|
|
Volume 2
Volume 3
Volume 1, Fascicle 48
Page 701
01 tongki fuka sindaha hergen i dangse;
02 orin sunja de, han i saoli, * lii ši gung be giyansi jafaha seme
03 wesibufi šeobei obuha;
04 kuwan diyan i jao iogi, mao wen lung ni takūraha ts'oo dusy
05 be waha, ts'oo dusy i emgi jihe 1/2 niyalma be jafafi benjihe seme,
06 jao iogi de emu tanggū yan menggun šangnafi, juse omosi jalan
07 halame ejehe sirara gung buhe, jao iogi i jung giyūn tung wen ming
08 be wesibufi beiguwan obuha, orin yan menggun šangnaha;
09 jang de ioi be, lang iogi de jihe giyansi be 2/3 gercileme
10 alaha seme wesibufi iogi obuha;
11 wang yuwan gio gebungge niyalma be giyansi be jafaha seme
12 wesibufi beiguwan obuha;
13 lio ji kuwan gebungge niyalma, šuwang šan i beiguwan miyoo
14 i juwang be, mao wen lung ni baru hebe 3/4 seme gercilere jakade,
15 miyoo beiguwan be efulefi, lio ji kuwan be beiguwan obuha;
Page 702
01 be gi jai ba i wang dzung kui gebungge niyalma, be gi jai i
02 niyalma be ubašambi seme, ts'oo ho i beiguwan su ši deng de juwe
03 jergi alaci, su ši deng baicahakū, be gi jai i niyalma genehe seme,
04 su ši deng ni ahūn deo be waha, 4/5 wang dzung kui be wesibufi
05 beiguwan obuha;
06 mao wen lung ni šusihiyeme takūraha giyansi niyalma be,
07 ša cang ni beiguwan wang dz deng baicafi baha seme, wang dz deng
08 be wesibufi iogi obuha, giyansi be jafaha bedzung jang bing i be
09 wesibufi ciyandzung obuha, jang bing i de aisilaha emu niyalma de
10 juwan yan menggun šangnaha; 5/6
11 lii dusy, jang dz jing gebungge niyalma be, mao wen lung
12 takūraha emu giyansi be serefi jafaha seme wesibufi beiguwan obuha;
13 tang šan i šeo pu tang ing yuwan be, mao wen lung ni
14 giyansi be jafafi benjihe seme wesibufi 6/7 beiguwan obuha;
15 sio yan i beiguwan kiyoo bang kui, mao wen lung ni baru
Page 703
01 hebe araha be, kiyoo bang kui i booi niyalma gercileme alara jakade,
02 kiyoo bang kui i uksun mukūn be gemu waha, kiyoo bang kui i
03 sargan, booi aika jaka be gemu gercilehe aha de buhe, 7/8 han
04 hendume, tulergi ba i buya niyalma, jing kemuni giyansi bahafi
05 benjici, musei ubade geli giyansi jihekū doro bio, geren hafasa suwe
06 dulga niyalma, nikan han de bucere weile bahafi loo de bihe, dulga
07 niyalma, efujefi beye bihe, jai gemu dain de bahafi ujihe niyalma
08 kai, bi tukiyefi hafan obufi ujici, suwe ujihe baili be gūnime, mao
09 wen lung ni 8/9 takūraha giyansi be suwe emke ainu tuciburakū,
10 ukandara ubašara ehe facuhūn be ainu baicarakū, tuttu han i jalin
11 de faššarakūci, suwembe ujihe ai tusa, yaya niyalma ukandara
12 ubašara be serefi alara, giyansi jihe be safi jafafi benjihe de, nenehe
13 niyalmai gese hafan obufi gung šang bumbi, ukandara ubašara be
14 donjifi alarakū, giyansi jihe be safi jafarakū, gūwa gercilehe de, 9/10
15 su ši deng, kiyoo bang kui i songkoi ombikai;
Page 704
01 gurbusi efu i eyun, sargan, sengge tabunang sargan, manggo
02 tabunang sargan, eniye, labsihi eniye sargan, * eyun, eniye, harakcin
03 fujin, ooba tabunang sargan, ere juwan niyalma de emte aisin i
04 monggolikū, emte aisin i šerin, juwete juru aisin i ancun buhe; 10/11
05 orin duin de, yeodehe ts'anjiyang, abutai beiguwan jeng
06 giyang ni baru anafu teme genefi isinjiha;
07 han hendume, musei etenggi bade kadalara fafularangge ambula,
08 musei joboro bade kadalara fafularangge komso, liyoodung ni hecen
09 be gaijara de, han i tukiyehe geren ambasa 11/12 gemu musei coohai
10 bedereme jidere be safi, yaya tucifi kadalame dosimburakū, gemu
11 booi dalda de ukakabi, busan emhun tucifi kadalame jurceme cooha
12 unggihebi, tuttu musei joboro bade busan emhun beyede alifi kadalaha
13 seme, amba gung arafi, busan be uju jergi dzung bing guwan i
14 hergen bufi, gūsa de ejen obuha, juse omosi jalan halame bucere
15 weile baha seme 12/13 ainaha seme warakū, ulin gaijara weile baha
Page 705
01 seme ulin gaijarakū, juwe minggan duin tanggū juwan yan i weile
02 waliyambi, yaya niyalma gemu busan i adali musei joboro bade
03 beyede alifi kadalaci, tenteke niyalma de han beise akdambi kai,
04 tuttu han beise akdaci, geli busan i gese amba gung arafi, bucere
05 weile bahaci warakū, ulin gaijara weile bahaci waliyambi kai 13/14
06 ere gisun be jakūn beile ci fusihūn, iogi ci wesihun, monggolire
07 bithede arafi monggolihabi, suwayan ejehe de bithe arafi doron gidafi
08 busan de buhebi;
09 han i bithe, guwangning de unggihe, hecen i dorgi akdun babe
10 gemu doigonde baicame efule, boo gemu tuwa sinda, nenehe inenggi
11 tuwa sindafi duleme wajihakū boo be, 14/15 jai inenggi dasame
12 wacihiyame sindame gilgabu, hecen dukai sele be hūwakiyame gaifi
13 tuwa sinda, jeku juweme wajime jakade gemu jio;
14 orin sunja de, du tang hendume, g'ao giya jung sebe
15 gecuheri suje jodombi, sese arambi seme tukiyefi, sargan, aha, eture
Page 706
01 jeterengge yooni buhe, jai usin 15/16 tarifi jeku bukini, deijire orho
02 moo bukini seme, uju jergi niyalma de sunjata haha, jai jergi
03 niyalma de duite haha, ilaci jergi niyalma de ilata haha, ioi ding
04 buhe, te yaya niyalma gecuheri suje jodoro, sese arara, hoošan
05 hergere, sain narhūn alha, moro fila arara, tenteke ai ai baitangga
06 niyalma bici tucinu, tucike manggi, 16/17 tuwafi bahanara yargiyan
07 oci, g'ao giya jung sei adali tukiyefi ujimbi;
08 šušalan i orin sunja yan i gung be jaciba jifi faitaha;
09 nadan fere de genehe singgiya isinjiha; 17/18
10 orin ninggun de unggihe bithei gisun, hai jeo i ts'ang,
11 simiyan i ts'ang de jeku alime gaiha hafasa, suwe gaijara jeku be
12 tondoi gaisu, gaiha jeku be asararakū, te bumbi kai, suwe menggun
13 basa gaifi, jeku be ekiyehun gaifi buci, isirakū ohode ainambi; 18/19
14 cohonoi emde yungšun i nirui niyalma, sio yan de alban i
15 jeku bošome genehe be, sio yan i nikasa jafafi ubašame huthufi sejen
Page 707
01 de tebufi gamame genefi, musei anafu i cooha tehe akdun be safi,
02 tere niyalma be wafi, nikasa ceni beye amasi bedereme jifi alin de
03 tafakabi, tere 19/20 niyalmai emde genehe gucu, gašan i nikan be
04 jafafi oforo šan tokome angga baire jakade, waha niyalma alin de
05 tafakabi seme alara jakade, tere waha nikan be baicafi, juwan
06 niyalma be waha;
07 orin nadan de, yekšu i orin sunja yan i 20/21 gung be samha
08 jifi faitaha;
09 orin nadan de, hahana i uyunju yan i gung faitaha;
10 han i bithe, orin jakūn de wasimbuha, jušen nikan i hafasa de
11 meni meni goiha nikan aika benjihe de, nimaha, ulhūma, bigan i
12 niyehe, tubihe alime gaisu, ihan, 21/22 honin, niman, ulgiyan, ulin
13 menggun, orho jeku be ume alime gaijara, gaici weile;
14 ping lu pu i šeo pu de enggeder efu juwan ilan niyalma be
15 takūrafi, ši fang sy de dosinjiha, šun tuhere jakade pu de isinjiha,
Page 708
01 ilan sejen, sunja ihan, ninggun morin gajime, ini fe asarabuha 22/23
02 bele ufa tubihe be gaji seme jihebi, bele ufa tubihe be jušen baksi
03 genefi bithe araha, du tang de fonjifi jidere seme ilibuhabi, ere gisun
04 be han de fonjire jakade, ufa tubihe be bufi unggihe;
05 orin uyun de, baduhū i gūsin yan i gung be 23/24 jaciba jifi
06 faitaha;
07 fu jeo, sio yan i sidende nacibu, hūsi tembi;
08 sio yan de baban, gaha tembi;
09 saimagi de hūsimu, aidaha sencehe tembi, ese de 24/25 eksingge
10 fujiyang hoton arara babe jorime genehe;
11 guwangning de takūraha namtai isinjiha;
12 han i bithe, duin biyai ice inenggi wasimbuha, emu nirui tanggū
13 uksin be šanggiyan bayara de juwan niyalma obuki, juwe poo, ilan
14 gida, jai uyunju uksin be 25/26 dendefi fulgiyan bayara de dehi uksin
15 obuki, juwan poo, orin gida, jai juwan niyalma juwe sejen kalka,
Page 709
01 muke tebure juwe kukuri, sahaliyan ing ni susai niyalma de juwan
02 poo, orin gida, jai orin niyalma de juwe sejen kalka, emu wan, juwe
03 sacikū, juwe bon, juwe dehe, juwe hadufun, juwe suhe, duin derhi,
04 juwe fasilan, emu lasihikū, muke tebure 26/27 juwe kukuri, emu biya
05 dabure yaha, tofohon olbo, emu jalan de juwe amba poo, morin
06 adulara de, sunja niru emu bade acafi, meni meni coohai nikasa
07 morin be emgi acabufi, ping lu pu ci wasihūn, nio juwang ci
08 wesihun adula, emu niru de emte daise be ejen arafi unggi, jušen
09 nikan monggo juwan morin de, emu niyalma be tuwakiyabu, 27/28
10 morin ukanju gamara, hūlha de hūlhabure, jušen i morin tarhūn,
11 nikan i morin turga oci, gaifi genehe daise de weile, emu niru
12 juwete morin hūwaita, emu beiguwan emte morin, iogi ts'anjiyang
13 juwete morin, fujiyang ilata morin, dzung bing guwan duite morin,
14 uju jergi dzung bing guwan sunjata morin hūwaita; 28/29
15 beise i bithe wasimbuha, gašan i giyai de tebuhe hija be
Page 710
01 gemu nakabufi, gašan i tule goro bade hija tebu, gašan i giyai de
02 hija tebuhe be saha de, tuwa bošoro niyalma de weile;
03 ice juwe de, sele age i tofohon yan i ejehe gung be jaciba
04 jifi faitaha; 29/30
05 niyanioke beiguwan i hergen be wesibufi ini ama i ts'anjiyang
06 ni hergen buhe;
07 deo ši tiyan ju funde, ahūn ši guwe ju be iogi obuha; 30/31
08 ice ilan de, nikan i šanaha ci emu medege gaijara nikan jifi,
09 ini beyebe i tucibume alame, šanaha i susai tumen cooha de, monggo
10 juwan tumen cooha guwangning ni jugūn be jumbi, mao wen lung ni
11 orin tumen cooha julergi be jimbi, juwe jugūn cooha gemu ere duin
12 biyai juwan uyun de isinjime jimbi seme alaha manggi, 31/32 si
13 emhun jiheo, gucu jihebio seme fonjici, emu gucu jihe bihe, bi alafi
14 ubade banjimbi seme hendure jakade, gucu amasi genehe seme
15 jabure jakade, si unenggi ubade banjici, gucu be ainu alarakū, jortai
Page 711
01 iletu gisureme algin sindame sartabume jihebi kai seme waha; 32/33
02 alban i fetehe menggun uyun tanggū gūsin yan, aisin
03 ninggun yan nadan jiha benjire jakade, ere menggun fetehe niyalma,
04 juwe jergi bure jeku buheo seme fonjifi, juwe jergi jeku gemu buhe
05 sere jakade, aisin be gaiha, menggun gemu amasi bederebume fetehe
06 niyalma de buhe, bošome weilebuhe ši guwe ju de ninju yan buhe,
07 33/34 jakūn booi tuwame weilebuhe jakūn niyalma de sunjata yan
08 buhe, alban i jeku be fonjihangge, jeku buhekū bici, tere be nakabufi
09 weile araki sehebi;
10 ice sunja de, darhan efu tehe mio mawai baci nadanju
11 niyalma bahafi benjihe; 34/35
12 hoto tehe cing tai ioi baci nadanju niyalma ninggun morin
13 bahafi benjihe;
14 du tang ni bithe, ice ninggun de wasimbuhe, baban, nacibu i
15 jergi jakūn gūsai emte amban be hoton ara seme unggihe bihe,
Page 712
01 hoton arara be naka, 35/36 hoton arara babe tuwafi toktobu, šolo
02 tucike manggi arambi, yafahan cooha be beiguwan gaifi meni meni
03 da tehe bade bederefi, juwe siden be saikan songko faitame te,
04 baban, nacibu i jergi ambasa inu meni meni gūsai yafahan be gaifi
05 tehe beiguwan i dade genefi te; 36/37
06 irešen, afuni de goiha soosoi, san šan ioi, sio ioli, janja sui
07 se, ere duin gašan i juwe minggan haha juse hehe be gamame julesi
08 ubašame genere be, jase jakarame tehe coohai niyalma amcafi haha
09 be gemu waha, juse hehe be olji araha;
10 du tang ni bithe, duin biyai ice ninggun de 37/38 wasimbuha,
11 nikan i coohai niyalma, baisin niyalma, yaya de bisire beri sirdan
12 loho gida poo, coohai agūra be orin ci dosi meni meni kadalara hafan
13 de benju, orin ci casi coohai agūra be benjihekū asarahabi seme
14 gercilehe de, ujen weile arambi, nikan faksisa sirdan loho gida coohai
15 agūra be uncara be naka, juwan ci casi 38/39 uncaci, uncaha
Page 713
01 niyalma de weile, udaci, udaha niyalma de weile, coohai agūra be
02 meni meni harangga niyalma benjime wajiha seme hafasa orin de
03 bithe wesimbu;
04 darhan baturu beile i kicenggu ubasi ninggun niyalma, juwan
05 emu morin, juwe temen, sunja hehe be 39/40 gajime elcin jihe;
06 kakduri booi ninggun haha, ninggun hehe be, guwangning ni
07 jang ts'anjiyang hūlhame gamafi singgebume baharakū benjihe
08 manggi, jang ts'anjiyang de weile arafi booi aha, ihan morin, ai
09 jaka be, ilan ubu sindafi, juwe ubu be ejen de buhe, emu ubu be
10 40/41 šajin i niyalma gaiha, juwe eigen, emu hehe be kakduri de
11 toodabuha, ninggun haha, ninggun hehe ukaci, jang ts'anjiyang de
12 toodame gaimbi;
13 dodo age i lang iogi i wei yūn deng daise beiguwan bihe,
14 mao wen lung ni giyansi jihe niyalma be jafaha seme wesibufi jing
15 beiguwan obuha, menggun 41/42 šangnaha, jihe giyansi be waha;
Page 714
01 solho i ergi de lenggeri fujiyang duin tanggū šanggiyan
02 bayarai niyalma be gaifi anafu tenefi, gajihangge emu tanggū
03 juwan ilan niyalma orin jakūn morin, sunja ihan, sunja losa, duin
04 eihen, juwe tanggū susai yan menggun gajiha bihe, juwe 42/43 tanggū
05 susai yan menggun be genehe bayarai niyalma de buhe;
06 ice nadan de, ošan i nirui namida hari be gūwa niyalma wei
07 ning ni ebele amba jugūn de butuleme wahabi seme alanjire jakade,
08 han donjifi, namida hari, beri jebele ashaha biheo 43/44 seme fonjici,
09 jebele beri akū seme alara jakade, jebele beri ainu asharakū sula
10 yabumbi, dain i ba kai seme han jili banjifi, giran jafara unde oci,
11 yali be faitarafi waliya, giran jafaci, jafaha giran be so, etuku ume
12 sindara seme nakabuha, jai geren ambasa be isabufi, namida hari be
13 waha niyalma be baica seme henduhe; 44/45
14 ice jakūn de, julergi de teme genehe jakūn karun i niyalma
15 de unggihe bithei gisun, suwe jecen i bade tehe niyalma ume dulbadara,
Page 715
01 saikan olhome sereme akūmbure be gūni, fejergi buya niyalmai gisun
02 de dosifi, han i tacibuha gisun be jurceme, hūlha holo mujilen 45/46
03 jafafi sula heolen oci, suweni beye de jobolon isimbi kai, han i
04 gisun be jurcerakū, olhome sereme tondoi akūmbufi, han de sain
05 sabuci, suwende gung kai;
06 han i bithe, ice jakūn de wasimbuha, emu nirui emu janggin
07 gaifi morin adula, emu janggin coohai agūra be 46/47 bošome weilebu,
08 emu janggin usin bošome weilebu;
09 eksingge fujiyang, saimagi, sio yan i babe hoton arambi seme
10 tuwanafi jihe;
11 han i bithe, ice uyun de wasimbuha, han i duka de hecen i duka
12 de suwayan tu tukiyehe de, hergen 47/48 bisire niyalma gemu han i
13 duka de isanju, sarin sarilara aika gisun hūlara hendure medege bi,
14 fulgiyan tu tukiyehe de ikiri buren burdehe de, dain coohai medege
15 bi, uksin saca etufi morin bisire niyalma morin yalufi, morin akū
Page 716
01 niyalma yafahan meni meni teisu gašan i dubede ilinafi, beiguwan
02 ci wesihun, gūsai beile duka de medege gaisu, šanggiyan 48/49 tu
03 tukiyehe de, poo sindaha de, ukanju ukaka medege bi, olbo etufi
04 jebele ashafi hūwaitaha morin yalufi jio;
05 juwan de, julergi de baha olji ton, niyalma emu minggan,
06 morin, ihan, losa, eihen ilan tanggū seme burgi nirui lumbušen
07 alanjime jihe;