|
|
Volume 2
Volume 3
Volume 1, Fascicle 25
Page 365
01 tongki fuka sindaha hergen i dangse;
02 jakūn biyai ice inenggi, cooha genehe duici beile de juwe
03 jušen emu nikan be takūrafi unggihe bithei gisun, turga morin be
04 jeku ulebume weri, tarhūn morin be, beise be gajime jio seme
05 hendufi unggihe; 1/2
06 jaisai beile be joolime juwe minggan morin, ilan minggan
07 ihan, sunja minggan honin, jaisai beyede banjiha juwe haha jui, emu
08 sargan jui be benjime ice ilan de elcin isinjiha;
09 ice ilan de, atai, abutu baturu de han jakūnju yan menggun
10 bufi, hūwang ni wa de anafu 2/3 tebume unggihe;
11 ice duin de, cooha genehe beise de han elcin takūrame,
12 jaisai beile be joolime tumen ulha benjihebi, amba beile, duici beile
13 be neneme jio, geren cooha be amin beile, manggūltai beile be amala
14 gajime jio seme, juwe niyalma be 3/
Page 366
01 /8 jaisai si hoto gebungge elcin be waha, sui be gaiha, yehe de dafi
02 mini ujalu be sucuha, jai geli nikan de dafi mimbe dailambi seme
03 nikan i emgi ilan jergi gashūha, jai geli cilin de cooha jifi mini
04 niyalma be waha, adun gaiha, sini tuttu ehe be 8/9 abka wakalafi
05 simbe minde buhe manggi, weihun jafabuha niyalma be adarame
06 wara seme ujihe, ujifi hūsun tusa bahaki seme sindafi unggimbi,
07 jaisai si ujihe ama be ama seme gūnirakū, deote be deote seme
08 gūnirakū, bade isinaha manggi mujilen gūwaliyaci, jaisai simbe abka
09 wakalafi sui isifi bucekini, ulha be jalidame gaifi simbe unggirakūci,
10 mende sui isifi bucekini, jaisai 9/10 emu šanggiyan morin, muse emu
11 šaggiyan morin wafi, duici beile, amin beile gaifi ice uyun de tasha
12 inenggi coko erinde gashūha;
13 erdeni baksi, amba beile de bithe beneme genefi, amasi ice
14 uyun de isinjiha; 10/11
15 juwan de, amba beile de unggihe gisun, aita be dahaha emu
Page 367
01 sain hafan be, aita i funde ejen arafi, aita i cooha be dahabufi,
02 ginjeo de unggifi, mederi bitume tehe hūwang gu doo, ši dzui pu,
03 wang hai to, gui hūwa pu i šeo pu be, gašan i niyalma be, gemu
04 mederi ci ninju ba i dubede bederebu, bederebume wajiha manggi,
05 wajiha seme bithe 11/12 wesimbufi, tehe coohai niyalma, han i bithe
06 wasindara be donjikini, neneme unggihe g^aoši bithe be arafi, tere
07 duin pu i bade ambula arafi unggi seme bithe arafi unggihe;
08 juwan juwe de, dzung bing guwan tanggūdai yangguri, juwe
09 minggan cooha gaifi g^ai jeo de anafu 12/13 tehe niyalma be halame
10 genehe, dobi ecike i tulkun, jakūn gūsai jakūn niyalma, nikan orin
11 duin niyalma, fung hūwang ceng de teme genehe;
12 amba beile, manggūltai beile, degelei age, yoto age ilan
13 minggan cooha gaifi genehe, liyoodung ni hecen ci nadan tanggū
14 orin ba i dubede, 13/14 ginjeo i cargi lioi šūn keo sere baci ebsi,
15 mederi hanci tehe pu hecen i irgen be gemu bargiyafi, juwan emu
Page 368
01 de han i hecen de isinjiha;
02 juwan juwe de, aita tšanjiyang be wesibufi fujiyang
03 obuha; 14/15
04 han juwan juwe de tucifi, jeng giyang ci gajiha olji be, juwe
05 minggan ihan deji gaifi, hergen i niyalma de šangnaha, darhan hiya
06 de tofohon ihan buhe, adun age, abatai age de sunjata ihan buhe,
07 dzung bing guwan de duite buhe, fujiyang de ilata buhe, uju jergi
08 tšanjiyang de juwete 15/16 buhe, jai jergi ilaci jergi tšanjiyang de
09 juwete niyalma de acan ilata buhe, ilaci jergi iogi de emte buhe,
10 niru kadalara beiguwan de juwe niyalma de acan emke buhe, sula
11 beiguwan, bayarai kiru i ejen, sunja niyalma de acan emken buhe,
12 ciyandzung de juwan niyalma de emken buhe, nikan i hafasa de
13 16/17 emu tanggū ihan, juwe tanggū boigon bufi, fusi efu tuwame
14 šangnaha, tunggiya niyalma de ihan juwe tanggū, niyalma juwe
15 tanggū, eihen emu tanggū buhe, jeng giyang de tabcilafi olji ambula
Page 369
01 jafaha seme, darhan hiya i gūsade emu tanggū gūsin buhe, abatai age
02 i gūsade emu tanggū orin buhe, amba efu i gūsade jakūnju 17/18
03 buhe;
04 juwan duin de, manggūltai beile, darhan hiya juwe minggan
05 cooha gaifi, ginjeo i ergi cang šan doo i niyalma ubašaha seme
06 cooha genehe, tede unggihe bithe, cang šan doo i niyalma suwe
07 neneme ujulafi 18/19 ubašaha niyalma be jafafi bu, tuttu ujulaha
08 niyalma be jafafi buhede, suweni geren be warakū kai;
09 tofohon de, jaisai beile i beyei funde benjire juse be, degelei
10 age, jirgalang age, yoto age, ajige age sunja ba i dubede ihan honin
11 19/20 wame okdofi hoton de gajire de, han, fujisa, geren beise,
12 ice tere bade genehe bihe, han i jakade acabufi, jakūn gūsai jakūn
13 ihan wafi sarilaha;
14 juwan nadan de, fe an i gaijara alban i jeku orho be hūdun
15 hafirame bošofi 20/21 ulebu;
Page 370
01 jaisai beile de buhengge, sahalca seke hayaha seke i doko
02 noho hūha jibca, seke i mahala, silun i dahū, sijiha gūlha,
03 foloho umiyesun, foloho jebele de beri niru yooni, acinggiyame foloho
04 enggemu hadala tohohoi emu morin, beyede 21/22 etu seme emu
05 hilteri uksin saca galaktun yooni, bai jergi uksin emu tanggū buhe;
06 juwan jakūn de, beise i beye juwan ba i dubede fudeme
07 genefi, juwe ihan, juwe honin wame sarilame fudefi, jaisai beile be
08 unggihe, yakcan buku, isamu, beki, ere ilan niyalma 22/23 beneme
09 genehe;
10 orin de, jaisai benjihe morin honin be, jakūn beise dendeme
11 gaiha, honin be, du tang, dzung bing guwan de buhe, gaime funcehe
12 ihan be, du tang, dzung bing guwan ci fusihūn, ciyandzung ci
13 wesihun, siran siran i hergen bodome šangname 23/24 buhe;
14 manggūltai beile, darhan hiya juwe minggan cooha gaifi
15 cang šan doo de cooha genefi, nikan i juwe minggan cooha be gemu
Page 371
01 gidafi waha seme, sunja niyalma aibari medege alanjime orin de
02 isinjiha; 24/25
03 orin de, isun be hūlhaha weile be alahakū gidaha seme,
04 fujiyang ni hergen be nakabuha, yasun be weisibufi jai jergi
05 tšanjiyang obuha;
06 orin emu de, baindari hecen i iogi be 25/26 wesibufi ilaci jergi
07 tšanjiyang obuha, babutai, ninju, ilaci jergi iogi be wesibufi uju
08 jergi iogi obuha, fanggina beiguwan be wesibufi uju jergi iogi obuha,
09 jakduri be uju jergi iogi obuha, deju, tangkio be ilaci jeagi iogi
10 obuha, arbuni faksi, hoosa, jaciba, singgiyan be ilaci jergi tšanjiyang
11 ni hergen be 26/27 wesibufi uju jergi iogi obuha, manggūltai beile i
12 baha olji be juleri afaha duin tanggū nikan de duin tanggū hehe,
13 tanggū takūrafi duin yan menggun šangname bu seme arabu, g^aoši
14 be orin emu de unggihe, duin bedzung de emte hehe tucibume
15 buhe; 27/28
Page 372
01 orin juwe de, korcin gumbu i elcin, minggan mafa i elcin,
02 jargūci mafa i elcin i emgi turusi baksi monggo de genehe;
03 orin ilan de, kalka i joriktu beile i duin niyalma jakūn
04 morin gajime ukame jihe; 28/29
05 jeng giyang de morin ulebume emu gūsai emte fujiyang ni
06 jui, iogi beiguwan emu nirui juwanta uksin gaifi orin duin de
07 genehe, manggūltai beile i cooha genehe baci, samhatu, olji baha ton
08 be alanjime orin duin de isinjiha; 29/
09 /32 buhengge, ilan minggan ilan tanggū ninggun hule buhe, duin
10 biya ci ebsi, jakūn biya ci casi, liyoodung ni jeku be monggo nikan i
11 anggala nirui uksin i niyalma de buhengge, juwe tumen sunja
12 minggan susai ninggun hule ilan sin buhe, fe alban i jeku bisirengge,
13 emu tumen duin minggan emu tanggū juwan emu hule bi, 32/33
14 liyoodung ni jeku be juwen sindahangge, jakūn tanggū dehi emu
Page 373
01 hule, ere uhereme emu tumen duin minggan uyun tanggū;
02 orin jakūn de, jaisai beile i elcin ootamo genehe;
03 orin jakūn de, 33/34 han, fujisa, beise, nikan i hafasa, hafasai
04 sargan be gamame ambasa ice hoton arara bade tucifi genefi, jakūn
05 gūsai jakūn ihan wafi, juwanta dere dasafi amba sarin sarilaha, jai
06 hoton arara nikasa de emu gūsai juwanta ihan šangnaha, jakūn gūsai
07 jakūn iogi i sargan de aisin i sifikū emte buhe; 34/35
08 orin jakūn inenggi, g^ai jeo de anafu teme duin iogi gaifi
09 emu minggan cooha genehe;
Page 374
01