|
|
Volume 2
Volume 3
Volume 1, Fascicle 9
Page 137
01 tongki fuka sindaha hergen i dangse;
02 kooli be ejeme bithe araha erdeni baksi hendume, nikan gurun
03 i wan lii han, suwayan morin aniya juwe biyaci cooha isabufi, coohai
04 aika jaka be gemu dasame jalukiyafi, honin aniya juwe biyade, orin
05 nadan tumen cooha be, dehi nadan tumen seme algišafi, duin jugūn
06 i tucifi, jušen gurun i 1/2 genggiyen han i tehe hecen be efulembi,
07 gurun be gemu wacihiyambi seme cooha tucikengge, abkai gamara
08 ici be tuwarakū, ini gurun be amban, ini cooha be geren seme, ambula
09 geren de ertufi, abka de eljere gese cooha tucikebi kai, unenggi
10 tondo be bodoci, uru ambula niyalma be bungname waki seci, abka
11 de eljehe serengge tere kai, nikan i wan lii han de 2/3 waka ambula
12 akūci, utala orin nadan tumen cooha be ilan inenggi andande
13 gemu wabuhangge, tere abka ambula wakalafi tuttu wabuhabi
14 dere, jušen i genggiyen han de uru ambula ofi, tutala cooha be
15 ilan inenggi be teodeme bošome feksime wame yabuci, yaluha morin
Page 138
01 šadahakū, cooha be ujulafi gaifi yabure beise ambasa emke
02 hono ufarahakūngge, tere 3/4 abka aisilaha serengge tere kai, nikan
03 solho i orin nadan tumen cooohai emgi afafi, utala orin tumen cooha
04 be wara de, jušen i genggiyan han i coohai niyalma juwe tanggū
05 isirakū bucehe, fusi golo be tucike cooha be okdome genefi, emu
06 tanggū ninju ba i dubede isinafi, jaifiyan, sarhū i bade iliha cooha be
07 gidafi, gūsin ba i dubede isitala bošome 4/5 wafi, tere dobori
08 tuwakiyame tefi, tucime genere cooha be dobori wafi, jai cimari
09 wahūmu de iliha cooha, šanggiyan hada de iliha cooha, fiyefun
10 ninggude iliha cooha be bošome wafi, tereci amasi amba hecen de jifi,
11 geli julesi warkasi golo de genere de, giyaha i weji de šadame
12 ilinjame genehe coohai morin, emu tanggū orin ba i dubede genefi,
13 cooha acafi bošome 5/6 wame feksici, šadaha iliha morin geli aitufi
14 nikan cooha be wacihiyame waha, solho i funcehe cooha be dahabufi
15 gajihangge, tere gemu abka aisilaha weile kai, ice juwe de, šanggiyan
Page 139
01 hada ci genehe emu minggan cooha, ice ilan de, šanggiyan hade ci
02 genehe juwe minggan cooha, juwe inenggi amala tutafi meni meni
03 genehe amba beile i cooha, boljoho gese 6/7 tuttu acaha kooli bio,
04 emu baci boljome gisurefi fakcaha cooha, hono tuttu acarakū kai,
05 tere gemu abkai acabume gamaha weile kai, abkai aisilaha be adarame
06 saha seci, neneme inenggi jaifiyan, sarhū i juwe ing ni cooha be
07 wafi, tere dobori jugūn tosome generakū bici, wahūmu i bigan de
08 iliha ing ni cooha, šanggiyan hada, fiyefun i ninggu, tere ilan 7/8 ing
09 ni cooha be sarkū bihe bici, julergi donggo i golo be dosire cooha,
10 hūlan i golo be dosire cooha be, sucungga inenggi jaifiyan i cooha
11 be okdome genere de donjifi genehe wakao, tere cooha be okdome
12 amasi jihe bici, terei amala jaka i golo be geli cooha jimbi seme
13 donjici, geli absi genere seme gūnici mangga bihe kai, emu golo be
14 jihe juwe 8/9 jugūn i sunja ing ni cooha be, juwe inenggi gemu wafi,
15 jai julergi donggo i golo be dosika cooha de afanafi geli gemu
Page 140
01 wahangge, tere abka aisilarakūci tuttu kooli bio, ba bade afaci, erin
02 fon de acabume, aika jaka be icihiyame wajifi beyebe jabduha manggi,
03 cooha bargiyabufi jai aika baita tucirengge, tere gemu 9/10 abka
04 aisilame gamarangge waka oci tuttu ombio, tere gese ambula niyalma
05 be geli we saha, tere gese geren cooha be geli we tuwaha, niyalma
06 geli tuttu ambula geren binikai, nikan han tuttu ini cooha be, waha
07 seme wajirakū, bucehe seme ekiyenderakū seme ertufi jihe cooha be,
08 emu majige andande wahangge, tere be niyalmai wara de wajirengge
09 waka bihe kai, 10/11 abka aisilafi majige andande tuttu wame wajiha
10 dere, nikan gurun i wan lii han i waka ambula ofi, nikan coohai
11 sindaha tutala minggan tumen poo miyoocan be, gemu oilori deleri
12 unggihe dere, gabtaha sirdan, saciha loho tokoho gida be, gemu hetu
13 jailabufi oihori obuha dere, genggiyen han i coohai niyalmai gabtaha
14 sirdan, tokoho gida be, 11/12 abkai enduri dafi aisilame tokohobi
15 dere, saciha loho be, abkai enduri aisilame ambla kengse lasha
Page 141
01 dabuhabi dere;
02 nikan be juwe aniya dailara de, jakūn ing ni cooha de afara
03 de, gūsai niyalma be gaifi isinahakū seme, han i uksun i deo dobi beile
04 be, gūsai ejen be nakabuha, gūsai ejen i doroi šangname buhe olji
05 be gemu 12/13 gaiha, nikan i amba dain jidere be, nenehe inenggi
06 gūwa karun i niyalma sabuci, tombasi gebungge niyalmai karun
07 sabuhakūbi, jai inenggi nikan i dain be sabufi, musei cooha de acame
08 alanjihakū, nikan i coohai amala ilifi bihe, tere nikan cooha be gidafi
09 gamara de, tere tombasi karun i niyalma be saha, dain cooha jidere
10 be tuwakini, sabuci alanjikini seme sindaha karun kai, 13/14 medege
11 alanjikini seme sindaha kūrun alanjirakū, dain i amala ilici, simbe
12 karun sindaha ai tusa seme, karun i ejen tombasi gebungge niyalma
13 be waha, han i uksun deo wangšan, yaya dain ohode, anggai holtome
14 akdabume gojime, beye hūsun tucime afarakū ofi, wangšan de buhe
15 aha jušen be gemu gaiha, amba hecen ci wasihūn, emu tanggū
Page 142
01 nadanju ba i dubede jaifiyan, sarhū, 14/15 wahūmu, šanggiyan hada,
02 fiyefun, sunja ing ni cooha be wafi, jai amba hecen ci julesi, emu
03 tanggū ba i dubede donggo i golo be dosika cooha be geli genefi waha
04 manggi, genggiyen han injeme hendume, nikan gurun i wan lii han
05 i dehi nadan tumen cooha de, musei cooha be teisu teisu okdofi waha
06 seci, yaya gurun donjici, musei 15/16 cooha be geren sembi, ineku
07 coohai wame yabuha seci, musei cooha be mangga sembi, yaya gurun
08 donjici, ehe akū, eitereci sain sembi seme henduhe, tere nikan cooha
09 de dafi jihe solho i sunja minggan cooha be dahabufi, gajiha duin hafan,
10 emu tungse, uhereme sunja niyalma be sindafi unggime, bithede araha
11 gisun, nikan han de ushaha koroho nadan amba 16/17 koro i gisun be
12 gemu bithe arafi, jai buya koro i gisun be geli nonggifi, jai hendume,
13 ere nikan de mini dain deribuhe turgun be alara, julge aisin han,
14 monggo han, ilan duin gurun be gemu uhe obume dahabufi banjihabi,
15 tuttu banjifi tere inu jalan goidame aniya ambula banjihakūbi,
Page 143
01 terebe bi gemu bahanahabi, ere dain be bi ulhirakū farhūn i arahangge
02 17/18 waka, ere nikan mimbe umainaci hokorakū ofi, ere weile be
03 deribuhe, amba gurun i han be, mini dolo daci ehe araki seme
04 gūniha bici, abka endembio, abka mimbe ainu urulere bihe,
05 nikan han i dere ci, mini dere oncoo, abka waka be wakalame uru be
06 uruleme, tondo be beidefi 18/19 tuttu dere, mimbe abka urulehe, nikan
07 be abka wakalaha, solho suweni cooha be nikan de dafi minde jihe
08 manggi, bi gūnime, solho i cooha buyeme jihengge waka, nikan de
09 eterakū, odz i karu baili seme jihebi dere, julge meni aisin dai
10 ding han de, solho joo wei jung gebungge amban, dehi funceme 19/20
11 hecen be gaifi ubašame jihe be, meni aisin dai ding han hendume,
12 nikan i joo hoidzung, joo kindzung han, meni aisin gurun i dailara
13 fonde, solho han yaya de dahakū, tondo gurun seme alime gaihakū
14 bederebuhe sere, tere be gūnifi muse juwe gurun daci ehe akū bihe
15 seme, sini cooha gaifi jihe amba ajige hafan juwan niyalma be weihun
Page 144
01 20/21 jafafi, solho han simbe gūnime asarahabi, te erei dube be solho
02 han si sa, abkai fejile ai hacin i gurun akū, amba gurun i canggi
03 banjimbio, ajige gurun be gemu akū obumbio, ere amba gurun i nikan
04 han be, abkai emu šajin i banjimbi dere seme gūniha bihe, ere nikan
05 han, 21/22 abkai šajin be gūwaliyafi, mujakū murime fudarame gurun
06 be jobobumbi kai, tere be solho han sini sarkū ai bi, bi donjici, nikan
07 han, solho gurun de, meni gurun de, gemu ini juse be unggifi ejen
08 obuki seme hendumbi sere, ere nikan han muse juwe gurun be
09 gidašaha fusihūlaha ambula kai, solho han sini dolo muse juwe gurun
10 daci umai ehe akū bihe, 22/23 te bicibe, muse juwe gurun emu hebe
11 ofi nikan de ushaki sembio, bi emgeri nikan de dame wajiha, nikan
12 ci hokorakū sembio, sini gisun be donjiki seme, ilan biyai orin emu
13 de, sunja solho de juwe jušen be adabufi takūraha;
14 duin biyai ice ilan de, coohai morin turgalahabi, 23/24 olji
15 morin macuhabi, niowanggiyan orho de morin tarhūbuki, jecen i usin
Page 145
01 tarikini, jaifiyan de hoton sahafi usin weilere be tuwakiyara anafu
02 cooha ilikini seme, han i beye wasihūn genefi hoton arara ba jorifi,
03 nikan cooha be gidafi baha uksin be, ajige buksa alin i gese jakūn
04 bade muhaliyaha be tuwafi dendebufi, tereci 24/25 han i beye, usin
05 akū sula babe baime morin ulebume gamafi, ice jakūn de coohai morin
06 simnefi, emu minggan tarhūn morin be tucibufi, ice uyun de tiyei
07 ling ni babe cooha dosifi, tiyei ling ni hecen de tofohon bade isitala
08 tabcin feksifi, minggan olji be baha, tere cooha dosika de, nikan i
09 cooha emu niyalma hono sabuhakū, poo emgeri hono sindahakū; 25/26
10 sunja biyai ice sunja de, han i beye, muduri erinde yamun
11 de tucifi tehe, yamun i juwe dalbade jakūn cacari cafi, jakūn gūsai
12 beise ambasa jakūn bade tefi, amba beile, amin beile, manggūltai
13 beile, duici beile, solho i juwe amba hafan, ninggun niyalma be
14 fangkala dere de tebufi amba sarin 26/27 sarilaha, terei onggolo beise,
15 sarin de dere de terakū, na de tembihe;
Page 146
01 orin jakūn de, solho de genehe elcin, solho i emu hafan,
02 juwan ilan niyalma isinjiha, terei gajiha bithe be tuwaci, ceni solho
03 han i gisun umai akū, nikan de dafi jihe coohai jafabuha amba 27/28
04 ajige hafasa be ujihe seme, baniha sere emu sain gisun akū, jafaha
05 solho be unggi sere emu gisun akū, amala banjire emu akdun gisun
06 akū, solho gurun i ping an doo goloi guwan ca ši hergen i piyoo hūwa,
07 giyan jeo ui mafai bethei fejile bithe aliburengge, muse juwe
08 gurun ba na acame tefi, nikan gurun be han, muse juwe gurun 28/29
09 amban seme banjime, juwe tanggū aniya otolo, emu majige ser seme
10 gasacun ehe akū bihe, te wesihun gurun, nikan i emgi kimun
11 kokon ofi dailame, weihun irgen boihon oho, bi hanciki gurun
12 i kesi akū anggala, duin tala de gemu dain kai, wesihun gurun de
13 inu sain weile waka kai, nikan, meni gurun, ama jui adali, amai
14 gisun be 29/30 jui maraci ombio, amba jurgan ofi maraci ohakū,
15 tere weile emgeri duleke, te ume gisurere, jang ing ging ni duin
Page 147
01 niyalma be unggihe manggi, giyan giyan i weile i jurgan be tede saha,
02 hanciki gurun i sain banjire doro geli akū doro bio, unggihe bithede
03 henduhengge, mini mujilen daci amba gurun i han be ehe gūniha
04 bici, 30/31 abka endembio seme henduhebi, tere mujilen dere,
05 dule jalan halame enteheme abkai hūturi isifi banjire niyalma kai,
06 ereci amasi amba doro be acabume banjici, nikan buyeme sain gisun
07 goidarakū wasimbi kai, muse juwe gurun meni meni jase babe
08 tuwakiyame, fe sain be dasafi banjici sain akūn; 31/32
09 šun dekdere ergi hūrha gurun i funcehe tutaha be wacihiyame
10 gaisu seme unggihe muhaliyan i emu minggan cooha, ninggun biyai
11 ice jakūn de amasi isinjiha, emu minggan boigon, juwe minggan haha,
12 ninggun minggan anggala gajime jidere de, han, hecen tucime okdofi,
13 jakūn cacari cafi, juwe tanggū dere dasafi, orin ihan wame amba
14 sarin sarilara de, 32/33 cooha de baha solho i juwe amba hafan, jai
15 geren buya hafan, solho han i takūrafi unggihe hafan cooha be okdoro
Page 148
01 be tuwaki seme henduhe manggi, han gamame yabu seme gamaha bihe,
02 tere inenggi cimari erde tucifi, solho i hafasa jergi jergi acaha, terei
03 sirame cooha genehe ambasa acaha, terei sirame jihe boigon i gašan
04 gašan i ambasa jergi jergi acaha, amban asihan 33/34 aha ejen, juse
05 hehesi de aname gemu ebitele ulebume soktotolo omibume sarilafi
06 jihe, gajiha boigon olji be gemu giyan giyan i icihiyafi, jai inenggi
07 hecen de dosimbuha, dahame jihe boigon i uju jergi ambasa de, juwanta
08 juru niyalma, morin juwanta, ihan juwanta, etuku sunjata jergi,
09 mahala, umiyesun, gūlha, enggemu, hadala, jebele, beri, sirdan, jai
10 jergi niyalma de sunjata juru 34/35 niyalma, sunjata morin, sunjata
11 ihan, ilata jergi etuku, mahala, umiyesun, gūlha, jebele, beri, sirdan,
12 ilhi ilhi boigon i niyalmai baitalara jaka be gemu yooni jalukiyame
13 buhe;