|
|
Volume 2
Volume 3
Volume 2, Fascicle 14
Page 181
01 tongki fuka sindaha hergen i dangse;
02 jorgon biyai ice de, sonin, ajuhū be tusiyetu han de takūraha
03 bithei gisun, sure han i bithe, tusiyetu han de unggihe, suweni ama
04 jui yehe de dafi, membe ubu sindafi * cooha jihe, suwe etehe bici, be
05 ertele banjimbiheo, ere emu, terei amala, meni cooha ula i ihan
06 alin de 1/2 genehede, suweni ama jui geli ula de cooha nemehe, ere
07 juwe, terei amala, geli yehe de dafi, mini buyanggū hiya be waha,
08 ere ilan, ere ilan weile de, weile bume wajire weile waka, dain i
09 karulame wajire weile bihe, han ama onco amba doro be gūnime,
10 elcin i gisureme doro acafi, 2/3 abka na de akdun gisun i gashūfi sain
11 banjiha, terei amala, si beye acafi doro gisureki seme ba boljoho, han
12 ama i beye jurafi genehe, si boljohon de jihekū, amba niyalma de
13 sini holtome henduhengge, ere emu, terei amala, cahar i han simbe
14 waki seme cooha jihe de, be donjihai uthai beye joboro morin bucere
15 be gūnirakū, cooha jurafi nunggan de isinaha 3/4 manggi, cahar donjifi
Page 182
01 bahara isika hoton be waliyafi bederehe, be cooha generakū bici, si
02 ertele banjimbiheo, si baturu mangga oci, jalbu hiya, taiji juwe
03 nofi be ainu jafafi buhe, cahar bederehe manggi, acaki seme jihe
04 de simbe gosime jui be bume mujakū kunduleme, tana, aisin, seke,
05 silun, ulin, suje, uksin saca, sunja minggan yan menggun, niyalmai
06 4/5 baitalara eiten hacin i jaka be gemu bufi unggihe, si ai gebungge
07 ulha buhe, simbe gosime kundulehe han ama urihe be donjihai, beyei
08 gese juse ambasa be ainu unggihekū, konggor beile donjihai uthai
09 ambasa be unggitele, si juwe biya wajiha manggi, emu ehe bandi de
10 emu ehe sakda morin be kutulebufi unggihengge, sini baili akū ehe,
11 ere juwe, sini 5/6 tere ehe be gūnirakū, buhe jui be gebu doro be
12 gūnime benehe, benehe manggi, si oforo manggiyanara ehe jakūn
13 morin benjihe, si gūwa niyalma ci gaijara be sambi, bure be sarkū,
14 sini doosi oshon, ere ilan, jui be beneme genehe keri be waha niyalma
15 be tuciburakū, kesiktu i sargan be durihe weile be ertele gisureme
Page 183
01 wacihiyarakū, membe yohindarakū fusihūlarangge, 6/7 ere duin, si egu
02
03 be tucibufi unggi, jooligan i ulha be bi gaifi bure sehede, minggan
04 ulha gaijara be, sini dere de sunja tanggū ulha be waliyaha, jai sunja
05 tanggū ulha be gaime oho, tere sunja tanggū ulha be burakūci egu
06 i beyebe amasi benjire seme, beye de akdulame sini gamahangge, aba,
07 te egu i beyebe ainu benjirakū, menbe fusihūlame 7/8 sini jalidahangge,
08 ere sunja, sini weilengge sargan i boo be juleri ebubume, meni jui i
09 boo be amala ebubume, weilengge sargan be amba niyalmai jui seme
10 sini kemuni hendurengge, sinde ya han dasafi buhe, te terei dancan
11 antaka gebungge beile bi, te gemu albatu ohakūbio, sini banjiha
12 eshen be waha, geli sini beyebe warahū seme geleme, amba niyalmai
13 jui 8/9 serengge tere wakao, terei hūncihin cahar simbe wambime,
14 tere sargan ai turgunde amban oho, be simbe kemuni gosicibe, meni
15 jui ai turgunde ajigen oho, membe sini fusihūlarangge, ere ninggun,
16 meni ajige niyalmai jui be mende gaji, amba niyalmai jui de banji,
Page 184
01 muse doro gisurere de, yaya dain i gurun de acaci emu gisun i
02 acaki, dailaci emu hebei dailaki 9/10 seme gisurehe gisun be si
03 efuleme, mini kimungge nikan de juwe jergi elcin hūda unggihe,
04 akdaci ojorakū sini arga, ere nadan, si cahar de cooha juraki
05 seme ududu jergi bithe elcin unggihe, unenggi cooha juraci boljohon
06 de jiderakū, membe dain i bade afabu manggi, sini neneme bedereme
07 jihengge, tanggū se bahambio, gisurehe gisun be isiburakū, sini ehe
08 10/11 arga, ere jakūn, darhan hūng baturu cooha jurandara boljohon
09 aibide seme sinde elcin unggire jakade, si yaya bade han i boljohon
10 de acanambi dere seme gisun buhekū sere, sini gūnin mende acara
11 cihakū ofi, geren ahūta deote i emgi sasa juraci, acarakū bedereci
12 ojorakū, bi emhun jurafi acarakū bedereki, cahar i emu ujan be
13 sucuha seme henduki sehe arga 11/12 tere wakao, ere uyun, konggor
14 mafa be ehe facuhūn, simbe sain seme hanci gūnime, jui be bume
15 niyaman hūncihin ofi banjiha, han ama urihe de, konggor mafa
Page 185
01 neneme ambasa be unggihe, coohai boljohon de jui be unggihe, simbe
02 sain seme hanci gūnihangge te aba, abka na de akdulame gashūha be
03 efuleme mende hebe akū, 12/13 meni kimungge nikan de juwe jergi
04 elcin unggihengge, suweni ai gisun gisurehe be, be sara, te suwende
05 adarame akdambi seme, hacin hacin i weile feteme dacun gisun i
06 bithe arafi, han i hanci takūršaha sonin baksi, ajuhū juwe amban be
07 takūraha, han i hendufi unggihe gisun, suwe tede ume hengkilere,
08 ume gelere, terei jeku ume jetere, jili banjime jabu, 13/14 isinaha
09 inenggi uthai amasi jimbi se, arbun be tuwa sehe, sonin, ajuhū
10 juwanci inenggi korcin i gurun de isinaci, gurun i niyalma fe an i
11 kunduleme ulha wafi ulebuki seci, sonin, ajuhū hendume, suweni
12 jeku be jetere anggala, suweni emu moro muke be hono omirakū, be
13 suwende elcin jihekūbi, meni gege de aika 14/15 benjime jihebi, suweni
14 ejen gūwaliyaka bade, suweni jeku be jeci ombio seme hendume,
15 booci gamaha jufeliyen jeke manggi, gurun i niyalma gemu ambula
Page 186
01 goloho, tereci tusiyetu han i boode isinaci, tusiyetu han bethei wenjen
02
03 nimeku aššafi, ini da sargan i boode bi, sonin, ajuhū, gungju i boode
04 dosifi, gungju de hengkileme acafi, benehe 15/16 jaka be bufi, jihe
05 turgun be alara jakade, gungju uthai songgome tafulaki serede, sonin,
06 ajuhū hendume, musei gurun i šajin, sini han ama i gisun be funiyehe
07 gese jurceci ojorakū kai, tuttu ofi, neneme yabuha ambasa be
08 unggiki seci, dere banirahū seme meni juwe mentuhun be unggihe,
09 jurceci ombio, tere anggala, ere weile, 16/17 gungju sini jalin de
10 gisurembi kai seme hendume, gungju i tafulara be nakabuha, tereci
11 tusiyetu han tucifi yabuci ojorakū ofi, niyalma tukiyefi gungju i
12 boode jidere jakade, sonin, ajuhū hengkilehekū ilihakū ojoro jakade,
13 tusiyetu han, gungju i baru jortai we seme fonjiha manggi, gungju
14 jabuhakū, sonin, ajuhū jabume, be 17/18 sure han i niyalma, sinde
15 elcin lakcambi dere, meni gungju de lakcambio, aika benjime jihebi
16 seme jabuha manggi, tusiyetu han uthai jeterengge tukiye seme yali
Page 187
01 tukiyehe, sonin, ajuhū tukiyehe yali be angga isikakū uthai tucike
02 manggi, tusiyetu han uthai sereng taiji, danggalai be takūrafi hendume,
03 bi han i elcin be takahakū, julge 18/19 han i elcin jihe manggi
04 hengkileme acambihe, kesi buhe de jembihe, suwembe hengkileme acarakū,
05 kesi buci jeterakū, uthai tucifi jidere jakade, han be aide ushaha
06 seme fonjinjiha seme henduhe manggi, sonin se jabume, sini mujilen
07 gūwaliyafi sinde elcin jihekū bade, sinde ainu hengkilembi, sini kesi
08 be ainu jembi, 19/20 han i ushacun be membe alame bahanarakū
09 ojorahū seme bithe unggihebi seme henduhe manggi, sereng taiji,
10 danggalai bithe be gamame amasi alanaha manggi, sonin se ceni
11 kutule be gemu jurambufi, beyei teile bithei gisun be aliyame tehe,
12 tusiyetu han tere bithe be tuwafi ambula golofi, sereng, danggalai
13 emgi boode bihe juwan duin niyalma be 20/21 wacihiyame adabufi
14 takūrafi hendume, han i bithe be tuwaci, ushacun i weile ujen ofi,
15 mini dolo golofi umai ulhirakū ohobi, ere weile be ujen seci,
Page 188
01 suwembe geli amasi unggifi jugūn de jobolon ohode, tere weile geli
02 ujen kai seme henduhe manggi, sonin se jabume, meni nantuhūn i
03 bucere jalin de, 21/22 han i gisun be jurcembio seme, uthai morin
04 yalufi juraki serede, geren niyalma gemu jafafi unggirakū hendume,
05 meni ejen i jifi tafulaki seci, bethe nimeme ojorakū, deote juse gemu
06 abalahabi, tuttu ofi meni geren be tafula seme unggihe, meni waka
07 dade suwembe uthai unggifi, be aibide genefi banjimbi, 22/23 han i
08 ushacun ujen amban kai, uthai tehei jabuci ombio, mini juse
09 ambasa jihe manggi, hebdefi waka be alime hengkileme weile sumbi
10 seme, murime umai unggirakū oho manggi, han i gisun be uru obufi,
11 ini beyebe wakalame hengkileme geneci tetendere seme, morin ci
12 ebufi tehe, tereci jai inenggi ini juse ambasa be isabufi hebdeme 23/24
13 gisurefi, sanggarjai hiya be takūrame hendume, han i bithe be tuwaci,
14 ini weile ujen ohobi, ini beye geneki seci bethe nimembi, deo hatan
15 baturu be gene seci, sini amban weile de, bi ainu genembi seme
Page 189
01 ojorakū, neneme suweni emgi baisgal taiji, sanggarjai mimbe gene
02 sembi, jai i bethe duleke manggi, amala geneki sembi sehe 24/25
03 manggi, sonin se jabume, be sinde elcin geli jihekū bihe, meni
04 gungju de aika benjifi, uthai amasi genere niyalma be, si mini weile
05 be sumbi, bi sara seme murime jafafi tebufi, te mende ainu fonjimbi,
06 be sini baisgal, sanggarjai be gajime jihebio seme jabuha manggi,
07 jai mudan ineku sanggarjai 25/26 hiya be takūrame hendume, juse
08 genehe seme ai tusa, han geli jili banjifi fucehe manggi, elemangga
09 weile ujen ombi, mini beye genefi bethe nimeme jugūn de buceci
10 bucekini, han i ushacun be tehei gisureci ojorakū seme henduhe
11 manggi, sonin se jabume, membe, simbe gajime jio 26/27 seme inu
12 henduhekū, sini jidere be nakabu seme inu henduhekū seme jabuha
13 manggi, ilaci mudan de ienku sanggarjai hiya be takūrame hendume,
14 bi urunakū geneme toktoho, ai gelhun akū amban niyalmai ushacun
15 be tehei gisurembi, mini dolo damu olhome gūnirengge, han aikabade
Page 190
01 jili banjihai uthai halburakū bošoho de ainara, 27/28 amasi jifi aibide
02
03 banjimbi, mini gisun be jai we donjimbi, ubabe gūnime emu inenggi
04 šun tuhetele seoleci ulhirakū ofi, han i elcin de aika gisun baharao
05 seme jihe sehe manggi, sonin se hebdeme gisurefi, ini waka be i
06 safi golofi geneci tetendere, muse jing furudafi ainambi seme gisurefi
07 jabume, si unenggi 28/29 beye be wakalame weile alime hengkileme
08 geneci, weile be encu gisurembi, simbe jihe be gosime kundulere
09 gojime, bošorongge akū, meni han i mujilen onco, sini anggala, buya
10 beise be seme, bošoho be sahakū seme jabuha manggi, tusiyetu han
11 uthai urgunjeme jime toktofi, geli efime takūrame hendume, suweni
12 juwe niyalma booi aha kai, 29/30 suwe hono mini kesi buci jeterakū
13 hengkilerakū bade, han, beise, mimbe ai maktaha halbumbi sehe
14 manggi, juwe amban jabume, be booi aha mujangga, simbe halburengge,
15 booi aha hengkilerakū, kesi buci jeterakū, furudame gisureci ojorakū
16 hengkileme jihengge, ereci jilakan aibi seme tuttu halbumbi kai sehe
Page 191
01 manggi, 30/31 tere gisun mujangga seme uheri juwan indefi juraka,
02 jugūn ci han i takūraha sonin se juleri jidere de, tusiyetu han jasime
03 hendume, amban niyalma de bi genembi seme elcin takūrara kooli akū,
04 suweni boljohon seme genere ildun de mini jasirengge, bi han de weile
05 bahafi, nimeme niyalma tukiyefi yalubume genembi, 31/32 han onco be
06 gūnime gosifi halbuci, han i aisin cira de hengkileme acafi weile suki,
07 han aikabade halburakū oci, tule hengkileki seme jasime danggalai
08 be emgi unggihe, sonin se isinjifi han de tusiyetu efu i jidere turgun
09 be giyan giyan i wesimbure jakade, ini waka be safi hengkileme jici
10 tetendere seme henduhe; 32/33
11 tere inenggi, šun dekdere ergi bayara gurun i duka * amban
12 ilbio, turga, butao, ituka, jai nadan niyalma, han de seke dobihi
13 benjime hengkileme jihe;
14 tere inenggi, gobiltu i jui gendur, juce, goltu i jui sanggūl,
15 sanggarjai hengkileme jihe, jifi wesimbume, be cahar i dain de facafi,
Page 192
01 korcin de dayanaha bihe, 33/34 ahūn goltu bucehe, deo gobiltu korcin
02 i nungneme gejurere de dosorakū, han de nikefi banjiki seme gurun
03 be yooni gajime jifi, keyen i amala ilifi, sanggūl, sanggarjai membe
04 morin temen beneme, han de hengkileme unggihe seme wesimbuhe
05 manggi, han nuktere ba be jorifi buhe; 34/35
06 monggo i jarut gurun i sebun, mani, cahar han i cooha, kalka
07 be sucuha de burulafi, korcin i gurun de dayanaha bihe, korcin i beise
08 ojorakū ofi, sure han be gurun ujire sain seme donjifi, gurun nisihai
09 ubašame jidere be donjifi, 35/36 han, beise dorolome emu ba i dubede
10 okdofi hecen de jihe manggi, han, yamun de tucifi soorin de tehe
11 manggi, jihe monggo i beise, han de niyakūrame hengkileme acame
12 wajiha manggi, amba sarin sarilaha, manju gurun i sure han, geren
13 beise ambasa be gaifi aba tucifi, 36/37 wesihun amasi duin tanggū ba
14 i dubede ilan muhaliyan gebungge bade isitala juwan duin inenggi
15 abalaha, han sunja tasha waha, julgei aba de beise i gabtaha gurgu
Page 193
01 be dahara niyalma be feye ume gidara ume durire seme gashūbufi,
02 temšere ejen be angga acabufi giyangnaburakū bihe, ere fonji aba de
03 37/38 beise i gabtaha gurgu be, feye temšere niyalma be, kemuni feye
04 duilere ambasai jakade gamafi, beise i gabtaha feye be inu ume
05 alara, temšere niyalmai feye be inu ume alara, butui duilefi uru
06 niyalma de bu seme fafulaha;
Page 194
01