|
|
Volume 2
Volume 3
Volume 2, Fascicle 16
Page 213
01 tongki fuka sindaha hergen i dangse;
02 sure han i ilaci aniya sohon meihe aniya aniya biyai juwan
03 juwe de, monggo urut gurun ci ubašame jihe minggan beile i jui
04 angkūn darhan hošooci nimeme akū oho de, sure han i beye genefi,
05 han i etuhe sain hūha jibca be, akū oho angkūn 1/2 darhan hošooci
06 de etubufi, sinahi songgoro de, minggan beile tafulame hendume, si
07 han niyalma, enteke sinagan i bade ambula goidame bici ojorakū,
08 han boode geneki dere seme henduci, ojorakū, goidame bifi juwe ilan
09 jergi songgofi boode jihe;
10 fe han de hoošan deijime, ice han tehe 2/3 doroi, be lama be
11 hafan be takūrambihe, jihe bithe be tuwaci, sinagan de waliyahangge
12 we, acaki seme gisurehengge we sere gisun bisire jakade, takūrara
13 be ilifi, jihe niyalma de neneme baha karun i yen jiyoo be adabufi
14 fonjinggime unggihe, te bicibe dorolome jici, sain seci, unggiki; 3/4
15 sure han i ilaci aniya aniya biyai juwan ilan de, šusai jeng
Page 214
01 sin, badzung žin da liyang de unggifi, doron bi seme bederebuhe
02 bithei gisun, aisin gurun i han i bithe, yuwan amba niyalma de
03 unggihe, neneme fanggina be takūrafi, doro acara jalin amasi julesi
04 yabure de, 4/5 bi solho be dailara jakade, suwe solho be ainu dailaha
05 seme acara be nakafi, cooha julesi ibeme jici, bi donjifi okdome
06 cooha genehe, tereci elcin yaburengge lakcaha, suwembe amba gurun
07 i niyalma, julge te i kooli be hafupi mergen genggiyen seme gūniha
08 kai, solho be dailahangge suwende ai dalji, solho de umai weile akū
09 baibi bahaki gaiki seme dailahangge 5/6 waka, solho meni juwe de
10 umai weile akū bihe, sohon ulgiyan aniya meni harangga šun dekdere
11 ergi gurun be bargiyame ganaha cooha be, solho baibi cihalame
12 heturefi afaha, tere emu, sohon honin aniya cooha jifi, mini warkasi
13 golo be waha, tere juwe, terei amala mini liyoodung ni ukanju be
14 jing alime gaiha, ere ilan, solho mimbe ilan 6/7 jergi waci, bi emgeri
15 karulaci ainu ojorakū, mini hendure anggala, amba niyalma si seoleci
Page 215
01 endembio, te bicibe meni juwe gurun fe weile be fehume doro acafi,
02 abka na de akdulame gashūfi sain banjimbi kai, ere acaha doro be
03 yaya neneme efuleci, tere efulehe niyalma be abka sarkū doro bio,
04 julgeci ebsi yaya gurun ishunde 7/8 sain oci kundulembi, ishunde ehe
05 oci karulambi, ere gemu ini cihai ilinara jurgan, amba niyalmai sara
06 ba kai, bi dain nakafi taifin banjire be buyeme, encu solho gurun i
07 turgunde, muse juwe gurun i acara weile ainu tookambi seme, duleke
08 aniya aniya biyade yen jiyoo de bithe jafabufi takūraha, karu bithe
09 unggihekū, te amba niyalma simbe dasame jihe 8/9 seme donjifi, elhe
10 be fonjime niyalma takūrafi unggiki seci, elcin yaburengge emgeri
11 lakcaha be dahame, meni niyalma be unggihekū, suweni tubai šusai
12 jeng sin, badzung žin da liyang be takūrafi unggihe, amba niyalma
13 gisun i karu akū ume obure;
14 juwe biyai ice sunja de, angkūn darhan 9/10 hošooci de, han
15 ini booi hoošan jiha dagilafi waliyaha, tere waliyara de, han ini beye
Page 216
01 genefi juwe jergi arki hisalafi, juwe jergi songgoho, tereci han tefi,
02
03 minggan beile, dalai taiji be ini tehe bade gajifi, arki emte hūntahan
04 omibuha, wajiha manggi, minggan beile ini uksun i deote juse be
05 gaifi, 10/11 han de niyakūrafi hendume, be cahar i han be ehe ojorakū,
06 han de nikefi banjiki seme jihe, jihe be dahame, han gosime kunduleme
07 ujihe, ujire aldasi jui beye bederehe, utala gosime han i beye jifi
08 waliyarangge aibide bi seme hendufi hengkilefi, han be boode bedereki
09 seme henduhe manggi, tereci boode bederehe, waliyara de, 11/12 han
10 i emgi abatai taiji, ajige taiji, yoto taiji genehe bihe;
11 juwe biyai orin jakūn de, šusai jeng sin, badzung žin da liyang
12 de unggihe bithei gisun, aisin gurun i han i bithe, daiming gurun
13 i doro jafaha ambasa de unggihe, meni dain deribuhengge, baibi
14 sain banjire de bahaki 12/13 gaiki seme buyeme deribuhengge waka,
15 liyoodung ni ambasa yehe de dafi membe wara de isifi, hafirabufi
16 abka de habšafi dailaha, hafiraburakūci, meni ajige gurun amba gurun
Page 217
01 i baru adarame dailaci ombi, ere hendurakū sara ba kai, abka gurun
02 i amba ajigan be tuwahakū, weile i uru waka be tuwafi, liyoodung,
03 guwangning ni ba be buhe, 13/14 abka burakūci, liyoodung guwangning
04 ni tutala bekilehe hecen, tumen tumen cooha be mini komso cooha
05 adarame bahambi, amba ba be bahafi, ajige hecen komso cooha be
06 afaci baharakū ojoro jakade, mini dolo abka muse juwe gurun be
07 dain nakafi, doro acafi taifin banjikini sere erin dere seme gūnifi, doro
08 acafi taifin banjire be buyeme, unenggi mujilen i 14/15 takūraha, doro
09 be adarame acaki sembi, suweni gisun be donjiki;
10 anagan i duin biyai ice juwe de, musei takūraha jeng sin, žin
11 da liyang ni emgi du ming jung ni gajiha bithei gisun, han i hesei
12 jecen i cooha kadalara bing bu cangšu yuwan i bithe, amasi 15/16 han
13 i booi fejile unggihe, jihe bithei gisun acaki serengge, ainci juwe
14 boo i fulgiyan juse i jeyen de tušaha be jenderakū ofi kai, han i sain
15 gūnin be, abka na sambi dere, damu acarangge acara doro bi, tere
Page 218
01 be emu gisun de toktoburengge waka, meni han sirame teheci, sain
02 genggiyen kengse dacun, jecen i 16/17 weile de cira, juwan fun i
03 yargiyalarakūci, donjibuci ojorakū, han unenggi dain nakaki seme
04 niyalma be hairaci, acaci ojoro doro be gūni, jecen i hafan inu
05 dere bahambi, han i daci sain jurgan inu waliyaburakū, bi manggašarakū
06 wesimbuki, jecen i weile be jecen i ambasa gisurembi, dorgi ambasa
07 be bairakū, doron serengge, temgetulehengge mujangga, 17/18 damu
08 fungneme wasimbuhangge waka oci, dembei yabubuci ojorakū, dulimbai
09 gurun i kooli šajin tuttu, han ume ferguwere;
10 orin ilan de, han, fusi gege de waliyara de genefi, ilan jergi
11 songgofi, hoošan deijire de tucifi 18/19 jihe;
12 anagan i duin biyai orin sunja de, du ming jung ni gajiha
13 bithei karu musei lama de unggihe bithei gisun, aisin gurun i han
14 i bithe, daiming gurun i yuwan amba niyalma de unggihe, amba
15 niyalmai karu bithe de, acara doro be 19/20 mimbe gūni sehebi,
Page 219
01 mini gūnihangge, neneme sain banjiha fonde, jasei dolo nikan i canggi,
02
03 jasei tule jušen i canggi, suwaliyan akū bicibe, dube acame tehe hanci
04 ofi, hūlhame jase dabame weile arame ulhiyen i badarafi dain oho,
05 te muse doro acaci, jase be aldangga obuki, irgen fakcafi ama jui
06 ahūn deo ubade tubade balai bi, nenehe adali dube acame 20/21 tehe
07 de, amasi julesi giyansi ukanju hūlha yabume, acaha doro be efulerahū,
08 unenggi acaci, dalingho be suweni jase obu, san ca ho be mini jase
09 obure, ere juwe siden i ba untuhun bikini, ukanju hūlha baicaci
10 ja, weile daksa tucirakū, acaha doro goro golmin banjiki, jai doron
11 i jalin fungneme wasimbuhangge dabala, balai yabubuci ojorakū
12 sehebi, tuttu oci minde aisin 21/22 gurun i han i doron arafi
13 gaji, jai acara drori bure ulin be suwe seole, aikabade mimbe
14 cahar han i adali gūnirahū, terei adali obuci, bi ojorakū, mini
15 gūnihangge, ere bi dain nakafi taifin banjire be buyeme unenggi
16 gisurembi, suwe inu unenggi tondoi gisure, muse yaya abka be uju de
Page 220
01 sindafi, arga be ume yabubure; 22/23
02 anagan i duin biyai orin nadan de, lii yung fang efu i sargan
03 gege akū oho, tere akū oho de, han, beise, taijisa gemu genefi
04 songgocofi, giran benere onggolo bedereme jihe; 23/24
05 ninggun biyai orin de, elcin genehe lama be goidaha seme
06 turusi be unggifi, jecen i tai niyalma de jafabufi, casi unggi sehe
07 bithei gisun, aisin gurun i han i bithe, daiming gurun i yuwan amba
08 niyalma de unggihe, bi gūnici, dain inu abkai dekdeburengge, tuttu
09 bicibe, 24/25 abka inu ai jaka be banjikini sembi dere, eitereci dain ai
10 sain, taifin ai ehe, dain nakafi taifin banjiki seme, neneme jeng šusai
11 sebe juwe mudan takūraha manggi, amba niyalma du ming jung de
12 bithe jafabufi karu takūrafi unggire jakade, bi unenggi acambi dere
13 seme be lama be takūrafi unggihe, unggire de lama i baru suwe doro
14 gisureme goidara 25/26 dursun ohode, neneme emu niyalma be takūrafi
15 medege alanju sehe bihe, boljoho inenggi tulike, ya heturi niyalmai
Page 221
01 ehecure gisun de dosifi tookahabi ayoo seme ere bithe unggihe,
02 nadan biyai ice sunja ci ebsi, meni niyalma medege isinjirakūci,
03 urunakū umesi jafaha seme gūnimbi; 26/27
04 orin nadan de, turusi jafafi gajiha tai nikan jao deng g'ao
05 de jafabufi unggihe bithei gisun, aisin gurun i han i bithe, daiming
06 gurun i yuwan amba niyalma de unggihe, lama i goidara turgunde,
07 neneme emu jergi bithe benehe, ukanju jifi alaci, suwembe acambi
08 serengge tašan sembi, ukanju i gisun, tubaci ukame 27/28 jihe niyalma
09 tubabe sain seme alambio, ubaci ukame genehe niyalma, uba be sain
10 seme alambio seme akdahakū, te biyan dz sing gebungge niyalma,
11 giyansi jihe be bahafi fonjici, inu acarangge tašan, lama be unggirakū
12 tebuhe sembi, mini dolo ukame jihe niyalma jortai beleme alambi dere,
13 giyansi jihe niyalmai beye geli holtombio seme, esei gisun de 28/29
14 uthai akdaci, esei jergi buya niyalma acara acarakū amba weile be
15 ainambahafi sambi, akdarakū oci, ere fonde isitala elcin genehe emu
Page 222
01 niyalma ainu medege alanjirakū, aikabade yargiyan ayoo seme ere
02 niyalma de bithe jafabufi unggihe, bi daci unenggi gūnime acaki seme
03 unggihe, niyalma be holtoci ombi dere, abka be holtoci ombio, suwe
04 aikabade da gūnin unenggi 29/30 akū biheo, akūci yaka hetu gisun de
05 dosikabio, takūraha niyalma be unggirakū oci, tere emu udu niyalma
06 de nemere ekiyendere aibi, akdun jurgan be efuleci, niyalma jai
07 akdarakū be hendumbi dere, abkai gūnin, inu dain akū taifin banjikini,
08 jali holo akū tondo akdun banjikini sembi dere, taifin be esike seme
09 dain be buyere, tondo akdun be 30/31 aljafi, arga jali be dele arafi
10 yabuci, abkai we be wakalara, we be urulere be sara;
11 nadan biyai ice ilan de, musei takūraha be lama, jeng šusai se
12 isinjiha, ini elcin jihekū juwe bithe unggihe, bithei gisun, han i hesei
13 tucifi jecen de yabume cooha fidere 31/32 bing bu cangšu yuwan i bithe,
14 karu han i booi fejile unggihe, han i bithe lama be takūrafi, neneme
15 sain banjiha be jongkongge, jai uju de abka be hukšefi banjiki sere
Page 223
01 emu gisun, enduri hutu i sara gisun kai, meni gurun i šurdeme uyun
02 jeo i bade, liyoodung waliyabuha be ai ton, 32/33 damu daci han i ba
03 waka bihe, liyoodung ni niyalma wasihūn jihebi, giran eifu gemu
04 tubade bi, bi murime nendehe giran be gūniburakūci ombio, geren i
05 mujilen de acarakū ofi, bi alime gaifi gisureci ojorakū ofi, han de
06 inu wesimbume bahakū, jai genere jidere be dorolorongge, suweni
07 gurun i wesihun 33/34 fusihūn ojoro haran, meni han gosin genggiyen
08 onco de, daci wesihun fusihūn seme juwedeme akū, han algin gebu
09 gūnime, ai jaka be dasafi doro jurgan be an kemun obufi banjici, sini
10 cihai uthai cahar i nincuhūn fungšun banjici tucimbi kai, dulimbai
11 gurun bicibe, inu doro jurgan i dorolombi dere, jai doron fungnere
12 tenteke gisun, gemu emu 34/35 gisun de wajirengge waka;
13 han i hesei tucifi jecen de yabume cooha fidere bing bu cangšu
14 yuwan i bithe, karu han i booi fejile unggihe, geli jihe bithede, han i
15 abka be ginggulere, banjibure de amuran i unenggi be saha, 35/36 han
Page 224
01 tuttu oci tede gisureci ombikai, damu abkai doro urhu akū, miosihon
02 tondo getuken, goro abka de baire anggala, musei mujilen de bahambi
03 kai, abkai doro forgošoro mangga kai, elcin jime jaka de mederi de
04 genehe bihe, tuttu goidame tebuhe, gūwa umai akū;