|
|
Volume 2
Volume 3
Volume 1, Fascicle 36
Page 525
01 tongki fuka sindaha hergen i dangse;
02 juwan de, jakūn gūsai emu nirui emte uksin be mungtan
03 gaifi, mederi bitume funcehe tutaha boigon be dali seme unggihe,
04 jai emu niru be emte wan ara seme arabuha;
05 du tang ni bithe, juwe biyai juwan de wasimbuha, 1/2 jeng
06 an pu i ts'anjiyang si, sini cooha be gaifi, monggo i jasei jecen de
07 genefi ili, be tu cang, cing ho, ši ho i niyalma boigon gurime
08 jiderengge, ulgiyan coko aika jaka be gemu yooni gurire bade
09 isibukini, gurime wajiha manggi, sini bade si bedere, genehe coohai
10 niyalma, ulgiyan coko aika jaka be ume wara, 2/3 ume cuwangname
11 durire, saikan hendu;
12 dergi abka mimbe gosime, šanaha i tulergi gurun be minde buhe,
13 jase tulergi monggo, jase dolo dosifi yabuci, bi geli karu jase tucifi
14 yabuci, muse juwe gurun ehe ombikai, sain doro be sain mujilen be
15 gūnici, meni meni fe nuktehe bade bedere, bedereci, 3/4 musei juwe
Page 526
01 gurun de weile akū kai;
02 han, juwan de, šanggiyan bayarai niyalma de bireme emte jafu
03 buhe;
04 ci giya pu be, ice jakūn de, erdeni baksi, dahai dahabufi
05 gajiha niyalma duin tanggū, morin 4/5 ihan nadanju, eihen dehi
06 gajiha;
07 be tu cang ni boigon i juwe tumen anggala be gajifi
08 guwangning de tebuhe;
09 han hendume, oode sinde hergen buci acarakū, ere gese baha
10 bade dosifi gaisu seme henduhe, oode 5/6 dosifi duin gecuheri, duin
11 suje, emu jibca, emu morin gaiha;
12 wei giya ling, šuwang tai, juwe pu i emu tumen sunja
13 minggan anggala be gajifi guwangning de tebuhe;
14 sula daliha boigon be du tang, dzung bing guwan de 6/7
15 gūsin sunjata haha buhe, fujiyang de gūsita haha buhe;
Page 527
01 solho i ajigen mergen, hūwaliyan i tungse, juwe niyalma be,
02 guwangning de benjime juwan de isinjiha, han, dahai, tuša, lungsi
03 be, ajigen mergen i jihe 7/8 turgun be fonji seme fonjire jakade,
04 ajigen mergen hendume, mini han, guwangning, šanaha be baha
05 bahakū be tuwana, guwangning, šanaha be bahaci, muse umesi
06 acaki seme tuwanggiha mujangga seme jabuha, mao iogi be ainu
07 burakū sere jakade, nikan ama, be jui kai, ama i booi niyalma be,
08 jui jafafi bumbio seme hendure jakade, ajigen mergen be 8/9
09 akdulame asara seme asarabuha;
10 han, juwe biyai juwan de, gegen be wesibufi beiguwan i hergen
11 bufi, duin suje, juwe yan sunja jiha menggun buhe;
12 du tang ni bithe, juwe biyai juwan emu de, 9/10 ši fujiyang,
13 lio fujiyang, cen iogi de wasimbuha, julergi guwali hecen i duka be
14 jušen tuwakiyarangge nakabuha, suweni niyalma tucibufi tuwakiyabu,
15 ehe facuhūn niyalmai tucire dosire be saikan baica, boigon i niyalma,
Page 528
01 jeku ujima ganarangge be, hoki banjibufi ejen arafi ganabu; 10/11
02 han i bithe, juwe biyai juwan emu de, fusi efu, si uli efu de
03 wasimbuha, liyoodung ni šurdeme bira de bihe nikan i ambasa jaha
04 be efujehengge gemu dasafi, bisirei teile lioha i dogon de hūdun
05 benju;
06 du tang ni bithe, juwe biyai juwan emu de, ši fujiyang, lio
07 fujiyang, cen iogi de wasimbuha, 11/12 suweni gurime jihe boigon i
08 ulha macuha, suwe hūdun tokso dendefi, ulha be tokso de liyoo
09 ulebu, usin hūdun dende, dendere de ume temšendure, icihiyame
10 gaisu, usin weilere niyalma be tokso de unggi, anja dagilakini;
11 du tang ni bithe, juwe biyai juwan emu de, 12/13 aita
12 fujiyang de wasimbuha, kiyoo cara jaha be, dobori inenggi akū hūdun
13 bošome kiyoo cabu, saikan ginggule, geren cooha doore kiyoo be
14 baharakū sartaburahū, wajire inenggi be bithe arafi wesimbu;
15 juwan juwe de, jeng an pu i ts'anjiyang, ini ciyandzung be
Page 529
01 takūrafi, cing ho, ši ho i boigon be 13/14 guri seme bošome ganara
02 jakade, ši ho i niyalma hendume, mende ai bi, bayasa gemu gurire
03 bade genehe kai, guwanggusai canggi bikai seme hendume, takūraha
04 ilan niyalma be jafaha, duin morin be gabtaha seme alanjiha;
05 du tang ni bithe, juwan juwe de, jeng an 14/15 pu i
06 ts'anjiyang de wasimbuha, jeng an pu i harangga niyalmai juse
07 hehesi, bira doome gurime genehe bici, hahasi meni meni juse sargan
08 be baime genekini, gurime genehekū niyalma tucibufi, ši ho i hecen
09 de niyalma bio akūn seme hūlhame tuwanggi;
10 juwan ilan de, duilehe weile, yehe i nomhon 15/16 nirui juwan
11 ilan niyalma tofohon morin hūlhaha seme, tanggūta šusiha šusihalafi
12 oforo šan tokoho;
13 du tang ni bithe, jeng an pu i ts'anjiyang de wasimbuha,
14 monggo i boigon de anggala tolome, jeku emu anggala de duite sin
15 bu; 16/17
Page 530
01 juwan ilan de, emu nirui dehite gūsita niyalma be, hada
02 gidame gene seme unggihe;
03 du tang ni bithe, juwe biyai juwan duin de, aita fujiyang
04 de wasimbuha, alban i dabsun be ambula kiceme fuifubu; 17/18
05 guwangning ni amargi hada de, neneme ts'anjiyang hergen i
06 salgūri, jakūn gūsai emte iogi genefi bahakū, salgūri ts'anjiyang ni
07 niyalmai kalfiha sirdan de šula goifi bucehe, jai dasame anggū,
08 seoken, jakūn gūsai emu nirui duite uksin be gaifi genefi bahakū ofi,
09 juwan juwe de emu nirui sunjata uksin be unggifi, ninggun tanggū
10 funceme 18/19 olji bahafi gajiha;
11 han i bithe, juwe biyai juwan duin de, du tang de wasimbuha,
12 liyoodung ni hecen saharangge naka, alban i usin weileburengge inu
13 nakaha, terei funde, hecen i wehe juweme jihe niyalma, ihan sejen
14 be, iogi sai fejergi, jung giyūn, ciyandzung ci emte getuken
15 icihiyame 19/20 mutebure niyalma be tucibufi, meni meni ejen arafi
Page 531
01 unggi, guwangning ni ba i jeku juwefi ts'ang de sindakini, jušen i
02 hafasa de goiha nikasa be, jušen ejen arafi gajime jio, nikan i hafasa
03 de goiha niyalma de, nikan i jung giyūn, ciyandzung, ejen arafi
04 gajikini, emu dusy hafan de, geren ts'ang guwan be adabufi unggi,
05 liyooha birai wargi si ning pu de 20/21 tefi, wei juwehengge ambula,
06 wei juwehengge komso seme bodome gaikini, jai guwangning ni ba
07 i niyalma gurime genefi, kamciha ba i niyalma bisire jeku be acan
08 jefu, isirakū oci acan juwe, baisin niyalma jeku akūci, juweme
09 jefu, jeku bifi juweme uncaci, inu suweni ciha;
10 du tang ni bithe, jeng an pu i ts'anjiyang de 21/22 wasimbuha,
11 sini harangga hecen pu, tun tokso i niyalma be, gemu bargiyafi bira
12 doome gurime gene, ulgiyan coko ai ai jaka be ume waliyara,
13 gurire bade gama, ulha akū niyalma de, be eihen losa bufi, liyoha i
14 dalin de isibumbi, hai jeo i niyalma, liyoha i dalin de okdofi, tereci
15 ulan ulan i giyamulame benembi, suwembe joboburakū; 22/23
Page 532
01 juwan duin de, kakduri fujiyang emu nirui sunjata uksin be
02 gaifi, jeng an pu i boigon be dalime genehe;
03 han i bithe, juwe biyai juwan duin de munggatu de wasimbuha,
04 io tun wei haha be, monggo babu 23/24 iogi de, nikan i iogi bodome
05 haha bu, jai io tun wei beiguwan de, beiguwan i bodome haha bu,
06 haha bume funceci gaisu, isirakūci nonggi;
07 juwan duin de, jaisa beile i ninggun niyalma elcin jihe; 24/25
08 fujisa, liyoodung ci juwan emu de tucifi, juwan duin de
09 guwangning de isinjire de, coohai geren ambasa hecen ci tucifi
10 hengkileme acaha, fujisa be jimbi, yamun i dukai siden be fulgiyan
11 jafu akūmbume sektefi, han yamun de tucifi tehe, tereci fujisa
12 hecen de meihe erinde dosifi, 25/26 han de, amba fujin geren fujisa
13 be gaifi, han be abka gosifi guwangning ni hecen be baha seme
14 hengkilembi seme hendume hengkileme acaha, jai geren beise i
15 sargata, yamun i tule ilan jergi hengkilefi bederehe, tereci fujisa
Page 533
01 be jihe doro seme amba sarin sarilaha; 26/27
02 kakduri fujiyang, juwan duin de takūrame, be tu cang, wei
03 giya ling, šuwang tai, ere ilan pu i niyalma gemu doigon i jihebi,
04 funcehe tutaha ehe dogo doholon be cimari gajime jimbi;
05 gin ts'anjiyang ni kadalara jeng an pu, da 27/28 he šan, siyoo
06 he šan, jung an pu, tuwan šan pu, ere sunja pu be, jeng an pu i
07 ts'anjiyang bošome gamambi;
08 tofohon de, han hendume, boode isiname jakade, gege be
09 hūdun jurambumbi, yalufi genere morin be hūdun tarhūbu, suweni
10 monggo i 28/29 durun i tarhūn sere morin turga kai, meni durun i
11 ambula tarhūbu, morin turga ohode unggirakū, morin tarhūhai teile
12 unggimbi, suwende morin akū sehe seme, gūwa jaka bure gojime,
13 mini morin suwende burakū, mende ume erere;
14 tofohon de, 29/30 guwangning ci gurime genehe boigon i
15 niyalma be ume suilabure, guwangning ni niyalma han be suilabuhakū,
Page 534
01 fe takaha saha niyaman hūncihin i adali uthai okdome dahaha, jilakan,
02 usin boo jeku be saikan getuken i icihiyame bu;
03 han i bithe, juwe biyai orin emu de aita fujiyang de wasimbuha,
04 sini kiyoo cara be hūdun kiceme came 30/31 wacihiya, beise doome
05 jidere de, baharakū ojorahū, ume sartabure;
06 juwe biyai juwan ninggun de, urut gurun i minggan, sonom,
07 coirjal, g'arma, angkūn, dorji, guru, corji, kibtar, cing baturu, ere
08 juwan beile, hehe juse, minggan haha be gaifi, guwangning ni 31/32
09 hecen de ukame jihe, han, yamun de tucifi, isinjiha doroi sarin
10 sarilaha, jai geli tere inenggi, jakūn gūsai fujisa acafi, monggo i
11 fujisa de jakūn honin wafi sarilaha;
12 sangguri be, juwe biyai juwan ninggun de beiguwan be
13 wesibufi, iogi hergen buhe; 32/33
14 han hendume, meni gurun i banjire doro, tondo akdun, šajin i
15 jurgan be jafafi, erdemungge sain niyalma be gidarakū, ehe facuhūn
Page 535
01 niyalma be dere bamirakū, šajin i gamame ofi, hūlha holo ehe
02 facuhūn akū, ai ai jaka tuheke be bahaci, ejen de bumbi, tuttu
03 ofi, 33/34 abka gosime, gurun i banjirengge ere inu, suweni monggo
04 gurun i niyalma, gala de erihe jafafi tolome, encu gūnime, hūlha
05 holo be dele arafi banjire be, abka wakalafi, suweni beise i mujilen
06 be gemu facuhūn obufi, gurun jobombi kai, suwe mimbe baime jihe
07 niyalma, erdemungge sain niyalma oci, erdemu i gung de ujire,
08 erdemu akū niyalma oci, jihe gung de 34/35 sain ujimbi kai, ehe
09 hūlha holo mujilen be ume deribure, ehe facuhūn hūlha holo deribuci,
10 meni šajin i gamambi kai;
11 han, juwan nadan de guwangning ci jurafi jime, pan šan de,
12 sereng beile i uyunju sunja niyalma ukame jihe, tere inenggi jifi,
13 g'ao ping de deduhe, tereci jifi 35/36 birai ebergi sanoko pu de
14 deduhe, tere yamji aita fujiyang, han de juwe ihan benjihe;
15 han, sanoko de deduhe yamji, jakūn gūsai iogi, suweni gamara
Page 536
01 boigon be saikan bargiyafi gamafi, munggatu fujiyang de isibu,
02 giyamun halame okdome jihe ihan sejen be, 36/37 isinarakū yafahan
03 de icihiyame bu;
04 ginjeo wei hahai ton, jakūn minggan nadan tanggū orin
05 jakūn, anggala i ton, juwe tumen sunja tanggū susai;