|
|
Volume 2
Volume 3
Volume 1, Fascicle 72
Page 1079
01 tongki fuka sindaha hergen i dangse;
02 ice nadan de, jakūn gūsai jakūnju dere dasafi, jakūn honin
03 wafi sarin sarilame, korcin i ooba hūwang taiji de bithe hūlame gebu
04 buhe bithei gisun, ehe waka be abka wakalaci, doro be wasibume
05 efulembi, tondo uru be 1/2 abka gosici, doro be wesibume han obumbi,
06 eitereci abkai ciha kai, cahar i han, ooba hūwang taiji be waki seme
07 cooha jihe, abka, ooba hūwang taiji be gosiha, abkai gosiha niyalma
08 be han seki seme, abkai jurgan be dahame, bi ooba hūwang taiji de
09 tusiyetu han i gebu buhe, tumei de dai darhan, 2/3 butaci de jasaktu
10 dureng, horhotui de cing joriktu gebu buhe, tese gemu tusiyetu han
11 i ahūta deote;
12 tusiyetu han, juwan duin de genehe;
13 juwan nadan de, genggiyen han i bithe, tusiyetu han de
14 amcame unggihe 3/4 bithei gisun, si mini baru hoton araha manggi,
15 ambasa be teburakū, buya niyalma be tebumbi seme henduci, mini
Page 1080
01 dolo acahakū bihe, dere de hendume baharakū, amala hendufi unggire
02 sehe bihe, buya niyalma be hoton de tebufi, beise ambasa suwe,
03 suweni boo ararakū tuleri bifi, aika baita tucike manggi, hoton de
04 dosinjici, buya niyalmai boo, buya niyalmai jeku orho 4/5 udu bi,
05 terei emu majige bisirengge be wacihiyaci, buya irgen jai adarame
06 banjimbi, jobolon serengge tere kai, ere aniya suweni ninggude dai
07 darhan, cing joriktu nongginjifi, suweni juhe wacihiyaha gese ombikai,
08 araha hoton de beise ambasa boo arafi, jeku orho isabufi sindafi, beye
09 kemuni nukteme yabure, olhoro emu juwe biyade hoton de dosinjici,
10 meni meni boo, jeku orho de 5/6 uthai jici antaka, jušen i ambasa be
11 hoton de tebuci, olhoci, beyei sasa nukteme gaifi yabuci antaka,
12 ebsi minde geli aikabade akdarakū olhome gūnire ba bio, minde
13 akdarakū gūnici, muse abka de akdulame, niyalma be donjibume
14 gashūha kai, yaya niyalma, abka be holtoro, niyalma be gidašara
15 niyalma jabšahangge akū, 6/7 mini tondo uru de, abka gosime banjimbi
Page 1081
01 dere, suwende akdafi banjimbio, bi suweni jalin de hendumbi dere,
02 julgeci ebsi, hehe niyalma, jušen i ambasai gisun de akdaci ojorakū,
03 hehe niyalma de eigen ai joboro, jušen niyalma de ejen ai joboro,
04 gūwa i gisun de ume dosire, bingtu suweni juwe nofi acafi seole,
05 mini ere gisun acacibe, acarakū ocibe, karu gisun i 7/8 bithe unggi;
06 tusiyetu han fudenehe baci karu arafi unggihe bithe, orin
07 emu de ilden gajiha, genggiyen han i tacibuha gisun gemu inu kai,
08 hoton arara be meni geren i emgi gisurefi, hoton enteke bade arambi
09 seme, darhan taiji de niyalma takūraki, 8/9 beise ambasa be hoton de
10 boo ara serengge inu kai, be inu araki seme gisurehe bihe, be, han
11 de ainu akdarakū, akdarakū bihe bici, han i genggiyen de
12 acanjimbiheo, bai ulhirakū i han i amala dahame muterakū
13 be hendumbi dere, dergi abka sambikai; 9/10
14 fulgiyan tasha aniya anagan i ninggun biyai juwan uyun de,
15 kalka de cooha genefi, nangnuk beile de, ajige age beile ninggun
Page 1082
01 niyalma juleri isinafi gabtame afara bade, minggan beile i jui angkūn
02 taiji isinafi, ajige age beile i morin i cilburi be jafafi, beile si ainu
03 10/11 juleri afambi, sini han ama i isabuha ai cooha akū seme hendure
04 jakade, ajige age hendume, mimbe tafulara anggala, si ainu dosirakū
05 sere jakade, angkūn taiji uthai juleri dosifi, nangnuk beile i dalai
06 tabunang be fuhali gabtahabi, tere dosika be, beise, han de alara
07 jakade, 11/12 han hendume, muse ai gurun i niyalma be ujihekū,
08 we erei gese ujihe baili isibuhabi seme saišafi, darhan hošooci gebu
09 buhe, gucu arame yabukini seme, jakūn gūsai beile, uksin etuhe hahai
10 boigon emte, kutule jafara hahai boigon emte, uheri juwan ninggun
11 boigon šangname buhe, beise ci fusihūn, buya niyalma ci wesihun,
12 angkūn taiji i da 12/13 gebu be gebulehe de, etuhe etuku sume
13 gaimbi, anagan i ninggun biyai juwan uyun de gebu buhe;
14 fulgiyan tasha aniya anagan i ninggun biyai orin i inenggi,
15 mao wen lung acaki seme takūraha juwe niyalma de, karu arafi
Page 1083
01 unggihe bithei gisun, ere dain be bi deribuhebio, sini nikan i 13/14 wan
02
03 lii han deribuhe kai, te nikan han dain deribuhe waka seme alime
04 gaime acaki seme, han i doron gidaha bithe jafabufi, amba hafan be
05 takūrafi, šanaha i duka be jici, terei baru gisurembi dere, sini ukanju
06 tuwakiyame tehe niyalmai baru ainu gisurembi; 14/15
07 fulgiyan tasha aniya anagan i ninggun biyai orin juwe de,
08 jarut i ūljeitu daicing de unggihe bithei gisun, genggiyen han
09 hendume, monggo suwe unenggi oci, muse juwe gurun emu hebei
10 nikan be dailafi, hoton hecen be gaifi nisiha nisihai dendefi alban gaime
11 banjici inu ombihe, akūci, musei bade gajifi, suje, gecuheri,
12 mocin, 15/16 samsu jodobume banjici, inu sain bihe, suwe ubabe
13 gūnirakū, elemangga abkai wakalaha batangga nikan de dafi, minde
14 dain ohongge, suwe inu farhūn kai, abka mimbe urušefi, dergi mederi
15 ci wasihūn, šanaha ci ebsi, yehe, hada, ula, hoifa, guwangning,
16 liyoodung ni ba babe siran siran i 16/17 abkai bure be, suweni yasai
Page 1084
01 sahakūn, šan i donjihakūn, te bicibe, muse juwe gurun hebe acafi
02 dain gurun be dailame, batangga gurun i ulin be gaime banjici antaka,
03 ere be gūnirakū, musei dolo temšenume dain oci, emken urhurakū
04 doro bio, weri weile de dafi, juse omosi de dain be werirengge,
05 muse inu farhūn kai; 17/18
06 fulgiyan tasha aniya nadan biyai orin ilan de, han beye
07 nimeme, niowanggiyaha i halhūn muke de genefi, jakūn biyai ice
08 inenggi, amin beile be takūrafi unggihe bithei gisun, ama, sini jui han
09 beye nimeme ofi, ama sini ūren be ilibufi wecembi, jui mini 18/19
10 nimeku be hūdun dulembu, ai jaka oci wehiye, jui bi sain oho
11 manggi, biyadari ice inenggi kemuni lakcarakū wecere, dulemburakūci
12 bi ainara, juwe ihan wame jiha deijime, ama de neneme henduhe
13 durun i wece, jai gūwa mafari de neigen dobofi, aisila, wehiye,
14 hūdun dulembu 19/20 seme hendume hengkile, wecere de warka ecike,
15 wangšan ecike, sahalca ecike
Page 1085
01 ice inenggi beise hendume, usin i jeku be juse hehesi gemu
02 tucifi homila, hūdun hukše, nimeku nimeci, nirui niyalma geren i
03 aisila; 20/21
04 hošonggo ordo de tucifi, duin ihan wafi, dehi dere
05 dasafi, jušen, nikan, monggo dzung bing guwan ci fusihūn, ciyandzung
06 ci wesihun, amba sarin sarilaha;
07 ice juwe de, han, musei beise, monggo i beise, geren i baru
08 hebešere gisun, 21/22 fejergi girire * jalan i niyalma be, asuru ambula
09 giribure *, gasacun i doro de asuru ambula sinagalara doro mangga
10 kai, tere doro be kemuni bici saiyūn, taka banjire beye seme
11 weihuken doro ilibuci geli antaka, ere juwe doroi dube be, suwe
12 toktobufi amasi wesimbu seme henduhe, tere gisun de, geren beise
13 gemu sain seme amasi wesimbuhe, 22/23 han i toktobume wasimbuha
14 bithei gisun, fejergi jalan i girire * doro, manggai ambula girire *
15 niyalma oci, jugūn de gaitai acaha de, morin yaluci, morin ci ebufi
Page 1086
01 niyakūrafi hengkilefi dulembu, tehe ba oci, niyakūrafi
02 sarin de oci, niyakūrafi hengkilefi jugūn de gaitai acaha
03 de, morin yaluci, morin ci ebufi dulembu, tehe ba oci, jailame
04 dulenu, sarin de 23/24 oci, tehe baci uthai hengkile, sinagan i doro
05 de ambula joboci, musei beye enteheme banjimbio, taka banjire beyebe
06 ainu jobobumbi, abkai kemnefi unggihe jalgan kai, emdubei banjire,
07 emdubei bucere beyebe kemuni tuttu sinagalame jobobuci, jai ai
08 šolo de jirgambi, beise ambasa niyaman hūncihin, gemu emu bade
09 tehebi, bucehe jobolon de sinagalara, weihun doro de 24/25 giribure *
10 be, gemu nakaci sain kai;
11 ineku tere inenggi, han, eksingge de unggihe bithei gisun, te
12 gene sehe bihe, taka nakafi ere biyai juwan be duleke manggi, gene
13 sehe bade gene; 25/26
14 ice ilan de, beise, cifun gaijara jalin de toktobume henduhe
15 gisun, niyalma, morin, ihan, losa, eihen, honin, niman, ere nadan jaka
Page 1087
01 de, emu yan de cifun emu jiha gaifi, ilan ubu sindafi, juwe ubu be
02 šajin de gaimbi, emu ubu be uncaha niyalmai nirui ejen, janggin,
03 daise dendeme gaisu, nikan i harangga 26/27 niyalma uncaci, iogi,
04 ciyandzung dendeme gaisu, ere nadan jaka ci dabala, gūwa jaka de
05 cifun gaijara be gemu naka;
06 ice ilan de, kūbai, si mu ceng ni ergi de anafu tenefi, mao
07 wen lung ni takūraha sunja giyansi be, duin be waha, emken be 27/28
08 dung ging de benjihe, tede fonjici, mao wen lung tiyei šan de bi,
09 morin yafahan cooha uheri nadan tumen bi, musei baru cooha jimbi
10 serengge akū, muse be cende genembi seme olhome, giyang ni dalirame
11 cooha tehebi seme alaha; 28/29
12 ice duin de, weile beidere yamun i jakūn tungse de, ciyandzung
13 ni hergen buhe seme, dondohoi, šunggutu alanjifi dangse de araha;
14 ineku tere inenggi, amba beile i u beiguwan habšame, jase
15 golo de tehebi, emu minggan funceme nikan ukaka seme donjifi, bi
Page 1088
01 amin 29/30 beile i gin ciyandzung be guilefi, uheri gūsin sunja niyalma
02
03 be gaifi, ehe holo i teisu bira de amcafi waha, yoto age i sun beiguwan
04 be tubade bahafi sindaha, gūsin nadan hehe, morin, losa, eihen dehi
05 baha, hangki janggin sambi, tereci geli han i lan beiguwan, hooge
06 ama beile i mampingga janggin, lio 30/31 beiguwan, lifangga mafa de
07 takūraha, takūrafi bi geli niyeleku de amcafi, geli emu jergi waha,
08 mini emgi mampingga bihe, tere sambi, jai inenggi, ba bade takūraha
09 coohai niyalma isinjifi, be amcafi jaka furdan de amcanafi gemu
10 waha, ilan tanggū uyunju hehe, morin, ihan, losa, eihen juwe tanggū
11 dehi baha, 31/32 mini neneme emhun amcanafi afaha bade, mini juwan
12 niyalma bucehe, orin niyalma feye baha, mini morin emu feye baha,
13 mini deo juwe feye baha, jai murikū ci emu minggan funceme
14 niyalma ukame genere be, bi wang beiguwan i emgi amcafi waha, tere
15 turgunde, wang beiguwan be iogi hergen buhe, mimbe umai 32/33
16 wesibuhe šangnahakū, jang ši g'ao gebungge niyalma ukame genere
Page 1089
01 be, bi emhun amcafi waha gung de, minde beiguwan i hergen buhe,
02 ilaci jergi de ukanju be amcafi waha seme dehi yan menggun buhe,
03 duici jergi ukanju be amcafi waha seme, emu morin, emu niyalma,
04 juwan etuku buhe, bi wang iogi i emgi 33/34 ilan giyansi jafaha,
05 giyansi jafaha seme wang iogi be ts'anjiyang obuha, mimbe umai
06 wesibuhe šangnahakū, uheri sunja jergi ukanju be amcafi waha seme
07 habšara jakade, beiguwan be wesibufi ilaci jergi ts'anjiyang ni hergen
08 buhe, jušen i dangse de araha; 34/35
09 kubuhe lamun gūsai nikan iogi ju ji wen, ini hūsun buhe be
10 bithe wesimbure jakade, iogi be wesibufi ts'anjiyang obuha, wesimbuhe
11 bithei gisun, liyoodung be gaiha manggi, aiha i niyalma samsiha bihe,
12 ju ji wen bargiyame ganafi hoton de dosimbuha, fung hūwang ceng,
13 jeng giyang, tang šan, cang diyan, jeng dung, ere 35/36 sunja hoton de
14 niyalma akū untuhun bihe, ju ji wen baicafi, meni meni hoton de
15 amasi tebuhe, jeng giyang ni lo šusai sunja tanggū niyalma be gaifi,
Page 1090
01 giyang dooha be amcafi gajiha, wang šeobei sambi, mao wen lung ni
02 emu cuwan be bahafi gemu waha, emu niyalma be benjihe, jang iogi
03 sambi, hūwang gu doo de 36/37 tenefi emu cuwan baha, gemu waha,
04 emu niyalma be benjihe, jaisa sambi, g'ai jeo de tefi juwe giyansi
05 baha, yarbihi, aita sambi, g'ai jeo de jai juwe giyansi jafafi benjihe,
06 sosori sambi, alin de tafaka ubašaha niyalma be afafi waha, hehe
07 gūsin, menggun gūsin yan benjihe, šancin de tafaka niyalma be, haha
08 be 37/38 waha, orin hehe benjihe, dajuhū sambi, ejen akū jeku be
09 baicafi, ilan tanggū hule bahafi, ts'ang de sindaha, ice hoton be bošome
10 sahabuha, weile bahakū, ukanju, tai niyalma de angga sime jakūnju
11 yan menggun bufi genehe be baicafi, tai niyalma be benjifi waha seme,
12 ice duin de bithe wesimbuhe;