buci, siden de gaisu, yebken niyalma weile bahaci,
12 menggun bure moo alire be imbe sonjobu, jai yung ping ni coohai
13 morin de neneme ilan inenggi ulebure jeku buhe, amala sunja inenggi
14 ulebure jeku buhe, uheri jakūn inenggi uleburengge buhe, suweni
15 tubai morin de neneme udu inenggi uleburengge buhe, terei 39/40 eden
Page 373
01 be jakūn inenggi jalukiyame luwan jeo de gana;
02 gūsin de, abatai taiji, jirgalang taiji, sahaliyen taiji cooha jime
03 yangsimu bira de isinjiha seme alanjiha manggi, dahai, lungsi,
04 mucengge be takūraha gisun, jihe beise ambasa mini jakade acanjirahū,
05 muse cooha de emgi yabuha acanjire giyan waka, boode genefi weceku
06 40/41 wecekini, joboho beye ergekini, suweni tubade aika yabuha
07 feliyehe gisun, cargi ebergi donjiha medege bici, mini ere takūraha
08 niyalma de alafi unggi seme takūraha, ilan taiji ceni yabuha feliyehe
09 babe alafi unggihe gisun be han de alaha manggi, han fonjime, nenehe
10 juwe jergi jihe olji ci ere fonji 41/42 ambula dere, tede nenehe mudan
11 ci ere fonji nikan labdu gajihabi sehe manggi, han hendume, bi
12 aisin menggun suje ulin labdu baha seme urgunjerakū, niyalma labdu
13 baha serede urgunjembi, aisin menggun suje ulin serengge, manara
14 wajire jaka, niyalma wajimbio, emke juwe bahaci, gemu gurun i duwali,
15 tede banjiha juse, gemu musei jušen ombi kai seme henduhe; 42/43
Page 374
01 ineku tere inenggi, han, beise tabcilame genembi sehengge
02 nakafi, yangguri efu be emu gūsai tu i ejen, juwete bayara, ing ni
03 cooha be baharai teile gamame tabcilame gene seme unggihe;