|
|
Volume 2
Volume 3
Volume 1, Fascicle 5
Page 67
01 tongki fuka sindaha hergen i dangse;
02 fulgiyan muduri aniya, sure kundulen han i susai jakūn se
03 de, aniya biyai ice de bonio inenggi, gurun i beise ambasa, geren
04 gemu acafi gisureme, musei gurun han akū banjime joboho ambula
05 ofi, abka musei gurun be jirgabukini seme banjibuhabi dere, 1/2 abkai
06 banjibuha yadara joboro gurun be gosire mergen ujire faksi han de,
07 amba gebu hūlaki seme geren hebdeme gisureme toktobufi, jakūn
08 gūsai beise ambasa geren be gaifi duin dere duin hošo arame jakūn
09 bade ilifi, jakūn gūsaci jakūn amban bithe jafafi, geren ci tucifi
10 juleri niyakūraha manggi, jakūn gūsai beise ambasa, geren be gaifi
11 amala niyakūraha, 2/3 han i ici ergide iliha adun hiya, hashū ergide
12 iliha erdeni baksi, emte ergici okdome genefi, jakūn amban i jafafi
13 niyakūraha bithe be alime gaifi, han i juleri tukiyehe, dere i dele
14 sindafi, erdeni baksi, han i hashū ergide juleri ilifi, abka geren gurun
15 be ujikini seme sindaha genggiyen han seme gebu hūlaha, niyakūraha
Page 68
01 beise ambasa geren gemu 3/4 iliha, tereci tuttu geren ba iliha manggi,
02 han tehe soorin ci ilifi yamun ci tucifi, abka de ilanggeri hengkilehe,
03 hengkilefi amasi bederefi soorin de tehe manggi, jakūn gūsai beise
04 ambasa ilhi ilhi se baha seme han de ilata jergi hengkilehe, tere aniya,
05 suje jodoro subeliyen bahara umiyaha ujime deribuhe, boso jodoro
06 kubun tarime 4/5 gurun de selgiyehe;
07 aniya biyade, hūrha gurun i bojiri de han hendume, šun
08 dekdere ergi mederi hanciki, meni dailafi gajiha gurun i eden funcehe
09 tutaha gurun, sini gisun be dahaci, sini gašan de bargiya, sini gisun
10 be daharakūci, si sucufi olji ara seme henduhe, tere bojiri 5/6 gebungge
11 hojihon i emgi seke udame gūsin niyalma unggihe bihe, terei amala
12 juwe biyade hūrha gurun ci dahame jihe ambasa, han de niyakūrafi
13 habšame, meni tubade tutaha ahūta deote be bojiri inde daharakū
14 ohode wambikai, be genefi meni meni ahūta deote be gajiki,
15 jiderakūci, ceni ehe de bucekini seme baiha manggi, 6/7 han dehi
Page 69
01 niyalma be unggihe;
02 sunja biyade, hibsu i aga agaha, hecemu golo be tucime,
03 juwan jakūn dabagan be abalafi, jaka i golo be dosime jidere de, emke
04 emken tob tab seme agaha manggi, mangga moo i abdaha de aiha i
05 adali filtahūn bisire be safi, ileci jancuhūn uthai hibsu, 7/8 han ileme
06 tuwafi, ere sain ningge, beise ambasa gemu ile seme ilebuhe;
07 ninggun biyade, jase jakai nikan gemu tucifi jušen i babe
08 nungnembi seme donjifi, han hendume, aniyadari jase tucifi, menggun
09 feteme, orhoda gurume, moo sacime, hūri, megu sanca baime nungnehe
10 ambula 8/9 oho, enteke facuhūn be nakakini seme wehei bithe ilibume,
11 šanggiyan morin be wame gashūha bihe, tuttu gashūha gisun be
12 aifufi, aniyadari jing uttu han i jase be hūlhame tucici, muse waha
13 seme weile akū kai seme hendufi, darhan hiya be unggifi, jase tucike
14 nikan be ucaraha ucaraha bade susai funceme wahabi, tereci
15 guwangning de ice du tang jihe seme 9/10 acame unggihe gangguri,
Page 70
01 fanggina gebungge juwe niyalma, jai uyun niyalma be jafafi sele futa
02 hūwaitafi hendume, meni niyalma jase tucici, suwe jafafi benjicina,
03 ainu waha seme jala takūrame gisureci, genggiyen han hendume,
04 wehei bithede, han i jase tucike niyalma be safi warakūci, warakū
05 niyalma de sui isikini seme gashūha bihe kai, tere gisun be ainu
06 daburakū, uttu durime 10/11 gisurembi seci, nikan ojorakū, suweni
07 ujulafi jihe darhan hiya be gaji, bi wambi, tuttu akūci, ere weile
08 badarambi seme jing šerime gisurere de, genggiyen han marame
09 jabuci ojorakū, nikan hendume, ere weile be dele donjifi gidaci
10 ojorakū kai, sinde weilengge niyalma ai joboro, terebe meni jasei
11 jakade gajifi niyalma de tuwabume wa, ere weile wajiki dere seme
12 gisurehe manggi, 11/12 genggiyen han, ini takūraha juwan emu
13 niyalma be bahaki seme gūnifi, yehe de hūlhame genefi, bahafi gajifi
14 loo de horiha juwan niyalma be jase de gamafi waha manggi, nikan i
15 jafaha juwan emu niyalma be sindafi unggihe;
Page 71
01 hūrha gurun i bojiri de, sahaliyan ulai sahaliyan gurun, hūrha
02 gurun gemu hebe acafi gisureme, muse de jihe 12/13 ere hūdai gūsin
03 niyalma be, ahūta deote be gajime jihe dehi niyalma be gemu wafi,
04 muse ubašafi dainnuki seme hebdefi, tere nadanju niyalma be sunja
05 biyade waha, tere wara de uyun niyalma tucifi waha medege be
06 ninggun biyai orin jakūn de donjiha, amba genggiyen han, tede
07 korofi, cooha unggi seme gisureci, beise ambasa geren gemu tafulame
08 hendume, juwari geli amba 13/14 cooha muke cifahan de adarame
09 yabumbi, juhe jafakini, tuweri genefi gaiki seme gisureci, han i
10 hendurengge, ere juwari generakū ohode, bolori jeku be gemu mujakū
11 bade somime umbumbi, ceni beye gemu gašan waliyafi, yendahūn
12 takūrara gurun de genembi, musei cooha genefi jihe amari, tere gurun
13 ini bade jifi, ini somiha jeku be gaifi jembi, tuttu ohode, tere 14/15
14 gurun geli emu aniya juwe aniya ombi, ere juwari cooha genehede, ceni
15 beye jailame jabdurakū, jeku be somime jabdurakū, ere erinde amba
Page 72
01 cooha yabuci ojorakū seme ce sartafi tehebi, te genehede gemu
02 bahambi, ajige ajige tucici, jeku be gemu muse bahambi, tere tucike
03 niyalma jai ai jembi, tuttu ohode, tere gurun efujembi kai seme,
04 emhun marame gisurefi, nadan biyai ice de, 15/16 emu nirui
05 ninggute mangga morin be sonjofi, emu minggan morin be usin i jeku
06 de sindafi tarhūbu seme hūlaha, ineku nadan biyai ice uyun de, weihu
07 sacire emu nirui ilata niyalma be unggi, ninggun tanggū niyalma,
08 ulgiyan birai sekiyen i weji de genefi, juwe tanggū weihu arabu seme
09 hūlaha, nadan biyai juwan uyun de, juwe minggan cooha be darhan
10 hiya, šongkoro baturu gaifi genefi, 16/17 ulgiyan bira de isinaha
11 manggi, juwe tanggū weihu de, emu minggan duin tanggū cooha be
12 tebufi, muke be gene, ninggun tanggū morin i cooha be olhon be gene
13 seme hendufi unggihe, nadan biyai juwan uyun de cooha jurafi, jakūci
14 inenggi weihu saciha bade isinafi, darhan hiya, šongkoro baturu geren
15 cooha be gaifi, weihu de tefi ula i bira be genehe, morin i cooha
Page 73
01 be 17/18 olhon be genehe, juwan jakūci inenggi, muke be olhon be
02 genehe cooha acaha, acafi juwe inenggi juwe dobori genefi, jakūn biyai
03 juwan uyun de isinafi, sucufi mokcon gebungge amban i tehe birai
04 amargi dalin i juwan ninggun gašan be gemu gaiha, bojiri gebungge
05 amban i tehe birai julergi dalin i juwan emu gašan be gemu gaiha,
06 sahaliyan ulai julergi dalin i sahaliyan gurun i 18/19 uyun gašan be
07 gaiha, uhereme gūsin ninggun gašan be gaifi, amba ula i birai julergi
08 dalin i fodorogon gebungge gašan de coohai ing hadafi tataha, gašan ci
09 burulame tucifi, ula i birai amba tun i burga de dosika niyalma be
10 safi, juwe jergi tuwa sindame gemu gaiha, bojiri beye cooha genere
11 onggolo, boigon gurimbi seme yendahūn takūrara gurun de jaha
12 ganame 19/20 genefi tucike, julge sahaliyan ula, omšon biyai tofohon
13 de, orin de amala juhe jafambihe, sunggari ula, omšon biyai juwan
14 de tofohon de sunja inenggi amala juhe jafambihe, amba genggiyen
15 han i cooha genehe aniya, juwan biyai icereme juhe jafara jakade,
Page 74
01 han i cooha ice sunja de sahaliyan ula be doome, dergi 20/21 wargi be
02 tuwaci, gemu juhe jafahakūbi, genere gašan i teisu kiyoo caha gese
03 hetu lasha juwe ba i dube juhe jafaha babe doofi cooha sucuci,
04 sahaliyan i goloi juwe gašan i niyalma, boo waliyafi bigan de jailafi
05 guwehe, ula i birai juhe jafara erin unde seme, akdafi tefi bihe
06 sahaliyan i juwan emu gašan be gemu gaifi amasi dooci, geneme dooha
07 21/22 juhe efujefi, terei wargi jaka geli geneme dooha gese juhe
08 jafahabi, tubabe amasi doofi bedereme jihe, dooha manggi, juhe
09 sindafi ini jafara erinde jafaha, tereci yendahūn takūrara gurun,
10 nooro gurun, sirahin gurun, ilan gurun be dahabufi dehi amban be
11 gajime, omšon biyai ice nadan de han i hecen de isinjiha, hūrha gurun,
12 22/23 amba genggiyen han de dahafi, sekei alban benjime hengkileme
13 yabumbihe, tuttu dahafi goro baci alban benjime yabure be, amba
14 genggiyen han saišafi, hūrha gurun i gašan gašan i ejete de sargan jui
15 bufi, hojihon obufi tukiyere jakade, mujilen gūwaliyafi, amba genggiyen
Page 75
01 han i hūda unggihe niyalma be wafi ubašara jakade, amba genggiyen
02 han tede korofi cooha unggihe, unggihe cooha jurafi 23/24 genehe
03 bojiri gašan be, bojiri šurdeme bisire gūsin ninggun gašan be gemu
04 gaifi, sahaliyan ula i birai amargi dalin de tefi bisire sahaliyan gurun
05 be gaiki seci, birai juhe jafara erin waka, gaijarakū amasi bedereci,
06 sahaliyan gurun, bojiri de dafi, amba genggiyen han i hūdai niyalma
07 be waha bihe, erebe baharakū, adarame bederere seme usafi korome
08 bisire de, sahaliyan 24/25 ula an i juhe jafara tofohon orin i inenggi
09 onggolo juhe jafahangge, inu abka sahaliyan gurun be bojiri de dafi,
10 amba genggiyen han i hūdai niyalma be waha be ambula wakalafi,
11 cooha be amasi bedereme jabdurahū seme, mujakū erinde kiyoo caha
12 gese hetu lasha juhe jafabuha dere, sahaliyan ula kiyoo caha adali
13 dehi morin adaci 25/26 ome hetu lasha juhe jafaha serengge be, emu
14 majige tašan seme gūnirakū;
15 jorgon biyade monggo i minggan beile i jacin haha jui hatan
Page 76
01 baturu taiji, dehi morin benjime hengkileme jihe bihe, ahūn i gese
02 bufi unggihe; 26/27
03 fulahūn meihe aniya, genggiyen han i susai uyun se de, aniya
04 biyade, monggo gurun i korcin i minggan beile acame jimbi seme
05 donjifi, aniya biyai ice jakūn de, han i beye, fujisa, geren deote juse
06 be gaifi hecen ci tucifi, tanggū ba i dubede juwe dedume okdofi,
07 juwan i inenggi, fulgiyan gebungge ala de, morin i dele tebeliyeme
08 acaha, 27/28 tere ala de acaha doroi amba sarin sarilaha, juwan emu
09 i cimari, monggo i minggan beile ini gajiha juwan temen, tanggū
10 morin, tanggū ihan, ilan temen de aciha jafu, juwan ilan sejen
11 katabuha yali, juwe sejen kūru, nimenggi be han de alibuha, tere
12 inenggi, han i hecen de dosika, 28/29 amba genggiyen han, monggo i
13 minggan beile be goro baci jihe be gūnime kunduleme, inenggidari
14 ajige sarin, emu indeme amba sarin sarilame, gūsin inenggi tebufi,
15 dehi boigon i niyalma, dehi uksin, jai suje boso ai jaka be eletele
Page 77
01 bufi, gūsin ba i dubede emu dedume fudehe, tere minggan beile
02 neneme sahaliyan meihe aniya, yehe, hada, ula, hoifa, monggo,
03 sahalca, sibe, 29/30 uyun halai gurun, amba genggiyen han de dain
04 jihe fonde, emgi dain jifi gidabufi etuhe fakūri sufi, enggemu akū
05 morin yalufi burulame tucike bihe, tere dain de gidabuha orici aniya,
06 ini sargan jui be amba genggiyen han de benjihe, jui benjihe ningguci
07 aniya, ini burulaha orin sunjaci fulahūn meihe aniya, ini beye 30/31
08 jihe bihe;
09 juwan jakūn de, duin tanggū cooha be, dergi mederi jakarame
10 tefi daharakū samsifi bisire gurun be gaisu seme unggihe;
11 juwe biyade, monggo gurun i kalkai enggeder taiji de 31/32
12 amba genggiyen han i deo i jui be sargan buhe, wesihun genehe duin
13 tanggū cooha, juwe biyade mederi dalin i jakarame samsifi tehe gurun
14 be sucufi gaiha;
15 ilan biyade, mederi tun de akdafi daharakū bisire gurun be,
Page 78
01 amba jaha arafi mederi onggolo be doofi, tun i gurun be gemu
02 gaiha; 32/33
03 duin biyai orin duin de morin inenggi nadan tanggū bade
04 hibsu aga agaha;
05 ninggun biyade burulame tucifi guwehengge be wacihiyame
06 gaiha, uhereme ilan minggan olji baha, tanggū boigon araha, tereci
07 cooha bedereme jihe; 33/34
08 nadan biyade, monggo i enggeder taiji, ini da sargan be gūwa
09 de bufi, han i jui be ini bade gamambi seme genehe;
10 juwan biyai juwan duin de monggo gurun i korcin i minggan
11 beile i sunjaci jui batma taiji, susai gucu be 34/35 dahabufi, susai
12 morin be benjime hengkileme acame jihe bihe, juwan ninggun de,
13 enggeder taiji gūwa de bumbi seme genehe, da sargan be buhekū
14 jihe;
15 han i jui duici beile de salibuha ilaka baturu gebungge
Page 79
01 amban, hūsun tucirakū bime baibi mimbe ujirakū, ujihe han de amasi
02 genembi seme habšara jakade, 35/36 han beise ambasai baru hebdeme,
03 daci mini emgi bihe gojime, minde hūsun tusa ambula buhekū, mimbe
04 gasabuha jobobuha ambula, tuttu mimbe gasabuha be gūnirakū, imbe
05 amban obufi jui de buhe kai, si umai hūsun tucirakū bime, baibi
06 ujirakū seme habšaci, musei dolo amasi julesi ubašame banjimbio
07 seme ilaka be waha;
Page 80
01