|
|
Volume 2
Volume 3
Volume 1, Fascicle 11
Page 161
01 tongki fuka sindaha hergen i dangse;
02 nadan biyai ice jakūn de wasimbuha, abkai fulinggai banjiha
03 genggiyan han hendume, abka, muse be gosifi emu doro buhebi kai,
04 abkai emgeri buhe doro be aljaburahū seme, gurun i ejen han olhome
05 geleme, doro be akdun jafafi banjimbi, 1/2 han i sindaha ambasa, geren
06 i ejen ci fusihūn, nirui janggin ci wesihun, suwe meni meni afaha
07 jurgan be olhome gingguleme, šajin fafun be akdun jafafi etenggileme
08 kadalacina, ere mudan i cooha de, keyen i morin be gemu hūlhame
09 yalucafi, ememu niyalma andala jugūn de sula bošohobi, ememu
10 niyalma boode isinjifi bošohobi, gūwa gurun i šajin fafun genggiyen
11 akdun akū ofi, 2/3 abka wakalafi, gurun i niyalmai mujilen be gemu
12 facuhūn obuhabi kai, abka, muse be gosiha bade, kadala seme tušabuha
13 niyalma ainu kimcime baicame kadalarakū, mini juleri ohode, gemu
14 meni meni beyebe janggingga fafungga mergen baturu arambi,
15 enggici ohode, han sarkū seme hutu i mujilen jafaci, abkai sindaha
Page 162
01 han serengge, oihori waka kai, han i enggici seme hutu i mujilen
02 jafaha niyalma, tere inu uthai 3/4 hutu ome toktombi kai, tondo
03 mujilen jafafi gurun be ejebume ulhibume tacibume kadalacina, udu
04 mucen hacuhan aciha niyalma, moo ganara niyalma seme, ambula
05 tacibume henduci, inu ulhimbi kai, mini ere gisun be geren suwe
06 duileme tuwa, uru oci, suwe adarame akdulambi, akdulara gisun be
07 ala, ere bithe be, geren i ejen ci janggin de isitala, tatan tatan i
08 ejete de gemu 4/5 sala, mini gisun waka oci, suwe tafula, akdulara
09 gisun be, geren gemu emu adali uhe ume arara, geren i ejen oci,
10 meni meni gūniha babe akdularangge ere inu seme, meni meni bithe
11 ara, gūsai ejete, inu mini akdularangge ere inu seme, meni meni
12 gūniha babe bithe ara, jai meiren i ejen, sunja nirui ejen, nirui
13 ejen, janggin, gašan 5/6 bošokū, inu meni meni akdulara gisun be,
14 meni meni emte bithe ara, geren i ejen ci fusihūn, gašan bošokū ci
15 wesihun, akdulaha gisun be gemu han de wesimbu, han tuwafi dangse
Page 163
01 de arame gaifi, amaga inenggi suwe gūwaliyafi weile araci, suweni
02 akdulaha gisun be tuwame beideki; 6/7
03 han i bithe, ice jakūn de wasimbuha, orin de meni meni akdulaha
04 gisun be han de wesimbu, cooha kadalame gaifi yabure uju jergi
05 ambasa ci fusihūn, sunja nirui ejen ci wesihun, akdulaha gisun, han
06 i wasimbuha ai ai fafun i gisun be ejefi kiceme henduki, beise ambasai
07 gisun be ejerakū onggofi, afabuha nirui ehe sain geren niyalma be
08 7/8 kimcime baicarakū oci, beise ambasa de waka sabufi wasibukini,
09 janggin, gašan bošokū i akdulara gisun, beise ambasai fafun i ai ai
10 gisun be, nirui ejen de wasimbumbi, nirui ejen i wasimbuha gisun
11 be onggorakū, isinju sehe inenggi erin be jurcerakū isibuki, bure
12 takūrara weilere bade, meni niyamangga niyalma be, meni beyeci
13 aname neneme 8/9 tucibufi buki, neneme weilebuki, neneme takūraki,
14 ere gisun be holtome hendufi jurceci, nirui ejen de waka sabufi, beise
15 ambasa de alafi wakini, han be tondo seme abka saišafi gosimbi,
Page 164
01 muse gemu han be alhūdame tondo banjiki, dain de afaci, tondoi
02 afaki, saha babe tondoi alaki, baha olji be 9/10 gemu geren de
03 acabume beneki, geren gemu bahaci gese, baharakūci gese, tondoi
04 gaiki, ere gisun be jurceci, emu ajige jaka be encu somime gidame
05 gaici, abka wakalafi sui isifi bucekini seme geren gemu gashūha;
06 nadan biyade, keyen i hecen de juse hehesi 10/11 gaibuha
07 ciyandzung ni hergen i duin hafan, wang i ping, dai ji bin, gin ioi
08 ho, be ki ce gebungge duin ciyandzung, dai i wei gebungge emu šeo
09 pu, orin funcere niyalma be gaifi ukame jihe, tunggiya i niyalma,
10 juwe mukūn orin isime ukame jihe, nadan jakūn mukūn nikan ci
11 ukame jihe manggi, 11/12 han hendume, nikan gurun i niyalma, gūwa
12 gurun de ukandara ubašara kooli akū bihe, abka muse be gosire arbun
13 be dahafi, musei gurun irgen be ujire be donjifi, uttu muse be baime
14 jimbi kai, jihe niyalma be muse saikan uji seme hendufi, keyen i
15 hecen de dahame jihe šeobei hergen abutu baturu de, niyalma 12/13
Page 165
01 tanggū, morin ihan tanggū, honin tanggū, temen sunja, menggun
02 tanggū yan, suje orin, mocin samsu ambula buhe, ciyandzung ni
03 hergen i ninggun hafan de, niyalma susaita, morin ihan susaita, honin
04 susaita, temen juwete, menggun susaita yan, suje juwanta, mocin
05 samsu, šeo pu, bedzung ni hergen i niyalma de, niyalma dehite,
06 morin ihan dehite, 13/14 honin dehite, temen emte, menggun dehite
07 yan, suje jakūta, mocin samsu, jai dahaha gucuse be gemu teisu be
08 tuwame sargan, takūrara niyalma, tarire ihan, yalure morin, eture
09 etuku, jetere jeku, ai jaka be gemu jalukiyame buhe;
10 orin sunja de, tiyei ling ni hecen be gaime 14/15 genere de,
11 hecen i tulergi buya pu i coohai niyalma, dulga hecen de dosime
12 jabduha, dulga coohai niyalma dosime jabduhakū kabufi, tulergi ci
13 faitabufi burulaha, hecen i amargi fajiran be afame wan sindafi kalka
14 gamafi afaci, hecen i dorgi, coohai niyalma afame, poo miyoocan
15 sindame wehe fahame gabtame afaci tucirakū, wan sindafi hecen i
Page 166
01 15/16 keremu be efulefi uthai dabaha, tere hecen be bahafi, genggiyen
02 han i beye, hecen i šun dekdere julergi alin i ninggude tehe, coohai
03 niyalma hecen i ninggu be tehereme meni meni teisu teisu tatan
04 ilifi, hecen i tulergi dorgi bata be gemu baime wame wacihiyafi,
05 olji be gemu bargiyame isabufi wajiha 16/17 manggi, jai han i beye
06 hecen de dosifi, dooli tatara amba yamun de ebuhe, tere dobori coohai
07 niyalma hecen i ninggude uksilefi, idu jafafi dulin amgame, dulin
08 getuhun can alibume kederehe, jai cimari erde, hecen i dukai jakade
09 morin ulebumbi seme, kutule yafahan niyalma, morin kutulefi genere
10 niyalma be, monggo i 17/18 jaisai beile i cooha, bak, bayartu, sebun
11 i cooha uhereme emu tumen funcere cooha, dobori jifi šušu i dolo
12 ilifi gerembume bifi, hecen i duka be morin tuwakiyame tucire
13 niyalma be sacime gabtame wara be safi, hecen i dorgi cooha tucifi
14 tuwaci, nikan cooha waka, monggo i cooha be takafi, uthai afaci,
15 18/19 han i gisun akū adarame afara, afarakūci, musei niyalma be
Page 167
01 wahabi seme dahame yabure de, han i beye tucifi, ere cooha be ainu
02 sacirakū, hasa saci seme henduci, amba beile hendume, amala aika
03 seme aliyara ayoo seme henduci, han hendume, aiseme aliyambi,
04 ere cooha jaisai cooha sere, musei yabuha yehe i gintaisi beile i sargan
05 jui be, 19/20 ere jaisai durime gaiha, tere emu, jai musei ujalu
06 gebungge gašan be sucuha, tere juwe, jai musei takūraha hoto
07 gebungge niyalma be, umai weile akū de baibi jafafi sele futa
08 hūwaitafi, tere elcin ukame tucifi jidere be, jugūn de nikan waha,
09 tere ilan, terei amala muse nikan de dosorakū dain ojoro jakade,
10 nikan i emgi emu 20/21 hebe ofi, muse be dailara, šang ambula
11 nonggime gaji seme gisurefi, abka na de gashūhabi, tere duin, jai
12 geli nikan i tungse de minde šang ambula bufi, bi manju be
13 dailarakūci, ere abka sakini seme, weihun šanggiyan ihan i darama
14 be lasha sacifi, morin i ninggu ci ini galai tere ihan i 21/22 senggi
15 be abka de soha, tere sunja, te geli musei niyalma be i neneme
Page 168
01 wahabi, tere ninggun, ede musei amala aliyara aibi, musei coohai
02 niyalma hasa dosifi saci seme henduhe manggi, tereci amba beile
03 gaifi sacime dosifi wame genehei, liyoha bira be doome sacime bošofi,
04 liyoha bira de ambula waha, monggo 22/23 jaisai beile i beye, jaisai
05 de banjiha setkil, kesiktu juwe jui, jarut gurun i bak, sebun i ahūn
06 deo, korcin i minggan beile i jui sanggarjai, uhereme ninggun beile,
07 jaisai beile i beyei gese amban daigal tabunang, jai juwan funcere
08 amban, uhereme emu tanggū susai niyalma be weihun jafaha, tere
09 monggo i cooha be gidafi, jaisai be 23/24 jafafi, amasi hecen i baru
10 bedereme jici, nikan i cooha ilan jurgan i jidere toron be sabufi,
11 hecen be dulefi coohai ergide okdome genefi aliyaci, nikan i cooha
12 hanci jihekū amasi bederehe, monggo i jaisai be jafaha inenggi,
13 genggiyen han de acabuhakū, tiyei ling ni hecen i duin jugūn i
14 arbun i dulimbai leose de tafambufi tebuhe, 24/25 jai inenggi ihan
15 honin wafi amba sarin sarilame, tungken tūme laba bileri fulgiyeme
Page 169
01 buren burdeme, han de hengkileme acabuha, acabume hengkilefi,
02 jaisai beile i uhuci hiya mendu fonjime, genggiyen han, geren beise
03 gemu saiyūn seme fonjiha, han i ici ergi ashan ci duici beile jabume,
04 meni 25/26 kutule yafahan emu juwan jusei uju hūwajaha, jai gemu
05 sain, suweni yaluha morin tohoho enggemu gemu saiyūn seme fonjici,
06 monggo girufi yaya jabuhakū, tiyei ling ni hecen be afame gaifi, tere
07 hecen de ilan dedume olji icihiyafi cooha bederehe, cooha bederehe
08 inenggi, jaisai beile i gucu boroci gebungge amban de, sini 26/27
09 monggo i cooha, meni niyalma be takafi, neneme tanggū niyalma be
10 waha, minggan morin be gaiha, tereci meni cooha, suweni monggo i
11 cooha be gidafi niyalma ambula waha, sini jaisai beile i beye, uhereme
12 ninggun beile, emu tanggū funceme niyalma be weihun jafaha,
13 medege be alame gene seme juwan niyalma be sindafi unggihe, boode
14 27/28 isinjire inenggi, fulgiyan ala de fujisa okdofi, han de hengkileme
15 acaha, jai fujisa de, amba beile gaifi geren beise hengkileme acaha,
Page 170
01 terei amala jaisai beile i emgi jafabuha monggo i beise, fujisa de
02 hengkileme acaha, tuttu acame wajiha manggi, amba sarin
03 sarilaha; 28/29
04 monggo gurun i sunja tatan i kalka de, coohai geren, ulha
05 i ambula, gurun i bayan, jaisai de bihe tuttu etuhun seme, yaya
06 gurun be umai yohindarakū, gidašame durime gaiha waha ambula ofi,
07 yaya gurun i niyalma gemu jaisai be hutu i gese ibiyame tuwambihe,
08 jaisai inu ini beyebe niyalma seme gūnirakū bihe, abkai hanciki
09 be deyeme 29/30 yabure ambasa gasha i adali, gurgu i dolo doksin
10 tasha i adali gūnime banjiha jaisai be abka wakalafi, juwe tumen
11 adun i dolo sonjofi yaluha sain morin i bethe be abka huthufi
12 feksibuhekū, alin bigan de banjiha eshun tasha i gese beyebe iseleci
13 ohakū, šušu usin i dolo morin ci ebufi, juwe morin i hadala i cilburi
14 30/31 jafafi tehe be, genggiyen han i coohai dubei juwe uksin i
15 niyalma jafaha, genggiyen han hendume, jaisai beyebe emgeri muse
Page 171
01 ujime wajiha, jaisai cooha gemu muse de wabuha, erei gurun adun
02 ulha be, gūwa beise olji obume gamame wajirahū, weihun jafaha
03 emu tanggū dehi niyalma be sindafi unggiki, eigen akū hehe, ama
04 akū juse, 31/32 gurun i ulha be tuwame bargiyakini seme, tere emu
05 tanggū dehi niyalma be geli sindafi unggihe, tiyei ling hecen be gaiha
06 dain de, hecen gaiha jai cimari, coohai morin be ulebume gama
07 seme hūlara onggolo, geren hebe akū tucike niyalma de weile araha,
08 cooha bedereme hecen tucire de, geren coohai tucime wajire onggolo,
09 emu gūsai 32/33 coohai meiren i ejen buha gebungge amban i tataha
10 boo i tuwa be mukiyebuhekū tucifi, boo tuwa daha seme buha de
11 weile arafi, meiren i ejen seme šangnaha jaka be gemu gaiha, cooha
12 bederere de, emu gūsai coohai meiren i ejen cergei gebungge amban
13 i tatan i unggadai gebungge niyalma nimembi seme geren coohai
14 tatara ing de 33/34 tatahakū, encu fakcafi dobori deduhe seme cergei
15 de weile arafi, meiren i ejen seme šangnaha jaka be gemu gaiha,
Page 172
01 tiyei ling hecen be baha inenggi, fiongdon jargūci be hecen gaiha
02 medege be alana seme boode unggihe bihe, tere amban amasi
03 bedereme jidere jugūn de baha olji ihan eihen be, ini emgi bederehe
04 coohai niyalma de 34/35 karun i niyalma de gašan de tehe ambasa de
05 ini mujilen i enculeme salame buhe be donjifi, šajin i niyalma
06 gisurefi, han i beye dabala, beyede banjiha doro jafaha beise, inu
07 geren i siden i olji ulin be gūwa de enculeme burakū kai, simbe
08 amban obure jakade, sini mujilen den ofi geren i olji ulin be 35/36
09 si enculeme salame buci, simbe amban nakabumbi, ula i hecen be
10 gaiha dain ci ebsi, dain dain de amban seme šangname buhe jaka be
11 gemu gaimbi seme beidehe bihe, tere gisun be beise ambasa gemu
12 uru seme, han de alanaha manggi, han donjifi hendume, akū de
13 baha sele, aisin i anggala 36/37 dele sere, mini gucu akū fonde bahafi
14 amban seme tukiyehe gucu be, te adarame amasi bederebure, amban
15 be ume nakabure, weile gaisu, i, han i buhe amba gebu be gūnirakū,
Page 173
01 buya niyalmai emgi guculefi, geren i ulin be guculehe buya niyalma
02 de buci, i olbo etufi juleri afara, olbo i cooha be gaifi, juleri
03 <> dain ci šangnaha buhe be 37/38 gemu amasi gaici, tede
04 jai udu funcembi, mini ajige sargan jui omolo geli songgombi, tiyei
05 ling ni dain de baha geren i siden i ulin be, i gūwa de buci, tiyei
06 ling ni dain de inde amban seme šangname buhe jaka be amasi gaifi,
07 gese amban, fejergi šajin i niyalma, suwe dendeme gaisu seme
08 hendufi, fiongdon de buhe jaka be amasi 38/39 gaifi šajin i ambasa
09 de buhe;
Page 174
01