|
|
Volume 2
Volume 3
Volume 1, Fascicle 27
Page 389
01 tongki fuka sindaha hergen i dangse;
02 juwan ninggun de, tung fuma, si jakūn iogi, lii dusy de
03 hendufi, ejen akū jeku orho be hūdun geterembume baicafi icihiyame
04 gaifi benju, morin de uleburengge akū ulebukini, tere be hūdun
05 icihiyarakūci, ejen akū aha, balai uncame wacihiyambi kai, jai alban
06 i gaijara jeku de 1/2 orho dahabume gaisu, tere jeku orho be, hecen
07 weileme hūlašame jidere sejen de tebufi gajikini;
08 bada be beiguwan i hergen obuha, neneme gaime jabduhangge
09 gaiha, gaire undengge be, bikini seme bibuhe; 2/3
10 nio juwang, hai jeo ci wesihun, an šan ci wasihūn, juwe
11 tanggū niru be hontoholome emu nirui susaita uksin tembi, emu
12 beile, ilata tokso tebumbi;
13 dusy hafan, ejen akū orho be hūdun baicafi, benjihe be
14 tuwame hūwaitaha orita morin de ulebuki, jai bargiyaha erinde,
15 emu uksin de, 3/4 emte hūwaitara morin de, alban gaiha orho turi
Page 390
01 ulebuki, fulu morin be musei bade unggi, olhoro ba oci, cooha
02 tuwakiyame unggi;
03 yegude de beri faksi be icihiya seme afabuha, nirui ejen
04 beiguwan i uksin hadaha de, juwe jiha menggun bu, daise beiguwan,
05 ciyandzung ni 4/5 uksin hadaci, emte jiha menggun be acan bu,
06 alban i juwan uksin hadaha de, beise emu yan menggun bumbi, emu
07 beri arabuci, emu jiha bu, bijaha beri be dasabure de, sunja fun
08 bu;
09 g^ai jeo i tung iogi, uyun tanggū dehi gin kubun benjihe; 5/6
10 jeng giyang ni ba i ubašaha irgen be dasame tabcilafi, ilan
11 minggan olji gajifi, tai jeo ci jaha de tefi ubašame jihe emu šeobei
12 de, juwan juru niyalma, juwan morin, juwan ihan, juwan eihen
13 uhereme susai buhe, emu ciyandzung de, sunja juru niyalma, sunja
14 morin, sunja ihan, sunja eihen uhereme orin sunja buhe, jai 6/7
15 gūsin nadan niyalma de, emte ihan, emte eihen, juwe niyalma de,
Page 391
01 acan ilan ihan buhe, tereci funcehe ihan morin be, gemu niru de
02 salafi taka uji, buceci, toodame gaimbi seme salame buhe, losa eihen
03 be, gemu siden i bekdungge niyalma de bure bade buhe; 7/8
04 juwan nadan de, fu jeo harangga ba i u ši jai gašan i
05 niyalma, emu jaha i gūsin ninggun niyalma be benjihe, ginjeo i lio
06 fujiyang de, terei turgun be dacilame unggihe;
07 juwan jakūn de, beise i gocika juwete faksi be, 8/9 beri
08 bošoro ejen de afabuha, gūsai faksi be, nirui uksin bošoro janggisa
09 de afabuha, solho de genehe šolonggo isinjiha;
10 adun age be jafaha, adun age i weile i turgun, amba beile,
11 manggūltai beile be, duici beile de ehe acabume, gurun i doro be
12 9/10 efuleme gisurere, jai gūwa buya beise be geli oforodome gisurere,
13 tuttu ofi, geren beise hebdefi han de donjibuha, han, tere weile be
14 angga acabume duilere jakade, adun age de tuhebuhe, tuttu tuhebufi,
15 geren beise, geren šajin i ambasa, adun age be 10/11 jakūn gūsai
Page 392
01 tantame wara weile maktaha, han hendume, suweni beidehe jurgan
02 mujangga, bi erebe hairandarangge waka, neneme sarhū de bihe
03 fonde, ehe weile araha niyalma be musei galai ume wara, den hashan
04 i boode horifi asarki seme gisurehe bihe, muse emgeri wara be
05 nakaki seme gisurehe gisun be, te aifufi waci, jai gurun adarame
06 akdambi, ere be 11/12 horifi asaraki seme gisurefi, sele futa
07 hūwaitafi loo de horiha;
08 juwan uyun de, fusi efu, si uli efu de wasimbuha gisun, fusi
09 efu, sunja tanggū yan menggun, si uli efu, sunja tanggū yan
10 menggun jafafi, aisin uda, 12/13 sunja yan, duin yan menggun de,
11 emu yan aisin bahaci, gaisu, tereci fulu ekiyehun ume bure, tede
12 cihangga niyalma, gaikini, cihakū niyalma be, ume ergeleme udara,
13 menggun amasi benju, menggun gaijarakū aisin bure niyalmai aisin
14 be ume gaijara;
15 ineku juwan uyun i inenggi, muduri erin ci 13/14 amba
Page 393
01 nimanggi nimaraha;
02 orin de, anafu teme genehe yangguri dzung bing guwan,
03 tanggūdai dzung bing guwan, borjin fujiyang be halame, amba efu,
04 darhan fujiyang, anggara fujiyang, hahana fujiyang halame
05 genehe; 14/15
06 fanggina be wesibufi dooli obuha;
07 han, orin de, ciyan šan i halhūn muke de meihe erinde genehe;
08 niyang niyang gung de adun ulebume genehe niyalma, bahafi
09 gajiha duin tanggū ulgiyan be, du tang, 15/16 dzung bing guwan ci
10 fusihūn, beiguwan ci wesihun šangname buhe;
11 orin emu de, jakūn gūsai weile arara be, bithe arame ejeme
12 gaiha;
13 nio juwang ni hafan, birai cargi de weihu sabumbi 16/17
14 seme alanjiha, tere gisun de, anafu teme genehe ambasa de, weihu
15 bisire akū be saikan yargiyalame tuwafi, medege alanju seme bithe
Page 394
01 unggihe;
02 ineku tere inenggi beidehe weile, yungšun, liyoodung hecen
03 be gaiha de, ulin gidaha be geren 17/18 duilefi, yungšun simbe han
04 tukiyefi amban arafi, tšanjiyang ni hergen bufi, sunja niru be kadala
05 seme afabuha bihe kai, si gūwa be kadalara niyalma ulin hūlhaci,
06 gūwa be henduci etembio seme weile arafi, wara weile maktaha bihe,
07 han donjifi, yungšun be wara be nakabuha, sargan be, 18/19 eigen
08 hūlhaci ainu tafulahakū seme sargan be waha;
09 orin ilan de, sebun i jui genehe;
10 orin duin de, solho han i elcin ting pan ši hafan isinjiha, han
11 i ilan hojihon, urgūdai efu, fusi efu, si uli 19/20 efu, baduri dzung
12 bing guwan, erdeni baksi, sunja amban okdofi, hecen i tule ebufi
13 acaha, solho han, ting pan ši sere hafan be takūrafi, tanggū yan
14 menggun, susai miyanceo, susai kiyan hoošan, orin mušuri, susai
15 boso, susai huwesi, juwan iolehe hoošan alban benjihe seme, han
Page 395
01 de hengkileme jihe, 20/21 han hendume, juwe gurun sain banjiki
02 seci, ishunde gungneme beneme yabumbi dere, sini ulin be bi
03 alban gaici, gebu ehe seme hendume gaihakū, gemu bederebuhe;
04 orin ninggun de, jaisai beile be benehe yahican buku
05 isinjiha; 21/22
06 orin nadan de, han halhūn muke ci jihe;
07 ineku tere ineggi, monggo i hamuk i elcin darhan baturu
08 beileingge isinjiha; 22/23
09 orin jakūn de, fanggina de wasimbuha gisun, jaha i ukame
10 jihe gūsin uyun niyalma de, sula hehe baifi sargan bu, juwe hafan
11 de, boigon noho hehesi bici, bu, juwe hafan de, emu inenggi
12 sunjata fun jekini, jai gūsin nadan niyalma de, emu inenggi
13 ilata fun jekini, emte hubtu etubu, juwe hafan de, solohi jibca
14 emte, 23/24 emken de silun i dahū, emken de dobihi dahū bu;
15 enggeder efu i jui nangnuk taiji, han de emu morin gajime
Page 396
01 hengkileme jihe;
02 orin uyun de, hūsitai orin yan weile 24/25 faitaha, ginggūldai
03 orin yan weile faitaha, šumuru orin yan weile faitaha, cingsyhai
04 sunja yan weile faitaha;
05 ice inenggi, nikasa de wasimbuha gisun, ishun aniya coohai
06 niyalmai jetere jeku, morin ulebure orho liyoo, tarire usin gaimbi,
07 liyoodung ni sunja 25/26 wei niyalma, ejen akū usin be tebume, orin
08 tumen inenggi, hai jeo, g^ai jeo, fu jeo, ginjeo duin wei niyalma
09 de, ineku ejen akū usin be tebume, juwan tumen inenggi usin be
10 tucibufi bu;
11 ice de, han i booi ilacin be sain seme tukiyefi, beiguwan i
12 26/27 hergen buhe bihe, hibsu butame genefi abalame yabume,
13 hibsu kiceme baihakū, hibsu bahakū seme beiguwan i hergen be
14 nakabuha;
15 ice duin de, aita fujiyang de unggihe bithei gisun, te edun
Page 397
01 amban, jaha yabuci ojorakū oho, ginjeo, fu jeo i juse hehesi be,
02 meni meni 27/28 sindafi unggi;
03 ineku tere inenggi, hoto be, losa hūlhaha seme weile arafi,
04 tofohon yan i ejehe gung be faitaha;
05 baicuka i deo be, nikan be gabtame waha 28/29 seme wara
06 weilengge niyalma be, baicuka, jai dasame emhun duici beile de
07 habšaha seme weile arafi, tofohon yan i ejehe gung be faitaha;
08 ice ninggun de beidehe gisun, kūwataiji, ini booi niyalma be
09 sindafi, hūlhame nikan de hūdašame, 29/30 cifun burakū, šajin be
10 efuleme hūdašaha seme weile arafi, iogi hergen be nakabuha;
11 juwan de, solho i elcin jihe hafan be, amasi jeng giyang deri
12 benehe;
13 juwan juwe de, jaisai beile i bure eden 30/31 ulha jalin de
14 tebuhe tabunang be, ulha benjime wajiha seme unggihe;
15 baban be, losa hūlhaha seme iogi hergen be nakabuha, boigon
Page 398
01 be ilan ubu sindafi, emu ubu be gaiha, juwe ubu be ejen de
02 buhe; 31/32
03 juwan jakūn de, jaisai beile i beyebe tucibufi unggihe seme
04 hengkileme unggihe jui amasi genehe, emu gecuheri, duin suje, gūsin
05 yan menggun, gūsin mocin šangname buhe;
06 juwan uyun de, erdeni tšanjiyang be wesibufi fujiyang
07 obuha, monggo i bayot ba i butaci beile i 32/33 sengge tabunang,
08 juse sargan be gajime ukame jihe;
09 orin de, janggiya isun be tšanjiyang obuha;
10 han i bithe, orin sunja de wasimbuha, nikan i wan lii han, doro
11 šajin genggiyen akū, han i beye, taigiyan sindafi gurun de ulin
12 gaime ofi, hafan gemu 33/34 han be alhūdame, ulin gaime gurun be
13 jobobume, geli jasei tulergi encu gurun i weile de daha be, abka
14 wakalafi, mini doro šajin genggiyen tondo be, abka saišafi, nikan han
15 i birai dergi liyoodung ni ba be minde buhe, te jušen, nikan, gemu
Page 399
01 emu han i gurun ohobi kai, musei boigon gurime jidere fe
02 jušen, nikan be weri gurun arafi, jeku etuku, 34/35 orho muya ume
03 durime gaijara, ulgiyan coko durime hūlhame ume wara, suwe
04 durime hūlhame weile araci, suwembe dere banifi, mini abka de
05 saišabuha daci banjiha tondo mujilen be bi nakambio, šajin i wara be
06 wambi, weile arara be arambi kai, tuttu suweni ehe be dahame
07 šajin i gamaci, musei fe jušen, suwe geli hecen hoton 35/36 arame
08 alban de joboho, gurun de jilakan wakao, te dabsun bahafi jembi,
09 kubun bahafi etumbi, umai de darakū banjici, dere aibide bi;
Page 400
01