|
|
Volume 2
Volume 3
Volume 1, Fascicle 54
Page 787
01 tongki fuka sindaha hergen i dangse;
02 ninggun biyai ice uyun de, fu jeo i ba i niyalma be ubašambi
03 seme donjifi, amba beile, jaisanggū taiji, dodo taiji, šoto taiji, ajige
04 age emu nirui tofohoto uksin i cooha be gaifi genehe, genefi ubašara
05 yargiyan ofi, haha be gemu waha, hehe juse, ihan morin olji be
06 gajime orin jakūn de isinjiha; 1/2
07 amba beile de, fu jeo i beiguwan wang bin i alaha gisun, ha
08 sing wang de, emu jerde morin, menggun susai yan bufi, wang du
09 tang de benehe, lo san sa gebungge nikan de, du tang de benere
10 aniyai doro seme, duleke aniya jorgon biyade emu tanggū yan
11 menggun bufi gecuheri nicuhe udafi gamaha, jai ere aniya duin
12 biyade, 2/3 emu tanggū gūsin yan menggun gamaha, lo san sa jorgon
13 biyai orin emu de, sain aisin juwan yan, sain juwangduwan emke
14 bufi, hū ši el gebungge gucu be mini beye gaifi benehe, sunja biyai
15 ice ilan de, ilan tanggū susai yan menggun be, wang beiguwan, mini
Page 788
01 beye lo san sa de mini dergi booi amargi boode bufi hendume,
02 simiyan, tiyan 3/4 šui jan de hafan akū, si ere menggun be wang du
03 tang de benefi, tubade mimbe šangnara biheo seme hendume buhe,
04 tung fuma de emu morin, gecuheri etuku emke ušan benehe, tung
05 jeng guwe de menggun jakūnju yan, jao san kui benehe, lii dai ceng
06 de juwe yan aisin, menggun fiyoose emke, orin muwa boso, juwe
07 marhūn boso, juwe kubun, 4/5 emu kūlan morin buhe, bi jy sai de
08 aisin juwan yan, menggun fiyoose emke buhe, tung dusy de emu
09 losa buhe, ju yung ceng de emu alha morin, gūsin yan menggun
10 buhe, jai yung ning giyan i beiguwan lii diyan kui geli alame,
11 sahaliyan indahūn aniyai jakūn biyai juwan uyun de, lii diyan kui
12 mini aisin orin yan du tang gaiha, wang 5/6 iogi sambi, juwan biyai
13 ice uyun de, du tang urgūdai, dobihi dakūla i jibca de juwan yan
14 menggun salibufi wang iogi gaiha, juwan juwe de fulan morin emke,
15 eihen, suru morin emke, tarhū gaifi du tang de benehe, jorgon biyai
Page 789
01 tofohon de niohe dahū emke, wang iogi gaifi du tang de buhe, sele
02 faksi emke, gebu ma el, pijan juwe, 6/7 jang gio, lii pei, wang iogi
03 gamafi du tang debi seme alaha, tere gisun be geren beidesi beise
04 de duile seme afabufi duileci, urgūdai efu jabume, aisin serengge,
05 neneme juwan yan aisin be, lii diyan kui, aita bene sehe seme
06 benjihe manggi, bi gūnime, aita minde kimun bihe, ere aisin be
07 gercileki seme geodebume benjihebi dere seme 7/8 duici beile de
08 tuwabuha, duici beile hendume, unenggi aita benjici ai sain, ere
09 aisin be taka asara, weile tucire be tuwaki seme henduhe, degelei
10 age, jirgalang age, yoto age sambi, aisin i beye uthai bi, jai juwan
11 yan aisin be sarkū, lii diyan kui hendume, emu inenggi neneme
12 juwan yan, amala juwan yan benehe, gemu gaiha, 8/9 tarhū sambi,
13 tarhū jabume, neneme juwan yan aisin be ecike alime gaiha, jai
14 juwan yan aisin benjihe mujangga, ecike gaihakū seme jabuha, jai
15 urgūdai efu hendume, dobihi cabi jibca be bi gaihakū, yoto age
Page 790
01 hūda bume gaiha, terei dabala, gūwa be bi sarkū seme jabuha, tarhū
02 de fonjici, morin de hūda bume gaiha, niohe dahū 9/10 benjihe
03 mujangga, amasi gama sehe kai, lii diyan kui hendume, dahū sini
04 boode bikai sehe manggi, boode tuwanaci dahū bi, tuttu duilefi
05 gemu tuheke manggi, geren beidesi hendume, urgūdai si, adun age i
06 weile de, sini beyebe tondo sain arame, han de juleri niyakūrafi,
07 geren ambasa be amala niyakūrabufi hendume, ere acuhiyan ehe be
08 isebume warakū, 10/11 urgūdai jai amala gurun be adarame dasambi
09 seme, sini beyebe tondo arafi han i baru jabuhangge, dolo ehe arga
10 be asarafi, oilo angga de holtome sain gisun i akdabuhabi, urgūdai
11 sini weile, erdeni baksi weile ci encu akū, simbe inu terei songko de
12 ombi, jai duici beile, degelei age, jirgalang age, yoto age, 11/12 suwe
13 neneme erdeni baksi tana nicuhe i weile be, inu suweni canggi
14 sahabi, gūwa beise ainu sarkū, jai amala ere aisin i weile de, geli
15 ineku suweni duin beile sambi, gūwa beise sarkū seme wakalame
Page 791
01 hendufi, beisei weile be han beidekini, urgūdai weile be wame
02 beideki seme tuttu beidefi, 12/13 han de alanjiha, han hendume, bi
03 urgūdai be alime gaisu, nikan i ulin i turgunde simbe ainambi seme,
04 dahūn dahūn i ai cira i henduci, ojorakū, alime gaihakū, ere weile
05 gemu tašan akū mujangga, nikan i ulin i turgunde urgūdai be
06 bucebuci acambio, tere gisun be naka, urgūdai weile beidere be
07 nakabu, du tang ni hergen be efule, nirui 13/14 beiguwan i hergen
08 bufi, geren i isara bade sarin de isakini, gūwa i boode si emhun ume
09 yabure, sini boode gūwa be ume yabubure, ede weile arafi joo, inde
10 nikan i benjihe aika jaka be gemu gaisu, ere weile uttu waji, jai
11 duici beile i baru hendume, si mergen sain oci, ai jaka be sidende
12 sindafi onco be gamame, ahūta deote de 14/15 gemu neigen ishun
13 kunduleme banjicina, sini beyebe emhun unenggi arafi, gūwa be
14 enggelceme banjifi, ahūta be sindafi, si han teki sembio, yamun de
15 isafi fakcara de, si ahūta be beneci, ahūta i juse deote simbe karu
Page 792
01 sini boode beneci, doro acambi kai, ahūta be si benerakū bime, ahūta
02
03 i juse deote simbe benere be, si ainu ekisaka alime gaimbi, 15/16 si
04 mergen genggiyen serengge tereo, degelei, jirgalang, yoto suwe meni
05 meni ahūn ama be sindafi dabali ainu yabumbi, suwe tuttu dabali
06 yaburengge, gemu acuhiyan ehe dabala, sain ai bi, duici beile simbe
07 ama mini haji sargan de banjiha damu enen seme alimbaharakū
08 gosimbi kai sini mergen sure serengge tereo, si ainu tuttu mentuhun
09 banjimbi seme gasafi, 16/17 jai weile wajime hendume, urgūdai de
10 nikan i benjihe aisin menggun be duici beile de toodame gaisu,
11 degelei de emu niru jušen, jirgalang de juwe niru jušen, yoto de
12 emu niru jušen weile gaisu, ere weile uttu waji seme hendufi
13 unggihe, degelei age i eksingge i niru be gaifi dodo age de buhe,
14 jirgalang age i 17/18 hūsitun i niru be gaifi fiyanggū de buhe, sosori
15 i niru be gaifi amin beile de buhe, duici beile de juwan yan aisin,
16 ilan tanggū yan menggun gaifi ku de sindaha;
Page 793
01 juwan de, ciyan šan i bade anafu tehe seoken, mao wen lung
02 ni ninggun niyalma be bahafi, sunja 18/19 niyalma be wahabi, emu
03 niyalma be jafafi benjihe, terei alahangge, solho i fe han, ice han
04 tehe manggi, i fasime bucehe, ice han de mao wen lung acanara
05 jakade halbuhakū, nikan de dafi aisin gurun i han de ainu ehe seme,
06 ai jeo, an jeo, hūwang jeo, ping zang ere duin hoton i hafan be
07 gemu gamafi uju faitame waha, tereci 19/20 šajilafi mao wen lung ni
08 nikan de jeku uncaburakū, nikasa gemu jeku akū yuyume omihon bi
09 seme alaha, han, tere niyalma be taka asara seme hendufi, du tang
10 de benehe;
11 juwan emu de, si uli efu i wesimbuhe bithe, 20/21 yan geng
12 alame, g'ai jeo hecen i šun dekdere julergi gašan de baicafi
13 funcehe jeku, uheri emu minggan ilan tanggū susai emu hule juwe
14 sin, tere be gašan gašan i jeku akū niyalma de bufi, hūda ekiyembume
15 udabuha, jai ši fujiyang ni baicahangge, g'ai jeo i šun tuhere amargi
Page 794
01 gašan gašan i funcehe jeku, jušen i 21/22 sin i dehi nadan hule nadan
02 sin, meni meni gašan de sindafi, nacibu salame bumbi, jai geli baicafi,
03 gašan gašan i funcehe jeku, emu tanggū dehi emu hule, jeku akū
04 niyalma de hūda ekiyembume udabuha, jai ši fujiyang, yan geng,
05 wang beiguwan baicame tuwaci, julergi ba i niyalma, usin be juwete
06 jergi yangsaha hukšehengge ambula, jeku sain, 22/23 yuyume bucerenge
07 ambula, gašan gašan de funcere jeku komso, jai yan giya ja šan
08 gašan i niyalma dade boolame, mederi dooha niyalmai werihe jeku,
09 emu tanggū nadanju hule bi sehe bihe, aikabade akū ayoo seme
10 niyalma takūrafi baicafi, boolaha ton i nacibu de afabume buhe, jai
11 neneme waha mu šu ioi gašan i ho jio cang, 23/24 han i hecen de
12 alame, boode jeku emu tanggū susai hule bi sehe bihe, te yan
13 geng niyalma takūrafi baicaci, damu orin uyun hule sunja sin bi, bi
14 yan geng be geli niyalma takūrafi sasame yargiyalame baicafi, jeku i
15 ton be nacibu de bufi salame bukini seme unggihe, ši fujiyang, yan
Page 795
01 geng de juwan funceme ba i gašan be baicame 24/25 fonjire unde,
02 juwe ilan inenggi dubede baicame wajiha manggi, bi amasi alaname
03 genembi;
04 han i bithe, ninggun biyai juwan juwe de amba beile de
05 wasimbuha, fu jeo i ba i usin i jeku be, musei coohai niyalma morin
06 uleburahū, balai fehuterahū, monggo cooha be unege de afabu,
07 usin i jeku be fehuterahū, morin 25/26 uleburahū, olji araha
08 niyalma be, boigon araha niyalma be, tariha usin be, gemu niru tome
09 gese dendefi bu, ini tehe gašan ini boode musei coohai niyalma emgi
10 tefi, ini fe jeku, jai ice tariha fulu jeku be, jugūn de gajire
11 bele niohukini, beise be ere biyai orin de halame genembi, orin sunja
12 de isinambi, coohai niyalma be halame nadan biyai juwan de 26/27
13 genembi, tofohon de isinambi, tere halame genere cooha isinaha
14 manggi, meni meni nirude goiha gašan usin i jeku be, saikan getuken
15 i afabufi, daliha boigon olji be, gemu suwe daliha boigon
Page 796
01 i ulgiyan ci wesihun, morin ihan ci fusihūn, gemu siden de sindafi,
02 bayan niyalmai boigon be tofohon angga de juwe morin, juwe ihan,
03 juwe 27/28 eihen bu, yadara boigon de juwan angga de emu ihan,
04 emu eihen bu, yadara niyalmai juwan haha de emu morin bu,
05 ulgiyan be, genehe ambasa tuwame boigon i niyalma de elheken i
06 bu, ume wara seme hendu;
07 juwan juwe de, monggo jongtu i deo dain de bahafi sindafi
08 unggihe baili seme, 28/29 han de juwan ihan, amba beile de emu
09 morin, duici beile de emu morin, ajige age de emu morin gajime,
10 jakūn niyalma hengkileme jihe, niyaman hūncihin de juwan niyalma
11 jihe, tere jihe niyalma alame, duin biyade tasurhai, toktoi jase de
12 jifi, jakūn ihan, emu morin gamaha, jai yentai i jui dureng 29/30
13 liyoha i kiyoo de nimaha baire tofohon niyalma be waha; ( jongtu,
14 monggo gurun i amban, neneme han be baime genehe bihe, jaisai
15 beile be jafaha dain de, jongtu i deo be bahafi sindafi ini bade
Page 797
01 unggihe bihe, jaisai be jafaha manggi, kalkai beise i emgi nikan be
02 emu hebei dailambi seme gashūha bihe, gisun be efuleme kalkai beise
03 nikan de dafi dain arame, genggiyen han i jasei tai niyalma be
04 ) 30/31
05 han i bithe, juwan ilan de wasimbuha, ai ai bade anafu teme
06 yabucibe, tokso de yabucibe, beise hecen i duka be tucime, sara kiru
07 tukiyefi, juleri niyalma jailabure, nikan ye bu šeo i emgi emte jušen
08 be sindafi, horon sindame yabu, dzung bing guwan, fujiyang yabuci
09 gašan i dubeci sara kiru tukiyefi, juleri nikan ye 31/32 bu šeo i emgi
10 emu jušen be sindafi, niyalma jailabume yabu, ts'anjiyang, iogi, han
11 i hecen ci tucifi, sunja ba i dubeci sara kiru tukiyefi, ineku juleri
12 ye bu šeo sindafi, niyalma jailabume yabu, beiguwan, han i hecen
13 ci tucifi, juwan ba i dubeci sara kiru tukiyefi, juleri ye bu šeo
14 sindafi, niyalma 32/33 jailabume yabu; ( nikan be mamgiyame wajire
15 unde i fon, tuttu ofi, kobtolo sehebi; )
Page 798
01 han i hergen buhe ambasa, han i šangnaha aisin jingse hadaha
02 amba boro, sain etuku etu, beisei hiyasa, moncon hadaha boro, sain
03 etuku etu, hergen akū bayarai giyajasa, bai sain niyalma, juwari
04 oci, moncon hadame ice ashai 33/34 mahala, boso samsu jodon i
05 ergume etu, bolori niyengniyeri oci, mocin i ergume etu, aba cooha
06 de yabuci, ajige sorson sika hadame sekiyeku boro etu, gašan i giyai
07 de sorson hadaha boro be enteheme naka, jai ša lo be ume eture, ša lo
08 be hehesi etukini; 34/35
09 han i bithe, ninggun biyai juwan duin de wasimbuha, fu jeo ba
10 i niyalma, cargici jihe giyansi be gidafi tuciburakū ofi, jušen be
11 sindafi tuwakiyara jakade, casi tucime genere giyansi be orin
12 funceme baha, tere giyansi alame, emu mukūn i giyansi dehi susai,
13 juwe mukūn i giyansi tanggū bi, tere gemu liyoodung be duletele
14 genehebi kai, be emhun 35/36 giyansio seme alaha, jai fu jeo ba i
15 niyalma be fonjici, ubašame genere yargiyan seme alaha, han hendume,
Page 799
01 fu jeo ba i niyalma, mini emgi banjire mujilen akū ofi, suwe tutala
02 giyansi jici jafafi benjihekū, meni jušen adarame takafi jafaha,
03 suwe tuttu ujici, ojorakū, jing ubašaci tetendere seme, amba beile
04 de juwe tumen cooha adabufi, fu jeo ba i niyalma be 36/37 wa seme
05 unggihe, tuleri tehe iogi, sini kadalara ba i niyalma be ukandara
06 ubašara be, giyansi be saikan kimcime baica, iogi suweni beyebe inu
07 saikan akdulame olhome te;
08 du tang ni bithe, ineku tere inenggi wasimbuha, tuleri tehe
09 iogi, suwe ba i niyalma de arki 37/38 nure yali jeku gaifi jembi seme
10 donjihabi, ba i niyalma de ulin jeku gaiha turgunde, lio io kuwan be
11 wahakūn, jai ilu de tehe jeng gu de iogi, ba i niyalma de emu
12 inenggi sunja sin bele, ilan gin yali, ilan tampin nure, sogi maca
13 alban gaifi jembi seme donjifi jafame ganaha, suwe ba i niyalma de
14 38/39 aika gaici, suweni aika weilebuci, terei kooli weile ujen ombikai,
15 ba i niyalma suwe hafan de haldabašame aika buci, buhe niyalma be
Page 800
01 wambi;
02 du tang ni bithe, tere inenggi wasimbuha, tuleri tehe iogi,
03 sini kadalara ba i bayasa, ambasa i deote juse be sini jakade gajifi
04 tebu sehe 39/40 bihe, tebume wajici, wajiha seme bithe wesimbu,
05 unde oci, unde seme wesimbu;
06 si uli efu i wesimbuhe bithe, fuma dzung bing guwan tung
07 yang sing, baicaha jeku dabsun be neneme bithe wesimbuhe, te
08 takūraha niyalma amasi alanjime, yan giya ja šan i mederi be
09 dooha niyalmai 40/41 jeku be dade lii iogi de boolame, nikan i sin i
10 emu tanggū ninju hule bi sehengge, miyalici, nikan i sin i emu
11 tanggū dehi ninggun hule sere, jai yoo jeo i beiguwan liyang dzung
12 ioi boolame, neneme waha kiyoo bang kui uksun i kiyoo yūn lei i
13 jeku, nikan i sin i juwan ilan hule emu sin, nacibu gaifi monggo i
14 ilan minggan ninggun 41/42 tanggū gūsin uyun haha de, juwe niyalma
15 de emu sin buhe, jeku uheri jušen sin i emu tanggū jakūnju emu
Page 801
01 hule uyun sin emu hontoho, jai monggo i nadan minggan ninggun
02 tanggū jakūnju jakūn niyalma de, dabsun buci isirakū ofi, fuifure
03 ba i dabsun be gaifi, nenehe amaga uheri emu tumen gin dabsun
04 buhe, tung yang 42/43 sing ninggun biyai juwan juwe de, beile be
05 dahame fu jeo de genehe;
06 tere inenggi, julergi jase bitume anafu tehe jirhai iogi
07 isinjifi, han de alame, cing tai ioi, sio yan i ba i niyalma gemu
08 ubašambi seme emgi hebdefi gercilehe, juwe 43/44 niyalma be
09 gajihabi, jai ujulafi genere emu udu niyalma be jafahabi, jafaha
10 niyalma gemu ubašara yargiyan seme alambi seme alaha manggi, han
11 hendume, gercileme jihe šusai wei ing k'o be beiguwan obuha, susai
12 yan menggun, gecuheri etuku, amba boro šangnaha, ilhi gercilehe
13 jeng dze io be ciyandzung obuha, gūsin yan menggun, gecuheri
14 etuku 44/45 šangnaha;
Page 802
01