|
|
Volume 2
Volume 3
Volume 1, Fascicle 24
Page 349
01 tongki fuka sindaha hergen i dangse;
02 nadan biyai ice ilan i inenggi, liyoodung ni babe baha doroi
03 amba sarin sarilame, han yamun de tucifi, dzung bing guwan ci
04 fusihūn beiguwan ci wesihun jergi bodome tebufi, dere tukiyefi han
05 i galai aisin i hūntahan i arki omibuha, sarin sarilame wajiha
06 manggi, emte jergi etuku etubuhe, geren coohai 1/2 beise sarin
07 sarilaha etuku šangnaha doroi hengkilere de, han hendume, nikan ini
08 amba gurun be elerakū, ajigen gurun be waki sefi, ini amba
09 cooha wabuha, amba babe elerakū, ajigen babe bahaki sefi, ini
10 amba babe gaibuha, nikan be abka wakalafi, muse be abka urulehe,
11 ere emte hūntahan arki omibuhangge emte etuku 2/3 etubuhengge ai
12 salire, coohai beise suilaha be dahame mujilen okini;
13 ice duin de, yangguri, gangguri, juwe dzung bing guwan
14 emu minggan sunja tanggū cooha be gaifi, g^ai jeo i jang iogi,
15 dung cang pu i lio iogi ahūn deo i niyalma gemu guwangning debi
Page 350
01 3/4 seme akdarakū ganaha;
02 han i bithe, nadan biyai ice de wasimbuha, beise meni meni booi
03 juse be ajigen de aktala, aktalafi beise i hūwa i dolo benjici, jui be
04 benjihe ama eme bayan wesihun banjimbi kai, mini ere gisun de
05 isibume buya juse be aktalarakū ofi, beise i hūwa i 4/5 hehesi gūwa
06 de koraka de haha be warakūn;
07 han i bithe, nadan biyai ice ninggun de wasimbuha, nikasa
08 wesihun wasihūn amasi julesi boigon gurime genere niyalmai jeku be
09 ihan macume ume unggire, ini booi jeku be miyalifi munggatu
10 de afabume bu, toodame gurime genehe ba i tšang ni jeku be
11 gaifi jekini, tšang ni 5/6 jeku be bure de munggatu ba i hafan
12 de hendufi bukini;
13 ice nadan de, solho nikan de jaha de tefi mukei genere be
14 bahafi gajiha jakūnju ninggun niyalma be, baitangga faksi niyalma
15 be ujihe, jai gemu waha; 6/7
Page 351
01 ice jakūn de, jafaha juwe solho de jafabufi unggihe bithe
02 ere inu, bi donjici, mini baha liyoodung ni niyalma suwende ambula
03 genefi bi sere, mini nikan be minde bedereburakūci adame tefi ehe,
04 ai sain, nikan meni juwe gurun i dain foihori araha dain waka,
05 nikan jasei tulergi encu 7/8 gurun i weile de daha be wakalafi abkai
06 araha dain, abkai wakalaha nikan i weile be solho sini beye de ainu
07 alihabi, abkai wakalaha nikan de dafi abka de eljere gese
08 hokorakūci, si abkai dergi abka kai, muse juwe gurun daci aika
09 8/9 bata kimun biheo, bi kemuni bithe unggime niyalma takūraci,
10 karu emu bithe unggirakū, karu emu niyalma takūrarakū, genehe
11 elcin be halburakū, dain de bahafi jafaha hafasa be kemuni sindafi
12 unggici, baniha sere emu sain gisun akū, si mimbe fusihūlame tuttu
13 dere, abkai ujire niyalma be fusihūlaha niyalma jabšaha kooli inu
14 9/10 akū, sini mangga be bi inu sahabi, julge dailiyoo gurun i tiyan
15 dzo han meni aisin gurun i asu be bederebuhekū, nikan i jao
Page 352
01 hoidzung han aisin han i dailaha dailiyoo eden jang giyo gebungge
02 amban be bederebuhekū ofi, ufaraha kooli inu bi, jai solho i jao
03 wei jung dehi funceme hecen be gaifi ubašaci, meni aisin han alime
04 gaihakū ofi, muse 10/11 juwe gurun sain banjiha kooli bi, ere
05 gemu suweni sara weile kai, solho si nikan be sain seme hokorakūci,
06 nikan adarame sain, bi donjici nikan i u wang han ini amban gi dz
07 be solho gurun de emu jalan han tebuhe sere, jai liyoodung ni ba
08 suweni solho i ba bihe sere, nikan durime gaihabi, jai ini nikan
09 gurun ci 11/12 ambula fusihūn arafi booi aha i gese ujihebi kai,
10 nikan de dahafi emu gisun be mararakū geleme banjici, esi sain
11 oci, bi nikan i gese geleburakū, beye sain banjiki seci ojorakū
12 oci suweni ciha dere, jao wei jung ni gese sini solho i jaka
13 ci ubašame jihede, si amasi gaji sembio; 12/13
14 beise duin ošohoi mangsei puse, du tang dzung bing guwan,
15 fujiyang kilin i puse, tšanjiyang, iogi arsalan i puse, beiguwan,
Page 353
01 ciyandzung biyoo i puse etumbi;
02 han i bithe juwan de wasimbuha, fe ala ci casi toran jaltakū,
03 imahū, suwan, yarhū ci ebsi jeku be monggo jafame hadu, fe ala
04 ci ebsi deli 13/14 wehe, šanggiyan hada, duka ala ci casi jeku
05 be fe kemuni henohe hanci hatu, yengge, muhu gioro ci ebsi
06 ehe holo ci casi jeku be monggo jafame hadu, ehe holo ci ebsi deli
07 wehe, šanggiyan hada, duka ala ci casi jeku be fe kemuni henohe
08 hanci hadu, fanaha pu, caiha pu i jeku be kemuni henohe fangkala
09 hadu, jeku be tūfi 14/15 edumiyefi bolgo walgiyafi serguwen de
10 hule i ton sin i ton be ejefi yamji umbu;
11 han i bithe juwan emu de wasimbuha, jontoi, bebuhei, sahaliyan,
12 ubatai, yasingga, koboi, jahai, hondai, ere jakūn gūsai sefu seme
13 tucibuhe jakūn baksi, suweni fejile šabi dosimbuha juse be saikan
14 kimcime bithe tacibufi šumbuci 15/16 gung bure, kiceme tacirakū
15 dosika juse bithe šunderakū oci weile arambi, dosimbuha šabisa
Page 354
01 kiceme tacirakūci sefu si beise de habša, jakūn sefu be ai ai baita
02 de daburakū;
03 han i bithe juwan de wasimbuha, goloi amban ciyandzung, usin
04 bošome genehe ciyandzung, gašan bošoro šeo pu, meni meni 16/17
05 nirui jeku be hūdun bošome nirui niyalma be uhe acafi hadubu,
06 haduha jeku be ineku uhe hūdun tūbu, tūhe jeku be wekji akū
07 bolgo weilefi, dobori seruken de umbubu, julgei adali oihori ume
08 bošoro, fe ala, ehe holo, bi yan, kalka i oforo, tereci wesihun jeku
09 be gemu monggo jafame hadubu, tereci wasihūn jeku be fe kemuni
10 henohe 17/18 fangkala hadubu;
11 yungšun morin tuwame genefi niyalma yordofi bucehe seme
12 šajin de beidefi, niyalma toodame weile gaime tšanjiyang ni hergen be
13 wasibufi iogi obume beidehe bihe, han donjifi ahūn alanju, age i
14 gung be gūnime niyalma 18/19 toodara weile gaijara hergen wasibure
15 be gemu nakafi, kemuni tšanjiyang ni hergen de bibufi, cooha
Page 355
01 afabufi, afabuci, dain oci muterakū, gašan de oci tondo akū, ce
02 gemu ulin gidaha manggi weile gaiha, hergen be gemu efulehe;
03 juwan duin de, guwangning ci nadan monggo 19/20 ukame
04 jihe;
05 monggo i urut gurun i darhan baturu beile i tofohon boigon
06 ukame jihe;
07 juwan duin de, usin dendeme genembi seme gašan gašan de
08 neneme medege alanaha gisun 20/21 ere inu, hai jeo bade juwan
09 tumen inenggi, liyoodung i bade orin tumen inenggi, uhereme gūsin
10 tumen inenggi, usin be gaifi, meni ubade tehe coohai niyalma morin
11 de buki, jai meni geren baisin niyalmai usin meni bade tarikini,
12 suweni liyoodung ni ba i beise ambasa bayasai usin waliyaha ambula
13 kai, tere usin be 21/22 dosimbume meni gaire gūsin tumen usin be
14 ere šurdeme bahaci wajiha, isirakūci sung šan pu ci ebsi cilin,
15 ilu, puho, fan ho, hontoho, simiyan, fusi, dung jeo, magendan,
Page 356
01 niowanggiyaha, gu šan de isitala tari, tede isirakūci jase tucime
02 tari, julge suweni nikan gurun bayan niyalma, ba ambula gaifi
03 usin be niyalma turifi weilebume, jeke seme wajirakū jeku
04 uncambihe, yadara 22/23 niyalma usin jeku akū ofi udame jembihe,
05 udame ulin wajiha manggi giohambihe, bayan niyalma jeku isabufi
06 niyara, ulin isabufi baibi asarara anggala, tenteke giohara akū
07 yadara niyalma be ujicina, donjire de inu gebu sain, amaga jalan
08 de hūturi kai, ere aniya tariha jeku be meni meni gaisu, bi te usin
09 be tolofi emu haha de jeku 23/24 tarire sunja cimari, kubun tarire
10 emu cimari usin be neigen dendefi bumbi, suwe haha ume gidara,
11 haha gidaci usin baharakū kai, ereci julesi giohoto niyalma be
12 giohaburakū, giohoto de hūwašan de gemu usin bumbi, meni meni
13 usin be kiceme weile, ilan haha de emu cimari alban usin weilebumbi,
14 orin haha de emu haha be cooha ilibumbi, ineku orin haha de 24/25
15 emu haha be alban weilebu, suweni gurun i gese hafasai beye,
Page 357
01 hafasai takūraha niyalma be fejergi niyalma de ulin gaiburakū,
02 dergi niyalma de buburakū, suweni nikan i tšanjiyang, iogi emu
03 aniya gaijarangge, turi, šušu, je, uheri sunja tanggū hule, olo,
04 maise, giyen, tere be ton de daburakū, biyadari jetere bele, moo
05 yaha, hoošan, sogi de tofohon yan gaimbihe, bi tere 25/26 facuhūn
06 alban be gemu nakabuha, tondo šajin i banjimbi, genehe hafasa be
07 yali udame jekini seme han i menggun šangnahabi, genehe genehe
08 ba i niyalma be tolofi bele bu;
09 tofohon de, kalka i joriktu beile i ninju boigon ukame
10 jihe; 26/27
11 juwan ilan de, nio juwang ni niyalma juwe tanggū uksin,
12 juwe tanggū beri niru, okto sirdan emu minggan, poo i muhaliyan,
13 ambasa muhaliyan ilan minggan, buya muhaliyan sunja to, g^an sele
14 susai gin gajihabi; 27/28
15 han i bithe juwan nadan de wasimbuha, hecen i dorgi hecen i
Page 358
01 tulergi jušen i tehe boode bisire tubihe moo de morin ihan
02 hūwaitafi ijume bucembi, meni meni mooi ejen nikasa de hendufi
03 saikan tuwakiyame ujibu, ujifi hūda gaime uncakini;
04 gangguri, yangguri, suwende unggihe juwe tanggū yan 28/29
05 menggun de, ulha be cihangga niyalma uncanju seme hūlafi, juwe
06 ejen icinggai udafi jefu, ici akū be durire gese ume udara, neneme
07 genehe niyalma durire durun i menggun be maktame bufi, nikan
08 i gasaha gisun be donjifi, menggun unggihekū bihe, jai suweni emgi
09 genehe emu tanggū uksin be usin fehume genere niyalmai emgi
10 unggi, wajitala emgi 29/30 dahame yabukini, jai birai dogon
11 tuwakiyara niyalma birai dalin be ulan fetefi tuwakiyakini;
12 munggatu suweni emgi genehe niyalma gurun be jobobume
13 yaburahū, saikan bolgo getuken i bargiyame yabufi jio, ihan
14 ulgiyan be ba i niyalma yarume benjici, benjihe ulha be yengke
15 menggun bufi gaifi jefu; 30/31
Page 359
01 juwan jakūn de, borjin hiya hai jeo de juwe minggan cooha
02 be gaifi halame genehe;
03 juwan uyun de, emu nirui juwanta niyalma tucibufi dangse
04 araha; 31/32
05 juwan uyun de, soohai nirui naimangga, daise nirui ejen
06 yaran be ubui morin gidaha seme gercilefi, gercilehe gisun mujangga
07 ofi, naimangga be niru ejen obuha, yaran de tofohon yan i weile
08 gaifi niru bošoro be nakabuha, isun be gerci niyalma alaci hūdun
09 alaburakū, sunja biya otolo gerci gisun be gidaha seme isun be
10 32/33 beidesi ci nakabuha, orin sunja yan i weile gaiha, gisun de
11 tofohon yan i weile gaiha;
12 orin de, aita alanjime mederi de jaha sabumbi seme alanjiha
13 bihe;
14 orin emu de, 33/34 han i beye tucifi geren beise be gaifi
15 tangse de hengkilehe;
Page 360
01 orin juwe de, sirhūnak dureng monggo i susai boigon ukame
02 jihe;
03 orin ilan de, hai jeo i aita juwe tanggū 34/35 saca beri
04 jebele sirdan enggemu hadala yooni unggihe;
05 orin duin de, ice hecen i jao iogi alanjime, nikan solho
06 acafi mederi be orin i dobori jaha i jifi, jeng giyang hecen i ejen
07 tung iogi, tang jan pu i šeo pu be gamaha 35/36 seme alanjiha;
08 orin duin de, karun i iogi suldungga, borkan i dehi niyalma
09 be gaifi jeng giyang ni ergide medege tuwaname genehe, langšan,
10 aimuka be orin niyalma be gaifi ginjeo i tšanjiyang aita be
11 tuwanggime genefi, aika baita tucikede aita be 36/37 gajime jio seme
12 orin duin de unggihe;
13 orin sunja de, jangkio nirui ilan niyalma, tumei nirui tai
14 de tehe emu niyalma be angga butuleme waha seme, jangkio nirui
15 ilan niyalma be gemu waha; 37/38
Page 361
01 orin de, ice hecen i iogi jao i ho boolanjime, nikan i mao
02 iogi liyoodung ci burulame tucike han tšanjiyang, wang tšanjiyang
03 be gaifi, burulame genehe ilan minggan cooha mederi be jaha i
04 jifi, orin i dobori jeng giyang hecen be kara jakade, jeng giyang ni
05 cen jung giyūn hecen i ejen iogi tung yang yuwan i ama 38/39 jui
06 be jafafi bufi dahaha, tang jan pu i niyalma ini hecen i ejen šeo
07 pu cen gio giyai be jafafi buhe, hiyan šan pu i niyalma ini hecen i
08 ejen šeo pu lii ši k^o be jafafi buhe, tere ilan hecen i niyalma gemu
09 tede dahaha seme alanjiha; 39/40
10 orin ninggun de, amba beile, manggūltai beile, du tang ni
11 hergen i adun de juwe minggan cooha adabufi ginjeo i ba, goro
12 jecen i ba, olhocuka babe tuwafi, ginjeo i tšanjiyang aita be amasi
13 g^ai jeo de bederebufi tebu seme unggihe;
14 inkeu tere inenggi, 40/41 duici beile, du tang ni hergen i
15 donggo efu de ilan minggan cooha adabufi, jeng giyang ni ergi
Page 362
01 ubašaha irgen be ujulaha ehe be isebume wa, gūwa be boigon arafi
02 gaju seme unggihe, unggifi tere dobori gūnici olhome ofi, orin
03 nadan de amin beile, darhan hiya de juwe minggan cooha adabufi,
04 jihe cooha bedererakū afara dursun oci, suwe 41/42 afa ume ebšere,
05 šurdeme dacilame tuwabufi, sejen kalka dagilafi, faksikan i elhei afa
06 seme nonggime unggihe;
07 orin nadan de, ice hecen i jao iogi yargiyalafi, ini jung
08 giyūn be takūrafi alanjiha gisun, šanaha de tehe yuwan giyūn men,
09 mao wen lung gebungge iogi de juwe 42/43 tanggū niyalma be
10 adabufi, duin jaha i solho han de gisun i bithe beneme geneme,
11 mederi de ceni nikan neneme solho de elcin genefi, jidere juwe jaha
12 be acafi, mao wen lung ini emgi bedereme yabu seme bedereme
13 gamame, ninggun jaha i solho i bade isinafi, mai cuwan pu de
14 ebuhe be, jeng giyang ni niyalma donjifi 43/44 jeng giyang hecen i
15 jung giyūn cen liyang tše, mao wen lung de hebe arafi, orin i
Page 363
01 dobori pu tokso i irgen niyalma emu udu tanggū jeng giyang ni
02 hecen tule kaicahabi, hecen i dorgici cen liyang tše jabume
03 kaicame, nikan i amba cooha jihebi seme urkilafi, hecen i ejen
04 iogi tung yang yuwan be jafafi, iogi i 44/45 jui be dahaha ninju
05 isime giyajasa be gemu wafi, jai cimari tung iogi be gamame, ma
06 teo šan alin de mao wen lung de acanaha, tereci tang jan i niyalma
07 tang jan i šeo pu be jafafi benehebi, hiyan šan i niyalma hiyan šan
08 i šeo pu be jafafi benehebi, yung diyan i šeo pu be mao wen 45/46
09 lung jafafi gamahabi, cang diyan i šeo pu ini cisui acanahabi
10 seme alanjiha, jai mao wen lung emu tšoo halangga dusy hafan be
11 jao iogi be daha seme takūrara jakade, jao iogi dusy be wafi, dusy i
12 uju, dahaha emu niyalma be wahakū jafafi benjihe, benjihe
13 manggi, 46/47 han, jao iogi be saišafi tanggū yan mengun šangnaha,
14 takūrafi jihe jung giyūn de orin yan menggun šangnaha;
15 duici beile, amin beile, du tang, dzung bing guwan, geren
Page 364
01 fujiyang, tšanjiyang, emu nirui orita uksin, ilan minggan cooha be
02 gaifi, jeng giyang ni 47/48 ba i ubašaha gurun be dahabume genefi,
03 ubašahakū gurun be boigon arafi werihe, ubašaha gurun be olji
04 arafi, emu tumen juwe minggan olji gajiha;