|
|
Volume 2
Volume 3
Volume 1, Fascicle 42
Page 607
01 tongki fuka sindaha hergen i dangse;
02 han, ice nadan de hendume, dzung bing guwan darhan hiya,
03 dzung bing guwan baduri, du tang urgūdai efu, dzung bing guwan
04 soohai, fujiyang atai, iogi yahū, ts'anjiyang yegude, ts'anjiyang
05 kangkalai, iogi nanjilan, iogi ušan, beiguwan hūri, beiguwan toktoi,
06 beiguwan bobotu, beiguwan singgiya, beiguwan weihede, beiguwan
07 langge, ere juwan ninggun niyalma gurun i ai ai weile 1/2 beidere
08 de afabuha, fujiyang munggatu, iogi munggu, iogi cergei, iogi lisan,
09 iogi susan, iogi afuni, iogi donoi, iogi karda, ere jakūn niyalma be
10 ku i jeku be ejeme gaijara, salame bure, ice jihe anggala toloro,
11 boo usin bure, ba guribure, ere emu jurgan i weile, hoton sahara,
12 kiyoo cara, baha niyalma be den hashan hashalara, jafaha niyalma be
13 2/3 guwangse sangse etubure, ere emu jurgan i weile, kiyoo de hūda
14 hūdašabure, cifun gaijara, ihan madara, ulgiyan wara be baicara,
15 yaya ujima ujibure, genere be fudere, jidere be okdoro, ice jihe
Page 608
01 niyalma de boo tucibufi bure, tebure mucen, sacire suhe, eture
02 etuku bure, baha sula ulha be asarara, sargan akū niyalma de sargan
03 fonjifi bure, enteke ai 3/4 ai weile be munggatu i jergi niyalma
04 de afabuha, poo miyoocan, karun tai, mama tucire be baicara, songko
05 faitara, kederere, ere emu jurgan i weile, iogi šajin i jergi niyalma
06 de afabuha, uksin saca, loho gida, beri sirdan, enggemu hadala, wan,
07 kalka, sejen, sacikū, weihu, sacibure suhe, bon, nemerhen, maikan,
08 yaki, ucika, coohai ai ai agūra be tuwara, 4/5 morin tarhūbure,
09 hehe juse tokso de geneci fonjire, jugūn de morin yalufi yabure be
10 baicara, duka de hūwaitara morin be tarhūn turga be tuwara, ere
11 juwe jurgan i weile be coohai dzung bing guwan fujiyang de
12 afabuha, dube jecen bargiyara, ukanju baicara, asu hūrhan arabure,
13 sirga i wešen arabure, yaya bade elcin takūrara, hūdun medege i
14 feksibure, ere emu 5/6 jurgan i weile,
15 puho, ilu ergi de, jakūn gūsai yanai jergi emte beiguwan,
Page 609
01 emte tanggū cooha be gaifi ice uyun de anafu tenehe;
02 ice nadan de, lio fujiyang bithe wesimbume, 6/7 g'ai jeo i
03 amala gūsin ba i dubede, bo lo pu i jakade hūsita nirui aha šose
04 tehebi, acafi tehe nikan, g'ai jeo de lio fujiyang de habšanafi, amala
05 mini ihan be jušen tarimbi, mini beyebe inu jušen takūrambi, mini
06 sargan inu buda bujubumbi, mini ujihe ulgiyan be, amba ulgiyan de
07 emu juwe jiha maktame bufi, 7/8 gidame jafafi wambi seme uttu
08 habšara jakade, bi emu niyalma be takūrame jušen bithe emu
09 hontoho, nikan bithe emu hontoho de arafi unggime, han, cananggi
10 šajin i bithe arame, nikan i ihan be jušen ume takūrara, meni meni
11 giyalakū de tefi, jeku be oci, dendefi anggala bodome 8/9 jefu seme
12 tuttu donjiha kai, nikan si, sini ujihe ulgiyan be ume bure, gidame
13 jafafi gaici, si minde alanju, bi beise ambasa de alara seme arafi
14 unggihe bithe be, hūsita nirui aha šose tatame gaifi hūwalafi
15 waliyaha, takūraha niyalma be huthufi aita ainaha amban
Page 610
01 bihe, mini kamciha niyalma be 9/10 si ainu beidembi seme, mini jai
02 jergi takūraha juwe jušen be, hūsita nirui guwanggun gebungge
03 niyalma, ere juwe jušen, nikan be suwaliyame jafafi gamaki sere
04 be, jai ceni nirui juwe niyalma, ere takūraha mujangga, si ere be
05 ainu gamambi seme nakabufi amasi unggihe, uttu emu niyalma be
06 takūraci, jafafi 10/11 huthufi tantara, juwe niyalma be takūraci, jafafi
07 tantara oci, jai han i ai ai weile be, be adarame mutembi, aita
08 sini neneme takūraha emu niyalma, amala takūraha juwe niyalma,
09 tere ilan niyalma be gemu jafafi liyoodung de unggi, hūsita nirui
10 niyalma be ini nirui niyalma de afabufi ganabuha; 11/12
11 ice nadan de, sihan i orin yan i weile faitaha, ineku tere
12 inenggi, yegude de orin sunja yan i weile gaiha, tere inenggi, korcin
13 i sira han i ahūn deo i banjin taiji, juwan emu se de aohan i gurun
14 de efu eyun de jifi uthai tehe bihe, tereci 12/13 genggiyen han be
15 baime ukame jihe;
Page 611
01 juwan de, neici han ci juwe haha, juwe hehe, ilan jui, uyun
02 morin gajime ukame jihe;
03 ninggun biyai juwan emu de, geren beise, busan i liyoodung
04 de afaha weile be, jai duilefi 13/14 dasame dzung bing guwan baduri,
05 geren ambasa de weile tuhefi, busan be dzung bing guwan i hergen
06 obuha, keyen ci ebsi gaiha aika jaka be amasi bederebume buhe,
07 baduri simbe tondo seme amban obufi tukiyeci, tondoi gisurerakū,
08 murime waka be uru seme gisurehe seme, tondo seme buhe jibca,
09 dahū, emu nirui jušen, dzung bing guwan be 14/15 nakabufi ts'anjiyang
10 ni hergen obuha, emu jergi gaijara weile waliyaha, liyoodung ni šang
11 be hontoholome gaiha, darhan hiya be dzung bing guwan be nakabufi
12 fujiyang obuha, gaijara weile be waliyaha, kanggūri be fujiyang be
13 nakabufi ts'anjiyang ni hergen obuha, liyoodung ni šang be hontoholome
14 gaiha, darhan efu be fujiyang be nakabufi ts'anjiyang ni 15/16 hergen
15 obuha, liyoodung ni šang be hontoholome gaiha, ginggūldai de
Page 612
01 liyoodung ni šang be hontoholome gaiha;
02 tangkoltai, aku, hahana be, busan i keyen cilin i šangname
03 bahara ulin be, han de alahakū seme, gūsita yan i weile gaiha; 16/17
04 gūlmahūn, yanai, burai, ere ilan beiguwan be olbo i afara
05 bade isinahakū seme, liyoodung ni šang be gemu gaiha, ere gaiha
06 ulin be isun i jakade isinaha ihan i jergi niyalma de buhe;
07 gisun, sahaliyan ing de bihe, isun i jakade 17/18 isinaha seme,
08 ciyandzung ni hergen bihe, wesibufi iogi hergen buhe;
09 hara babai be, olbo i afara bade isinahakū seme, liyoodung ni
10 šang be gemu gaifi, ihan i jergi niyalma de buhe, beiguwan i hergen
11 efulehe; 18/19
12 musei sindafi unggihe bak taiji, ninggun biyai juwan juwe de
13 isinjimbi seme, amin beile ihan wame juwan ba i dubede okdofi
14 gajiha, jihe jai inenggi, han tucifi amba sarin sarilara de, bak taiji,
15 han de juwe morin, jakūn honin jafafi hengkileme acaha; 19/20
Page 613
01 du tang ni bithe, ninggun biyai tofohon de wasimbuha, jušen,
02 nikan puseli sindara niyalma, puseli ejen i hala gebu be, wehe de
03 moo de folome bithe arafi, puseli jakade ilibu, ejen i gebu hala be
04 bithe arame temgetulerakū oci weile, puseli akū gala jafafi uncame
05 yabure niyalma be gemu nakabu, jafafi uncame yabure 20/21 niyalma,
06 imbe baicibe baharakū seme, oktolorongge gemu tere kai, musei
07 jušen juse hehesi de aname ulhibume hendu, ya udame jetere
08 niyalma, jeke puseli ejen be ejeme gaisu, ejeme gaijarakū oci, si
09 oktolobufi buceci, buhiyeme wei baru gisurembi, jušen nikan gemu
10 emu han i gurun kai, yaya niyalma uncara jaka bicibe, 21/22 ai ai
11 jaka be ainu durimbi, durire niyalma be jušen jafa, nikan
12 saci, nikan jafa, jafaburakū burulame sujure be, jušen nikan yaya
13 ucaraha niyalma dafi aisilame jafa, jafaha niyalma de šangnambi;
14 maitari ama beile i lio beiguwan, weilengge niyalma be 22/23
15 enculeme tantara, goibure, weile arara, sindaralaha seme, tofohon yan
Page 614
01 i weile gaiha;
02 abutu baturu be, inde kamciha ice nikan be, ini boo be
03 alban i weilebuhe, jai weilengge niyalma be enculeme šusihalaha
04 seme, inde buhe nikan be gemu gaime gūsin yan i weile arame,
05 šajin i ambasa beidehe bihe, tere weile be, abutu 23/24 baturu i ejehe
06 gung be tuwafi han gosime waliyaha;
07 fung hūwang ceng, tang šan, hiyan šan ilan ba i šeo pu bithe
08 wesimbume, mao wen lung niyalma sindafi kemuni dobori dosifi
09 hūlhame tuwame yabumbi, minggan cooha unggi seme wesimbure
10 jakade, han, eksingge fujiyang be juwe minggan cooha be adabufi 24/25
11 juwan jakūn de unggihe;
12 juwan ninggun de, baduri age i ilan monggo, sunja morin,
13 emu ihan gamame ukame genehe;
14 geren beise, ninggun biyai juwan nadan de toktobuha, tanggū
15 šusiha de susai moo goibu, 25/26 tereci fusihūn juwe šusiha de emu
Page 615
01 moo goibu, oforo šan tokoro be naka;
02 ninggun biyai juwan jakūn de, bak taiji de buhengge, amba
03 gecuheri juwe, tukšan gecuheri sunja, undurakū gecuheri ilan,
04 sorson suje juwan, genggiyen juwe, pengduwan, yangduwan, lingse,
05 buyarame suje dehi 26/27 juwe, uheri susai suje, amba mocin susai,
06 biyoolan * susai, ajige mocin duin tanggū, uheri sunja tanggū, uju
07 jergi de, emu hilteri uksin, saca galaktun de aisin ijume folohobi,
08 nikan uksin nadan, uheri jakūn uksin, jakūn morin buhe, ini omolo
09 be acabuha, bak taiji orin juwe de genehe, emu foloho 27/28 enggemu,
10 emu hiyahan enggemu buhe;
11 juwan jakūn de, hoton weilere ihan turgalahabi seme, beise,
12 kūrcan baksi be han de fonjibuha, fonjiha gisun icakū ofi, han
13 jili banjifi hendume, sini dara ba waka kai, afaha niyalma encu bikai
14 seme hendume wakalafi, kūrcan i 28/29 iogi hergen be nakabuha;
15 juwan jakūn de, uyan i niru be, beliyen fiyanggū i juse de
Page 616
01 jušen buhe;
02 han i bithe, ninggun biyai juwan uyun de wasimbuha, han be
03 gurun ujire sain seme, monggo ci 29/30 baime jihe niyalma de
04 takūrara aha, tarire ihan, yalure morin, amba etuku be han šangname
05 bumbi, musei ambasa de uji seme afabuhabi, tuttu uji seme afabuha
06 monggo de, nirui niyalmai wecehe metehe de gamafi ulebu, arki
07 nure bici omibu, hengke, hasi, elu, namu, sogi yafan i jeku be acan
08 jefu, gahari fakūri ice be halaci fe be bu, monggo de 30/31 buhe aha
09 be kamciha booi aha i emgi kamcibufi jeku weilecibe, moo ganacibe,
10 emgi weilebu, ukambuci waliyabuci si tooda, monggo be uji seme
11 afabuhabi, si mujakū joboburakū, monggo bicibe, han uji seme
12 afabuhabi, si mujakū joboburakū, monggo bicibe, han uji seme
13 afabuhabi seme mujakū ume hairara, hūsun tucifi takūrabume banji,
14 sain oci sain seme ala, ehe oci ehe seme ala; 31/32
15 sirana i deo ana i sargan, booi hehe be kooli akū fefe be
16 hariha seme, ana i sargan be wara weile araha bihe, tere be nakafi
Page 617
01 oforo šan be tokoho, booi aha hehe be, uru be sindafi si ainu ukaka
02 seme oforo šan be faitaha, šajin i niyalma gaiha; 32/33
03 orin emu de, namtai be eksingge baksi de takūraha, ineku
04 tere inenggi duin niyalma be turusi baksi de takūraha;
05 cen iogi, hoton weilere jalin de, yoto age i cigu i emu
06 niyalma be ura tūme waha, yoto 33/34 age i cigu de cen iogi genefi
07 hendume, ere weile be geren beidesi de ume alara, bi waha niyalmai
08 ahūn de susai yan menggun bure seme buhe, ere weile de borjin hiya
09 i deo burhan ucarafi hendume, ere weile be bi sara seme hendure
10 jakade, cen iogi emu ihan, juwan yan menggun, emu juru sohin
11 gūlha burhan de 34/35 buhe bihe, gūwa hetu niyalma gercilefi, cen
12 iogi de orin yan i weile gaiha, cigu de tofohon yan i weile gaiha,
13 burhan de wara weile araha bihe, wara be nakafi tanggū šusiha
14 šusihalaha, buhe ulin be gaifi šajin niyalma gaiha; 35/36
15 jeku juwere iogi lii diyan kui be, ini giyajan hioi il gebungge
Page 618
01 niyalma ubade habšanjihabi, lio fujiyang si, lii diyan kui be sini
02 jakade gajifi dacilame fonji, ajige ajige gaiha mujangga oci, nikan i
03 hafasa doro kai, tubade uthai waji, ambula yargiyan oci, juse sargan
04 be suwaliyame unggi, boigon ubade tekini, sini deo 36/37 lio sing
05 wen, lii diyan kui i funde jeku tuwame juwekini, ninggun biyai orin
06 ilan de lio fujiyang de unggihe;
07 han, orin sunja de yamun de tucifi, monggo gurun ci ubašame
08 jihe urut kalka i beise de ejehe bume amba sarin sarilaha; 37/38
09 orin ninggun de, bodonggo nirui akdun booi emu solho, juwe
10 jušen an šan ci ukaka;
11 orin ninggun de, aohan i elcin de, ujulaha niyalma de jakūta
12 yan, kutule de ilata yan menggun šangname buhe, nadan de
13 jurambuha; 38/39
14 ninggun biyai orin nadan de, ginjeo i lio ts'anjiyang, duin
15 šoro foyoro, ninju pinggu benjihe;
Page 619
01 aohan i elcin be ninggun biyai orin uyun de unggihe, aohan
02 i dureng beile de emu aisin i umiyesun, emu menggun i moro buhe,
03 cūhur beile de 39/40 emu aisin i umiyesun, emu menggun i moro
04 buhe, jai jihe elcin de, duin niyalma de jakūta yan menggun buhe,
05 jai nadan kutule de ilata yan menggun buhe;
Page 620
01