|
|
Volume 2
Volume 3
Volume 2, Fascicle 1
Page 1
01 tongki fuka sindaha hergen i dangse;
02 sure han i sucungga fulahūn gūlmahūn aniya aniya biyai ice
03 inenggi, geren beise, ambasa, bithe coohai hafasa, sunjaci ging wajime,
04 amba yamun de isafi, meni meni gūsa gūsai faidaha, abka gereme,
05 sure han, geren beise ambasa be gaifi tangse de genefi, 1/2 abka de
06 ilan jergi niyakūrafi uyun jergi hengkilehe, tereci bederefi, han, yamun
07 de tucifi tehe manggi, geren beise ambasa, meni meni gūsa gūsai
08 jergi bodome ilata jergi niyakūrafi uyute jergi hengkilehe, tere
09 hengkilere de, han i juwe ashan de juwe niyalma ilifi, emu niyalma,
10 tenteke beile, tenteke amban aniya se baha seme, geren be gaifi
11 hengkilembi seme hūlaha 2/3 manggi, emu hafan niyakūra hengkile
12 seme hūlara be tuwame hengkilehe, daci manju gurun i doro
13 hengkilere de, amba beile, amin beile, manggūltai beile be, ilan beile
14 be ahūn seme kunduleme han i juwe ashan de tebuhe, yaya bade, inu
15 han i adame tebure dabala, fejile teburakū bihe, fe yamji, aniya
Page 2
01 inenggi, eiten hacin i efin efime maksime 3/4 amba sarin sarilambihe,
02 taidzu i sinagan bifi, tere aniya fe yamji aniya inenggi, efin sebjen
03 kumun mudan be deribuhekū, sarin sarilahakū, han damu geren i
04 hengkilere be alime gaiha;
05 sure han i sucungga aniya aniya biyai ice jakūn de, amin 4/5
06 beile, jirgalang taiji, ajige taiji, dudu taiji, yoto taiji, šoto taiji de
07
08 amba cooha be afabufi, solho gurun de nikan i mao wen lung be
09 baime cooha unggihe;
10 tere inenggi, fanggina, untasi be daiming ni ning yuwan i
11 du tang yuwan cung 5/6 hūwan de takūraha, unggihe bithei gisun,
12 manju gurun i han i bithe, yuwan amba niyalma de unggihe, muse
13 juwe gurun i dain ohongge, neneme suweni liyoodung guwangning de
14 tehe hafasa, suweni hūwangdi be abkai dele bisire gese goro arafi,
15 ceni beye be abkai niyalmai adali obufi, 6/7 abkai banjibuha meni meni
16 hacin i encu gurun i han be umai saliburakū, gidašara fusihūlara de
Page 3
01 dosorakū ofi, abka de habšafi dain deribuhe, abka unenggi tondo
02 ofi, gurun i amban ajigan be tuwahakū, weile i uru waka be tuwafi,
03 meni uru be urulehe, adarame uru seci, sahahūn honin aniya mini
04 juwe 8/9 mafa be umai weile akū de, suweni nikan cooha baibi waha,
05 ere emu, sahahūn meihe aniya, yehe, hada, ula, hoifa, monggo acafi
06 umai weile akū minde cooha jihe bihe, abka mimbe urulehe, cembe
07 wakalaha, tere fonde, suweni nikan mende dahakū, terei amala, hada
08 i niyalma geli mende cooha jihe bihe, tede geli nikan mende dahakū,
09 8/9 sohon ulgiyan aniya, be karu hada be dailara jakade, hada be
10 abka mende buhe, suweni nikan hada de dafi, membe albalame hada i
11 gurun be amasi hada de bederebuhe, meni bederebuhe hada i niyalma
12 be yehe sucufi gamaci, suwe umai sehekū, suwe siden i gurun seci,
13 siden de tefi tondo i tuwacina, mende oci darakū, hada de 9/10 oci
14 dambi, yehe oci ekisaka, suweni miosihon tere juwe, ama mafa be
15 wacibe, geli sain banjire be gūnime, suwayan bonio aniya, jasei
Page 4
01 ninggude wehei bithe ilibume, abka de šanggiyan morin, na de
02 sahaliyan ihan wafi gashūha gisun, nikan hūlhame jase tucici, nikan
03 be 10/11 wambi, jušen hūlhame jase dosici, jušen be wambi sehe bihe,
04 sahahūn ihan aniya, nikan cooha jase tucifi yehe de dafi tuwakiyame
05 cooha tehe, ere ilan, jai jase dabaha niyalma be safi, warakū niyalma
06 de sui isikini seme gashūha, terei amala, nikan hūlhame jase tucifi,
07 jušen i ba be nungnere jakade, da gashūha gisun seme waha, tere be
08 11/12 ainu waha seme guwangning de elcin takūraha gangguri,
09 fanggina be sele futa hūwaitafi, membe albalame meni juwan niyalma
10 be karu gaifi waha, ere duin, yehe de cooha tuwakiyame tefi, meni
11 jafan buhe yehe i sargan jui be monggo de buhe, ere sunja, geli
12 nikan cooha tucifi ududu jalan halame jase tuwakiyame tehe jušen i
13 tehe boo be tuwa 12/13 sindame, tarifi yangsaha jeku be gaibuhakū
14 bošofi, jase bitume teisu teisu gūsin ba i dubede šibei wehe beneme,
15 jušen i ba be durime gaiha, orhoda, seke, usin i jeku, uncara moo,
Page 5
01 gemu baci tucimbi kai, akdafi banjire babe durime gaihangge, ere
02 ninggun, niowanggiyan tasha aniya, yehe i gisun be gaifi, ehe gisun
03 hendume bithe arafi, hafan takūrafi, membe hacin hacin i koro 13/14
04 arame girubuha, ere nadan, amba koro ere nadan, tere buya koro be,
05 ya be toloro, enteke korobure girubure de dosorakū dain deribuhe,
06 te suwe meni uru be safi, juwe gurun i doro acaki seci, acara
07 doroi aisin juwan tumen yan, menggun tanggū tumen yan, suje
08 tanggū tumen, mocin samsu minggan tumen bu, doro acame wajiha
09 manggi, juwe 14/15 gurun ishunde benere doroi aniyadari be tana
10 juwan, seke emu minggan, orhoda emu minggan gin benere, suwe
11 aisin emu tumen yan, menggun juwan tumen yan, suje juwan tumen,
12 mocin samsu gūsin tumen benju, uttu bume gaime juwe gurun i
13 doro acambi seci, abka na de akdulame gashūfi doro akdun banjiki,
14 ere gisun be, yuwan amba niyalma si ulame hūwangdi de 15/16
15 wesimbu, ede ojorakūci, suwe kemuni dain be cihalambi dere;
Page 6
01 ice uyun de, kalka i monggo ci ukanju jifi alame, cahar
02 han cooha tucifi, meni kalka be gemu gamaha, jarut, korcin i baru
03 burulaha, afahakū dahaha niyalma be ujihe, afaha niyalma be waha
04 seme alaha; 18/19
05 juwan duin de, dudu taiji i harangga babu, fulata juwe nirui
06 tofohon isire monggo, fung ji pu ci ukame genere be, adahai, ubai,
07 kangkalai leheme genefi, durbi de amcanafi afame gemu waha, ubai
08 emu feye baha, tere medege be han de alara jakade, 17/18 han
09 hendume, ama han i bisire fonde, ubai be sain sembihe, wesibuki
10 seci jabduhakū, sain serengge mujangga nikai, tesei dabala, gūwa
11 bici, turibufi unggimbihe seme hendufi ambula šangnaha, anggara
12 age, yangguri efu juwe amban, adahai, ubai de šangname bure jalin
13 de fonjime dosire jakade, 18/19 han, anggara uksun i ahūn de dorolome
14 iliha, anggara, han de niyakūrafi hendume, gurun i ejen han, uttu
15 minde dorolome ilici, fujisa gemu ilimbi kai, tuttu oci, bi adarame
Page 7
01 yabure, han i kesi de hūsun bume baita icihiyame yabuki dere seme
02 hendure jakade, han hendume, si neneme arki nure omime doro be
03 19/20 kicerakū baita de yaburakū bihe, tuttu ofi si jici, bi inu
04 ilirakū bihe, te si arki nure omire be nakafi, baita icihiyame doroi
05 jalin de baitalabume yabumbi, tuttu ofi, bi sinde dorolome ilimbi,
06 encu gurun i niyalma inu doroi jalin de faššambi kai, suwe uksun i
07 ahūta deote, doroi jalin de saikan kiceme yaburakū, jai we kicembi
08 seme henduhe; 20/21
09 juwan ninggun de, cooha genehe beise, solho i i jeo hecen be
10 gaiha seme mejige alanjiha, cooha genehe beise, simiyan i hecen ci
11 juraka ningguci inenggi juwan ilan de, lenggeri dzung bing guwan,
12 yasun beiguwan, yecen beiguwan, munggan, ere duin amban de
13 jakūnju niyalma be adabufi, juleri 21/22 karun gidame unggifi, nikan
14 i unduri tehe karun be gemu bahafi, emu niyalma hono tucifi medege
15 alanahakū ofi, i jeo hecen i niyalma donjihakū, tereci juleri
Page 8
01 tucike ambasa, jakūnju niyalma uthai genefi dobori dosifi, hūlhame
02 wan sindafi hecen be tafafi, tereci musei geren cooha be gajifi
03 tafambufi gaiha, nikan cooha emu tumen, solho i 22/23 cooha juwe
04 tumen bihe, daha seci, ojorakū ofi gemu waha seme alanjiha;
05 juwan jakūn de, cooha genehe beise, g'o šan i hoton be gaiha,
06 lin pan, siowan cuwan, ding jeo hoton be dahabuha seme medege
07 alanjime takūraha niyalma, orin juwe de isinjiha, 23/24 tede unggihe
08 bithei gisun, i jeo ci juwe tanggū ba i dubede feksifi ajige tiyei šan
09 be gaiha, musei nikan ukanju, nikan cooha be ambula bahafi waha,
10 emu ts'anjiyang, emu iogi, ilan dusy be jafaha, mao wen lung ts ioi
11 to de genehebi, amba tiyei šan i solho be gemu baha, lin pan, siowan
12 24/25 cuwan, ding jeo gemu dahaha, g'o šan i alin i hoton de cooha
13 isinafi, hoton beki ofi daha seci, ojorakū ofi afame gaiha, tere hoton
14 be afara de, abkai kesi de museingge emu niyalma hono koro bahakū,
15 emu dooli, emu ts'anjiyang, ilan iogi be jafaha, dosi solho han i fe
Page 9
01 tehe ping 25/26 žang de genembi, ba goro elcin bahafi takūrarakū,
02 elcin goidambi seme gūnirahū, abkai kesi de meni jalin de ume joboro,
03 be ping žang de morin ulebume tefi, casi be tuwanara gese solho
04 han de elcin takūrame tuwambi, dorgi medege icangga gese oci,
05 wang ging de genembi, i jeo de jakūn amban, emu 26/27 minggan
06 cooha werihebi, g'o šan hoton de duin amban, sunja tanggū cooha
07 werihebi, hoton sarhū ci amban beki, nuktere monggo, hergen i monggo
08 be i jeo de unggifi, meni cooha be casi gamaci antaka, ere be han
09 seolekini, mongo be bahafi unggimbihede, emu etere amba ejen be
10 sindafi, juhe tuhere onggolo hūdun 27/28 unggi, i jeo i jeku be boigon
11 i niyalma be nungnerahū, dahabuha ba i irgen be gemu uju fusiha,
12 tubaci aikabade unggici, eshun ambasa be ume unggire, mama tucimbi;
13 han, joo bithe wasimbume hendume, cooha genehe beise, suwe
14 abkai kesi de, suweni yabuha medege be donjifi, be 28/29 ubade
15 urgunjembi, julesi yabure be suwe seoleme yabu, ojoro gese oci julesi
Page 10
01 yabu, muse guwangning be gaifi šanaha de dosikakū be aliyara gese
02 aliyacun ojorahū, ojorakū gese oci, hacihiyame ume yabure, abkai
03 gosiha hairaka gebu, ai ocibe genehe niyalma arbun tuwame yabu,
04 mama i medege selgiyefi bici, musei eshun beise, monggo i eshun beise
05 be bederebuci antaka, hūwanggiyarakūci 29/30 yabukini, tubabe inu
06 suwe seole, monggo i eshun beise be bederebumbihede, gucu kemneme
07 unggi, terei ubade bihe hehe juse be, gūwa monggo be gemu i jeo de
08 unggihe, abka gosifi solho gurun i weile dube tucire gese ofi,
09 icihiyara jalin de takūraci, suweni genehe beile taijisa hebešefi, be,
10 uttu gūnihabi seme takūra, suweni takūraha 30/31 gisun be tuwame
11 bi jabufi unggire, bi tehe niyalma, buhiyeme aiseme hendure;
12 orin de, nuktere monggo nirui ninggun monggo i juse hehesi,
13 i jeo hecen de jeku jekenekini seme unggihe, tanggūdai age, babutai
14 age gamame genehe, esede 31/32 joo bithe jafabufi, han hendume,
15 dahaha irgen be, jušen monggo nungnerahū, saikan kadala, weile
Page 11
01 araha niyalma be suwe tubade wacihiya sehe;
02 juwe biyai ice juwe de, cahar i naiman i hūng baturu de
03 unggihe bithe, omdzat corji lama de, si meni baru doro acaki 32/33
04 seme henduhe, unenggi doro acaki seci, aohan i dureng, secen
05 joriktu, hūng baturu hebdefi, ulhire sain niyalma be takūra, suweni
06 gisun be tuwame gisureki, daci meni yabure jurgan, sain de iberakū,
07 ehe de anaburakū, meni ba babe dailahangge, buyeme dailahangge
08 waka, korsobuha ambula de, abka de habšafi dailaha, nikan de eitereme
09 sain banjiki 33/34 seci, ojorakū, yehe de dafi cooha tuwakiyame tefi,
10 meni sui be monggo de bure, jai cooha tucifi meni jalan halame jase
11 jakarame tehe jušen i tarifi yangsaha jeku be gaibuhakū, tehe boo be
12 tuwa sindame bošoro, hacin hacin i korsobuha de nikan be dailaha, be
13 kalka i baru daci sain bihe, jaisai meni ujalu hoton be sucuha,
14 takūraha elcin be waha, 34/35 bagadarhan meni sui be gaiha, terei
15 amala jaisai mende jafabuha manggi, sunja tatan i kalka i beise,
Page 12
01 uhereme meni baru doro acame abka na de gashūha gisun, nikan be
02 dailaci, emu hebei dailaki, acaci, emu hebei acaki, nikan i sain ulin,
03 faksi gisun de manju dosifi, kalka de hebe akū nikan de acaci, manju
04 de sui 35/36 isikini, manju de hebe akū, kalka nikan de acaci, kalka
05 de sui isikini seme gashūha gisun be, kalka aifufi nikan be dailara
06 anggala, nikan i sain ulin, faksi gisun de dosifi, nikan de dafi, meni
07 tai niyalma be jafafi, nikan de uju buhe, ududu jergi sucufi ulha
08 gamaha, tuttu ocibe, be ekisaka bihe, duleke tasha aniya, ning
09 yuwan de 36/37 cooha genefi hecen gecefi bahakū bedereme jihe
10 manggi, kalka membe cooha wajifi jiki sere seme, umesi nikan de
11 dafi cooha ilimbi seme nukte gemu meni baru hanci ibere, korcin de
12 yabure elcin be jing jugūn tosofi wara gaijara jakade, kalka menci
13 ainaha seme hokorakū seme kalka be dailaha, solho meni juwe gurun
14 daci sain banjimbihe, solho, nikan de 37/38 cooha dafi mende dain jihe,
15 abka membe urulefi, be etere jakade, jihe hafan cooha be gemu
Page 13
01 wahakū sindafi unggime, eitereme acaki seci, ojorakū, kemuni nikan
02 de dafi, meni ukanju be alime gaijara jakade, solho be dailaha, yaya
03 bade be weile akū, dain be buyeme dailarangge akū, dain ai sain,
04 taifin ai ehe, suwe unenggi acaki 38/39 seci, elcin takūra, cahar han,
05 kalka be efulefi gamafi, beise i dele jušen niyalma be daruga sindara,
06 beise i sargan be beye ci faksalara, beise i sargan jui be saliburakū
07 gaijara, bayarai kutule de bure be, meni anggala, suweni sarkū aibi,
08 mini gisun be inu seci, ere bithe be cargi juwe kesikten i beise de
09 unggi;
Page 14
01