|
|
Volume 2
Volume 3
Volume 1, Fascicle 6
Page 81
01 tongki fuka sindaha hergen i dangse;
02 suwayan morin aniya, amba genggiyen han i ninju se de,
03 aniya biyai juwan ninggun de, cimari erde tuhere biyai dulimba be
04 hafu suwayan genggiyen siren gocika bihe, tere siren onco bosoi defe
05 i gese, golmin biya ci wesihun juwe darhūwan, fusihūn emu darhūwan
06 funceme bihe, tere 1/2 aniya araha manggi, han hendume, beise
07 ambasa suwe te ume sartara, mini dolo gūnime wajiha, ere aniya bi
08 ainaha seme dain nakarakū dailambi seme henduhe, nenehe aniya
09 ubašaha bojiri, abka de tafaci wan akū, na de dosici duka akū ofi, ini
10 emgi dayafi bihe emu udu boigon be gaifi, neneme dahame jihe ilan
11 2/3 gurun i dehi amban i juse sargan boigon gajire tanggū boigon de
12 dayafi, bojiri bucere de geleme banjire be buyeme, geleme geleme
13 jimbi seme donjifi, bojiri be beikuwen de etukini seme, amba genggiyen
14 han, ini etuhe sekei tungken silun i fisa sindame araha dahū, bojiri
15 goro baci yalufi jihe morin šadaha dere, yalufi jikini seme enggemu
Page 82
01 hadala tohoho 3/4 morin be bojiri de beneme, jai geren be yalukini
02 seme emu tanggū morin, emu tanggū sin bele, emu tanggū gurgu i
03 yali okdome benehe, bojiri beye juwe biyai ice jakūn de isinjiha;
04 tere hūrha gurun dahafi, sekei alban benjime aniyadari
05 hengkileme yabufi, sargan gaifi hojihon ofi 4/5 orin aniya oho manggi,
06 hūda genehe niyalma be wame dain ohongge, emu gisun i jušen gurun
07 be, encu golo de goro bade tefi bisirakū, gemu emu bade bargiyakini
08 seme, abka esi seci ojorakū tere hūrha gurun i niyalma be ehe
09 mujilen be jafabufi, hūda genehe ninju niyalma be wabuha dere,
10 tere wabuhangge, šun dekdere ergi mederi 5/6 hanciki ba i darici
11 ojoro bai hūrha gurun be, gemu wacihiyame dailame dahabukini
12 seme abka huwekiyebufi wabuha aise, tere hūda genehe ninju niyalma
13 be hūrha gurun warakū bici, amba genggiyen han, tere hūrha gurun
14 be ainu dailara bihe, tuttu dailarakū bici, dergi mederi hanciki hūrha
15 gurun ubade ainu jidere bihe; 6/7
Page 83
01 juwe biyade, dahame jihe dergi mederi hanciki yendahūn
02 takūrara gurun i niyalma de, sargan, aha, morin, ihan, etuku, jeku,
03 tere boo, taktu, jetere moro, fila, anggara, malu, guise, mulan ai
04 jaka be gemu jalukiyame buhe; 7/8
05 han hendume, nikan gurun de mini korsohongge, nadan amba
06 koro bi, buya koro be ya be hendure, nikan be dailaki seme beise
07 ambasai emgi hebdeme wajifi, wan arara moo sacire be geren be
08 ulhirahū seme, beisei morin horire heren arara moo saci seme hūlafi,
09 nadan tanggū niyalma be unggifi moo sacibuha; 8/9
10 ilan biyade, coohai agūra be ici akū ehe babe dasa, morin
11 tarhūbu seme hūlaha;
12 ilan biyai juwan de, wan arara moo be, nikan i tungse aika
13 baita de jime safi sererahū seme morin horire guwan arabuha; 9/10
14 duin biyade, cooha gaifi yabure beise ambasai baru han
15 hendume, taifin doro de tondo dele, dain doro de arga jali, beyebe
Page 84
01 suilaburakū, cooha be joboburakū, mergen faksi mujilen dele, dain
02 i cooha komso, musei cooha geren oci, cooha be sabuburakū nuhaliyan
03 dalda bade somifi, komso tucifi yarkiyame gana, yarkiyame ganara de
04 jici, musei jali de tuhembi serengge tere kai, yarkiyame ganara de
05 jiderakūci, pu 10/11 hecen i goro hanci be dacilame tuwa, pu hecen
06 goro oci, dade isitala saci, hanci oci, tere pu de dositala duka be
07 fihebume saci, dain i cooha geren musei emu gūsa, juwe gūsai cooha
08 de acaci, te ci hanci ume latubure, doigon ci bederefi musei geren
09 cooha be baime acanju, geren cooha tere bata bisire baru baime
10 acana, juwe ilan ba i cooha acafi jai 11/12 suwele, bigan de acaha
11 cooha de afara gisun ere inu, hoton hecen pu šancin oci, bahara bade
12 oci, cooha be latubu, afabu, baharakū bade oci, te ci ume latubure,
13 afafi baharakū bedereci, gebu ehe kai, musei cooha be suilaburakū
14 dain be eteci, mergen faksi arga jali, unenggi coohai ejen serengge
15 tere kai, musei cooha be jobobume suilabume, dain be etehe baha
Page 85
01 seme tere 12/13 ai tusa, dain doro de, ai ai ci museingge be gūwa
02 de gaiburakū dain be eteci, tere yaya ci dele, emu nirui susai uksin,
03 juwan uksin i niyalma be hecen tuwakiyame tebu, dehi uksin i
04 niyalma tucifi yabu, yabure dehi uksin i niyalma, orin uksin niyalma
05 de juwe wan arabufi hecen de afabu, boo ci tucike inenggi ci boode
06 isinjitele, tu ci ume fakcara, tu ci fakcaha niyalma be 13/14 jafafi
07 dacilame fonji, sunja nirui ejen, nirui ejen, han i henduhe fafun i
08 gisun be geren de tacibume alarakūci, sunja nirui ejen de emu
09 morin, nirui ejen de emu morin gaisu, sunja nirui ejen, nirui ejen
10 henduci donjirakū fakcafi yabuci, yabuha niyalma be wambi, sunja
11 nirui ejen, nirui ejen, yaya niyalma ai ai weile de afabure de, beye
12 muteci, afabure weile be alime gaisu, muterakūci, bi 14/15 muterakū
13 seme afabure weile be ume alime gaijara, si muterakū bime alime
14 gaici, sini emu beye i jalinde waka kai, tanggū niyalma be kadalara
15 niyalma oci, tanggū niyalmai baita tookambi, minggan niyalma be
Page 86
01 kadalara niyalma oci, minggan niyalmai baita tookambi kai, tere baita
02 serengge, gemu han i amba baita kai, hoton hecen de afara de,
03 neneme dosika be daburakū, neneme emken juwe dosici, koro bahambi
04 kai, 15/16 neneme dosifi feye baha seme olji burakū, beye bucehe
05 seme gung ararakū, hecen be efuleme nenehe niyalma be neneme
06 dosika de arambi, neneme efuleme wajiha niyalma, gūsai ejen de
07 alanju, tehereme ba ba i niyalma gemu efuleme wajiha manggi,
08 gūsai ejen buren burdehe manggi, ba ba i niyalma geren gemu sasa
09 dosi seme bithe wasimbuha; 16/17
10 duin biyai juwan ilan i tasha inenggi meihe erinde, jakūn
11 gūsai juwan tumen cooha, nikan be dailame genere de, abka de
12 habšame araha bithei gisun, mini ama, mafa, han i jasei orho be
13 bilahakū, boihon sihabuhakū, baibi jasei tulergi weile de, mini 17/18
14 ama, mafa be nikan waha, tere emu, tuttu wacibe, bi geli sain
15 banjire be buyeme, wehei bithe ilibume, nikan, jušen yaya han i jase
Page 87
01 be dabaci, dabaha niyalma be saha niyalma waki, safi warakūci, warakū
02 niyalma de sui isikini seme gashūha bihe, tuttu gashūha gisun be
03 gūwaliyafi, nikan cooha jase tucifi, yehe de dafi tuwakiyame tehebi,
04 tere 18/19 juwe koro, jai niowanggiyaha ci julesi, giyang dalin ci
05 amasi, aniyadari nikan hūlhame jase tucifi jušen i babe durime
06 cuwangname nungnere jakade, da gashūha gisun bihe seme jase
07 tucike niyalma be waha mujangga, tuttu waha manggi, da gashūha
08 gisun be daburakū ainu waha seme, guwangning de hengkileme
09 genehe mini gangguri, fanggina be jafafi sele futa hūwaitafi, mimbe
10 albalame mini juwan niyalma be gamafi 19/20 jase de wa seme
11 wabuha, tere ilan koro, jase tucifi cooha tuwakiyame tefi, mini jafan
12 buhe sargan jui be monggo de buhe, tere duin koro, ududu jalan
13 halame han i jase tuwakiyame tehe caiha, fanaha, sancara ere ilan
14 goloi jušen i tarifi yangsaha jeku be gaibuhakū, nikan cooha tucifi
15 bošoho, tere sunja koro, jasei tulergi 20/21 abkai wakalaha yehe i
Page 88
01 gisun be gaifi, ehe gisun hendume bithe arafi, niyalma takūrafi mimbe
02 hacin hacin i koro arame girubuha, tere ninggun koro, hada i niyalma
03 yehe de dafi, minde juwe jergi cooha jihe bihe, bi karu dailara jakade,
04 abka hada be minde buhe, abka minde buhe manggi, nikan han, geli
05 hada de dafi, mimbe albalame ini bade unggi seme unggibufi, mini
06 unggihe 21/22 hada i niyalma be, yehe i niyalma ududu jergi cooha
07 sucufi gamaha, abkai gejile yaya gurun i niyalma ishunde dailambi
08 kai, abkai wakalaha niyalma anabumbi bucembi, abkai urulehe niyalma
09 etembi banjimbi kai, dain de waha niyalma be weijubure, baha olji
10 be bederebure kooli bio, abkai sindaha amba gurun i han seci, gubci
11 gurun de gemu uhereme ejen dere, mini canggi de emhun ainu ejen,
12 22/23 neneme hūlun gemu emu ici ofi, mimbe dailaha, tuttu dain
13 deribuhe hūlun be abka wakalaha, mimbe abka urulehe, ere nikan
14 han, abka de eljere gese abkai wakalaha yehe de dafi, waka be uru,
15 uru be waka seme ainu beidembi, tere nadan koro, ere nikan 23/24
Page 89
01 mimbe gidašaha girubuha ambula ofi, bi dosorakū, ere nadan amba
02 koro de dain deribumbi seme bithe arafi, abka de hengkileme bithe
03 deijihe, hecen ci tucifi genere de, geren coohai ejete beise ambasai
04 baru hendume, bi ere dain be buyeme deribuhengge waka, amba
05 ujungga koro tere nadan koro dere, buya koro be yabe hendure, koro
06 ambula ofi deribuhe, dain de baha olji 24/25 niyalmai etuhe etuku be
07 ume sure, hehe be ume ušara, eigen sargan be ume faksalara, iselere
08 de buceci bucekini, iselerakū niyalma be ume wara seme, geren de
09 hūlame ejebume hendufi, cooha juraka, tucike inenggi, gūsin ba i
10 dubede genefi, jakūn gūsai cooha meni meni dosire jurgan be geneme
11 juwe jugūn i fakcaha, tere inenggi han i beye, gure gebungge bade
12 deduhe, jai inenggi juwan duin de 25/26 meihe erinde abka agaha,
13 tere inenggi juwe jugūn be genehe jakūn gūsai cooha, jurgan jurgan
14 i meni meni dosire teisu jakūn jurgan i fakcafi genehe, han i beye,
15 wahūn omo gebungge bigan de iliha, tere yamji han gisureme, monggo
Page 90
01 gurun i beile enggeder gebungge hojihon, sahalca gurun i amban
02 sahaliyan gebungge hojihon i baru, julgei aisin han i banjiha kooli be
03 alafi, jai hendume, julgeci ebsi banjiha 26/27 han beisei kooli be
04 tuwaci, beye suilame dailanduha gojime, yaya enteheme akūmbume
05 han tehengge inu akū, te bi ere dain be deribuhengge, han i soorin
06 be bahaki, enteheme banjimbi seme deribuhengge waka, ere nikan i
07 wan lii han mimbe korsobuha ambula ofi, bi dosorakū dain deribuhe
08 seme hendufi tubade deduhe, tere inenggi tere dobori agara galandara
09 bifi, tere dobori dobon dulinde coohai 27/28 niyalma be uksilebufi
10 jurandara jakade, abka galaka, jakūn gūsai cooha, onco tanggū ba i
11 dube adafi dosifi, tofohon i cimari han i beye, iogi hergen i hahan i
12 tehe fusi hecen be kame genere de, hecen i tulergi ci jasei dolo
13 jafaha nikan de bithe jafabufi unggihe bithei gisun, suweni nikan
14 cooha jase tucifi tehe turgunde, bi 28/29 dailambi, fusi hecen i ejen
15 iogi si afaha seme eterakū kai, bi dosika inenggi dosi ambula geneki
Page 91
01 sembi, si daharakūci, dosi generengge tookambi kai, si afarakū dahaha
02 de, sini kadalaha cooha, sini amba doro be umai acinggiyarakū,
03 kemuni sini fe doroi ujire, si ai jaka be gemu ambula bahanara sure
04 niyalma kai, sini anggala, mujakū niyalma, be inu bi tukiyefi jui
05 bufi, sadun jafafi 29/30 banjimbi, simbe bi sini da banjiha ci geli
06 wesibufi, mini uju jergi ambasai gese ujirakū doro bio, si ume afara,
07 afaci, coohai niyalmai gabtaha sirdan simbe takambio, yasa akū
08 sirdan de goici bucembi kai, afaci hūsun isirakū bade, daharakū afafi
09 buceci, tere ai tusa, okdome tucifi dahaci, meni cooha dosindarakū,
10 sini kadalaha cooha be si bahafi yooni bargiyambi kai, okdome 30/31
11 daharakūci, meni cooha dosika manggi, gašan i juse hehe golofi
12 samsimbi kai, tuttu oci, doro ajigen ombikai, si aikabade mini gisun
13 be ume akdarakū ojoro, bi sini ere emu hecen be baharakūci, ere
14 cooha ilimbio, ufaraha manggi, jai aliyaha seme ai tusa, hecen i dorgi
15 amba asihan hafasa, coohai niyalma, geren irgen suwe hecen nisihai
Page 92
01 dahaci, juse sargan, niyaman hūncihin 31/32 fakcarakū ohode, suwende
02 inu amba urgun kai, dahara daharakū be suwe inu ambula seolehe
03 de sain kai, emu majige andan i jili de mende akdarakū, ere weile
04 be ume efulere, daha seme bithe buhe manggi, hecen i ejen iogi lii
05 yung fang, amba etuku etufi dahambi seme hoton i julergi duka de
06 ilifi gisurembime, coohai niyalma be afara aika jaka be dagilabufi
07 afabuha, 32/33 cooha hecen de wan sindafi afame, emu erin hono ohakū
08 hecen de tafaka manggi, iogi lii yung fang teni dahame, amba etuku
09 etuhei morin yalufi hecen tucike manggi, kubuhe suwayan i gūsai
10 ejen adun gajime jifi han de acabure de, han morin ci ebubuhekū,
11 ishun gala tukiyeme acaha, tere hecen i 33/34 niyalma, ini afara de
12 wabuhangge wabuha, hecen baha manggi, ume wara seme gemu ujihe,
13 fusi, dung jeo, magendan ilan hecen, buya pu, tai, tokso uhereme
14 sunja tanggū funceme gaifi, meni meni dosika bade deduhe, han i
15 beye, fusi hecen de bederefi deduhe, juwan ninggun de, fusi hecen i
Page 93
01 šun tuhere ergi bigan de, jakūn 34/35 gūsai cooha acafi amasi
02 bederefi, jasei jakai giyaban i bigan de cooha ing hadafi, gūsin tumen
03 olji be dendeme minggan boigon araha, jai nikan i šandung, sansi, ho
04 dung, ho si, su jeo, hang jeo, i jeo jakūn golo ci hūda jifi, fusi hecen
05 de bihe, juwan ninggun amban be tucibufi, jugūn de jetere menggun
06 ambula bufi, nadan amban koroi gisun i bithe jafabufi 35/36 amasi
07 sindafi unggihe, duin minggan cooha be werifi fusi hecen be efulefi
08 jihe, sunja dedume olji dendeci wajihakū ofi, boode gamafi wacihiyame
09 dende seme hendufi, orin i inenggi olji jurambufi uggihe, amba gung
10 ni niyalma de ambula šangnaha, ajige gung ni niyalma de majige
11 šangnaha, feye baha niyalma de feye weihuken ujen be tuwame
12 dacilame fonjifi šangnaha, 36/37 bucehe uksin i niyalma de ambula
13 šangname buhe, tere olji gamara de, ninggun tumen cooha be faksalafi
14 unggihe, han i beye duin tumen cooha be gaifi, fakcafi ing gurime
15 julesi aššafi jasei jakade deduhe, orin emu de cooha bedereme, han i
Page 94
01 beye jase ci orin ba i dubede isinjifi, siyeri bigan de coohai ing iliki
02 seme bisire de, karun i niyalma, 37/38 nikan i cooha be sabufi, amba
03 beile, duici beile de alanjire jakade, coohai niyalma be gemu
04 uksilebufi okdome genefi, jasei jakade iliha karun i niyalma be han de
05 alana seme unggihe, karun i niyalma genefi alara jakade, han hendume,
06 tere cooha muse de afanjirakū kai, jušen i jihe cooha be bošome jase
07 tucibuhe seme, ini han de 38/39 holtome jabuki seme jihebi, musei
08 cooha be aliyarakū dere, amba beile i cooha, duici beile i cooha be
09 ili seme erdeni baksi be takūraha manggi, juwe beile i cooha, nikan
10 i jasai jakade ilifi, han de amasi hendufi unggihe, muse be aliyaci,
11 afaki, aliyarakūci, i burulaha kai, tuttu aliyarakū burulaci, uncehen
12 de dosifi saciki, tuttu akū muse ekisaka amasi bedereci, 39/40 muse
13 be aliyahakū geleme genehe sembikai seme takūrara jakade, han, tere
14 gisun be mujangga seme hendufi, geren cooha be gaifi geneci, nikan
15 i cooha alin i ninggude ilan bade ing hadafi ulan fetefi poo miyoocan
Page 95
01 faidafi ilihabi, tuttu faidame jabdufi alime gaiha bade umai ilihakū,
02 uthai dosime genere de, neneme wesihun daha abkai edun 40/41 coohai
03 hanci isinara jakade, uthai nikan i coohai baru edun buraki gidame
04 daha, nikan, poo miyoocan emdubei sindaci tucirakū, genggiyen han i
05 cooha gabtame sacime afame dosifi gidafi, guwangning ni dzung bing
06 guwan jang ceng yen, liyoodung ni fujiyang po ting hiyang, hai jeo
07 i tšanjiyang, jai sunja iogi, ciyandzung, bedzung, buya hafan susai
08 funceme waha, 41/42 nikan i tumen cooha be dehi bade isitala bošome
09 wafi, ilan tanggū isime tucifi genehe, tere inenggi, baha uyun minggan
10 morin, nadan minggan uksin, coohai agūra be dendeme nikan i jasei
11 dolo deduhe, orin juwe de, afame feye baha niyalma de dacilame
12 fonjifi, ambula feye de ambula doroi, komso feye de komso doroi gung
13 arafi šangname buhe, 42/43 tere inenggi olji icihiyame wajihakū ofi,
14 tere yamji ing gurime majige aššafi, jasei tulergi dorgi be aktalame
15 dukai ala de iliha, orin ilan de, oljin icihiyame wajifi, dukai ala ci
Page 96
01 cooha aššafi siyeri bigan de deduhe, tere yamji šun tuheke manggi,
02 abkai siren, šun tuhere ergici, šun dekdere baru hetu lasha 43/44 emu
03 ba muwa akū, emu ba narhūn akū, sahaliyan lamun siren gocika, orin
04 sunja de, tokso dogon de fujisa okdofi tubade deduhe, orin ninggun
05 de, hecen de dosika, tere cooha genere de, hūlaha gisun be jurceme,
06 sakda i šusai nirui aki gebungge niyalma, geren cooha ci fakcafi, coko
07 wafi šolome jetere be, jai duin niyalma safi emgi jetere de, 44/45
08 niowanggiyaha i cooha acafi sunja niyalma waha seme tere aki be
09 wafi, terei yali be faitafi, geren niru niru de ubu sindame dandefi,
10 geren cooha de tuwabume ejebuhe, fusi hecen be afara de, wan
11 sindafi julergi niyalma hecen de afame dosika, ilhi niyalma dosikakū
12 ofi, neneme dosika niyalma be bucehe seme, ilhi bifi dosikakū ilai
13 gebungge niyalma be, šan oforo be 45/46 faitafi beyebe aha araha,
14 sunja nirui ejen, nirui ejen, yaya niyalma ai ai weile de afabure de,
15 beye muteci, han i afabure weile be alime gaisu, muterakūci, ume
Page 97
01 alime gaijara, si muterakū bime alime gaici, sini emu beye i jalinde
02 waka kai, tanggū niyalma be kadalara niyalma oci, tanggū niyalmai
03 baita tookambi, minggan niyalma be 46/47 kadalara niyalma oci,
04 minggan niyalmai baita tookambi kai, tere baita serengge, gemu han i
05 amba baita seme neneme henduhe bihe, sunja niru be kadala seme
06 afabuha gartai, kadalame mutehekū seme sunja niru kadalara be
07 nakabuha, olji faitaha, cangguna ini sunja nirui ufaraha babe ufaraha
08 seme, tondo be alahakū holtome aitubume alaha seme, cangguna be
09 sunja 47/48 niru kadalara be nakabuha, olji faitaha, nacibu hiya be
10 urkingge holo seme, sunja nirui ejen i doroi šangname bure gebui
11 jaka be buhekū, gemu faitaha, uici gebungge niyalma be holo dabduri
12 seme olji faitahakū, holo de toktobuha, sunja niru be kadala seme
13 afabuha asibu gebungge niyalma, ini emu morin be šadaha seme
14 kadalara niruci fakcafi 48/49 ini nirui tu ci inu fakcafi
15 encu deduhe seme, sunja niru kadalara be nakabuha, ini
Page 98
01 be inu nakabuha, olji faitaha, enu niru be kadala seme afabuha,
02 šusai gebungge niyalma, ini emu nirui niyalma be gemu gaifi,
03 dain de baha olji jaka de bifi, beise dain sabuha seme
04 julesi okdome geneci, šusai nirui niyalma gemu 49/50 akū bihe, dain
05 akū seme amasi jidere de acaha, tuttu ofi šusai be niru kadalara be
06 nakabuha, olji faitaha;
07 kooli be ejeme bithe araha amban erdeni baksi hendume,
08 nikan gurun i wan lii han de waka ambula ofi, 50/51 abka na wakalafi,
09 tere ilan bade ing hadafi ulan fetefi, poo miyoocan be jergi jergi
10 dasame jabduha tumen cooha afaci etehekū, gemu gidabufi wabuha
11 dere, abkai edun iliha andande amasi nikan i baru gidame dafi, poo
12 sindara niyalma ini sindaha poo de i goifi nadan niyalma bucehe, jušen
13 gurun i genggiyen han de uru ambula ofi, 51/52 abka na dafi edun
14 aga erin fonde acabufi, nikan i tutala tumen cooha be minggan coohai
15 gese hono gūnihakū, isinahai teile uthai dosifi tere cooha be gidafi,
Page 99
01 tumen be waha dere, nikan i tumen coohai sindaha amba
02 poo emu tanggū, ajige poo emu minggan bihe, emu minggan emu
03 tanggū poo miyoocan de, damu dubei alban i juwe uksin i niyalma
04 goifi bucehe, 52/53 emu udu niyalma fulahūn yali goifi dahakū, emu
05 niyalmai etuhe mahala goifi yali de isinafi umainahakū, utala minggan
06 funcere poo miyoocan be abkai enduri jailabume goihakū dere, selei
07 hitha jursu ilarsu be hafu genere poo miyoocan de, fulgiyan yali
08 niyereme niyalma goifi dahakūngge, abkai enduri dalifi dahakū
09 dere, 53/54 genggiyen han i coohai niyalmai gabtaha sirdan tokoho gida
10 saciha loho be, gemu abkai enduri nememe tokoho aise, ing hadafi
11 iliha alin i wasihūn de, utala cooha be majige andande sacime gabtame
12 tuhebuhe, abkai aisilaha be adarame bahafi saha seci, fusi be sucume
13 genere de, dulire dobori agahangge, uksilere de galandarakū bihe
14 54/55 bici, tere cooha adarame genembihe, fusi hecen be adarame
15 gaimbihe, tere emu, jai guwangning, liyoodung ni cooha jasei jakade
Page 100
01 amcame jiderakū bihe bici, jasei dolo genembiheo, jasei jakade
02 amcame jihengge, nikan gurun i mujilen be bilahangge kai, nikan i
03 cooha olji dendenggele jihe bici, olji geli dulga ukambihe, olji icihiyame
04 wajifi beyebe gemu jabdubufi jihengge, 55/56 abka aisilaha serengge
05 tere kai, fusi hecen ci dahame jihe minggan boigon i ama jui ahūn
06 deo be faksalahakū, eigen sargan be delhebuhekū, dain de bahafi
07 acahakū ahūn deo, ama jui, eigen sargan, niyaman hūncihin, booi aha
08 aika jaka be, gemu boode jifi gemu baicafi acabume buhe, terei dele,
09 morin, ihan, aha, etuku, jibehun, sishe, jeku, wafi jefu seme 56/57
10 minggan ihan buhe, uji seme emu boode juwete amban mehejen
11 ulgiyan, duite yendahūn, sunjata niongniyaha, sunjata niyehe, juwanta
12 coko, tetun agūra ai jaka be gemu yongkiyame jalukiyame yooni bufi,
13 kemuni ini nikan gurun i kooli amba ajige hafan ilibufi, ini da ejen
14 iogi lii yung fang de bufi kadalabuha, genggiyen han geli ujiki seme
15 cihalafi ujihe be dahame, ere fusi 57/58 iogi be umesi akūmbume
Page 101
01 ujiki, i beyebe amtanggai banjikini seme, han, ambasai baru hebdeme
02 gisurefi, han i jui abatai de banjiha amba sargan jui be, anagan i
03 duin biyai ice jakūn de fusi iogi de bume, amba sarin sarilaha, orin
04 juwe de, nadan amba koro i gisun be bithe arafi, nikan han i 58/59
05 lo taigiyan i hūdai juwe niyalma, keyen i emu niyalma, fusi emu
06 niyalma be nikan han de takūrafi unggihe;
Page 102
01