|
|
Volume 2
Volume 3
Volume 1, Fascicle 43
Page 621
01 tongki fuka sindaha hergen i dangse;
02 gūsa ci fakcafi emke juwe i ume genere, genere
03 jugūn de nikan i aika jaka be durime cuwangnarahū, saikan gama;
04 ineku tere inenggi, fusi efu, si uli efu julergi mederi
05 jakarame tehe boigon guribume genere de, 1/2 pai de latubufi gamaha
06 bithei gisun, lii fuma ere dain be dade aisin han deribuhekū, nikan
07 han deribuhe, nikan han etehe bici, aisin gurun be uttu ujirakū
08 bihe kai, aisin han etefi onco be gūnime wahakū, umai jaka be
09 acinggiyahakū ujihe, tuttu ujihe baili be 2/3 gūnirakū, julergi
10 mederi jakarame tehe niyalma ukame ubašame geneme, jafu bithe
11 alime gaifi cooha boljofi gajifi sucufi gamame, facuhūn
12 amargi ergide gamaki seci, geli generakū han takūrafi
13 meni beye aššafi jihe, iogi hafasa be takūrafi jailaha niyalma be
14 baicambi, niyaman hūncihin seme geneci, minde tere gašan i tere
15 gebungge 3/4 niyalma, tuttu haha jihebi seme baicara iogi hafan de
Page 622
01 ala, niyaman hūncihin akū oci, genehe gašan i ciyanjang bejang
02 meni gašan de minggan haha jihebi, tanggū haha jihebi, juwan haha
03 jihebi, emu haha jihebi seme baicara iogi de ala, gurire de bulcame
04 ukame gūwa gašan de genehe niyalma oci, meni meni beyebe
05 tucibume 4/5 baicara iogi hafan de ala, tuttu alaha de unggire bade
06 kemuni unggimbi, weile akū, ere baicara de alarakū gidafi gūwa
07 gercilehe de baicafi baha de, ukaka niyalma de ukaka weile, alime
08 gaiha niyalma de niyalma hūlhaha weile, juwe boigon be gemu olji
09 arafi aha obumbi, gurirakū gašan gašan i niyalma fe kooli 5/6 okdoro
10 bade okdono, fudere bade fude;
11 lii fuma hendume, niyalma baicara geren hafasa suwe han i
12 ujihe baili be gūnime, tondo mujilen i muterei teile faššame, ukaka
13 niyalma be kimcime baicame tucibu, yaya niyalma be dere ume
14 banire, ulin ume gaijara, mini ere gisun be jurceme, baicara 6/7
15 niyalma be saikan baicame tuciburakū, ulin gaiha be donjiha de, han
Page 623
01 de wesimbufi wambi;
02 ice juwe de, kalka i monggo sengge tabunang, deo manggo
03 tabunang dehi boigon gajime ukame jihe; 7/8
04 ice ilan de, han amba yamun de tucifi hacin hacin i efin
05 efibume amba sarin sarilaha, tere efin efihe nikasa de susai yan
06 menggun šangname buhe;
07 han i bithe, ice duin de guwangning de unggihe, ši san šan de
08 tehe coohai niyalma alin ci wasifi 8/9 orho hadure be naka,
09 guwangning ni minggan yafahan be yegude fujiyang, ušitai, jonggodoi
10 i jergi jakūn iogi gene, ilan yafahan de emu uksin gamame genefi
11 moo unume juwefi ši san šan i alin i dele wesimbufi sinda, deijikini,
12 guwangning de tehe cooha be ši san šan de kemuni hala, monggo de
13 udaha yali be ši san šan i coohai niyalma de salabu, jai monggo i
14 hūdašame jihe 9/10 niyalma be hendufi meni cooha dube lakcarakū
15 amasi julesi yabumbi, aikabade argiyaburahū seme hendume hūdun
Page 624
01 hūdašafi unggi;
02 du tang ni bithe wasimbuha, niowanggiyaha i halhūn mukei
03 ba i niyalma suwe meni jušen i nungnere de geleme gūwa gašan de
04 burulame jailahabi sere, ereci 10/11 amasi ya niyalma nungneci, dung
05 ging hecen i du tang ni yamun de habšanju, tenteke nungnehe
06 niyalma be baicaki, meni meni usin tarime boo de tefi banji;
07 korcin i ooba hūwang taiji de unggihe bithei gisun, hūwang
08 taiji i gisun, cahar, kalka, korcin i 11/12 baru, aba coohai gisun
09 donjici, niyalma morin be ume hairandara, elcin takūra seme henduhe
10 bihe, aba coohai gisun donjici, niyalma morin be hairandara anggala,
11 mini amba cooha aššarakūbio, aba coohai gisun be bi donjihakū,
12 ukanju jifi alame, cahar, korcin de olhome emte juwete tanggū coohai
13 niyalma korcin i ergide anafu sindafi morin turgalahabi seme donjiha,
14 tere gisun 12/13 yargiyan tašan be sarkū, jai kalka i morin turga
15 seme donjiha, mini donjiha gisun tere inu, dain i niyalma de akdaci
Page 625
01 ombio, sereme yabuci sain kai, darhan baturu beile i jidere onggolo,
02 sanggarjai, ilduci, hatan baturu taijisai beye yabuha, terei amala
03 darhan baturu beile i beye jihe manggi, amba niyalmai beye jihe,
04 erei amala niyaman hūncihin seme uttu lakcarakū 13/14 yabuci,
05 foholon jugūn golmin ombi dere, narhūn jugūn onco ombi dere seme
06 gūnifi, jargūci beile, darhan baturu, ilduci, ere ilan beise de genehe
07 ula i ukanju be bikini seme henduhe bihe, darhan baturu beye jifi
08 genehe manggi, gisurehe gisun be efuleme taijisai beye yabure be
09 nakaha; ( darhan baturu, genggiyen han i amha, gebu minggan, jargūci
10 beile, sure han i amha, gebu manggūs, ilduci, minggan i amba haha
11 jui, gebu tonggor, ere gemu korcin i beise; ) 14/15
12 abtai nakcu i booi niyalma ula de elbihe butame genefi, baha
13 nadanju ninggun elbihe be korcin i monggo durime gaiha seme alaha,
14 damin i tusihiya sindara niyalma jifi alam%, tusihiya de taha gasha,
15 tusihiya be gemu korcin i monggo gamaha seme alaha, gūwa geren
Page 626
01 isinjire unde, meni 15/16 niyalma suweni bade genefi bahaci, suweni
02 gaijara mujangga kai, tere genehe niyalma be bi inu weile
03 arambihe, meni ula i ba, yehe i bade suweni korcin i yabure
04 mujanggao, meni bade jifi yabume meni niyalmai bahangge be suwe
05 ainu durime gaimbi, meni niyalma suweni korcin i nuktere bade
06 genefi nukteme yabuci, suweni dolo antaka, ( abtai, ula i gurun i
07 mantai han i jui, mantai han boco de amuran ofi ini 16/17 gurun i
08 niyalma waha, deo bujantai sirame ejen oho manggi, abtai yehe de
09 ukame genehe bihe, amala yehe be efulefi abtai be gajifi amban obufi
10 ujihe; )
11 tere inenggi, bak taiji be jimbi seme alanjiha manggi, han
12 fonjime ainu jimbi seme fonjire jakade, tere jihe niyalma alame,
13 bak taiji imbe jafafi sindafi unggire de, 17/18 han de aniyadari
14 hengkileme jimbi seme henduhe bihe, gisun be jurcerakū hengkileme
15 jimbi seme alaha;
Page 627
01 bak taiji, manggūldai taiji, bahūn taiji aniya araha doroi han
02 de hengkileme jihe, gajiha temen morin ihan honin be gaihakū gemu
03 amasi bederebume buhe; 18/19
04 ineku tere inenggi, enggeder efu aniya araha doroi han de
05 hengkileme jihe, ere gemu monggo gurun i beise;
06 ice sunja de, beidehe weile hahana, baduhū ši san šan de
07 anafu tenehe baci nomin, bulakan de dehi niyalma be adabufi
08 dalingho i 19/20 ergide karun unggifi monggo be ucarafi afafi juwan
09 morin gaibuhabi, tere weile be geren duilefi hahana, baduhū be suwe
10 unggici sain haha sain morin be suweni beye tuwame saikan simnefi
11 ainu unggihekū seme, fujiyang ni hergen be nakabufi beiguwan
12 obume, guwangning ci ebsi šangnaha aika jaka be gemu gaime
13 beidehe, 20/21 nomin, bulakan be suwe beise i hendufi unggihe gisun
14 be ainu jurcehe seme, nomin i iogi hergen be nakabufi beiguwan
15 obume, bulakan i beiguwan i hergen be nakabufi bai niyalma obume,
Page 628
01 guwangning ci ebsi šangnaha aika jaka be gemu gaime beidefi han
02 de alara jakade, han beidehe songkoi weile araha; 21/22
03 ice ninggun de, hahana, baduhū, nomin, bulakan i hergen be
04 efulehe;
05 ice ninggun de, han amargi monggo i ergi jase jakarame sain
06 babe usin tarimbi, jase neimbi seme, fujisa be 22/23 gaifi tuwaname
07 genehe;
08 ice jakūn de, liyoha bira de deduhe, ice uyun de liyoha
09 bitume abalafi, ineku liyoha bira de deduhe, juwan de abalafi, dadai
10 subargan i julergi bigan de deduhe, tere inenggi enggeder efu,
11 manggūdai taiji, bahūn taiji, baigal 23/24 taiji, ceni nuktere baci
12 emte ihan, jakūta honin, han de benjihe, tereci sarin sarilafi enggeder
13 efu de emu seke i hayaha jibca, emu dobihi dahū, foloho enggemu
14 hadala tohohoi emu morin buhe, manggūldai, bahūn, baigal, ilan taiji
15 de emte dobihi dahū, foloho enggemu hadala tohohoi emte morin
Page 629
01 buhe, juwan duin de boode jihe; 24/25
02 tere inenggi, monggo gurun i kalka i labasihib taiji, ini
03 harangga dehi boigon adun ulha be gajime ubašame jihe;
04 tere inenggi, labasihib taiji de seke i hayaha jibca, dobihi
05 dahū, seke i mahala, sohin gūlha, 25/26 foloho umiyesun,
06 uyun suje, mocin samsu tanggū, menggun i cara emken, moro juwe,
07 fila juwe, jakūn guise, duin gio, dehi ulhūma, jakūn sin bele, jakūn
08 sejen moo, ai ai tetun yooni buhe, dahaha gucu sede ninggun
09 jibca, duin elbihe dahū, emu umiyesun buhe, manggo tabunang de
10 seke i hayaha jibca, silun i dahū, 26/27 seke i mahala, sohin gūlha,
11 foloho umiyesun, mocin samsu tanggū, emu gecuheri, uyun suje,
12 jukūn guise, ai ai tetun yooni buhe, jai duin gio, dehi ulhūma,
13 jakūn sin bele, jakūn sejen moo buhe, dahaha juwan gucu de ulhun
14 sindaha hubtu juwan, duin umiyesun buhe; 27/28
15 orin emu de, ocirsang be tucibufi unggire de, bak taiji i
Page 630
01 gashūha gisun, bak mimbe dain de bahafi wara beyebe, han ama ujifi
02 mini bade unggihe, mini beyei funde damtun tebuhe jui ocirsang be
03 geli tucibufi unggimbi, uttu ujifi gosiha han ama be urgedefi
04 gūwa niyalmai huwekiyebuhe gisun de 28/29 dosifi gūwaliyaci, bak,
05 dorji, ocirsang meni ilan niyalma be abka na wakalafi ehe sui isikini,
06 han ama de ehe, ildeng beile i juse ci fakcafi cargi dubede
07 yaburakūci, abka na wakalafi ehe sui mende isikini; ( ocirsang, bak
08 beile i jui, ama i funde gaifi tebuhe bihe; ) 29/30
09 tere inenggi, ibari, hife, korcin i ooba taiji de elcin genehengge
10 isinjiha, ooba taiji unggihe bithei gisun, alin i han, sumbur alin be
11 aisin i buya alisa šurdehe gese eiten buya gurun i han beise i
12 dulimbade elhe taifin i tehe genggiyen han de bithe wesimbuhe,
13 bingtu i jui bumbi, ( bingtu i gebu konggor, genggiyen han i ajigan
14 sargan i ama, ) 30/31 han i sui be bi wede bumbi sembi, neneme
15 buhekūngge erguwen i aniya, jai beye geli elhe akū ofi buhekū bihe,
Page 631
01 hūwang taiji de yabure elcin de bi burakū, minde cohome elcin jio,
02 bi bure sembi, han tubaci tacibume hendufi unggihe gisun mujangga,
03 meni nukte jugūn jugūn i ofi isame mutehekū, bingtu i jui be
04 gaiki seme jihe elcin de, be isafi 31/32 han de gisun wesimbure,
05 aikabade cooha ambula komso nemere be han tubade sakini, suweni
06 mende jidere meni suwende genere ba goro kai, ba i dulimbade acafi
07 gisureki seci, han sakini, cahar i emgi acarakū yabuha elcin sarkū
08 bio, aikabade acaci, 32/33 han i gisun i acambi, bi suwende buceci
09 emu ergen banjici emu jurgan oho, mende beri sirdan be šajilafi
10 ainu uncarakū, be geli šajilafi cahar kalka de uncaburakū oki;
11 tere innenggi, labasihib taiji, deo sonom taiji ini harangga
12 jušen irgen be gajime ubašame jihe; 33/34
13 orin juwe de, guwangning de takūraha bithei gisun, hoton i
14 dorgi han i tehe yamun i šurdeme hecen sahara babe emu dere be
15 susaita da dasa seme henduhe bihe, te emu dere be emte tanggūta
Page 632
01 da dasa, ts'ang ni jeku be hoton arambi seme futalaha ba i dorgi
02 boode doola, 34/35 ere jeku be aniya biya be ambume hūdun doolame
03 wacihiya, aniya biya be duleke de, halhūn de ambufi jeku wenjehe
04 de, genehe amban de weile;
05 ineku tere inenggi, bayot gurun i manggūdai, baigal,
06 kicenggu, ubasi, bak taiji de henduhe gisun, niyaman oki sere
07 gisun inu kai, suwembe golombio, 35/36 suweni gese bigarame meni
08 juse banjime baharakū, meni juse leose taktu ninggude tefi, araha be
09 bahaci etume, tukiyehe be bahaci jeme banjimbi kai, mini jui be
10 beye joboro bade burakū, tumen booi gurun be salibufi, leose taktu
11 ninggude tebufi mini hanci ujimbi, jai suweni kalka i beise, abka de
12 šanggiyan morin na de sahaliyan ihan wame, 36/37 batangga nikan be
13 dailambi seme gashūha gisun be aifufi, nikan de dafi minde farhūn
14 dain ohobi, suweni tere ulin be bahaki seme, abka de gashūha gisun
15 be aifuhangge, beise i beyebe uncarangge kai, abka be sarkū, sui
Page 633
01 isirakū seme ume gūnire, suweni hūng baturu, sirhūnak, bagadarhan,
02
03 minde farhūn dain oho 37/38 bata, suwe ebele bici, cargi ci jidere
04 ukanju, suweni beise i beye saci, doro be gūnime warakū gaijarakū
05 dere, fejergi buya niyalma saha de, doro be gūnirakū ceni bahara de
06 dosifi, niyalma be wame ulha be gaimbi kai, tuttu oci, hairakan
07 jafaha doro efujembi, niyaman hūncihin ehe ombikai, minde dain oho
08 cargi beise de, bi korofi cooha yabuci, suweni 38/39 gurun de cargi
09 niyalma niyaman hūncihin seme lakcarakū yabumbi, mini cooha
10 yabure be casi alanaha manggi, cargi niyalma gemu casi burulambi,
11 tuttu oci, mini cooha untuhun bade genefi jimbio, tuttu oci, geli
12 jafaha doro efujembi, niyaman hūncihin ehe ombikai, tuttu ofi,
13 cargi dubede yabu sembikai, mini gisun be gaifi cargi dubede yabuha
14 de, jafaha doro niyaman 39/40 hūncihin kemuni bi seme, suweni ukanju
15 be bederebumbi, suwe cala generakū ebele bici, mini hojihon enggeder
16 i adali cargi ci jidere ukanju be gaijara, kalka i beise i ukanju
Page 634
01 tuwakiyara saracin * i adali kai, suweni ukanju be bi bedereburakū,
02 te bicibe, suweni kalka i beise dasame gisurefi, mini emgi gashūha
03 fe hebe kemuni nikan be dailaki seci, mini ambula ushara be 40/41
04 bi nakara, muse kemuni sain banjiki, mini emgi da gashūha hebe
05 gūwaliyakakū bici, mini gese alha gecuheri suje jodoro nikan
06 bahambihe kai, abka de wakalabume beye be uncafi gala alibufi
07 nikan i ulin be gaijarangge sain akū, beye be uncarangge kai, abka
08 be sarkū, sui isirakū seme ume gūnire, mini gese suje jodoro nikan
09 be baha bici, musei 41/42 ejen i cihangga jaka be jorime arabume
10 enteheme bihe kai, jai suweni jeku udara be nikan i kooli seme
11 henduhe, te emu honin de juwe mocin okini, udame genembi
12 sehede, ubade neneme niyalma takūra;
13 orin ilan de, solho i elcin sunja niyalma 42/43 jimbi seme
14 alanjiha manggi, han hendume, ere jidere solho be okdome jafafi
15 faksalafi fonji, ai gisun i jiheni seme hendufi, sunja solho be jafafi
Page 635
01 fonjici, tere sunja solho alame, meni duleke aniya jihe hafan jimbi
02 seme lung cuwan i hecen de bi, membe neneme medege alana seme
03 unggihe seme alaha, jai tere 43/44 hafan i unggihe bithei gisun,
04 musei juwe gurun unenggi doro acafi banjiki seci, emu mao wen
05 lung ni turgunde efujembio, neneme hendume, muse juwe gurun
06 doro acaci, yaya wesihun fusihūn akū, gese banjiki sehe gisun be,
07 te tuwaci tašan kai, abka be fisa de sindarangge sain akū, yadalinggū
08 be 44/45 gidašarangge sain mujilen waka seme arahabi, tere gisun de
09 han jili banjifi hendume, solho si umai dubengge gisun akū bime,
10 baibi mimbe geoleme medege baime ainu jimbi seme sunja solho be
11 gemu jafaha;
12 tere inenggi, manggūldai taiji, baigal taiji genehe;
Page 636
01