|
|
Volume 2
Volume 3
Volume 1, Fascicle 56
Page 817
01 tongki fuka sindaha hergen i dangse;
02 orin sunja de, fanggina de beiguwan i hergen buhe;
03 julergi de anafu tehe soohai dzung bing guwan, turgei dzung
04 bing guwan be halame, buhatu ts'anjiyang, gisha iogi genehe; 1/2
05 darja fujiyang, emu tanggū cooha be gaifi, amargi liyoha i
06 dogon de anafu teme genehe;
07 orin sunja de, jaode nirui yargu be, hai jeo hecen de goloi
08 amban obufi tebuhe bihe, tubade tehe jušen, nikan de arki, anju,
09 hiyabun šuleme gaihabi, ts'ang ni jeku hūlhaha niyalma be 2/3 dele
10 alanjihakū, i enculeme sindahabi, yaya de fonjihakū, ini boode juwe
11 nikan dosimbuhabi, tere weile be donjifi jafame ganafi fonjici,
12 mujangga ofi, geren de ejebume waha;
13 orin ninggun de, julergi jase bitume anafu tehe soohai dzung
14 bing guwan, turgei dzung bing guwan de, 3/4 jambulu nirui sabi,
15 tulai nirui šose, jai juwe niyalma, ere duin niyalma be takūrame
Page 818
01 jafabufi unggihe bithei gisun, sio yan i ba i facabuha niyalmai fe
02 jeku be, balai ume mamgiyara, boigon i niyalma de, olji niyalma de
03 tuwame bufi, nadan biyade akūtala jetere bele niohubu, musi ambula
04 arabu, ice tariha jeku be balai morin uleburahū, boigon, olji be,
05 bele jaka dagilame 4/5 bahai teile jurambu, hehe juse bucerahū,
06 sejen de tebu, eihen de yalubu, jaka ambula gaisu se, ubade
07 isinjiha manggi, olji dendere de, ninggun nadan inenggi ombi, moo
08 akū buda aide arafi jembi, fe jeku
09 tere inenggi, fanggina de unggihe bithe, niyang niyang 5/6
10 gung ni ba i ubašaha jakūn gašan i maise be, yoo jeo, nio juwang,
11 hai jeo ere ilan ba i jušen be fanggina si gaifi, hadufi walgiyafi
12 saikan umbu, jai dabsun fuifure niyalma, meni meni gašan de kemuni
13 tekini, akdun akdun be gajifi, yoo jeo de tebu, jai buya niyalma
14 bikini, lio dusy si tubai šurdeme bisire nikasa be gaifi kubun
15 fatabu, 6/7 jai aššahakū gašan i niyalma be, bayan, mohon geren be
Page 819
01 tuwame hontoholofi, nio juwang hanci oci, nio juwang de gajifi
02 tebu, yoo jeo hanci oci, yoo jeo de gajifi tebu, jušen be emu ici,
03 nikan be emu ici saikan icihiyame tebu;
04 du tang ni bithe, orin ninggun de geren ciyandzung de 7/8
05 wasimbuha, neneme wasimbuha g'aoši bithe de hendume, yaya ba i
06 niyalma, meni meni kadalara niyalma be saikan kimcime baica, gūwa
07 bade genehe de, genehe niyalma, ukanju halbuha niyalma hūlha kai,
08 tuttu oci, halbuha niyalmai boigon be talambi, ukaka niyalma be aha
09 obumbi seme henduhe bihe, fu jeo hecen i teile da toloro de, nadan
10 minggan haha bihe, fu jeo i 8/9 niyalma ubade gercileme alanjime,
11 fu jeo hecen de da toloho nadan minggan haha ci, fulu emu tumen
12 emu minggan haha ohobi, cargi ci jihe giyansi bithe be alime
13 gaihabi, tere ba i niyalma gemu ubašame genembi seme alanjiha
14 manggi, tere gerci de akdarakū, amba beile be tuwana seme unggifi
15 tuwaci, hahai ton, da toloho ci emu tumen emu minggan 9/10 fulu,
Page 820
01 jai bisire jeku be gemu wacihiyame musi arahabi, tuttu ubašara
02 yargiyan ofi, fu jeo i niyalma be wahangge tere inu, yaya ba i
03 niyalma, fu jeo i adali fulu niyalma be gidaci, inu tere kooli ombikai,
04 ciyandzung sini kadalara niyalma be kimcime saikan baica, niyalmai
05 gebu be gemu bithe arafi tolo, tolofi bihede dubede emgeri
06 alanju, ciyandzung 10/11 sini kadalara niyalma gūwa bade genefi, si
07 baicafi jafaha de, tere halbuha niyalmai boigon be hontoholome gaifi
08 sinde bure, ukaka niyalma be inu bure, gūwa niyalma be si halbufi,
09 tere niyalmai ejen baicafi bahaci, sinde inu terei kooli weile;
10 ši fujiyang, wang beiguwan, suweni juwe nofi, g'ai jeo, 11/12
11 yoo jeo, hai jeo, ere ilan ba i harangga nikasa be gaifi, fu jeo i
12 harangga facabuha gas'an i maise be hadufi walgiyafi saikan umbu,
13 jai kubun be inu saikan fatabu, erin tulirahū, amba jeku be inu
14 alban i nikasa be unggifi hadubumbi;
15 ineku tere inenggi, tung ts'anjiyang de unggihe bithei 12/13
Page 821
01 gisun, tung ts'anjiyang si, sio yan i ba i facabuha gašan i maise be,
02
03 tere šurdeme sini kadalara ba i facabuhakū gašan i nikasa be gaifi,
04 hadufi walgiyabufi umbu, kubun inu saikan fatabu, erin tulirahū,
05 amba jeku be alban i nikasa be unggifi tomsobumbi;
06 orin nadan de, yehe i sirin be, beiguwan i hergen be 13/14
07 efulehe, tuhere an i weile gaiha, liyoodung ci ebsi buhe šang be
08 gemu gaiha, weile i turgun, julergi de anafu teme genehe bade
09 ukame genere nikan be wafi, terei etuku be gidahabi, tere be booi
10 aha gercilefi šajin de duilefi tuhebuhe, gercilehe aha be hokobuha; 14/15
11 gebakū be daise iogi beiguwan i hergen buhe bihe, julergi
12 tang šan i ergi de anafu teme genehe bade, casi jeku ganame genere
13 niyalma de, ejen sindahakū unggifi juwe niyalma wabuhabi, juwan
14 ilan morin, sunja eihen, emu losa gaibuhabi, tere wabuha niyalma,
15 gaibuha morin, losa, eihen be gemu gebakū de toodame gaiha,
16 beiguwan i hergen be efulehe, buhe šang, tuhere 15/16 an i tofohon
Page 822
01 yan i weile gaiha;
02 sakjai nirui jalikan, fung ji pu i dain de, emu niyalma, emu
03 ihan gidahabi, ilducan, ini ehe morin be sindafi sain morin hūlašame
04 gaihabi, ini nirui orin yan i gung be jalikan i jalin de
05 juwan yan, ilducan i jalin de 16/17 uyun yan be hoose jifi faitaha;
06 orin jakūn de, kūrcan de beiguwan i hergen buhe, nikan
07 buhe;
08 aibari be ama i gung de beiguwan i hergen buhe, nikan
09 buhe; 17/18
10 amba beile, fu jeo ci isinjiha, amba beile de, fu jeo i
11 beiguwan wang bin i alaha gisun, ha sing wang de emu jerde morin,
12 menggun susai yan bufi, wang du tang de benehe, lo šen sy gebungge
13 nikan de, du tang de benere aniyai doro seme, duleke aniya jorgon
14 biyade emu tanggū yan menggun bufi, 18/19 gecuheri nicuhe udafi
15 gamaha, jai ere aniya duin biyade emu tanggū gūsin yan menggun
Page 823
01 gamaha, lo šen sy de, jorgon biyai orin emu de, sain aisin juwan
02 yan, sain juwangduwan emke bufi, hū ši el gebungge gucu be gaifi
03 mini beye benehe, sunja biyai ice ilan de, ilan tanggū susai yan
04 menggun be, wang beiguwan, mini beye lo šen sy de, mini 19/20 dergi
05 booi amargi boode bufi hendume, simiyan, tiyan šui jan de hafan akū,
06 si ere menggun be wang du tang de benefi, tubade mimbe šangnara
07 biheo seme hendume buhe, tung fuma de emu morin, gecuheri etuku
08 emke ušan benehe, tung jeng guwe de menggun jakūnju yan, jao
09 san kui benehe, lii dai ceng de juwe yan aisin, emu menggun fiyoose,
10 20/21 orin muwa boso, juwe narhūn boso, juwe kubun, emu kūlan
11 morin buhe, bi jy sai de aisin juwan yan, menggun fiyoose emke
12 buhe, tung dusy de emu losa buhe, ju yung ceng de emu alha morin,
13 gūsin yan menggun buhe, jai yung ning jiyan i beiguwan, lii diyan
14 kui geli alame, sahaliyan indahūn aniyai jakūn biyai juwan uyun de,
15 lii diyan kui mini 21/22 aisin orin yan du tang gaiha, wang iogi sambi,
Page 824
01 juwan biyai ice uyun de, du tang, dobihi dakūla i jibca de juwan
02 yan menggun salibufi, wang iogi gaiha, juwan juwe de, fulan morin
03 emke, eihen emke, suru morin emke, wang iogi gaifi, du tang de
04 benehe, jorgon biyai tofohon de, niohe dahū emke, wang iogi gaifi du
05 tang de buhe, sele faksi 22/23 emke, gebu ma el, pijan juwe, jang
06 gio, lii pei, wang iogi gamafi du tang debi, tere bithe be gajifi han
07 de buhe manggi, tere gisun be duilefi, wang du tang de tuhebufi,
08 hafan nakabufi bai niyalma obuha; ( wang du tang, hadai gurun i
09 wang han * i omolo, genggiyen han i hojihon; ) 23/24
10 orin uyun de, sele urebure ši ceng ni ts'anjiyang, wang dz
11 deng be, ši ceng ni emu niyalma, cargi nikan i bithe be alime gaihabi
12 seme, bithe be gajime gercileme jihe bihe, tere bithei ujan de arafi
13 unggihe gisun, ere bithe be dele duileci, aniya biyade unggihe bithede,
14 ts'anjiyang seme arahabi, sinde ts'anjiyang buhengge, duin biyade
15 buhe, tere emu ba 24/25 tašan habšanjiha niyalma, bithe be amba
Page 825
01 horho de geren dangse bithei suwaliyame bihe, gin iogi niyalma
02 takūrafi hahai ton i dangse bithe gajire jakade, wang dz deng soktofi
03 dangse bithe gaijara de suwaliyame tucike be baha seme hendumbi,
04 unenggi cargi ci unggihe bithe oci, narhūn bade encu somime
05 asarambi dere, geren dangse bithei emgi ainu asarambi, tere juwe
06 ba 25/26 tašan seme, gerci be tašan obuha, si olhome ume gūnire,
07 babe saikan kadala seme bithe arafi, duin jušen juwe nikan be
08 takūrafi wang dz deng de bithe unggihe;
09 amin beile isinjiha, genehe niyang niyang gung ni ba i
10 niyalma be dalifi, hehe juse be yoo jeo i hancikingge be yoo jeo
11 de dosimbuha, hai jeo i hancikingge be 26/27 hai jeo de dosimbuha,
12 hahasi be sindafi meni meni usin weile seme unggihe;
13 nadan biyai ice juwe de, amin beile buhe bithe, fanggina i
14 kadalara yuwan šeobei i kadalara wang bin tun i jang jing fu, io
15 ši jung, jao wei sing, jang lii tun i ts'oo sio fu, tung an lo, jang 27/28
Page 826
01 k'o dao, niyakuwal tun i ci ši gung, deng wen kui, jao jan can
02 tun i pung dzung, ts'ai šu be, pan deng k'o, jang ts'un jing, mugiya
03 tun i lio dzung yan, hoo šeobei i kadalara hooguwan tun i hoo jy
04 jing, hoo sy, koota tun i cin wei sin, ts'oo ši yoo, an jing jin, ioi
05 dai ceng, suijan tun i jang ju, lio giya lu, jang hai tun i jang ši
06 hing, jang šan, ši lii tun i lin jeng gu, lii king 28/29 cing, fu kung,
07 liyan jing, siyoo sio tun i sing el, siyoo fu, yan jeng lii, je yan
08 liyang, ere gūsin emu boigon be yoo jeo de tebuhe;
09 amba beile i niyan šeobei i kadalara ioi giya tun i tung jeng
10 fu, tung be se, wang gi dzu, cin san, ts'oo guwan tun i liyang
11 tiyan ioi, jang tai kuwai, tung jio, 29/30 logiya tun i wang ke bing,
12 ši cing liyang, lo cing šan, lu jing, ioi jan, de ju wei, hūwa i tang,
13
14 io fun tung, hūwang ba, ere juwan ilan boigon be yoo jeo de tebuhe;
15 yoto age i cing šeobei i kadalara daguwan tun i jao jio sing,
16 ts'oo yung, wang su ming, ts'oo io, du sy 30/31 ping, konsoiji tun i
Page 827
01 hoo giya lu, jao jing tao, g'ao lii ping, go giya tun i giya san ki,
02 jang dzung guwan, lioming tun i tung sin cang, lio san ju, jang kun
03 jeng, tung bing io, san kiowan tun i ma sy kuwai, wang guwan cing,
04 liyang tun i lio sio cing, jeng io gung, ba giya ho cang tun i nan
05 jing heo, šu jing dzung, ere juwan nadan boigon be yoo jeo de
06 tebuhe; 31/32
07 dergi * hunio arara cin šeobei i kadalara cin šang guwan tun
08 i ceng io sing, kiyoo sio ts'eng, be ing heo, ho ju jing, cen i yan,
09 tuwan ho tun i wang cung hūwai, duwan cing be, wangwang tun i
10 wan wen jo, fung cu tung, wang ming tun i lii sung, kiyan can tun
11 i wang ts, ere juwan emu boigon be yoo jeo de tebuhe; 32/33
12 liyang beiguwan i kadalara dai giya tun i si nai, tang sio
13 ling, sung sio juwan, jao cin tun i lio io šan, yuwan tiyan fu, yuwan
14 h'ao jin, ši ho tun i lii tiyan ming, ts dzu ning, lio ceng gung,
15 hooguwal tun i cen king dzo, sung ju tao, su io de, kiyoo ke dang,
Page 828
01 gu ning fu, iosan tun i sy io fa, šan cio san, 33/34 jang fang gui,
02 hūng ts'oo tun i liyan biyoo, jang dai lu, jing dzung, jang da, ja el,
03 jao el, ere orin ilan boigon be yoo jeo de tebuhe;
04 tung dusy i kadalara sioji tun i niyan dzai siyang, tung can
05 gung, jang jing be, yan giya jy, sio pu, ere sunja boigon be yoo jeo
06 de tebuhe; 34/35
07 buhatu i kadalara sowang tun i sun yan sun, wang jeng
08 ming, hoo sy i, tung jeng ming, ere duin boigon be, buhatu i jušen
09 i tehe yoo jeo i julergi ku lung šan tun de tebuhe;
10 asan i kadalara loo biyan tun i lio san sin, bi šan, jang loo
11 yūn, u yeng, ba giya tun i hoo yung sun, ere duin 35/36 boigon be
12 yoo jeo de tebuhe;
13 antai i kadalara šeo pu tun i wang cin sun, u yang k'ai, ere
14 juwe boigon be yoo jeo i amargi burantai nirui jušen i tehe jao giya
15 tun de tebuhe;
Page 829
01 ganggada i kadalara jang da gung, cen je gui, 36/37
02 ša ho tun i sung yao siye, wang hul, wang ji ioi, ere ninggun boigon
03 be hai jeo de tebuhe;
04 yangguri efu i ša ho kambilin tun i sung šan pu i bu wen,
05 jang lio, tiyan ioi šan, ere duin boigon be hai jeo i likosa tun de
06 tebuhe; 37/38
07 donggo efu i kadalara tuwan tai siyang giya tun i šen šan
08 duwan, wang dzung jao, ta šan tun i wang sio i, wang el, i cu šan,
09 ere sunja boigon be nio juwang de tebuhe;
10 lio dusy i kadalara funggiya tun i fung do ioi, ping hing fan,
11 cen pu, lio lio, ere duin boigon be hai jeo de tebuhe; 38/39
12 fanggina i kadalara yuwan šeobei, hoo šeobei, ere juwe šeobei
13 i kadalara juwan gašan i gūsin emu boigon be yoo jeo de tebuhe;
14 amba beile i niyan šeobei i kadalara ilan gašan i juwan ilan
15 boigon be yoo jeo de tebuhe; 39/40
Page 830
01 yoto age i cing šeobei i kadalara nadan gašan i juwan nadan
02 boigon be yoo jeo de tebuhe, cing šeobei i kadalara derhi, hunio arara
03 sunja gašan i juwan emu boigon be yoo jeo de tebuhe;
04 yoo jeo i lii jang beiguwan i kadalara nadan gašan i 40/41
05 orin ilan boigon be yoo jeo de tebuhe;
06 tung dusy i kadalara emu gašan i sunja boigon be yoo jeo
07 de tebuhe;
08 akšan i kadalara juwe gašan i duin boigon be yoo jeo de
09 tebuhe; 41/42
10 buhatu i kadalara emu gašan i duin boigon be, buhatu i jušen
11 tehe yoo jeo i julergi, gemu misan tun de tebuhe;
12 ganggada i kadalara juwe gašan i ninggun boigon be hai jeo
13 de tebuhe; 42/43
14 yangguri efu i kadalara juwe gašan i duin boigon be, hai jeo
15 i amargi likosa tun de tebuhe;
Page 831
01 antai kadalara emu gašan i juwe boigon be, yoo jeo i
02 amargi burantai nirui jušen tehe jao giya tun de tebuhe; 43/44
03 donggo efu i kadalara juwe gašan i sunja boigon be nio
04 juwang de tebuhe;
05 * dusy i kadalara * gašan i duin boigon be
06 hai jeo de tebuhe; 44/45
07 uheri dehi duin gašan, emu tanggū orin uyun boigon;
Page 832
01