|
|
Volume 2
Volume 3
Volume 1, Fascicle 4
Page 41
01 tongki fuka sindaha hergen i dangse;
02 niohon gūlmahūn aniya, sure kundulen han i susai nadan se
03 de, aniya biyade, monggo gurun i korcin i konggor beile i jui be han
04 i beyede sargan benjihe, ilan biyade, han hendume, beisei jusei
05 sargan gaijara yengsi de uyun ulha wakini, ambasai jusei sargan
06 gaijara yengsi de ninggun ulha 1/2 wakini, terei ilhi ambasai jusei
07 sargan gaijara yengsi de ilan ulha wakini, sargan juse be amai boo
08 ujime joboho, ulha wame ume karulara, jui bure de baibi jekini,
09 sargan bahafi gamara be dahame, haha jui i ama ulha wakini seme
10 hendure jakade, baban gebungge amban, han i baru jabume, jui bure
11 urun gaijara yengsi sarin de, juwe sadun ulha ambula wakini, ulha
12 komso waci 2/3 sarin simen akū seme hendure jakade, sure kundulen
13 han hendume, baban si uttu geren be jekini seme hendurengge
14 sain kai, geren be jekini seci, usin weilere yadara joboro
15 urundere kangkara niyalma de ulebuhebio, hecen sahara moo boihon
Page 42
01 wehe juwere yadara joboro niyalma de ulebuhebio, orhoda, seke, ulhu
02 butara bigarame juwe ilan biya yabure niyalma de ulebuhebio, suwe
03 tenteke 3/4 yadara joboro niyalma de ulebuhe de, sini hendure
04 mujangga kai, baban sini jekini serengge muhaliyan be, muhaliyan
05 i jekini serengge baban be kai, suweni jekini serengge,
06 gese sain niyalma be, gese ebihe niyalma be jekini sembi,
07 mini gūnirengge, ebihe niyalmai balama waliyame jetere anggala,
08 weileme butame urundere kangkara niyalma be neigen isime
09 jekini sembi, gese sain niyalmai waliyan gemin i 4/5 jetere
10 anggala, fejergi alban weileme joboro suilara niyalma be jekini
11 sembikai, bi uttu gūnime, hecen sahara ulan fetere niyalma de, ihan
12 honin wame efen arafi ulebumbi kai, suwe tenteke yadara joboro
13 urundere kangkara niyalma de uleburakū bime, geren be jekini
14 seme holo gisun ainu hendumbi seme henduhe; 5/6
15 ilan biyai orin jakūn i cimari, abka gerenggele tasha erinde,
Page 43
01 abkai boco sohon sorofi, niyalmai cira gemu sohon soroko bihe, han,
02 yamun de tucifi tehe manggi, jai muduri erinde genggiyen oho;
03 duin biyade, ilan erin i fucihi sa, abkai ioi hūwang miyoo,
04 uhereme nadan amba miyoo arame deribuhe; 6/7
05 nikan i wan lii han, ninggun biyade, guwangning ni jang
06 dzung bing guwan be jase bitume tuwa seme unggihe bihe, tere dzung
07 bing guwan amasi bederefi, jai dasame tungse takūrafi hendume,
08 meni julgei han i jafaha fe jase ci tulergi be mini ba obumbi, te ice
09 wehei bithe ilibumbi, suweni caiha, fanaha, sancara ere 7/8 ilan goloi
10 tariha jeku be ume gaijara, suweni jecen be amasi bedere seme fusi
11 hecen i dung tungse be takūraha manggi, genggiyen han hendume,
12 ududu jalan halame tehe boo, tariha usin be waliya seme gisurerengge,
13 suweni mujilen gūwaliyafi gisurembi kai, bi donjici, julgei mergese
14 gisurembihe, mederi muke debenderakū, han i mujilen gūwaliyandarakū
15 seme hendumbihe, han i mujilen gūwaliyafi, jasei 8/9 tulergi yehe de
Page 44
01 dafi, mini jasei jakade tehe niyalmai tehe boo, tariha usin be
02 gaiburakū bedere seci, han i gisun be maraci etembio, bedereki,
03 taifin doro be buyerakū ehe doro be gūnici, mini ajige gurun majige
04 joboci, amba gurun ambula jobombi dere, mini ai ambula gurun, bi
05 bederebure, sini amba gurun be si adarame bargiyame mutebumbi,
06 dain oci, bi emhun joborakū kai, sini cooha be 9/10 geren seme, sini
07 gurun be amban seme mimbe gidašambi kai, amba gurun be ajigen
08 obuci, ajige gurun be amban obuci, gemu abkai ciha kai, sini emu
09 hecen de tumen cooha teci, sini gurun dosorakū, emu hecen de
10 minggan cooha teci, hecen i niyalma cooha gemu suwaliyame minde
11 olji ombi seme hendure jakade, nikan i dung guwe yun gebungge
12 10/11 tungse hendume, gisun jaci amban kai seme henduhe;
13 ninggun biyade, sure kundulen han i beyede bumbi seme jafan
14 gaiha yehe i buyanggū beile i non be, monggo bagadarhan beile i amba
15 haha jui manggūldai taiji de bumbi seme donjifi, beise ambasa
Page 45
01 hendume, yabufi ulha jafan buhe sargan 11/12 jui be, yehe te monggo
02 de buci, tereci koro aibi, tere sargan jui be monggo de bure onggolo,
03 muse cooha geneki, bume jabduci, gamame jabdure onggolo, muse
04 hoton be kafi afame gaifi gajiki, gūwa buya beise de gisurehe sargan
05 jui geli waka kai, han i beyede gisurehe sargan jui be monggo de
06 bure be donjifi, 12/13 muse baibi tehei gūwa de adarame gaibufi
07 unggimbi, muse cooha geneki seme mitandume marame gisureci, han
08 hendume, gūwa aika amba weile i jalin de hendume, dain cooha geneci
09 acambi dere, sargan jui be gūwa de bure jalin de cooha geneci acarakū
10 kai, tere sargan jui, baibi banjiha sargan jui waka, gurun be efuleme
11 banjihabi kai, tere sargan jui turgunde hada i gurun efujehe, jai
12 13/14 hoifa gurun efujehe, ula gurun inu tere sargan jui turgunde
13 efujehe, ere sargan jui jušen gurun be gemu oforo acabume dain
14 dekdebume wajifi, ere yehe be te nikan de latubufi, sargan jui be
15 muse de buburakū monggo de bubume, muse te yehe be efujekini
Page 46
01 seme amba dain arabume, ere weile be uttu koro obume monggo de
02 burengge kai, ere sargan jui be muse 14/15 gajiha seme muse de
03 bisirakū, yaya de buhe seme ere sargan jui aniya ambula banjirakū,
04 gurun be efuleme wajiha, dain arame akūmbuha, te amasi bederere
05 isika, ere sargan jui be musei hūsun ambula tucifi kiceme gajiha
06 seme muse de bisirakū kai, muse gajifi tere sargan jui hūdun amasi
07 bedereci, muse de elemangga koro gasacun ombikai seme henduci,
08 beise ambasa dahūn 15/16 dahūn i cooha geneki seme marame gisurehe
09 manggi, han hendume, bi cooha geneki seme mitaci acambi, geren
10 beise ambasa suwe mimbe tafulaci acambikai, bi gūwai beye siden i
11 niyalma ofi nakaki seme tafulaci, suwe ainu uttu weile i ejen bata
12 ofi, mimbe gasabume ainu marambi, mini yabuha sargan be gūwa
13 de gaibuci, bi kororakūn, korombi seme suweni gisun be gaifi, mujakū
14 16/17 erinde cooha geneki seci, mini dolo ojorakū be ainara, sargan
15 jui be gaijara ejen bi kororakū bade, suwe baibi mujakū korofi
Page 47
01 ainambi, bi gūwai beye ofi tafulara, suwe naka seme, cooha jurambi
02 seme isabume isinjiha morin be gemu amasi bederebuhe, beise ambasa
03 geli hendume, tere sargan jui be han i beyede bumbi seme gisurefi
04 orin aniya oho kai, tuttu orin 17/18 aniya otolo asaraha sargan jui be,
05 ere nikan i wan lii han cooha tucifi yehe de tuwakiyame tefi, ere
06 yehe i gintaisi, buyanggū nikan han de ertufi, orin aniya asaraha
07 gūsin ilan se baha sargan jui be monggo de buci, muse nikan be
08 dailaki dere seme gisureci, han geli ojorakū hendume, nikan cooha ini
09 jase be tucifi yehe de dafi tuwakiyame tehe be, 18/19 abka toktome
10 tuwakini, aniya ambula goidakini, yehe, muse oci, encu gisun i jušen
11 gurun kai, nikan oci, abkai fejergi gurun de, i gurun be ejen sembi kai,
12 ejen oci, gubci gurun de gemu uhereme ejen dere, mini canggi de emhun
13 ainu ejen, waka uru be duilefi beiderakū, bodofi darakū, balai uttu
14 hūsun durime abka de eljere gese, 19/20 abkai wakalaha yehe de dafi
15 cooha tuwakiyame teci tekini, suwe ume ebšere, muse te nikan
Page 48
01 be dailaci, muse uru de abka muse be gosimbi kai, abka gosici muse
02 ainci bahambi kai, baha seme, tere baha niyalma ulha de ai ulebumbi,
03 muse de jekui ku akū kai, dailafi baha seme, baha niyalma ulha de
04 ulebure anggala, musei fe niyalma hono gemu bucembi kai, erei
05 20/21 šolo de, musei gurun be neneme bargiyaki, ba na be bekileki,
06 jase furdan be jafaki, usin weilefi jekui ku gidame gaiki seme
07 hendume, tere aniya dain deribuhekū;
08 uyun biyade, monggo i korcin i minggan beile i duici haha
09 jui sanggarjai taiji, gūsin morin benjime hengkileme acame jihe,
10 juwan uksin, suje boso eletele bufi unggihe; 21/22
11 juwan biyai ice duin i inenggi, aba genefi muki gebungge bade
12 dedufi, jai cimari genere de, ice sunja inenggi gūlmahūn erinde, šun
13 i juwe dalbaci fulgiyan niowanggiyan siren gocika, šun i teisu šanggiyan
14 lamun siren ilan jurgan i abkai siren gocifi, duka arafi niyalma be
15 hanci dahalame bihe, 22/23 gūlmahūn erinde, han geren be gaifi, abkai
Page 49
01 siren de hengkilehe, tereci dahalara siren nakaha, tere biyade, monggo
02 gurun i korcin i minggan beile i amba haha jui ilduci taiji, dehi
03 morin gajime hengkileme acame jihe, tofohon uksin, suje boso ambula
04 bufi unggihe; 23/24
05 omšon biyade, juwe minggan cooha unggifi, jorgon biyai orin
06 de, ehe kuren be sucufi, birai angga ci wesihun, sekiyen ci wasihūn,
07 emu tanggū gūsin ba i dube be hetu aktalame, jakūn gūsai cooha
08 juwe jugūn i dosifi, gūnaka kuren i niyalma be daha seme gisureme,
09 tere dobori dedufi, jai cimari daharakū bisire de, jai duin gūsai cooha
10 acanjifi, dahambi seci daha, 24/25 daharakūci, be afaki seme gisureci,
11 tere hoton i niyalma dahara seme hendume, tulergi cooha be isabume
12 hoton de dosimbume, ilan inenggi isabufi jai daharakū ojoro jakade,
13 ninggun gūsai cooha uksin etufi gūsa dasafi gala jafafi buren burdeme,
14 emu ergici faidafi ilarsu ulan be fekume dabame, jase be tatame
15 efulefi hoton be dosifi, hoton i dorgi sunja tanggū cooha be hoton de
Page 50
01 waha, 25/26 nukcime tucike ilan tanggū cooha be, sonjofi tucibuhe
02 moringga mangga cooha amcafi tala de waha, tumen olji baha, sunja
03 tanggū boigon araha, tere ehe kuren i niyalma ini šurdeme gurun de
04 etuhulefi hendume, manju i cooha mangga baturu sere, tuttu mangga
05 baturu oci, muse sehe, unggifi dain jio seme jasire bihe seme gisurehe
06 bihe, manju i cooha yala genefi 26/27 afaci, geli etehekū, gurun
07 wajiha, ba untuhun oho, tere gurun i kuren serengge, hoton be, encu
08 halai gurun waka, manju gurun, šun dekdere ergi dubede dergi mederi
09 amala tehe bihe;
10 sure kundulen han, daci dain dailara de, aba abalara de, fafun
11 cira, jamaraburakū, jilgan tuciburakū, dain de jamarame jilgan tucici,
12 bata serembi, abade jamarame jilgan tucici, 27/28 alin urambi, gurgu
13 genembi seme, ai ai bade yabure de, geren coohai niyalma de gemu
14 doigon i tacibume ejebume hendufi, sunja niru be emu baksan arafi,
15 yabuci, emu babe yabume, ebuci, emu bade ilhi ilhi ebume, afara
Page 51
01 bade emu bade afame, golmin jiramin uksin etuhe niyalma gida jangkū
02 jafafi juleri afame, weihuken sirata uksin etuhe niyalma beri sirdan
03 28/29 jafafi amargici gabtame, sonjoho mangga coohai niyalma morin
04 yalufi encu tuwame ilifi, eterakū bade aisilame afafi yaya dain be
05 eteme muteme yabuha, tede aba abalara de, emu nirui niyalma emu
06 niru bufi yabumbihe, han hendume, emu nirui niyalma, emu babe
07 yabuci, ememu nirui niyalma amasi boode isinjitele fere de bahafi
08 yaburakū seme, juwan niru be acabufi emu niru bufi yabume 29/30
09 deribuhe, tereci emu abade, emu nirui niyalma juwe ilan jergi fere
10 de bahafi dosime yabuha, tere juwan nirui niyalma emu babe yaburakū,
11 emu juwe niyalma bulcame ukame gūwa nirui emgi fere de yabuha
12 de, tere yabuha niyalma de inu weile, tenteke weile baha niyalma be
13 tuwafi buci bahara niyalma oci, weile gaifi jafaha niyalma de bumbi,
14 weile buci baharakū niyalma 30/31 oci, beyebe tantafi weile waliyambi,
15 emu niru buhe juwan nirui niyalma de, duin amban sindafi baicambi,
Page 52
01 ini juwan nirui niyalma be tere duin amban baicarakū, gūwa nirui
02 bade yabubuha de, gūwa nirui niyalma be ini juwan nirui bade
03 yabubuha de, tere duin amban ini beye facuhūn yabuci, weile arafi
04 yaluha morin gaifi jafaha niyalma de bumbihe, gurgu tucike de, abai
05 dolo 31/32 dosime ume feksire, yaya niyalmai baru tucici, meni meni
06 bade ilihai alime gaifi gabta, abaci tucike manggi, jai amcame
07 arcame feksifi gabta, abade dosime arcame feksici, abai niyalma gemu
08 booci tucifi gurgu be gabtaki waki seme jihekū ainu jihebi, ya
09 niyalma waki bahaki serakū, meni meni tušaha babe yaburakū, dosi
10 balai arcame feksici, morin hūdun niyalma dalifi 32/33 gamaci, morin
11 ehe niyalma, teisulehe babe jergi de yabure niyalma, jai ai bahafi
12 gabtara, ai bahafi wara, tere ubaliyaka gurgui yali be toodame
13 gaisu, tasha deduhe be sabuci, ume acinggiyara, geren de hūlame ala,
14 sain bade ucaraci, geren kafi waki, ehe bade bici, waliyafi geneki, tasha
15 aššafi feksire be sabuci, ume ergembure, ucaraha ucarahai sabuha
Page 53
01 sabuhai bošome gabta, lefu aidagan be 33/34 neneme gabtaha niyalma,
02 wame muteci wajiha, muterakūci, ucaraha niyalma be aisilame emgi
03 waki seme gisurefi emgi waha de, yali be gese dendeme gaisu, yali
04 bure be hairame ucaraha niyalma aisilame waki seci ojorakū ofi, tere
05 lefu aidagan be wame muterakū turibuhe de, tere turibuhe gurgui
06 yali be toodame gaisu, gabtaha feyengge ambasa gurgu tucifi genere
07 be, yaya niyalma acafi 34/35 waha de, ejen de alafi tere gurgui yali
08 be amcafi waha niyalma gulhun gaisu seme šajilaha;
09 genggiyen* han daci aba cooha de amuran ofi, aba coohai jurgan be
10 dasahangge fafun šajin toktobuhangge be, ai babe hendure dain aba
11 yabure de, dobori dedure bade tuweri oci jase jafafi, juwari oci ulan
12 fetefi, morin be tere jase ulan i dolo sindafi, tulergi be 35/36 can
13 forime, joro alibume kederebume ukanju ukandarakū, morin tucirakū
14 ofi, jai cimari baime suilarakū, uthai bahame yabuha, jušen gurun be
15 dahabufi taifin banjicibe, olhoba ginggun mujilen be onggorakū, booci
Page 54
01 tucifi aba abalacibe, ai ai bade yabuci, uksin saca gida jangkū sirdan
02 dain i agūra be gemu gaifi yabumbihe, dogo, doholon yadara joboro
03 niyalmai yabume joboro, aciha morin 36/37 tebuhe ihan i eterakū joboro
04 jalin de, sure kundulen han i mujilen jobome, ba ba i weji be sacime
05 dasafi tala obuha, ba ba i haksan dabagan be sacime dasafi sain obuha,
06 ehe lifara babe ulan feteme kiyoo came dasafi olhon obuha, eiten
07 niyalmai buyehe gūniha jaka be gemu isibuha, amba asihan ehe sain
08 niyalma de, gemu necin neigen i donjihakū 37/38 ferguwecuke sain
09 gisun be tacibume selgiyehe, gurun be akūmbume tai tebuhe, jase
10 furdan jafafi coohai niyalma be emu ergide, baisin niyalma be emu
11 ergide icihiyame tebufi, gurun i weile beidere tondo sain niyalma be
12 sonjofi, jakūn amban be tucibufi, terei sirame dehi beidesi be tucibufi,
13 arki anju jeterakū, aisin menggun gaijarakū, sunja inenggi dubede
14 emgeri beise ambasa be 38/39 yamun de isabufi gisun gisurebume,
15 weile i uru waka be tondoi beidebume an kooli be araha;
Page 55
01 sure kundulen han i isabuha amba gurun be gemu neigen teksileme
02 tolofi, ilan tanggū haha be emu niru arafi, niru de emu ejen sindafi,
03 nirui ejen i fejile juwe daise, duin janggin duin gašan bošokū be
04 sindafi, ilan tanggū haha be duin janggin ubu 39/40 sindame dendefi
05 tatan banjibufi ai ai weile weilecibe, ai yabure genere bade ocibe,
06 duin tatan i niyalma idu bodome gese weileme, gese tucibume
07 gese yabubuha, coohai uksin saca beri sirdan loho gida jangkū
08 enggemu hadala ai ai jaka ehe oci, nirui ejen be wasibumbi, dasaha ai
09 jaka gemu sain oci, coohai morin tarhūn oci, nirui ejen be 40/41 geli
10 wesibumbi seme, ai jaka be doigon i šajin šajilame, mujilen bahabume
11 banjibuha, jursu hecen sahafi hecen i duka de akdun niyalma be sonjofi,
12 jakūn amban be tucibufi, aba cooha de gamarakū hecen tuwakiyabume,
13 gašan i aika jaka be tuwakiyabuha, gurun de jekui alban jafaci, gurun
14 jobombi seme emu nirui juwan haha duin ihan be siden de tucibufi,
15 sula bade usin taribufi, 41/42 jeku ambula bahafi ku gidafi, tere ku
Page 56
01 i jeku be ejeme gaijara salame bure, juwan ninggun amban jakūn
02 baksi be afabuha, gurun i banjire doro de uksun geren etuhun niyalma
03 be enggelceburakū, budun yadalinggū emteli niyalma be bungnaburakū,
04 eiten doro be akdulame ilibufi, tuheke jaka be baha niyalma tukiyefi
05 ejen de bufi, baha jaka be ilan ubu sindafi, ejen juwe ubu, 42/43 baha
06 niyalma emu ubu icihiyame gaibume, ehe sain niyalma gemu necin
07 neigen taifin jirgame banjiha, kooli akū kooli be ini mujilen i araha;
08 sure genggiyen han i ilibuha eiten hacin i sain doro be, erdeni
09 baksi ejeme bitheleme gaiha, erdeni baksi kicebe gingguji ejesu sure
10 be amcaci ojorakū, ere bithe be mujilen i fukjin arahangge inu
11 mangga; 43/44
12 han, ambasai baru hendume, julge ci jihe fucihi enduri bithede,
13 tumen hacin i gisun gisurehengge, inu damu mujilen tondo onco be
14 dele arame gisurehebi, bi gūnici, inu niyalmai banjire de onco tondo
15 mujilen ci dele, jai umai akū kai, ambasa suweni niyaman hūncihin
Page 57
01 be duleme, gūwa mujakū niyalma be adarame tukiyere seme ume
02 gūnire, fulehe be 44/45 ume tuwara, mujilen onco tondo be tuwame
03 tukiyeki dere, giran be ume tuwara, erdemu be tuwame amban araki
04 dere, doro dasara de emu bade baitalaci ojoro niyalma aibide bi, doro
05 de aisilaci ojoro niyalma bici, dule tere be tukiyeki dere seme
06 henduhe;
07 han, aba tucifi hūsina šuwa gebungge alin be aba sindafi 45/46
08 genere de, abka nimarafi teni galaka bihe, orho mooi ungkan i
09 nimanggi de etuku usihimbi seme, sure kundulen han ilifi, ini
10 etuku soboro ilhangga suje i etuku be wesihun heteme bisire de, han
11 be hanci dahame yabure buyanggū hiya, han de buda ulebure yakamu
12 hendume, ai akū banjimbi, etuku usihici usihikini aina, hetefi
13 ainambi, abalaki yabucina seme 46/47 ceni cisui jendu gisurere be,
14 han donjifi injeme hendume, minde etuku akū seme heterengge waka
15 kai, nimanggi de usihibufi ai bahambi, ere etuku be nimanggi de
Page 58
01 usihibure anggala, suwende ice uthai buci eheo, usihibufi ehe
02 obufi buhe de saiyūn, mini hairandarangge, suweni geren i jalin de
03 kai seme henduhe; 47/48
04 genggiyen han, fucihi be juktere hūwašan niyalma be hendurengge,
05 fucihi be gūnime sargan gaijarakū, niyalmai jetere jeku be jeterakū,
06 sonjome komso jeme banjirengge, tere mujilen be ilibume etehengge
07 aibide bi, tere inu hūturi kai, tere hūturi serengge, fucihi be gūnime
08 ere beyede beyebe jobobume akūmbuci, hūturi isifi amaga jalan de
09 sain bade banjiki seme hūturi baimbi kai, emu beyei teile gūnime
10 48/49 banjire anggala, beise ambasa suwe tušabuha weile be mutebume,
11 fejergi geren irgen i ehe mujilen be waliyabume, sain gisun be
12 tacibume selgiyefi, geren i mujilen be gemu genggiyen sain obufi,
13 dergi han, niyalma de aljaburakū seme, tondo sain mujilen be jafafi
14 akūmbuci, ne banjire de inu suweni gebu algin amban ombi, amaga
15 jalan de afabuha weile be gemu 49/50 akūmbuha seci, tere inu gung
Page 59
01 hūturi kai, mini gūnime banjirengge, abkai afabuha amba gurun i
02 weile be alimbaharakū amtanggai icihiyaki, tondo be beideki, hūlha
03 holo be nakabume, ehe facuhūn be ilibume eteki, yadara joboro niyalma
04 be gemu ujime akūmbuki, uttu abkai mujilen de acabume, yadara
05 joboro niyalma be ujime, gurun be elhe taifin obume eteci, tere
06 elemangga 50/51 abka de amba gung, beyede amba hūturi dere seme
07 gūnimbikai seme henduhe;
08 geren acafi gisurere dari, han ambasai baru hendurengge,
09 abka sindaci han, han sindaci ambasa kai, han i sindaha ambasa
10 serengge, suwe afabuha amba gebu be gūnime, 51/52 han i amba
11 doro de acara sain niyalma be saci, ume gidara, han niyalma de ai
12 hacin i baita akū, sain niyalma ambula oci, teisu teisu baita de afabuki
13 dere, ambasa gurun i doro dasara de geren cooha be kadalara de,
14 amban komso oci aibide isinambi, dain de baturu oci gung buki, gurun
15 i banjire doro de tusa arara tondo sain 52/53 niyalma oci, ton de
Page 60
01 dosimbufi doro de aisilabuki, julgei banjiha sain kooli sara niyalma oci,
02 sara sain kooli be alabume baitalaki, sarin de baitangga niyalma oci
03 sarin de afabuki, umai erdemu akū ucun uculere niyalma oci, geren
04 niyalmai isaha sarin de uculebuki, tuttu oci, tere inu emu baitangga
05 kai seme, sain baitangga niyalma be golo goloi buya gašan de 53/54
06 baicacina seme henduhe;
07 sure kundulen han ini juse be tacibume hendume, sain tondo
08 niyalma be tukiyerakū wesiburakūci, sain tondo niyalma aide yendembi,
09 ehe niyalma be wasiburakū warakūci, ehe niyalma aide isembi,
10 bahara be ume nemšere, tondo be nemše, ulin be ume gūnire, erdemu
11 be gūni, 54/55 abkai fejergi banjire amba gurun i doro de, tondo ci
12 erdemu ci dele ai bi, mini dolo daci tondo be elerakū banjiha, juse
13 suwembe ejekini seme hendurengge ere inu;
14 han geli jusei baru hendume, bi nikan, solho, odz, monggo, yaya
15 amba gurun i han beisei jalan halame sain mujilen be jafafi, erdemu
Page 61
01 be dasafi jabšaha kooli, ehe mujilen be jafafi, ulin be dele erdemu be
02 55/56 fejile seme banjifi ufaraha kooli be, eiten doro yoso be gemu
03 bi donjihabi kai, tuttu donjicibe sacibe, geli sain kooli sain gisun be
04 elerakū, geli fonjimbi, geli donjiki sembikai, juse suwe, ama minci
05 fulu donjihabio, ambula sahabio, udu donjiha saha seme, sain kooli
06 sain gisun be kiceme donjifi ejeme gaifi, ehe mujilen be waliyame,
07 sain mujilen i beyebe 56/57 dasame banjicina, abkai kesi de banjime
08 bayan elgiyen oci, ulin be ume mamgiyara, elgiyen oci, yadara joboro
09 jušen irgen de neigen salame isibume bu, tuttu mergen sain oci,
10 abkai afabuha gurun be saikan ujici, abka geli saišambi kai, nikan de
11 hūda yabure ambasa de juse suwe hendu, suje udaci, emu suje be
12 57/58 sain seme mujakū hūda ambula ume bure, emu suje be sain
13 seme hūda ambula bufi udu niyalma de isinambi, emu niyalma etumbi
14 kai, geren de isimbio, geren de isibure be gūnime, malhūn jaka be
15 ambula kiceme gaisu seme hendu seme henduhe;
Page 62
01 sure kundulen han, orin sunja se ci, ehe kuren de eljeme 58/59
02 dain dailara de, cooha uksin komso bihe, mujilen sure arga ambula,
03 cooha gaifi yabure faksi ofi, dain i bata i niyalma be mujilen
04 bahaburakū šolo tuciburakū, ba babe afaci eteme muteme yabuha,
05 sure kundulen han gabtara mangga, joriha babe ufararakū gabtambihe,
06 afara bade emu sirdan gabtafi, jai sirdan solbire šolo de emu mujilen
07 bahame, loho jafafi emgeri sacifi, jai 59/60 loho i dargiyandara šolo de
08 geli emu mujilen bahame, bata be jabduburakū gabtame sacime
09 tuhebumbihe, abka dame tuttu bihe dere, yaya dain cooha yabure de,
10 juwe dain i karun tucifi yabure de, inu sure kundulen han i karun i
11 niyalma neneme sabumbihe, juwe karun acafi afanuci, inu sure
12 kundulen han i niyalma etembihe, juwe amba cooha acafi afara de,
13 60/61 dain i niyalmai gabtaha sirdan saciha loho tokoho gida be, abkai
14 enduri jailabume dalime tuttu oihori dambihe dere, sure kundulen
15 han i coohai niyalmai gabtaha sirdan tokoho gida de fondo darangge,
Page 63
01 saciha loho de lasha darangge, abka dafi enduri tokombihe aise, tutala
02 aniya dain dailame afanuci, sure kundulen han i mujilen de ambula
03 gosime gūnire sain niyalma, dain de emke hono bucehekū, nikan ci
04 wesihun šun 61/62 dekdere baru mederi dalin de isitala, solho ci amasi,
05 monggo ci julesi, jušen gurun i ba ba i cooha be tala de acaci, acaha
06 bata be ishun iliburakū gidafi wame, hecen ci tucici, tucike bata be
07 iliburakū gidafi hecen de hono dosime jabduburakū, hecen hecen be
08 afaci, emu erin be hono dulemburakū, afaha erinde uthai goidarakū
09 efuleme bahambihe, utala ba ba i hecen be afame 62/63 efulefi etehe
10 seme, utala dain gurun be dailafi dahabuha seme emgeri ehe cokto
11 gisun be gisurehekū, emgeri den mujilen be jafahakū, elemangga
12 ajige mujilen be jafafi banjiha, ulhirakū mentuhun niyalma etehe baha
13 seme ehe cokto gisun be gisurerahū seme, geren de hūlafi ejebume
14 tacibume hendumbihe, abka gosiha seme emgeri amba mujilen be
15 jafahakū, doro be 63/64 alimbaharakū hairame ajige mujilen i olhome
Page 64
01 geleme banjiha, sure kundulen han, ajigan ci yadame jobome banjire
02 fon ci, mujilen tondo, gisun komso, ambula gisurerakū bihe, uksun i
03 niyalmai becunure afanure be tafulara mangga, tafulafi gisun be
04 daharakū ini beyede hūsun bi seme etuhulere niyalma be wakalame,
05 weile be ujen arambihe, weile udu waka bicibe, ini beyei waka be
06 alime gaijara gisun 64/65 dahasu niyalma be saišame, ujen weile be
07 weihuken obufi oihori wajimbihe, sain sabuha niyalma be bata kimun
08 seme gūnirakū gung arafi wesibumbihe, weile araha niyalma be
09 niyaman hūncihin seme gūnirakū wambihe, tuttu daci tondo sain
10 ofi, uksun i amjita eshete ahūta deote ai weile be, gemu sure
11 kundulen han de anafi wacihiyabumbihe, daci dain dailara de, 65/66
12 baha olji ambula ohode neigen dendembihe, olji komso ohode, tanggū
13 honin be tanggū niyalma jeci isirakū sere, emu honin be emu niyalma
14 jeci wajirakū sere, erebe geren dendeci wede isimbi seme, emu akū
15 niyalma de buki seme emu niyalma de elebume bumbihe, mujilen
Page 65
01 tondo beisei juleri ejini emu kemuni fafulara kadalara hendure sain
02 niyalma be, emu inenggi 66/67 tule uthai bayambufi wesibumbihe,
03 daci baiha niyalma de burakū bihe, baiha baiha de buci mini ai
04 funcembi, bairakū niyalma de umai burakū oci, tere jai aibide
05 bahambi seme, akū yadara niyalma be ini mujilen i baicame fonjime
06 bumbihe, buhe jaka be ajigen komso bicibe, urgunjeme gaiha niyalma
07 de jai geli nememe bumbi, buhe jaka be elerakū hihalarakū niyalma
08 de, buhe 67/68 jaka be hihalarakūci tetendere, buhe seme ai tusa
09 seme hendume amasi gaimbihe;
10 sure kundulen han, inenggidari emu inenggi juwe ilan jergi
11 amgambi seme dedumbihe, tere amgara be, sarkū niyalma amgambi
12 sembidere, amgarangge waka, ya sain gucu beye de teisuleme
13 bayakabi, ya sain gucu geli hūsun bure 68/69 ambula bime, boo yadame
14 jobombi ayoo, yaka niyalma gaiha sargan de banjici acarakū,
15 halame gaici baharakū suilambi ayoo, yaka niyalma sargan bucefi
Page 66
01 gaici baharakū jobombi ayoo, takūrara aha tarire ihan yalure
02 morin eture etuku jetere jeku, neigen yooni bisire niyalma udu bi,
03 yadara joboro niyalma ambula bidere seme gūnime seoleme dedufi,
04 iliha manggi tere niyalma de 69/70 sargan bu, tere niyalma de aha
05 bu, tere niyalma de morin bu, tere niyalma de ihan bu, tere niyalma
06 de etuku bu, tere niyalma de jeku bu seme, ini mujilen i baicame
07 bumbihe;
08 han hendume, niyalma gemu urui sain erdemungge niyalma udu
09 bi, emu niyalmai beye emu jaka be bahanaci, emu jaka be 70/71
10 bahanarakū, emu bade sain oci, emu bade ehe, dain de baturu niyalma,
11 gašan de banjire de baitakū moco, gašan de banjire de sarin de
12 takūrabure baitangga niyalma, dain de baitakūngge geli bikai seme,
13 niyalmai boco be tuwame teisungge weile de afabuha;