|
|
Volume 2
Volume 3
Volume 1, Fascicle 47
Page 685
01 tongki fuka sindaha hergen i dangse;
02 ice sunja de, fusi efu, si uli efu, emu gūsai emte iogi, duite
03 niyalma be gaifi niowanggiyaha i ergide usin icihiyame genehe;
04 emu nirui orin sunjata uksin be tucibufi, jecen i ba bade
05 boigon tebume unggire de, ganggada 1/2 saman, dadai, dodari be
06 habšabume, dadai sunja jui emu sargan, dodari emu jui, garsa i
07 deo kirsa, ganggada i eshen be unggimbi, ama jui ahūn deo sargan
08 adarame fakcara seme beise de alara jakade, beise geren du tang de
09 duile seme afabuha, du tang, ganggada be gana, fonjiki seme juwe
10 jergi ganaci jihekū oho manggi, geren beidesi 2/3 duilefi, sini
11 cisui gisun donjime jici adarame ombi, si han i unggire be
12 yebelerakū, mujakū ama jui ahūn deo eigen sargan be faksalafi ainu
13 unggimbi, emu tanggū susai uksin de, giyan i tucibure niyalma
14 bikai, tuttu oci, han i buhe hergen, šangnaha jaka, salibuha nikan
15 be gemu 3/4 gaime, sini cisui sula banji seme beidefi han de alaha,
Page 686
01 han hendume, sula bici acambio, ejen akū niyalmao, kanggada * be
02 gana fonjiki seme ganaci, jiderengge goidara jakade, han fonjime,
03 ganggada aba seme fonjire jakade, tede geren beidesi alame, be
04 duilere bade juwe jergi 4/5 ganaci jihekū seme alaha manggi, han
05 jili banjifi huthume ganabufi, ganaggada i iogi i hergen be efulefi,
06 beiguwan i hergen bufi daise iogi obuha, ganggada, dadai de, emu
07 minggan sunja tanggū nikan buhe bihe, minggan nikan be gaiha,
08 sunja tanggū nikan be ahūn deo de acan buhe; 5/6
09 ilan biyai ice ninggun de, kalka i bagadarhan beile i dehi
10 niyalma, hehe juse be gajime yafahan ukame jihe;
11 ici jakūn de, juwe gūsa acan emu fujiyang, emu gūsai emte
12 iogi, emte beiguwan, mederi jakarame anafu teme genehe; 6/7
13 enggeder efu i deo, bahūn taiji, ini ukanju be gaji seme ini
14 beye jihe bihe, han hendume, sini mujilen be niyanciha de isitala
15 tuwaki, mujilen kemuni gūwaliyandarakū sain oci, niyanciha bahafi
Page 687
01 morin tarhūha manggi, sini beye jio, jihe manggi, ukanju be
02 bederebume bure, sini bade gamaci, gama, 7/8 gamarakū yaya bade
03 bikini seci, bikini seme hendufi unggihe;
04 ineku tere inenggi, hūsitun nirui yaran janggin nikan i boigon
05 dalime genefi, nadan boigon be werifi dehi yan menggun be gaifi,
06 jakūn niyalmai emgi acan dendefi gajihabi, tere be šušalan, kūwaktaka
07 donjifi jafahakū seme, šušalan be orin 8/9 sunja yan i weile araha,
08 kūwaktaka be ice niyalma seme weile akū bai nakaha, menggun
09 gaiha yaran janggin, jai jakūn niyalma be tanggūta šusiha šusihalafi
10 oforo šan be tokoho;
11 ice uyun de, monggo babu be iogi obuha; 9/10
12 kaljan not i batai, yanggur i juwan duin morin, ilan tanggū
13 nadanju ilan ihan, uyun tanggū dehi honin, ere be tungginai, soosar,
14 ere juwe niyalma gaiha, horot i bahatai, gu šan i juwan jakūn ihan,
15 emu hehe, urat i hajagai gaiha, baising nirui saintu i nadan ihan be
Page 688
01 daihal tabunang, aduci, kobjilak gaiha; 10/11
02 bagadarhan ci ukame jidere haraldai, bodohū i ninju ihan be
03 dehi ninggun ihan benjihebi, juwan duin ihan benjire unde, ilan
04 tanggū honin be juwe tanggū jakūnju emu honin benjihebi, juwan
05 uyun honin benjire unde, ere be daihal tabunang gaihabi; 11/12
06 juwan de aohan dureng beile i elcin be, fukatu beiguwan
07 orin duin šanggiyan bayarai niyalma be gaifi benehe;
08 fusi efu, si uli efu usin icihiyame generengge amcafi
09 gajiha; 12/13
10 juwan emu de, yehe i asan i beiguwan i hergen be efulehe,
11 abai age i iogi hergen be nakabufi beiguwan obuha;
12 donggo efu de dzung bing guwan i hergen, hošotu de
13 fujiyang ni hergen, babuhai age de beiguwan i hergen, narin de
14 beiguwan i hergen buhe; 13/14
15 borjin hiya, ošan, boitohoi, kangkalai, langgida, munggan ere
Page 689
01 ninggun niyalma be daise fujiyang obuha;
02 juwan ilan de, korcin i manggūs mafa i orin haha, uheri susai
03 jakūn anggala, emu morin, dehi sunja ihan, orin honin gajime ukame
04 jihe; 14/15
05 unege baksi be uksin akū ajige jui de morin gaiha, aha bisire
06 niyalma de dere banime sargan buhe, fulata be ini boode dosika uksin
07 etuhekū niyalma de morin gaiha, nahaculai be morin gidaha, morin
08 bisire niyalma de morin buhe seme cindahū gercilefi, unege baksi de
09 orin sunja 15/16 yan i weile, fulata de tofohon yan i weile, araha,
10 nahaculai be susai šusiha šusihalafi gidaha morin be gaiha, jai cindahū
11 imbe nahaculai karu feteme emu nikan hehe, emu monggo hehe,
12 emu sargan jui, ilan yan menggun gaiha seme gercilehe manggi,
13 gidaha aika jaka be gemu gaifi uyun yan i weile araha; 16/17
14 juwan ilan de, nadan jurgan i weile be nakabufi, dasame
15 sunja jurgan obuha;
Page 690
01 ice jihe niyalmai anggala toloro, usin, boo, derhi, tetun, suhe,
02 mucen, sargan, aha, etuku, aika jaka be bure, boo arabure, ku i
03 jeku be 17/18 ejeme gaijara, salame bure, ere emu jurgan i weile;
04 karun tai, poo miyoocan, songko, mama, juse hehesi tokso de
05 geneci fonjire, ukanju, ere emu jurgan i weile;
06 jafaha niyalma be asarabure, wara niyalma be afabufi wara,
07 den hashan, weihu, kiyoo cara, ihan madara, 18/19 ulgiyan wara,
08 ujima ujibure, ere emu jurgan i weile;
09 genere be fudere, jidere be okdoro, baha ulha be asarara,
10 kiyoo de hūdašabure cifun, giyai ehe nantuhūn be icihiyabure, tule
11 genere horho tuwara, bucehe niyalma be waliyara, hūdun mejige,
12 sarin sarilara, ere emu jurgan i weile; 19/20
13 uksin saca, loho gida, beri sirdan, enggemu hadala, nemerhen,
14 yaki, ucika, maikan, wan, kalka sejen, huncu, olbo, emu tatan i
15 juwan niyalmai tofohon inenggi gaifi yabure jaka, morin yalure be
Page 691
01 baicara, morin tarhūbure, ere emu jurgan i weile; 20/21
02 juwan duin de, hahana, baduhū, ceni weile be dahire jakade,
03 gisun uru ofi, fe kemuni fujiyang ni hergen šangnaha, aika jaka be
04 gemu amasi bederebume buhe;
05 ineku tere inenggi, miosihon i juwan ninggun yan i gung
06 faitaha; 21/22
07 ineku tere inenggi, kalka i gurbusi taiji i juwe haha emu
08 hehe ukame jihe;
09 barin i nangnuk i juwan niyalma yafahan ukame jihe;
10 ineku tere inenggi, julergi hong ciling * i bade 22/23 tehe lio
11 yen cang gebungge niyalma, dalime genehe cooha be daburakū ini
12 cisui doigonde hūng ciling * ni ba i ilan tanggū susai haha be gaifi,
13 fanaha i bade genehe seme šeo pu i hergen buhe, ilan tanggū susai
14 haha be ilan aniya alban de daburakū; 23/24
15 tofohon de, guwangning de unggihe bithe, tubade tehe duin
Page 692
01 minggan coohai niyalma, guwangning i isabuha jeku be, neneme juwe
02 minggan niyalma liyoha i dalin i ša ho pu de benju, tere juwe
03 minggan niyalma amasi genehe manggi, jai tehe juwe minggan
04 niyalma jurceme benju, juwe idu jafafi jurceme jeku juwebu, juwehe
05 jeku be gaijarakū, meni meni juwehe niyalma 24/25 uncambio jembio,
06 ejen i ciha, jeku i hūda mangga, emu sin jeku de, emu yan
07 menggun salimbi kai;
08 tofohon de, han de darhan hiya i wesimbuhe bithe, han ama,
09 juwan duin se te ujihe, umai weile bahakū, liyoodung de jihe ci ebsi,
10 25/26 han ama, geren deote i afabuha jurgan be tondoi akūmbuhakū,
11 mini mujilen gūwaliyaka turgunde, mini gaiha sargan ujihe jui
12 fejergi deo gemu bucehe, beye nimeku bahafi elekei bucehe, jalan
13 jalan i weile, bahara sui ere inu, ereci julesi ehe babe waliyame,
14 sain babe gingguleme, han ama, geren deote i afabuha jurgan be
15 kiceme 26/27 banjiki, dain aba de geneci, dain aba i jurgan be kiceme
Page 693
01 yaburakū, beye banjire de tondoi banjirakūci, han ama, geren deote
02 de jai dasame waka sabufi wasikini, han, darhan hiya de karu bithe
03 wasimbume, abkai hūturingga han i tukiyefi ujihe be gūnirakū, si
04 argangga 27/28 jalingga mujilen jafafi, alban i niyalma ofi, banjiha
05 babe gemu doigonde saha, guwangning de si ai baita genehe bihe,
06 dain i medege be sini beye donjifi amasi bederefi dacilarakū, anduhūri
07 hendufi waliyafi jihengge, si minde ai jobolon seme jihebi kai, sini
08 tere weile amban, tere weile be gemu waliyaha, te gashūfi banjiki
09 seme henduhebi, gashūci bucembi kai, gashūfi ainambi, hada, 28/29
10 yehe, ula, hoifa i beise, fusi, niowanggiyaha, keyen, cilin, simiyan,
11 liyoodung, guwangning ni hafasa, gemu abkai sindafi gurun ejelehe
12 niyalma wakao, tese be mini manggai efulehengge waka, abka minde
13 dafi, tere encu gurun i ejete be, inu efulefi buhe kai, si tesei gese
14 encu gurun i ejen biheo, jebele i yasa de sisiha luhu i gese minde
15 29/30 takūrabukini seme banjibuha niyalma kai, te si abkai banjibuha
Page 694
01 hūturingga han be, yasa nicubuci ojorakū nikai seme, argangga
02 jalingga mujilen be waliyafi tondo mujilen jafafi banjici, niyalma
03 endembio, kemuni arga jali be dele arafi banjici, gashūre anggala,
04 abka sarkū bio; 30/31
05 tofohon de, hūsitai i tofohon yan i gung faitaha, sakjai nirui
06 sunai janggin i juwan ninggun yan i gung faitaha, ušitai nirui conoi
07 janggin i juwan yan i gung faitaha;
08 gusantai efu, ilden, anggū, gisun, solho i ergide anafu
09 tenehengge jihe, ineku tere inenggi nimaraha; 31/32
10 juwan ninggun de, du tang ni bithe, sio yan de unggihe, dai
11 iogi, g'o iogi, suwe sio yan i beiguwan kiyoo bang kui i uksun ahūta
12 deote be gemu jafafi gajime jio, kiyoo bang kui de hebe dahaha
13 gašan i niyalma be, kiyoo bang kui genefi deduhe tai niyalma be,
14 gemu jafafi gajime jio; 32/33
15 juwan nadan de, baduhū fujiyang, kangkalai fujiyang, tainju
Page 695
01 fujiyang, asidargan ts'anjiyang, emu nirui juwete uksin i niyalma be
02 gaifi solho i ergide anafu teme genehe;
03 juwan jakūn de, baduri fujiyang ni hergen be 33/34 wesibufi
04 dzung bing guwan obuha;
05 sirin, ubahai, iogi hergen be nakabufi beiguwan obuha,
06 obohoi beiguwan be hontoho beiguwan obuha;
07 ineku tere inenggi, abtai dzung bing guwan, busan dzung
08 bing guwan juwe nofi, 34/35 han i juleri gisun temšeme jamaraha
09 seme, weile arafi gūsin ilata yan i gung faitaha, duleke aniya sunja
10 biyade, busan ini weile be dahire jakade, gisun uru ofi, gaiha aika
11 jaka be bederebume bu seme tanggūdai age, hahana efu de afabuha,
12 afabuha babe tanggūdai age, hahana efu, fuliyame bošorakū, ulgiyan
13 aniya ilan biyade isibuha seme, 35/36 tanggūdai age i dzung bing
14 guwan i hergen be efulefi uju jergi ts'anjiyang obuha, hahana
15 fujiyang ni hergen be efulefi uju jergi iogi obuha, gūsita yan i weile
Page 696
01 araha;
02 juwan uyun de, wang dzung šeng beiguwan be caiha de
03 daiselame unggihe, g'ao yung fu beiguwan be dungsingga de 36/37
04 unggihe, kiowan ceng liyang beiguwan be, fe ala de daiselame
05 unggihe, wang i wei beiguwan be yengge de unggihe, jang sing
06 guwan beiguwan be sio yan de unggihe, io tiyan ceng beiguwan be
07 simiyan de unggihe, tung wen ming beiguwan be jakūmu de unggihe;
08 ineku tere inenggi, yangguri efu, nanjilan 37/38 han de
09 fonjifi, tuku be nirui ejen beiguwan obuha;
10 guwangning de kakduri dzung bing guwan, jakūn gūsai emte
11 kirui ejen, emu nirui emte šanggiyan bayarai niyalma be gaifi, anafu
12 teme genehe;
13 orin i inenggi, nimanggi nimaraha; 38/39
14 han i bithe, nikasa de wasimbuha, gurun i suilara joborongge,
15 mini araha weile waka, gemu nikan i wan lii han i araha weile, wan
Page 697
01 lii han mujakū jasei tulergi encu gurun i weile de daha be abka
02 wakalafi wan lii han i beye bucehe, beye teile oci, abka ini wakalaha
03 be gurun ulhirakū ojorahū seme, 39/40 wan lii han i jui tai cang han,
04 emu biya hono ohakū geli bucehe, tuttu nikan han be abka wakalafi,
05 ama jui han bucere, beise ambasa wabure, ba na gaibure, wan lii
06 han i ehe turgunde, nikan gurun i suilarangge tere inu, abka mimbe
07 urulefi, nikan han i liyoodung ni babe buhe, abkai buhe bade jifi,
08 liyoodung ni šurdeme nikan i boode 40/41 jušen kamcime tefi, jeku be
09 acan jeke, usin be dendeme tariha, meni jušen i ba i boo usin jeku
10 be, gemu guribuhe nikan de buhe, ere gurun gurifi irgen i joboro
11 aniya, jušen i kamcihakū ba i niyalma, suwe sidende jabdufi jeku
12 ainu uncambi, jeku bisire bayasa, uncara jeku be han de benju, ajige
13 ajige hūda bure, tuttu benjirakū ofi gūwa gercilehe de, jeku be
14 41/42 gemu talame gaimbi, beyebe wambi;
15 orin emu de, jase ilibume genehe eksingge fujiyang, moobari
Page 698
01 ts'anjiyang isinjiha;
02 guwangning ci alanjiha mejige, guwangning de tehe coohai
03 ambasa, casi io tun wei i baru genefi, karacin i 42/43 monggo be
04 jakūnju isime ucarafi tofohon niyalma be waha, dehi jakūn morin
05 baha, juwe niyalma be weihun jafafi lenggeri benjime jihe;
06 ineku tere inenggi, ubahai, ukanju amcame genefi jase be
07 songko faitabuhakū boode deduhe seme, weile arafi tofohon yan i
08 gung faitaha; 43/44
09 šajin bayan i susai yan i gung be, sihan saman jifi faitaha
10 bihe, dahire jakade orin yan faitaha, gūsin yan nakaha;
11 orin ilan de, han hendume, duin beile i tana, jakūn fun ci
12 fusihūn, 44/45 ilan fun ci wesihun dagila, fiyanggū age, jaisanggū
13 age, jirgalang age, dodo age, yoto age, šoto age ere ninggun beile i
14 tana, ninggun fun ci fusihūn, juwe fun ci wesihun dagila, jai fujisa
15 be dahara hehesi, gašan i hehesi de, ulhungge etuku, mahala, gidakū
Page 699
01 dagilabu;
02 ineku tere inenggi, du dang ni bithe, cing tai 45/46 ioi de
03 tehe hoto jaisa de unggihe gisun, cing tai ioi ba i juwe niyalma
04 alanjime, mao wen lung ni takūraha niyalma i gebu, jang hūwai,
05 ilan gašan i ilan booi niyalma ubašame genembi sere, emu gašan lan
06 pan i, tere niyalmai gebu ging tiyan yan, emu gašan da ta ioi tere
07 niyalmai gebu wang be cio, emu gašan hūwa pi ioi tere niyalmai
08 gebu ts'oo lio 46/47 ciowan, cing tai ioi de tehe hoto jaisa, suwe
09 coohai niyalma be gaifi tere ilan gašan i ilan niyalma be, mao wen
10 lung ni takūraha niyalma be gemu gaicame jafafi benju;
11 guwangning de anafu tehe ambasa, daimbu dzung bing
12 guwan, gangguri fujiyang, isun fujiyang, mungtan fujiyang, borjin
13 47/48 daise fujiyang, yahican daise fujiyang, moohai iogi, hargūji iogi,
14 onoi iogi, donoi iogi, keri iogi, orin ilan de isinjiha;
Page 700
01