|
|
Volume 2
Volume 3
Volume 1, Fascicle 71
Page 1067
01 tongki fuka sindaha hergen i dangse;
02 fulgiyan tasha aniya ilan biyai juwan uyun de, lio hiyo ceng
03 ni bithe wesimbuhe gisun, weile be deriburengge niyalma, weile
04 muterengge abka kai, han šun dekdere ergi emu ujan i bade banjiha,
05 ajigan ci cooha coohalame minggan hacin i bodoro, tumen hacin i 1/2
06 seolerengge, enduri hutu tucire dosire be sereburakū adali, niyalma de
07 ulhiburakū namburakū, singgeri, dobi be alici ojorakū gese,
08 yendahūn, tasha be alici ojorakū gese ofi, abka, han de neneme
09 giyan jeo i šurdeme ba be uhe obufi buhe, tere be 2/3 han bahafi
10 sahabio, tere fonde han i dolo giyan jeo i teile joo dere sehebi
11 kai, ula, hada, hoifa, dergi mederi gurun be bahaki seme gūnihabio,
12 abka, han be terese gurun be bahabufi cooha hūsun nonggibuhangge
13 kai, tere be inu 3/4 han bahafi sahabio, yehe i sargan jui be bumbi
14 sefi yehe gūwaliyafi burakū, nikan urhume dara jakade, han karu
15 gaiki seme fusi be dailaha, han i dolo urunakū jang dzung bing guwan
Page 1068
01 be waki, duin goloi cooha be waki, liyoodung ni ba be gaiki, yehe
02 be necin obuki seme gūnihabio, gemu 4/5 abkai dolori gamahangge,
03 han inu bahafi sarkū kai, han, abkai jui, abka de acabume yabuci
04 hiyoošungga jui kai, irgen, han i jui, irgen i mujilen de acabume
05 yabuci gosire ama kai, 5/6 han dade liyoodung be baha manggi, julesi
06 lioi šūn keo de isitala, wesihun jeng giyang de isitala, irgen be tehe
07 tehei ujihe, amala ulhirakū irgen, han i ujihe be urgedefi aniyadari
08 ukandara ubašara, jui hiyoošun akū oci, ama gosici ombio, ini ehe
09 de guribure wara erinde isinjiha, ere gemu duleke weile, inu 6/7 abkai
10 gamahangge, jai han, simiyan be inenggi dulin ohakū gaiha, liyoodung
11 be emu inenggi gaiha, gūwa hecen ai ton, te ning yuwan be juwe
12 inenggi ainu bahakū, liyoodung, simiyan i niyalma, ning yuwan ci
13 komso budun i haran waka, poo miyoocan, ning yuwan ci komso
14 moyo haran waka, 7/8 han, guwangning be gaiha ci ebsi, morin
15 yafahan i cooha ilan aniya afahakū, coohai ejete heolen ohobi,
Page 1069
01 coohai niyalma afara mujilen akū ohobi, jai sejen wan kalka niyere
02 fangkala, agūra dacun akū, han, ning yuwan be ja tuwara jakade,
03 abka, han be suilabuhangge, 8/9 han mederi de baitakū tere
04 ba arafi aikabade baitalara de tookabure ayoo, han seole, te han,
05 ambasa, ama, juse emu mujilen i dergi abka gūniha de acabume,
06 fejergi niyalmai mujilen be dahame yabuci, ojorakū ba bio, bi baili
07 isibure ba akū ofi, gūniha duin gisun be wesimbumbi, 9/10 gungge
08 niyalma de minggan yan aisin hairandarakū šangnara, gung akū
09 niyalma be niyaman hūncihin seme guweburakū, šang koro genggiyen
10 oci, amba weile mutembi, ere emu, julgeci ebsi gungge niyalma be
11 takūrarangge, weilengge niyalma be takūrara de isirakū seme
12 henduhebi, liyoodung ni niyalma ukandara ubašara oci weilengge
13 niyalma kai, wafi ainambi, tere be 10/11 cooha de gamafi nikan,
14 nikan be afaci, jušen de tusa kai, ere juwe, ba be baha manggi,
15 efulere ci uthai biburengge dele, ning yuwan be baha manggi, ning
Page 1070
01 yuwan de uthai cooha sindafi šanaha be afambi seme yarkiyara,
02 amba cooha i piyan ši deri genehe de, uthai han i hecen de ini
03 gūnihakū de isinambi, 11/12 jabduhakū be afambi, tuttu oci tung
04 jeo i hecen de isabuha jeku, irgen i boo, tiyan ki han i boobai ulin
05 gemu bahambi, tuttu akū šanaha be afafi emu udu inenggi oho
06 manggi, šanaha ci casi han i hecen de isitala gemu tuwa sindafi
07 ginjeo, hing šan, tašan, liyan šan, sung šan i adali fulenggi ombi,
08 baha seme ai tusa, 12/13 ere ilan, monggo i morin tarhūha manggi,
09 musei genehe amala aika baita tucike de, minggan baci jici mangga,
10 monggo i morin tarhūre onggolo, hecen tuwakiyara cooha werifi geneci
11 sain kai, ere duin seme bithe wesimbure jakade, han saišaha; 13/14
12 tere aniya sunja biyai orin de, mao wen lung de unggihe
13 bithei gisun, julgeci ebsi yaya gurun i wesike efujehengge, gemu
14 abkai forgošoro erin, efujere erin isika manggi, abka hacin hacin i
15 ganio sabi jorime ba bade dain dekdebume efulehebi, wesindere erin
Page 1071
01 isika manggi, abka dolori aisilame aššahadari jabšabume wesibuhebi,
02 enteke kooli be 14/15 sini sarkū aibi, julge i yen, giyei han i
03 banjiha idu wajiha be safi, ceng tang han de genefi gucu arahabi,
04 giyang tai gung, juo han i banjiha idu wajiha be safi, u wang han
05 be baime genefi gucu arahabi, mao jiyanggiyūn si mimbe niyalma
06 ainu wambi, niyalma warakūci we daharakū seme hendumbi sere,
07 liyoodung, guwangning ni niyalma, dade ju giya i han i 15/16 irgen
08 bihe, abka minde bure jakade, bi gurun nonggiha cooha nonggiha
09 caliyan nonggiha seme urgunjeme, lioi šūn keo ci amasi keyen de
10 isitala, jeng giyang ci wasihūn guwangning de isitala gemu ujihe,
11 ujici, ojorakū mini sindaha hafan be wara, takūraha elcin be wara,
12 giyansi amasi julesi yabume ukame ubašame generengge be warakū,
13 baibi sindafi 16/17 unggimbio, mini wahangge jurgan kai, minci tucifi
14 sinde arkan seme isinaha niyalma be, si alime gaifi ujirakū, mujakū
15 mujakū niyalma be cooha ilibufi amasi afana seme unggihebi, ba
Page 1072
01 bade waburengge, sini warangge fudasihūn kai, mini gurun ujire
02 genggiyen mergen ofi, dergi mederi ci ebsi gubci gurun gemu
03 ini cihai dahame jihe, jai hada, yehe, ula, hoifa i 17/18 niyalma be
04 dain de gabtame sacime afaci tucirakū, gidame jafafi ujime isabuha,
05 ere fon i monggo de cooha genefi mini bahangge ci ini cihai dahame
06 dosikangge ambula, te bicibe dube lakcarakū dahame jimbi kai, tere
07 gemu mini ujire algin de jimbi dere, waci ainu jimbi, mao
08 jiyanggiyūn simbe bi genggiyen seme gūniha bihe, si 18/19 abkai erin
09 be sarkū farhūn nikai, nikan gurun i banjiha idu wajifi, bucere ton
10 wajire unde ofi, ya bade nikan be warakū, an bang jan, šan yen, an
11 nan, gui jeo, sycuwan, guwangsi, yūn nan, ts'oo hiyan, tang hiyan,
12 tere ba bade wahangge komsoo, nikan gurun i efujere erin kai, abkai
13 efulere be si aitubuci ombio, julge jeo gurun i 19/20 banjiha idu
14 wajifi, dubei jalan de gurun facuhūraha manggi, enduringge kungfudz,
15 mengdz aitubuki seci mutehekū inu efujehebi, tere be sini sarkū
Page 1073
01 aibi, sain gasha moo be sonjofi dombi, sain niyalma ejen be sonjofi
02 guculembi sere, han * sin, ba wang be waliyafi, han * g'ao dzu de
03 genehengge, lio jeng, sung gurun be waliyafi, monggo i hūbilai han de
04 dahahangge, tere gemu 20/21 abkai erin be tuwafi ejen be sonjofi
05 guculefi, amaga jalan de sain gebu werihe dabala, tese be yaka ehe
06 sembio, abkai fulinggai banjibuha yaya han beise, bata kimun seme
07 gūnirakū, gung erdemu be tuwame ujimbi, julge hūwan gung, ini
08 beyebe gabtaha guwan jung be ujifi doro amban ohobi, tang
09 taidzung batalafi afaha hū 21/22 ging de be ujifi tusa bahabi, mao
10 jiyanggiyūn si ainame han i jalin de faššaha seme sini gurun i efujere
11 erin isifi, han ambasa liyeliyefi, elemangga sinde jobolon isinjire
12 dabala, sain aibi, nikan gurun efujeme wajiha kai, tutala ba bade dain
13 dekdehengge, fulgiyan muduri aniya amba edun de han i hecen i dorgi
14 eiten yamun de tebuhe moo fulehe suwaliyame ukcahangge, 22/23 pailu
15 i wehei tura mokcohongge, suwayan morin, sohon honin juwe aniya,
Page 1074
01 han i hecen i dorgi bira de senggi eyehengge, tere gemu abkai efulere
02 be sakini seme tuwabuhangge wakao, abkai erin, julgei kooli be
03 jiyanggiyūn sini sarkū aibi, si seole, erin ucuri be ufarame wajiha
04 manggi, jai aliyaci amcambio, tung fuma, lio fujiyang, emte beye
05 23/24 ukame jihe, lii fuma, liyoodung, guwangning ni hafasa be dain
06 de baha, tese be gemu tukiyefi wesibufi ujire be sarkūn, si unenggi
07 mini baru oci, tesei ai dalji;
08 fulgiyan tasha aniya ninggun biyai ice ninggun de, korcin i
09 ooba taiji i baru doro jafame 24/25 abka de šanggiyan morin wame, na
10 de sahaliyan ihan wame gashūha gisun, abka na de, aisin gurun i han
11 < > * gashūrengge, mini tondo banjire niyalma be, nikan, cahar,
12 kalka gidašara akabure de, bi dosorakū abka de habšara jakade, abka
13 mimbe urulehe, jai cahar, kalka acafi korcin i 25/26 ooba hūwang taiji
14 be waki gaiki seme cooha jihe, abka, ooba hūwang taiji be urulehe,
15 ooba hūwang taiji, cahar, kalka de korsofi, doroi jalin hebdeki seme
Page 1075
01 minde acanjihangge, meni juwe joboro be abka acabuhabi dere, abkai
02 acabuha be gūnime, ishunde geodeburakū sain yabuci, 26/27 abka
03 gosime ujikini, abkai acabuha be gūnirakū geodebume holtome yabuci,
04 abka wakalafi jobobukini, meni juwe nofi jafaha doro be amala banjire
05 juse omosi efuleci, efulehe niyalma be abka wakalafi jobobukini,
06 kemuni akūmbume banjici, jalan halame juse omosi be abka
07 ujikini; 27/28
08 ooba hūwang taiji gashūha gisun, dergi jalafungga abkai
09 hesebun i abkai fejergi amba na de wesihun sain fulehe use ci
10 banjinaha teheren akū han i hūncihin oho, teksin mujilengge
11 genggiyen han, dalibun akū ucarabuha ooba hūwang taiji juwe nofi
12 gingguleme abka de donjibume alambi, unenggi gūnin i cahar, kalka
13 de jasaktu 28/29 han ci ebsi, meni korcin i beise ehe akū, be dahame
14 sain yabuki seci, ojorakū, wara gaire be nakarakū, meni boro
15 korcin be wacihiyaha, terei amala weile akū bime, dalai taiji be waha,
Page 1076
01 terei amala jaisai jifi ninggun beile be waha, facuhūn akū sain yabuki
02
03 seci, ojorakū, weile akū gaijara wara de, be iselehe, iselere jakade,
04 cahar, kalka suwe ainu iselehe seme 29/30 waki gaiki seme cooha
05 aššafi jihe, ede abka ama aisime aitubuha, manju i han inu gosime
06 aisilaha, abkai aitubume tucibuhe manju i han i gosiha be onggorakū
07 hukšeme gūnifi sain i yabuki seme, manju i han de acame jifi, abka
08 na de doroi jalin de akdun gisun i jalbarime gashūmbi, 30/31 abka de
09 gashūha gisun be efuleme, manju i han i gosiha be onggofi, cahar,
10 kalka i emgi acaci, ooba hūwang taiji be ubiyara dade ubiyakini,
11 jobobure dade jobobukini, abka de gashūha gisun i songkoi yabufi,
12 manju i han i gosiha be onggorakū sain yabuci, abka gosire dade
13 gosikini, ujire dade ujikini, ere gashūha be amaga jalan i juse omosi
14 aikabade efuleci, efulehe niyalma be 31/32 abka wakašame ubiyara dade
15 ubiyakini, jobobure dade jobobukini, ere gashūha be efulerakū kemuni
16 sain yabuci, abka ujire dade ujikini, gosire dade gosikini;
Page 1077
01 gashūre de julergi birai dalin i ten de šanggiyan morin sahaliyan ihan
02 wafi, hiyan dabufi yali be gemu yooni dobofi, han, ooba hūwang taiji be
03 gaifi, ilan jergi niyakūraha, uyun 32/33 jergi hengkilehe, hengkileme
04 wajiha manggi, juwe bithe be geren de donjibume hūlafi deijihe;
Page 1078
01