|
|
Volume 2
Volume 3
Volume 1, Fascicle 18
Page 271
01 tongki fuka sindaha hergen i dangse;
02 juwan nadan de, dongsingga ba i hibsu hada i tai niyalma,
03 juhe hūwajame guwengke jilgan be, tašarame poo sindaha seme pan
04 forire jakade, siran siran i pan forihai, han i hecen de ulgiyan erinde
05 pan i mejige isinjiha, jai cimari, 1/2 han, ambasai baru hendume,
06 musei warkasi golo de, nikan cooha de lakcame sehe bihe
07 kai, lakcahabio seme fonjire jakade, darhan hiya jabume, gemu lakcame
08 wajiha, meni nirui emu hehe nimeme gajici ojorakū ofi, tere
09 boigon i niyalma amasi bederehe sere, han hendume, tuttu oci,
10 lakcara unde kai, musede sakda, 2/3 nimeku noho, dogo, doholon seme
11 hihan akū dere, dain i nikan bahaci, ujui ton kai seme hendufi,
12 tšanjiyang ni hergen šajin gebungge niyalma be, tere warkasi golo
13 be tuwana seme takūrafi unggihe, tere genehe niyalma, tere golo de
14 emu tanggū juwan duin niyalma, morin, ihan jakūnju ninggun bahafi
15 gajiha manggi, šajin de duileci, amba 3/4 weile ofi, golo be
Page 272
01 bargiyahakū seme, golo be bargiyabure ejen manggūltai beile de weile
02 arafi, emu morin de enggemu hadala tohohoi uksin saca acihai, juwan
03 booi jušen gaimbihe, gaijara weile be waliyaha, ba i ejen darhan hiya
04 be, ini nirui niyalma be getuken i hendufi, wacihiyame bargiyame
05 gajihakū seme weile arafi, jušen juwe 4/5 tanggū haha gaimbihe,
06 han hendume, šajin i niyalmai beidehe jurgan mujangga seme gaime
07 toktobufi, han, darhan hiya be ujihe be feteme hendume, mini beye
08 de banjiha duin jui gese tukiyefi, simbe sunjaci jui obuhabi kai,
09 simbe tuttu jergi niyalma ci wesibufi dele ujire be, sini jergi ambasa
10 buyehe 5/6 seme baharakū kai, julgei mergesei henduhengge, hūcin
11 fetefi muke jembi, juse ujifi hūsun gaimbi seme henduhe bihe kai,
12 ama bi, simbe jui arafi gūwa ci fulu urgunjebume ujici, si geli ama
13 han be karu urgunjebume, gūwa ci fulu ainu kiceme kadalarakū,
14 sini kadalara hendurengge elhe kai, elhe akūci, gurun be
15 kadalara be sindafi, sini beyei nirui niyalma be 6/7 boljoho inenggi
Page 273
01 lakcame ainu gajihakū seme hendufi, sini jušen be gaifi, bi wede
02 bure seme, gaijara juwe tanggū haha be gaihakū, weile waliyaha,
03 mini akdafi afabuha niyalma si akūmbuhakū, sinde bi ushambi seme
04 ushame juwan inenggi acabuhakū;
05 gaha, munggu be ai ai bade takūraci ombi seme 7/8 tukiyefi,
06 fujiyang ni hergen obuha bihe, šanggiyan hada i cooha de, ebufi afa
07 seme amba beile i beye genefi henduci, ebuhekū, sakda i šusai
08 gebungge niyalma, dehi niyalma be gaifi ebuhe, tereci warkasi golo
09 de dosika yafahan i cooha de, juleri dosika niyalma be nikan deheleme
10 tuhebuci, gaha, munggu geli dosikakū, ineku sakda i šusai juleri
11 dosika, feniyen de afame bihe seme, 8/9 gaha, munggu be wara weile
12 tuhebuhe bihe, jai han gūnifi, wara weile mujangga, wara anggala,
13 munggu be wasibufi cooha de daburakū, gurun i usin jeku icihiyara
14 tung pan i hergen buhe, gaha be wasibufi gurun i weile de daburakū,
15 beile i booi tokso bošoro ulha tuwara weile de afabuha, tere juwe
Page 274
01 bade, sakda i šusai be wesibufi, tšanjiyang ni 9/10 hergen buhe,
02 suijan, uici be holo jalingga seme, cooha kadalara iogi hergen be
03 wasibufi usin jeku icihiyara tung pan i hergen buhe;
04 korcin i minggan mafa i elcin omoktu i emgi duin niyalma,
05 orin ilan de isinjiha, orin duin de amasi unggihe; 10/11
06 orin ninggun de wasimbuha bithei gisun, adun age i booi haha,
07 yangguri efu i booi hehe de latufi, ukame genembi seme hebdefi,
08 ukame tucifi amasi dosika seme, haha hehe be acabuha;
09 kūwaci be, juwe biyai orin juwe de den 11/12 hashan i boode
10 horifi, juwe biya seolefi, ujici ojorakū ofi waha;
11 darhan hiya i gūsade, niyamjui nadan niru emu hontoho,
12 feideri de nadan niru, aisika, siberi de sunja niru; 12/13
13 adun age i gūsade, deli wehe de ilan tanggū nadanju uksin,
14 hule golo de orin jakūn niru, toran, janggi de juwan nadan niru;
15 muhaliyan i gūsade, jakūmu de juwan niru, dethe de ninggun
Page 275
01 niru, oho de sunja niru; 13/14
02 jirgalang age i gūsade, undehen de emu tanggū orin sunja
03 uksin, boo wehe de nadan niru, fe ala de susai duin niru;
04 tanggūdai gūsade, jakdan de juwe tanggū susai uksin, jaka
05 de uyun niru, hūwanta, looli, jan bigan, hūlan de juwan ninggun
06 niru; 14/15
07 borjin i gūsade, fanaha de juwan niru, bi yen de ninggun
08 niru emu hontoho, hecemu, hanggiya de juwan niru;
09 donggo efu i gūsade, hunehe, yengge de sunja niru, boihon
10 šancin de sunja niru, yarhū, suwan de jakūn niru, šanggiyan hada de
11 15/16 juwe tanggū susai uksin;
12 abatai age i gūsade, caiha de sunja niru, muhu gioro de
13 sunja niru, ordo hada de sunja niru;
14 orin nadan de, hoton weilere niyalma de, 16/17 geli juwe
15 niyalma de emu gin dabsun buhe;
Page 276
01 orin jakūn de, genggiyen han hendume, nikan gurun, jase
02 tulergi encu gurun i weile de daha be, abka wakalafi, han ci
03 fusihūn, g^oloo, cangšu ci wesihun, gemu liyeliyefi fudasihūn jurgan
04 be yabume, dain arafi 17/18 biyadari gaibume wabume buceme irgen
05 be jobombi kai, tuttu gurun i ejen han, ujulaha ambasa gemu ehe
06 jurgan i banjire bade, fejergi buya niyalma udu bahanaha saha seme,
07 tere ambasa be duleme adarame hendumbi, musei gurun i han i
08 sirame banjire beise ambasa, inenggidari acafi gurun irgen i joboro
09 jirgara doro šajin be, dain cooha de adarame oci jabšabumbi,
10 adarame oci 18/19 ufarambi seme bodome gisureme banjicina, ujulaha
11 beise ambasa, suwe doroi jalin de joborakū, jirgacun sebjen de dosici,
12 fejergi buya niyalma udu bahanaha saha seme, suwembe duleme
13 adarame hafufi hendumbi, ujulaha beise ambasa, suwe tuttu oci,
14 doro šajin aide genggiyen ombi, gurun irgen aide jirgambi,
15 hoton weilere niyalma de, neneme emu jergi buhe dabsun
Page 277
01 jeme wajire unde kai, 19/20 wajinggala geli dabsun buhengge, gurun
02 i niyalma wehe moo unufi suilara be safi gosime buhe kai, han i
03 sain de gurun, gurun i sain de han kai, beile i sain de jušen, jušen
04 i sain de beile kai, gurun i joboho be han sara, jušen i joboho be
05 beile sara oci, jušen irgen joboho weilehe seme koro akū kai; 20/21
06 orin uyun de, monggo adai ilaci jergi tšanjiyang be wesibufi,
07 uju jergi tšanjiyang obuha;
08 orin uyun de, hecen sahame wajiha;
09 nikan i waliyaha fanaha golo de, jakūn beile i 21/22 tokso
10 tebume sasa unggimbi seme, gisurehe gisun be jurceme, nomci
11 neneme hurgen ihan unggihe jalin de, orin uyun de weile arafi, hergen
12 i loo de sunja inenggi omihon horiha;
13 han i booi ningšan i sargan jui be, kasari jui de gaiki seme,
14 yasun, ahūtu fonjifi, 22/23 han, kasari jui de buhe, terebe faksi hoosai
15 jui dorgon tucifi, ningšan i jui be, bi neneme gisurehe bihe seme
Page 278
01 fonjibure jakade, han hendume, tuttu oci, sargan jui ama eme de
02 fonjiki, šajin de, sargan jui, haha jui cihangga oci gaimbi, cihakū
03 oci nakambi kai seme, sargan jui ama eme de fonjici, sargan jui
04 ama 23/24 eme, dorgon nenehe sere jakade, dorgon de buhe manggi,
05 kasari sargan, eme hendume, ningšan i boode dorgon i eme neneme
06 genehe mujangga, fonjime, be nenehe seme kasari be huwekiyebume
07 hendure jakade, kasari, jai dasame yasun, ahūtu be, geli bi neneme
08 gisurehe bihe seme fonjibure jakade, han hendume, šajin de, hehe
09 niyalma gisun de darakū 24/25 bihe kai, sini anggala, fujisa hono
10 gisun de darakū kai, šajin be efuleme gangguri sargan, kasari be
11 huwekiyebufi, han de dahūme gisun ainu fonjibuha, han i beidehe
12 gisun waka oci, suweni dahūbuha mujangga kai, šajin de, haha jui,
13 sargan jui cihangga oci gaimbi, cihakū oci burakū seme šajilafi,
14 gūsin aniya toktoho šajin be, suweni emhe, urun ainu efuleme 25/26
15 huwekiyebumbi, sargan jui ama eme de fonjifi, buhe jui be durime
Page 279
01 marame ainu fonjibuha seme weile arafi, yasun de orin sunja yan,
02 ahūtu de orin yan, kasari be susai šusiha šusihalafi, han i buhe aika
03 jaka be gemu gaifi, buda ulebure ci hokobufi, niru de bošoho,
04 emhe, urun be susaita šusiha šusihalaha; 26/27
05 muhu gioroi hoton arara de, yahican buku, bilaha alban i
06 niyalma be unggihekū seme weile arafi, ini hontoho beiguwan i
07 tofohon yan gung faitaha;
08 ilan biyai ice de, šajin gebungge tšanjiyang, 27/28 nikan i jase
09 bitume tai tebume genehe;
10 ice ilan i inenggi, amin beile gūsai warka fiyanggū gebungge
11 niyalma, ini beile be ulgiyan gaiha, morin buhekū, fujisa be tuwakiya
12 seci, ohakū maraha seme tantaha turgunde, bithe arafi han de
13 habšame, abka de tafaci wan akū, na de 28/29 dosici jurun akū seme
14 habšara jakade, han, geren šajin i niyalma be duile seme duilebufi,
15 geren beise ambasa, warka fiyanggū be, sini ilan amban waka weile
Page 280
01 be uru arame, elemangga abka de tafaci wan akū, na de dosici jurun
02 akū seme šerime ainu habšaha seme, wara weile maktaha bihe, 29/30
03 han donjifi, warka fiyanggū be umai ulhirakū beliyen niyalma kai,
04 tere be waha seme ainara, niru ci hūwakiyafi, ini booi teile be, han
05 sula sindafi, ilan deo de gene sere jakade, jaisanggū age de genehe,
06 artai be abalaha seme nirui niyalma gercilefi, gercilehe jušen hokoho,
07 uyun yan i weile araha, šorhoi be, sunja niru be 30/31 kadalambi seme
08 eihen šangnaha bihe, šangnaha eihen be amasi gercilefi, gerci hokoho,
09 ihan toodame gaiha, orin yan i weile araha, šumuru be, nirui niyalmai
10 weile be šajin de gajifi alabuhakū seme, orin yan i weile araha;
11 ice duin de, simiyan i hecen ci, emu nikan, morin yalufi
12 ukame jihe, dodo age de uji seme buhe; 31/32
13 kalka i joriktu beile i monggoso juwan niyalma, ulha gajime
14 hūda jihe, ice sunja de beidehe weile ere inu;
15 kotan, ini nirui hehe be šajin de alahakū tantaha seme,
Page 281
01 tofohon yan i weile gaiha, hūwašan, ini nirui niyamangga niyalma
02 be hecen weilere de 32/33 guwebuhe seme, namtai gebungge niyalma
03 gercilefi, sunja haha hokoho, uyun yan i weile gaiha, sirana nirui
04 yarga gebungge niyalma be, neyen golo de amban arafi, eiten be baica
05 seme ejen sindaha bihe, ukandara niyalma be jafafi ini beye amala
06 ini sargan i emgi jihe, juleri emu gucu be adabufi unggihe, tere
07 niyalma, gucu 33/34 jidere niyalma be wafi ukame genefi, geli emu
08 niyalma be wahabi, yarga be goloi amban ci wasibufi, juwe niyalma
09 be toodame gaiha;
10 simiyan i hecen ci, emu nikan, morin yalufi ice ninggun de
11 ukame jihe; 34/35
12 ilan biyai ice nadan de, monggo i bagadarhan i nadan boigon
13 ukame jihe;
14 ice jakūn de, jaisa beile i emten niyalma elcin jihe;
15 dodo age i nadan monggo, ice uyun de 35/36 ukame genehe;
Page 282
01 juwan de, juwe nikan, fung ji pu ci morin yalufi ukame
02 jihe;
03 juwan emu de, monggo i joriktu beile i jui babai taiji ci,
04 ilan haha juwe hehe, ninggun 36/37 morin gajime jihe;