|
|
Volume 2
Volume 3
Volume 1, Fascicle 39
Page 567
01 tongki fuka sindaha hergen i dangse;
02 han, juwan emu de, babai taiji be bingtu darhan taiji seme gebu
03 bufi, suwayan sara, seke i jibca, narhūn hayaha jibca, seke i dahū,
04 dobihi dahū, mahala, gūlha, umiyesun, juwe gecuheri be dabume,
05 juwan suje, mocin samsu gūsin, menggun i alikū juwe, cara emken,
06 moro juwe, fila 1/2 juwe, saifi juwe, erebe dabume menggun sunja
07 tanggū yan;
08 suna efu i eyun de gecuheri ojin teleri, gulhun gecuheri
09 juwe be dabume, juwan suje, mocin juwan, lamun juwan, boso
10 juwan, fulgiyan jafu emken, suje i jibehun sishe cirku; 2/3
11 babai taiji geli emu sargan de, ilhi gecuheri ojin teleri,
12 emu gulhun gecuheri be dabume, sunja suje, sunja mocin, sunja
13 lamun, sunja boso, fulgiyan jafu emken, ilhi suje i jibehun sishe
14 cirku, babai taiji beye, juwe sargan de uhereme mocin samsu sunja
15 tanguū; 3/4
Page 568
01 coshi taiji de seke i jibca, silun i dahū, buyarame eture
02 jibca emke, mahala umiyesun gūlha, juwe gecuheri be dabume,
03 juwan suje, juwan mocin, juwan lamun, juwan boso, fulgiyan jafu
04 emken, sargan de gecuheri ojin teleri, emu gecuheri be dabume,
05 sunja suje, mocin sunja, 4/5 lamun sunja, boso sunja, fulgiyan jafu
06 emken, ilhi suje i jibehun sishe, jakūn guise šangnaha;
07 enggeder efu i eyun de emu seke i dahū, gecuheri ojin
08 teleri, juwe gecuheri be dabume, juwan suje, mocin juwan, lamun
09 juwan, boso juwan, fulgiyan jafu, suje i jibehun sishe, guise 5/6
10 jakūn šangnaha;
11 harakcin fujin de emu seke i dahū, ilhi gecuheri ojin
12 teleri, juwe gecuheri be dabume, juwan suje, juwan mocin, juwan
13 lamun, juwan boso, emu fulgiyan jafu, suje i jibehun sishe, jakūn
14 guise šangnaha, araha etuku, gecuheri suje 6/7 uhereme susai buhe;
15 ( ere gemu monggo gurun ci ukame jihe beise fujisa abahai sa; )
Page 569
01 tere inenggi wasimbuha bithe, jušen nikan monggo ilan gurun
02 acahabi, ilan gurun i ehe guwanggun hūlha ai joboho, fung hūwang
03 ceng ni bade maltu i komso be safi, nikan maitušame waha, g'ai jeo
04 i bade niyalma tolome komso 7/8 genefi, urikan nacibu nirui juwe
05 niyalma be nikan waha, šanggiyan doo i ilan niyalma guwangning de
06 genere be, urut gurun ci jihe sonom taiji harangga monggo waha,
07 ginjeo ci gurime jidere boigon i duin niyalma be, g'ai jeo i niyalma
08 waha, te ereci amasi yaya bade yabure niyalma, komso ume yabure,
09 juwan juwan i hoki 8/9 banjifi yabu, juwan i hoki banjifi yabuci, ehe
10 guwanggun hūlha, niyalma waki seme gūnirakū kai, juwan i hoki
11 akū uyun niyalma yabure be saha de, saha niyalma jafafi uyun jiha
12 menggun gaisu, jakūn niyalmai yabure be jafaha de, jakūn jiha
13 menggun gaisu, nadan niyalmai yabure be jafaha de, nadan jiha
14 menggun gaisu, emu niyalmai yabure be jafaha de, 9/10 sunja jiha
15 menggun gaisu;
Page 570
01 juwan juwe de, sonom taiji de unggihe bithe, ilan niyalma
02 be, juwe niyalma adarame bahafi wambi, ama, jui be guwebume,
03 ahūn, deo be guwebume, geren i wafi juwe niyalma alime gaihabi
04 ayoo, tuttu geren be guwebufi, juwe niyalma be anaha seme
05 10/11 amala donjiha de, sonom taiji sini beye akdun akū ombikai,
06 suwembe ba be waliyafi jihe be gūnime, eture jetere be joboburakū
07 seme gūnimbi kai, han i tuttu gosime ujire be tuwame saikan
08 banjirakū, jihe ba i niyalma be komso yabuha de dule wambio, arki
09 omifi soktofi becunume endebume niyalma waci, endebuhe seme
10 gūnici ombikai, emu gurun i dolo banjime, gurgu i 11/12 adali
11 geoleme niyalma be ainu wambi, niyalma waha niyalma be saikan
12 kimcime baicafi, tere niyalma waha niyalmai hoki bici, gemu jafafi
13 bu;
14 jušen i cooha emu minggan tucibufi, fu jeo de lio fujiyang
15 ni beye, jušen i emu iogi, ilan tanggū cooha tembi, ginjeo de jušen
Page 571
01 iemu iogi, 12/13 nikan i emu iogi, ilan tanggū cooha tembi, hūwang
02 gu doo de jušen i emu iogi, nikan i emu iogi, duin tanggū cooha
03 tembi, juwete biya tefi halambi;
04 ginjeo, fu jeo, juwan haha de juwe haha tucifi hecen
05 weilerengge, muke be jeku juwere de, jaha 13/14 šurure niyalma be
06 isire be tuwame gaimbi, jušen nikan i funcehe be gemu unggi,
07 hafasa de buhe haha be, baha haha i ton be tuwame tolofi, hecen
08 weilere ba be dende, orin haha de emu haha cooha ilihangge, ere
09 biyaci poo sindame tacibu, ice biyai juwan de naka, hecen weilere
10 de, jušen nikan i hafasa meni 14/15 meni kadalara niyalma be saikan
11 kimcime tucibufi bošome hūdun weileburakū, gese niyalma ci tutaha
12 de, kadala seme buhe niyalma be gaimbi, amba weile arambi, hafan
13 be nakabumbi;
14 manggol efu be tacibuha gisun, tumen niyalma dahabume,
15 tumen ulha be dalime banjire 15/16 niyalma, amba mujilen jafafi baiha
Page 572
01 niyalma de buci acambi kai, manggol sinde tumen gucu tumen ulha
02 bio, umai akū bime, han i gosime buhe ulin be balai baiha niyalma
03 de buci, niyalma gemu simbe mentuhun beliyen sembikai, beliyen i
04 gebu gaifi ainambi, simbe hojihon ofi tacibume hendumbi, anggai
05 henduci ojorakū ofi, bithe arafi buhe; 16/17
06 uju de, gin ioi ho, jao i ho, g'ao ming ho, jai de, u yen,
07 tung yan, ju ji wen, ilaci de, ju ši cang, jang ioi ui, jang meng jao,
08 duici de, siowan i yuwan, lii dai ceng, tung jeng guwe, sunjaci de,
09 jang de ju, tung sung niyan, gu sio dung, ere be juwan ninggun de
10 araha; 17/18
11 guwangning de tehe ambasa de unggihe bithei gisun, wabuha
12 ilan niyalma, wei nirui niyalma, ainu fakcaha, ilan niyalmai canggi
13 komso aibide genembihe, dobori deduhe bade amgaha de wabuhao,
14 inenggi yabure de wabuhao, saikan kimcime baica, niyalma waha
15 monggo be sonom taiji jafafi buhe de, haha be musei 18/19 ambasa
Page 573
01 saikan akdulame asara, galai falanggū hafu moo de hadafi, eihen
02 yalubufi juwe bethe be eihen i hefeli i fejergi deri hūwaitafi gajime
03 jio, muke de fekufi bucerahū, ubade gajifi geren de tuwabume
04 eruleme wambi, juse hehesi be tubade geren de tuwabume wa; 19/20
05 cahar i aohan, naiman i elcin genehe;
06 du tang ni bithe, juwan duin de sarhū i jung giyūn de
07 wasimbuha, sini jakūn hecen i gurime jihe ice boigon i nikan, ihan
08 de halhan ofoho, turi bi sere, akū niyalma komso sere, bisire niyalma
09 ume gaijara, bisire niyalma doosidame gaici 20/21 weile, akū niyalma
10 be tuwame bu, musei hungkerehe halhan ofoho bu, halhan isirakūci,
11 niowanggiyaha de gana, turi use isici wajiha, isirakūci, afiya
12 turi be tūfi gaikini;
13 juwan duin de, kalka i joriktu beile ci juwan ilan niyalma,
14 sereng ni uyun niyalma, 21/22 hehe juse be gajime ukame jihe,
15 bagadarhan i juwan boigon ukame jihe;
Page 574
01 jušen i alban i ihan, emu tanggū juwan juwe ihan, nikan i
02 alban i ihan, emu minggan duin tanggū juwan duin ihan, ere uheri
03 emu minggan sunja tanggū orin ninggun ihan genehe, 22/23 jai ilan
04 ihan nimeme bederehe, jai emu ihan be ejen amcafi gamaha, emu
05 minggan sunja tanggū gūsin ihan, ilan biyai juwan ilan de liyoha
06 bira be duleke;
07 tofohon de, guwangning ci unggihe bithe, salu i gajiha boigon
08 i haha emu tanggū nadan, hehe ninju ninggun, 23/24 juse gūsin
09 nadan, uhereme anggala juwe tanggū juwan, morin jakūn, ihan uyun,
10 eihen juwan jakūn, emu šancin i niyalma be ilan biyai juwan de
11 baha, hahai ton, emu minggan juwe tanggū ninju, uhereme anggalai
12 ton, juwe minggan uyun tanggū, jai emu šancin i niyalma dahambi
13 seme duin niyalma jihe bihe, beise i boigon arafi 24/25 werihe, šusai
14 be sini niyamangga niyalma be alin de baime gana seme unggihe
15 bihe, ganafi haha ninju jakūn, hehe dehi uyun, emu morin, juwan
Page 575
01 ihan, uyun eihen gajiha, ere be gemu guwali de tebuhebi, uheri
02 hahai ton emu tanggū gūsin; 25/26
03 jakdan hecen i lii gung yen ciyandzung, ice hecen i ergide
04 funcehe tutaha niyalma be baime genefi, aiha ci amasi dehi susai
05 niyalma baha, jai mao wen lung ni takūraha uksin etuhe duin
06 niyalma bahafi benjihe seme, dehi yan menggun šangnaha; 26/27
07 han i bithe, tofohon de wasimbuha, jušen nikan boo acan te,
08 jeku acan jefu, usin acan tari seme kamcibuhabi kai, donjici, jušen,
09 kamciha booi nikan i ihan sejen, kamciha booi nikan be jafabufi orho
10 jeku be juwebumbi sere, ai ai jaka be gejurembi sere, tere be
11 sinde aha buhebio, baci gurime jifi, tere boo jetere jeku tarire usin
12 akū ofi, kamcibuha bihe kai, 27/28 ereci amasi jušen, nikan i boode
13 acan tere, jeku be anggala tolome acan jetere dabala, jušen nikan,
14 meni meni ubui usin be meni meni ihan i tari, ere gisun be jurceme
15 nikan be jušen gidašame gejureci, nikan gajime šajin de habša, ere
Page 576
01 bithe be wasika seme, nikan geli balai holtome jušen be ume belere,
02 gemu emu han i irgen kai; 28/29
03 aita fujiyang de juwe tanggū monggo be uji seme bure de,
04 eture etuku yalure morin uksin saca enggemu hadala jebele beri
05 gemu yooni buhe;
06 juwan ninggun de, guwangning de tehe ambasa de 29/30
07 unggihe bithei gisun, guwangning de bisire niyalma, ba ba i šancin
08 ci wasika boigon i nikan be, gemu guwangning de gajifi, orin angga
09 de emu ihan bufi usin taribu, jeku juwere sejen be juwe gūsai emu
10 iogi dahambihe, te jakūn gūsai jakūn iogi tucifi, emu nirui juwete
11 uksin i niyalma kemuni tucifi, ši san šan i 30/31 ebergi emu pu be
12 tuwafi tuwakiyame morin ulebume te, genehe sejen guwangning ni
13 šurdeme jeku be juwebu, baha olji juwe tanggū morin be aita de
14 bufi unggi;
15 han hendume, agesa suwembe booi juse hehesi de nekeliyen suje
Page 577
01 be etubufi, te gemu jiramin sain suje funcefi, gūwa de buci hairakan,
02
03 burakūci, etukini seme 31/32 gūniha niyalma de ai bure, ai ai
04 suje be gemu suweni beye tuwame sonjo, beise i eture be encu,
05 fujisai eture be encu, haha jusei eture be encu, sargan jusei eture
06 be encu, musei beise ambasai eture be encu, monggo nikan beise
07 ambasa de bure be encu, jai balai niyalma de bure be encu, hacin
08 hacin i sonjofi faksalafi sinda, jai suje 32/33 sain bime nilgiyan suje
09 be etuku dembei arame gaisu, musei gūniha niyalma de buki;
10 juwan nadan de, aita fujiyang bithe wesimbume hendume,
11 ginjeo i lii diyan kui, takūraha bade getuken, afabuha weile be
12 mutebumbi, mujilen tondo sain seme bithe wesimbure jakade, iogi
13 hergen buhe; 33/34
14 juwan jakūn de, guwangning de tehe ambasa de unggihe
15 bithei gisun, jakūn beise i asaraha ehe alašan morin be sonjofi, jai
16 monggo nikan de olji morin be sonjofi, juwe tanggū morin de baha
Page 578
01 olji enggemu hadala tohofi, juwe tanggū niyalmai uksin saca loho
02 34/35 jalukiyafi, aita fujiyang de bu, sain morin sain geo be burakū,
03 jakūn beise i buhe morin i funde sain morin sain geo be toodame
04 gaisu, guwangning de bisire jakūn gūsai uksin bure ambasa, monggo
05 de bure emu nirui orita uksin be, golmin uksin i buten be faitafi,
06 iberi šabtun wacan faita, arara niyalma akū oci, uksin eture
07 niyalmai sargan de arabu; 35/36
08 sakjai nirui jergi jakūn booi delhetu nirui niyalma, tubade
09 orin sunjata uksin te, tereci fulu niyalma gemu jio, guwangning de
10 bisire orin karun i niyalma juwan te, juwan jio, karun i ninggun
11 iogi ilan te, ilan jio; 36/37
12 ineku tere inenggi, cahar i aohan, naiman i elcin nadan
13 niyalma jihe;
14 du tang ni bithe, juwan uyun de wasimbuha, cilin, fanaha,
15 caiha ci julesi, niowanggiyaha ci amasi, jasei tule alin holo de tehe
Page 579
01 nikasa, suwe boo arafi usin tarifi tehe niyalma oci, ere 37/38 aniyai
02 teile te, jai aniya hecen pu de bargiyafi tebumbi, te gurime genere
03 niyalma oci, hecen pu tai noho babe baime boo te, usin tari, tere
04 usin boo be miningge waka, ere boo usin de ejen bidere seme ume
05 olhome gūnire, gemu emu han i irgen oho kai, neigen icihiyame
06 tembi, icihiyame 38/39 tarimbi kai;
07 muhaliyan dzung bing guwan, hecen weilere ihan sejen
08 niyalma gana seme, ma šeo pu be takūraha, tere ma šeo pu genefi
09 ihan sejen niyalma be bošorakū, gašan i niyalma de menggun gaijara
10 jakade, gašan i niyalma, aita fujiyang de habšara jakade, 39/40 tere
11 habšaha gisun de, aita fujiyang, ma šeo pu be ganafi fonjime, si
12 ihan sejen niyalma be bošome gamarakū, menggun ainu gaimbi seme
13 ma šeo pu be jafaha, jafaha manggi, muhaliyan dzung bing guwan,
14 abuni gebungge niyalma be bithe jafabufi aita fujiyang de šerime
15 takūrame, tere golo be 40/41 han, minde buhebi, mini takūraha
Page 580
01 niyalma be si ainu jafaha, tere golo de si ejen oso, si gaisu seme
02 hendume takūraha manggi, aita fujiyang hendume, ere ma šeo pu
03 de ulin gaiha weile bifi jafahabi, niyalma ihan sejen bošoro niyalma
04 encu tucibufi unggire seci, takūraha abuni gebungge niyalma ohakū,
05 guwanggušame dedu seme tucibuhe boode deduhekū, 41/42 aita
06 fujiyang ni duka de dedure jakade, aita fujiyang, tere bithe be
07 jafafi šajin de alara jakade, šajin i niyalma beideme, muhaliyan
08 dzung bing guwan be si geren de hebe akū, encu golode sini beyebe
09 amban seme šerime ainu takūraha seme weile arafi, dzung bing
10 guwan i hergen be nakabuha, jušen emu niru, ilan minggan nikan,
11 guwangning de šangnaha ulin, buhe 42/43 niyalma be gemu gaiha,
12 abuni gebungge niyalma be, si ainu guwanggušaha seme tanggū
13 šusiha šusihalaha;